Cise 301

التحضير:
يمرر ورقة تقدر تحضروتحضر غيرك وتمشي وهو من كثر الطلاب مايلاحظ هالشي ​

الشرح:
ممتاز يعطيك الزبدة وشرحه وسط لا هو شريييييح مرة ولا هو مييييح مرة أعطيه B على شرحه. عيبه انه مايحل مسائل واجد وإن حلها فهو مايحلها بالتفاصيل. يحب المناقشات في الدرس الجديد ويسميها "Open Disscusion" حبيب ومتعاون ومستعد يضيع الحصة كلها علشان يفهمك نقطة ما فهمتها. أكثر الأحيان يستخدم السلايدات وبعض المرات يستخدم السبورة في الشرح. ​

الأخلاق:
روعة ومتساعد ومتعاون و حبيب جدا جدا جدا جدا. ​

الكويزات:
عادة تكون سهلة وتكون من الكتاب نفسه يعني مباشرة مافيها لف ودوران. ​

الواجبات:
سهلة وكانت من الكتاب ويعطي مهلة طيبة على موعد تسليمها ​

المياجر:
طبعا المياجر منه.
ميجر ون متوسط مائل لصعوبة.
ميجر تو سهل جدا جدا.
تصحيحه مرة بطل متى يحس انك فاهم وعارف الطريقة يزودك قريد. ​

الفاينال:
كومون ​

التقييم النهائي:
+B​

​

​

 

أفضل مدرس بالجامعه بالنسبه لي


a+


الكلاس معاه مريــــــــــــــــــــــــــــــــــــــــــــــــح

و الدرجات و له احلى بس رتب حلك

 

هذا المدرس ما يعترف بشي اسمه حل مسائل

خذت معه cise 301 ولا حل ولا مسألة

يعني سيء جداً جداً

وتراني ماني حاقد عليه ولا شي

لأني خذت ب b+ بفضل الله ثم مجهودي

اللي يفضل السلف ستدي ما تفرق معاه لكن انا وبعض الطلاب يعتمدون على المدرسين في الفهم

 

CISE 301 - LEC - TERM 151 ​

التحضير :
يحضر نهاية الكلاس لكن الشباب الله يهديهم مصخوها وقاموا يحضرون بعد ربع ساعة او اكثر .. فقام يحضر بداية الكلاس وبشكل عام متساهل في التحضير

طريقة الشرح :
من سلايداته ... ويشرح بشكل مبسط الدرس في البداية وبعدها يشرح الأفكار وطرق الحل بإختصار يعطيك الزبدة .. شرحه بالنسبة لي عادي
لاهو توب ولاهو السيئ يمكن بعض الشباب مايعجبه في د.أنس انه مايحل مسائل
وما الوم الدكتور في هذا الشيئ خاصة في ماتيريال ميجر 2 لأن الحل يحتاج وقت ولو كل كلاس بيقعد يحل معانا ويتجاوب مع الاسئلة ماراح يقدر يغطي كل الكورس ... فهو يشرح طريقة الحل بشكل مبسط ,
إذا انت يناسبك دكتور يحل معاك خطوة بخطوة في الكلاس لاتنزل مع أنس .


الكويزات :
كويزات كانت من اسئلة الهوموركات وعنده نظام سيئ و ممتاز في نفس الوقت .. في الكلاس الي فيه الكويز يقولك اذا تبي تاخذ الكويز معاك وتحله تقدر تاخذه لكن لازم تجيبه اليوم الثاني في وقت معين .. هذا الشيئ ممتاز لو ماكنت مذاكر ومب فاهم الدرس ومتوهق لكن الي سمعته من الشباب الي سو هالحركة عطاهم درجة نازلة في الكويزات .. اتوقع نظامه ان الي يسلم الكويز في وقت الكلاس مثلا درجة الكويز من 10 لكن الي يأخذ الكويز معها يخصم عليه ويخلي كويزه الفل مارك فيه من 8 .


