+1

أعرف واحد ان ما كان مثله فـ هو أعلى وأخذ b ..

 

الطريقة القذرة التي يعتمدها هذا الشخص

انه يخلي الاي بلس من تسعين بعدين كل خمس درجات قريد

 

الشرح
جيد نوعا ما أحيانا سلايدات و أحيانا يكتب على السبورة (أحيانا يجلس كلاس كامل يشتق قانون موجود في الكتاب على اساس إن الواحد يفهم و كذا)

التحضير
ورقة تمر كل يوم لكن أتوقع انه ما ينقص درجات على الغياب

الكوزات
المفروض الدكتور يأخذ 3 كوزات يعني يعطينا 4 او 5 و يأخذ أحسن 3 لكن الله يعطيه العافية اعطانا 2 بس !!!!! و ما اعطانا بروجكت فخلى درجات الكويز الثالث و البروجكت في كلاس تيست في الليل !!!
يعني ما يحذف كويز و لا يعيد!!!!!

ما يرجع لك ورقة الميجر !!! لازم تروح المكتب و تشوفها عنده!!!!!

متعاون نوعا ما في الأوفيس أور

رأي
الدكتور جدا عادي لكن أحس أنه شايف نفسه على مواد ليفل 3 و يعتقد إنها أقل من مستواه
غير كذا جدا ظالم في توزيع الدرجات و التصحيح و ما يعطي فرصة لتعويض كويز و لا لأي شي

الدكتور ما يصلح غير للدوافيييييير مرة

و للعلم ما عطانا درجات الكلاس ورك و نزل القريد على طول في الترانسكربت

 

حتى لو المادة افرج يخليها استاندرد

 

على كلام الشباب في 452 انه متشدد في وقت اللاب وانه يستغله كاملا ..

انا نزلت عنده ثيرمو وفلويد .. وهو من النوع اللي يهتم بالكونسيبت واااااجد ويحب جدا انه يخليك تبحث وتتعلم ..

 

عييييب عليكم و الله

هذا الانسان من افشل المدرسين، و لاحظوا اني انتقي كلماتي بعناية
تنسان غير متفاهم ابدا ، لو تكون رجلك مكسورة بيكسر قلبك معها و مستحيل يعطيك عذر.
انسان لا يراعي مشاعر الاخرين ابدا، اهربوا منه

بالنسبة للتصحيح ناااااااااااااااار و حااااااااااااااددد جدا
يخسف فيك خسف

و بعدين يعطي ثلاث اختبارات قصيرة كل واحد عليه 5٪
يعني 15٪ !!!!!!!!
لو ما مشيت فيها رحت وطي

لا تنزلون عنده و اسمعوا كلامي

 

ME315 Term151
التحضير : يمرر ورقة ع الطلاب ويحضروا .. ولك 8 غيابات Free وبعدها Dn .. بالاحرى ماعنده خصم ع الغيابات
طريقة الشرح : يشرح على السلايدات وشرحه مثل الكتاب .. ( بالنسبة لي الكتاب يغنيني عن شرحه )
الكويزات : 3 كويزات .. اول 2 كانو صعبين والاخير متوسط .. عليهم 5 درجات لكل واحد
المياجر: كومن
الفاينلات : كومن
القريد النهائي:A
الصوت: واضح ..
إضافات : الصراحه مانصح فيه .. تصحيحه سيء .. ويمشي بالملي .. ومادته ستاندرد .. يعني لاتقول بيخسف الكل وفي الاخير الافرج نازل ..

 

صراحة أنا جدياً أفكر أسحب على شيء اسمه تقييم دكاترة .. بعض الطلاب الله يهديهم يصير لهم موقف معين مع الدكتور ويشخصنون المسألة ..
الدكتور عطية كنت منزل عنده السمستر اللي فات (152) هيت ترانسفير وكنت على أعصابي من كمية السلبيات اللي قرأتها عنه في هالموضوع !!واكتشفت بنهاية السمستر انه من أفضل الدكاترة..
قبل ما أبدأ في ذكر إيجابياته بذكر بعض السلبيات اللي ممكن يتميز فيها الدكتور
أولاً : عدم المرونة .. يعني اذا تأخرت بتسليم هوموورك مثلاً حتى لو يوم راح يخصم عليك .. أيضاً الكويزات غالباً ما يشاور الطلاب في موعدها ولا يوافق يأجلها .. ومن الأشياء اللي لازم تنتبهون لها ما يسوي أناونسمنت ع البلاك بورد اذا كان فيه كويز .. فقط يقول للطلاب قبل الكويز بكم حصة ويقفل على الموضوع لغاية الكويز بدون أي تذكير .. يعني لو فاتتك الحصة اللي أعلن فيها عن كويز ممكن تاكلها ..