المياجر:
اذا حليت الهومورك بنفسك وسويت ملخص خاص فيك بكل شابتر ماراح تأخذ اقل من 80 من100
مياجره كانت سهلة لكن هو يبي الحل بالخطوات مب بس تكتب ارقام .. لو الارقام عندك خطأ لكن طريقة حلك صح راح تأخذ اكثر من الي ارقامه والحل النهائي صح لكن حال بدون خطوات .. فحاول تكتب كل شيئ في الميجر .. وهذا احد عيوبه .. راح تتعب في الميجر من الكتابة والوقت شوي مب كافي ولا يرضى انه يمدد الوقت ! كل ميجر فيه 3 اسئلة مع فقرتين او ثلاث ..

خل حلك واضح ومرتب .. كلما كان حلك مرتب كلما عطاك درجة اعلى .


الفاينلات :
الفاينل كان عبارة عن 3 اسئلة لكن الحل طويل ويحتاج وقت اكثر ( مدته كانت ساعتين )
القريد النهائي:
كشرح b
هو متعاون وطيب لكن شرحه عادي والكورس في الاساس نوعا ما سهل اللهم ماتيريال الفاينل يحتاج شوي متابعة.

الصوت:
جيد والاكسنت هندي على خفيف

إضافات :
- يتأخر في التصحيح وتسليم الطلاب درجاتهم كثير الميجر الثاني تقريبا خذ شهر وشوي فيه
- توزيع القريدات اتوقع ممتاز وكان على حسب افرج السكشن انا تقريبا كنت 80 وخذت a
- احيانا يوعد انه يسوي ولكن ينسى مثلا حلول الكويزات والهومورك ..ما ابي اظلمه يمكن يكون مشغول لكن حبيت انبه الشباب الي ينزلون معاه عشان لو كان شيء مهم يذكرونه .
- اذا 90 % من عدد الطلاب في السكشن سو evaluation يعطيهم بونص
- وسط الشرح يركز على بعض الأشياء خاصة الي تتعلق بالكونسبت فحاول تكتبها لأنه اكيد بيجيك سؤال في الميجر فيه حسابات واخر فقرة فيه comment on the result ?
- مايهتم بالي شغالين على الجوال او نايمين لكن نصيحة احيانا يقول بعض الاشياء المهمة فحاولوا تنبهون معاه وتسجلونها .
- في المياجر انت الي تسوي الفورملا شيت وتكون ورقة وحدة بس .

​

 

Cise 312 - term 152

الكويزات والمياجر والفاينل كلها من الكتاب . وتقريبا نفس نظامه في 301 مايشرح مسائل بس يشرح بعض الأفكار والسلايدات .
يعطيك بروجكت سهل لو كان اللاب فيه مشكلة . هذا السمستر تغير وصار شديد على التحضير عكس 301 بالرغم إن كلاسنا كان الساعة 7
فيعني تتأخر يعطيك ليت .. اخر الاسابيع صار متساهل وقام يشيل الليت حتى لو انك جيت بعد نص ساعة

على العموم بخصوص توزيع القريدات عكس 301 .. توزيع القريدات الظاهر مب منطقي , وبديت أشك إنه في هذا الكورس يخلي القريدات من راسه بدون مايشوف المجموع !


الشيئ السيئ فيه إنك اذا سألته عن نظام القريدات مايعلمك + ينزل القريدات اخر يوم لتسليم القريدات مع ان هو كان اول فاينل !

هو يمشي الحال لكن عيبه ان مايحل مسائل + نظام القريدات غريب في 312

على العموم الله يسامحه ...

 

CISE301 - 161

التحضير : متساهل بالتحضير

طريقة الشرح : يشرح الكونسبت و مثال كلهم موجودين بسلايداته، ما يحل مسائل برا السلايدات، لازم تتدرب من نفسك

الكويزات : متوسطة الصعوبة

المياجر: متوسطة تميل للسهولة

الفاينلات : متوسطة

القريد النهائي: B

الصوت: كويس مع لهجة هندية

إضافات:
-تصحيحه حسيته مجحف شوي و ينقص أكثر من اللي تستحقه، يمكن لو كلمته و نشبت له و وضحت له حلك و اقتنع يزود درجتين ولا ثلاثة
-واجباته كثيرة و بعضها طويلة
-توزيع الدرجات كان كويس، أتذكر ببداية الترم قالنا إن المادة ستاندرد (A+ من 95 و كل 5 درجات قريد)، و كان مجموعي 85 و أتفاجئ بالقريد A، شكلهم هوّنوا عن نظام الستاندرد
- الترم ذا كان كويس بسرعة تصحيح المياجر و الفاينل، سريع و ما يطوّل، بس الكويزات ليومكم ما شفت تصحيح إلا كويزين بس من 5
- اختبرنا 5 كويزات و حذف أسوأ واحد منها

 

CISE301 - Term 161

التحضير : كل كلاس مباشرة عن طريق البلاكبورد وغير متهاون فيه .. الترم كامل ما كان عندي الا غياب واحد بس وفعلاً في النهاية نقصني عليه .