نجي للإيجابيات ..
الدكتور شرحة جداً جداً جميل ويعشق ربط الكونسبت اللي ناخذه بتطبيقات واقعية ..
أيضاً قرأت في هالموضوع بداية السمستر ان الدكتور أحياناً يلمح قبل المياجر عن أسئلة ممكن تجي وهذا اللي صار معي بميجر ون وأشكر اللي نبهني على هالشغلة .. قبل ميجر ون كنا مخلصين المتيريل وبادين في متيريل ميجر تو لكن فجأة آخر حصة قبل الميجر رجع رجعة غريبة لمثال من أمثلة الكتاب المحلولة وحله لنا كامل .. ( أنا مباشرة عرفت أنه ما رجع عبث وركزت على هالمثال وجاء شبه نص) ..
أيضاً من الأشياء اللي أبهرتني بالدكتور .. مرة من المرات كنت غايب وطبعاً الدكتور يعطينا ورقة تمشي على الطلاب .. المهم خويي الله يعطيه العافية حضرني لكن بنهاية اللكشر جاء الدكتور ولأول مرة في السمستر وجلس ينادي بالأسماء وطبعاً كفشني وكفش خمسة معي تقريباً .. الكلام هذا قبل الميجر الثاني بيوم .. من بكرا وحنا في الميجر جلس ينادي على أسماء اللي كفشهم وجلس يجدع كلمات زي ليه ماخليت زميلك يجي يحل الميجر بدالك بعد وكذا ههههههههه .. المهم بعد كم كلاس قال الدكتور ترى أنا أحضر لمصلحتكم وليس من باب الاستقعاد < معنى كلامه وقال أنه أساساً ما يخصم على الغياب طالما أنك ماتجاوزت حد الـ دي ان وهو 9 غيابات !!!! المهم نجي للمبهر بالموضوع : المبهر ياجماعة الخير الدكتور انتهى السمستر وما عاقبنا ولا خصم علينا أي شيء !!!!!!! لكم أن تتخيلوا بعض الدكاترة الثانين ايش ممكن يسوون ! حتى ممكن يوصلونها شؤون الطلاب ..
الحين Let's talk buiseness على قولتهم .. نجي للتصحيح والقريدات :
أولاً الكويزات عطانا ثلاث كويزات عليها 12 درجة لكن أعتبرها هدية .. أول كويزين نص بالأرقام من أسئلة الهوموورك .. الكويز الثالث ماتأكدت صراحة لاني ماذاكرت مسائل الهوموورك لكن كان سهل مرة وجداً بيسك .. بالعربي اللي ينزنق ومايكون عنده وقت يذاكر يركز على أسئلة الهوموورك وعلى مسؤليتي ..

تصحيح المياجر : والله ياخوان أشوفه يدف بشكل رهيب .. يعني ميجر تو كنت أتمنى أطلع بـ فوق 80 واكتشفت أنه معطيني أكثر من 90 !! < ترى ما اقول انه بالضرورة يكون دفني لكني متأكد اني مخبط بأشياء كثيرة وأساساً ماكنت فاهم الماتيريل يعني مدري كيف جات لكن حتى بميجر ون جاني أكثر مما توقعت ..

على فكرة : ترى الدكتور ما يعرف حتى اسمي ، يعني ما شبكته ولا شيء وطبعاً صار لي موقف معه (أتحفظ عن ذكره هنا) لكن خلاني أتأكد ميتين بالمية ان الدكتور منصف مع جميع الطلاب ومستحيل يظلم أحد ..

باختصار تقييمي للدكتور : A+

..

أخيراً : أعتذر عن الإطالة لكن حبيت أكون منصف قدر المستطاع .. بالتوفيق للجميع

 

me315 162
باختصار انا بعطيكم مثال واحد على تصحيحه السئ جدا بل الاسوء
في سؤال حسبة الarea غلط والسؤال كان عليه 10% و خصم علي 4% علشان الarea بس هذا مثال واحد بس لو بكتب عن الاسئلة الثانية مابخلص
للاسف تحسفت جدا اني نزلت المادة عنده ليتني متاخر ولا نزلتها عنده
نصيحة اخ لا تنزل عنده
والله اني اطلع من الاختبار مستانس اقول اقل شي 80 ولكن للأسف تطلع عكس التوقعات مو لان طريقة حلي غلط لان يخصم على اشياء مالها داعي

 

ME 311 - 172

التحضير :
يمرر الورقة بعد نص ساعة تقريبا من بداية الكلاس ...
العدد قليل عنده غالبا يعني إنسى تحضر خويك ...
ما يحب التأخير - 5 دقايق أ, اكثر بشوي مسموح ...

طريقة الشرح :
- الدكتور شرييييح وفاهم المادة تمام ويوصل لك المعلومة بسهولة ....
+ مجاله في الأبحاث له علاقة بالفلوبد , دايما يعطينا أمثلة واقعيه وتطبيقات تساعدك في فهم المادة وتطوير عقليتك كمهندس ....
- يشرح على سليدات عاديه ويكمل الباقي على السبورة , يحل أمثلة الكتاب ويتوسع فيها , بعض الأحيان يجيب أسئلة من آخر الكتاب أو أولد أقزامز .

الكويزات :
أربع كوزات سهلة زي أفكار الأمثلة .

المياجر: كومن

الفاينلات : كومن

القريد النهائي: A

الصوت:
واضح مسموع لكن على مستوى واحد ممكن يجيب لك النوم

إضافات :
التصحيح : كثييير قالوا لي يوم سجلت معاه ( مجبور ) الله يعينك على الجزار - على حد تعبيرهم
لكن بعد ميجر ون شفت إن الدتور عادل جدا في التصحيح ويمكن يعطيك أكثر من حقك بشوي لكن عنده مشكلة تحتاج تنتبه له عشان تطلع بنتائج طيبة . الدكتور أهم حاجة عنده تجيب الحل صح حتى لو بطريقة مختلفة , لكن إذا ما فهم حلك على طووول يخسف فييك
عشان كذا أنصحك تراجعه بعد كل كويز أو ميجرر لأنه ما يرجع الأوراق عشان الطلاب يجيونه للمكتب

مثال : فيه سؤال في ميجر 2 حليته بطريقة الدكتور ما فهمها عطاني 1/5 , لكن يوم جيت شرحت له عطاني 4/5 وخصم غلى الفاينل انسر بس

القريد النهائي : ال A+ , قال لنا في بداية الترم للي مجموعه 90+ بغض النظر للآفرج لكن في النهاية الي مجموعه 87 أخذ A+
وأعرف كم شخص تواصلوا معاه بعد الفاينل يسألون عن القريد , رد عليهم لكن يوم حطها في البورتال زادهم قريد

إذا نزلت معاه تحتاج تحل مسائل كثيير عشان المياجر أما الكونسبت لا تشيل همه

نقطة مهمة : الدكتور ما يحذف ولا حاجة ! كل الكوزات والهوموركات محسوبة يعني حسابك من بدري ولا تضيعها .

لا تفكر تستخدم عنده الجوال أبدا

البروجكت أعطانا مواضيع نبحث عنها وقال الي يقددم لنا عرض عن البروجكت له بونص 2 %
+ الي عمل التقييم حق الدكتور أعطاه بونص 1%

 

ME203-Term 191

التحضير:
ورقة تمر على الطلاب اخر المحاضرة , شديد شوي من ناحية التحضير وبعض المرات ينشب ويدقق في عدد الحاضرين بالكشف وعدد الطلاب في الصف

طريقة الشرح :
كان يشرح من سلايدات ويكتب عالسبورة كثير, للأمانة شرحه جيد لكن اذا تبي تفهم معه صح حاول انك تكون محضر للدرس قبل وماخذ فكره عنه , غير كذا بيجيك نوم

الكويزات :
كويزاته كانت متوسطة الصعوبة واذكر مرة جاب لنا سوال نسخ لصق من الكتاب. تصحيحه كان حليو كان يعطيك فوق حقك بعض المرات