طريقة الشرح : الدكتور يشرح من سلايدات ونادراً ما يخرج عنها ويستخم السبورة .. للأمانة لو بتعتمد على شرحه بس بتضيع لأنو المادة تحتاج تدريب وحل كثير عشان تقدر تفهم أو عشان تعرف كيف تحل والدكتور ما يوفرلك الشيء ذا في الكلاس .

الكويزات : في الغالب الكويزات تكون أقرب للصعوبة وهو من البداية قلنا كويزاته حتكون أصعب من المياجر عشان نشوف المياجر سهلة .. اختبرنا تقريباً 5 كويزات طول السمستر وما أعطاني درجات الا 2 منهم !

المياجر: كل ميجر كان 3 أسئلة على 3 شباتر = كل سؤال شابتر ,, والسؤال الواحد يكون شامل بشكل كبير كامل الشابتر لكن في الغالب الميجر ما يكون صعب وتقدر تحله لو أتدربت .

الفاينلات : نفس طريقة المياجر بالضبط بحيث تقدر تعبتره ميجر ثالث

القريد النهائي: C+

الصوت: واضح

إضافات :
- بداية السمستر الدكتور قلنا المادة حتكون آفرح لكن حسب القريدات في النهاية مرة ما كانت آفرج واللي يجيب فوق 80 ياخذ A
- أولد اقزام أولد اقزام أولد اقزام .... على قلتها للمادة ذي لكنها جداً مهمة مع دكتور أنس ,, أفكار اختباراته جداً قريبة من الأولد اقزام الموجودة بمعنى اذا عرفت تحلهم مزبوط في الاختبار غالباً حتجيك نفس الأسئلة لكن الأرقام مختلفة ... لدرجة ميجر 2 السؤال الأخير كان عليه 30درجة جابه بالنص من وحدة من الأولد اقزام

 

- CISE 438 LEC TERM 162

شرحه ممتاز وفاهم مواضيع الكورس بالرغم إن هذي أول مرة يدرس الكورس , بس كالعادة ما يحل مسائل !

الكويزات : قال لنا كل اسبوع فيه كويز لكن الي صار بس كويز واحد وكان على اخر سمستر وعليه 20 % .
الميديترم : تقريبا مشابه لأسئلة الكتاب بس المشكلة إن الكتاب ماله سلوشن فيعني راح يضيع وقتك على حل المسائل ويمكن يطلع حلك خطأ .
الفاينل : كان أسهل من المياجر
طبعا الفاينل والميديترم لأن الماتيريال كان طويل وفيها معادلات كثيرة فكان مسموح تجيب نوتة خاصة فيك , أهم شي مافيها حلول للأسئلة أو امثلة .
​

البروجكت : دكتور اللاب كان مسؤول عنه .

الهوموركات : هومورك واحد وكان سهل .
التحضير : كالعادة الأسابيع الأولى يكون شديد في التحضير و بعد الميديترم يكون متعاون اكثر وحتى لو جيت قبل 10 دقايق من نهاية الكلاس مايسجلك ابسنت .

احيانا يحدد زيارة لمعهد البحوث في الجامعة وبعض الشركات فنصيحة لاتسحب عليه لأن راح يطلب منك تقرير ويخصم عليك إذا ما سلمته.

إذا تبي تطلع بقريد عال معاه في أي كورس : حل أسئلة الكتاب + أولداقزام لو فيه لأن الأسئلة تجي منها بالنص ماعدا تغيير بسيط في الأرقام .


القريدات ستنادرد لأن الافرج في الميديترم كان عال والفاينل كان سهل .
خذت 90 وعطاني A
​

رفعت ملفات للكورس على kfupm resources

​