المياجر:كومن
الفاينلات :كومن

القريد النهائي: +B

الصوت:واضح بس يجيب النوم شوي

إضافات :الدكتور عنده عقدة نفسية من شي اسمه جوال , ما يبي يشوف جوالك ابدا حتى على الكرسي وكان يتنزفر كثير اذا دخل الكلاس وشاف احد ماسك جواله. للامانة الدكتور احسه من النوع اللي يحقد عالطلاب اذا تكرر كم موقف من طالب او طالبين. طبعا الدكتور ماعلمنا كم درجاتنا بالكلاس وورك يعني دخلت الفاينل وخلصت فجاة قريد في وجهي ولا ادري كم مجموعي وجيت ابغا اناقشه للاسف مالقيته ولا كان يرد على ايميلاتي. الدكتور جيد ماهو سيء لكن فيه افضل منه

 

ME311 - 201
أونلاين بالكامل

التحضير: تلقائي من البلاك بورد، ما ينادي عليك ولا شيء.
الشرح: يشرح من سلايدات، وبالمناسبة ما يرفع سلايداته على البلاك بورد مدري ليه لكن عمومًا بتحصل وحدة شبيهة لها في الريسورسز. شرحه للأمانة ممتاز وأحيانًا كنت أشوف تسجيلاته بدل مقاطع القحطاني إذا انزنقت بالوقت بحكم أنه يعطي الزبدة عكس القحطاني يطوّل.
الكويزات: الصعوبة متوسطة لكن الوقت أشوفه كارثة -بسبب الأونلاين طبعًا مضيّقين الوقت علينا-. دايم أكون مزنوق بالوقت ومحشور وأخلص على الحافة. عمومًا يجيب من أسئلة الكتاب أحيانًا فركزوا عليها.
المياجر والفاينلات: هي coordinated لكن كل دكتور يكتب أسئلته، حقتنا كانت متوسطة شوي يعني تحصّل أشياء سهلة وأشياء صعبة.
التصحيح وهذا لازم أخصص له نقطة منفصلة: الدكتور تصحيحه سيئ جدًا. يا صفر يا 10 ما يعرف شيء اسمه وسطيّة. للأمانة ما عجبني أبدًا أذكر آفرجنا بالميد حول ال50 أو تحتها!
القريد النهائي: والله احترت معاه وأترك لك التقييم. الشرح كويس لكن التصحيح لك عليه، مع العلم إن القحطاني مب مقصر بالشرح في اليوتيوب. فرأيي دورلك دكتور تصحيحه جيد وشرحه جيد عشان ترتاح باقي الترم ولا يرتفع ضغطك.

إضافات:
- الدكتور دمه خفيف بالمحاضرة وينكت ويعطيها جو
- الإيميلات مب دايم يرد عليها، وإذا رد تحسّه يرد بالقطّارة وهالشيء يجلط صراحة

 

ME 311 - Term 221

التحضير: ورقة يمررها على الطلاب في منتصف وقت المحاضرة تقريبا أو نهايتها. مافيه خصم على التأخير بس أحيانا يعصب على الطلاب اللي يتأخرون، وبالنسبة للغياب أيضا مافيه خصم بس أهم شيء لاتوصل ل DN.

الشرح: شرحه كله تقريبا على السبورة، وفي بعض الأحيان يستعين بالسلايدات لتوضيح بعض الأمور. شرحه كويس عموما.

الصوت: غالبا يتكلم بالعربي.

الكويزات: عطانا 3 كويزات بس، عشان كذا الويت عليها عالي. مستواها غالبا سهل إلى متوسط (إذا مذاكر بتحل).

التصحيح: بصراحة أشوفه متشدد أحيانا في التصحيح، ممكن تغلط في أشياء غير مقصودة (مثلا إنك تعوض غلط في القانون) ويخصم عليك.

إضافات:
* الدكتور - الله يهديه - مايجاوبك إجابة شافية إذا جيت تسأله أو تناقشه في موضوع معين، مثلا: مرة كنت اسأله إذا الدرس الفلاني معنا ولا لا وما أعطاني إجابة واضحة، وكذلك تحسه مو دايم يتجاوب مع الطلاب.

القريد النهائي: C+ (عادي ومو مرة سيء)