شيخ شرح واخلاق بس قريد مدري

 

semester: 101
course ME 311


التحضير : يومي في آخر الكلاس ينادي الاسماء ويسجل، بس ظني انه مو متشدد او ما يحاسب عليه ولا عمره علق على التاخير او كثرة الغيابات

طريقة الشرح :كتابة على السبورة، وانصح بشدددة انك تكتب وتسجل معاه كل شي يقوله، يحل مسائل غير عددية يعني يشتق صيغة المطلوب بدون ارقام، المسائل اللي يحلها جدا مهمة وبعضها تقريبا تجي في المياجر لكن باختلاف المطلوب

الكويزات :

المياجر:كومن
الفاينلات :كومن

القريد النهائي:A

الصوت: واضح، لهجته غريبة شوية لكن واضحة، احيانا يحاول يتكلم عربي (الدكتور تركي) لكنه ما يعرف اكثر من 10 كلمات على ما اعتقد

إضافات : الدكتور جدددا اخلاق عالية

اعطانا بروجكت سهل في الحسابات لكن صعب في الرسيرش، وطلبه قبل نهاية السمستر ب3 او 4 اسابيع وآخر يوم تسليم يوم السبت في آخر اسبوع، اعتقد سمعت بعض الشباب من سكاشن ثانية يقولو الدكتور اعطاهم بروجكت آخر اسبوع شغلهم عن المذاكرة للفاينلز

كويزاته بعضها صعبة وبعضها سهلة، على ما اتذكر اعطى الشباب اللي مجموع كويزاتهم منخفض كويز زيادة آخر اسبوع، فرصة للتعويض

اعتقد انه يدف او يدف اللي يتعبو على البروجكت
انا اخذت 4 قريدات فوق اللي متوقعه (ميجر 1 ما ادري عن درجته غبت في اليوم اللي اعطى فيه الدرجات وخفت اساله لاني جايب العيد، ميجر 2 جبت تحت الآفرج، والافرج كان تحت ال50)

 

Me425
التحضير :إذا أغلب الطلاب حاضرين .. غير كذا مايحضر الا نادر..
طريقة الشرح :كتابة على السبورة ..ومايستخدم البروجكتر الا نادر جداً للصور فقط..أنصح بشدة الكتابه معه حرف بحرف..حتى لو مافهمت ..تفهم بعدين..اهم شي انك تكتب كل شي أو تشتري النوت اللي بالجمعيه..
الكويزات :عطانا ثلاث كويزات فقط..وأخذ أفضل اثنين..قبل كل اختبار كويز..طبعا مستوى كويزاته هو مستوى اسئلة الاختبارات
المياجر:مستواها من متوسط الى صعب..لكن اذا كنت كتبت معه كل الأمثلة اللي كتبها وفهمتها..فــثق ثقة تامه انه ماراح تواجه مشكلة في حل اسئلة المياجر..لأنها تجي نفس الأفكار بالضبط..وبهذا الخصوص..أنصح وبشدة بشراء نوت المادة من الجمعيه (سعره تقريباً 19 ريال)لكنه مفيد جدا جدا..وفيه كل الأمثلة اللي حلها الدكتور..وبالنسبة للميجر ون..كان نسخ من الأفكار اللي بالنوت اللي بالجمعيه.
الفاينل: كومبريهينسيف..لكن ماتفرق لأنك بأي تشبتر راح تضطر تستخدم التشباتر اللي قبله..ومستواه من متوسط الى صعب ..وأفكاره كما ذكرت كلها موجوده بالنوت اللي بالجمعيه..
الصوت: واضح جدا..
القريد النهائي:a
إضافات : الدكتور خطه مو كبير ..بحيث انك لما تكون جالس ورا..مايكون واضح جدا لك..فأنصح بأخذ الاماكن بالصف الأول أو الثاني عشان تشوف خطه بوضوح...على فكره..أنا اللي كتبت النوت اللي بالجمعيه..وفيه وسائل الاتصال بالنوت اذا واجهتكم اي مشكلة بالفهم ..

بالتوفــــــيق

 

311
طلعت بسي في الكورس لاني قصرت في الفاينل

من افضل دكاترة القسم

a+

ما يدقق على التحضير ما يقول شي للمتأخر تحضر اي سكشن ما عنده مشكله
يهمه انك تفهم المادة
كوزات بسيطة ما عمرها طلعت عن الي يكتبه في النوت

 

الدكتور ممتاز من جميع النواحي ..

عموما افضل دكتور منزل me 311 لترم 121 ..

لا احد يفوته

 

ما ازيد على كلام الاخ حلمنتيشي وانصح و بشدة بالنوت الي بالجمعية و لا يمنع انك تكتب مع الدكتور عشان ما تسرح و حاول تكتب نوت عن النقاط الي يقولها بس ما يكتبها و نصيحة اختباراته مهب صعبة لكن في ترك بالبداية اذا عرفته خلاص صار السؤال تعويض و انتها الموضوع بس و انت تحل فكر في كل خطوة تسويها اذا هي منطقية ولا لا يعني مثلا مستحيل يتحول الفلو من صب سونك الى سوبر سونك بدون ما يصير تشوك او شوك لازم وحده منهم تصير هذا طبعا مثال اذا اخذت الكورس بتعرف نمط التركات

الكورس اعتبره كورس قريد اذا انت تحب الفلود و مافيه قوانين واجد كلها جداول تطلع منه ارقام

في بداية الكورس بتحس نفسك ضايع لكن ما عليك الكورس اسهل من ما تتوقع ذاكر الاسئلة الي بالنوت وافهمها و وضعك بالسليم ان شاء الله

 

ME 311 - Term 131

التحضير : ما يحضر دائما ، و إذا حضر يكون تحضيره بنص المحاضرة أو آخرها (يعني ما فيه ليت) ، الكلاسات اللي أخذ فيها تحضير تقريبا 40% من الترم كامل ، ما يحضر بفترة المياجر . يسمح بالحضور مع سكشن ثاني.
يخصم عالغياب (الحضور عليه 3 درجات من الكلاس وورك).


الشرح : يشرح و هو يكتب عالسبورة ، خطه واضح لكنه صغير و يحشر الكلام و الرسوم بالسبورة ما تدري وين إبتدى و و وين إنتهى ، طبعا أغلب اللي يكتبه عالبسورة إشتقاق في إشتقاق ، نادر ما يكتب أرقام عالسبورة (يحل المسألة بالفاريابلز و يخلي التعويض عليك) ، بصراحة ما أعجبتني طريقة شرحه أبد ، كلاسه ما فيه أي تفاعل (يجيب النوم) ، الدكتور يشرح و كأنه يسمع كلام حافظه من أول ، نفس نبرة الصوت ما تتغير ،.و ما يسأل الطلاب بوسط المحاضرة عن الدروس السابقة.
أغلب المسائل اللي يحلها تكون أمثلة الكتاب (ما فيه داعي تكتب معه هذا النوع من المسائل) ؛ لكن فيه مسائل مهمة جدا مهيب موجودة بالكتاب يأخذها من إختبارات قديمة و يحلها ثم يجيبها بالكويزات و بعضها جانا بالمياجر (هنا ضروري تكتب معه).
يبتدي المحاضرة بوقتها بالضبط و ينهيها قبل الوقت المحدد بدقيقتين أو ثلاث.


الكويزات : عليها 12 درجة ، أعطانا ثلاث كويزات و أخذ أفضل إثنين (يعني كل كويز عليه 6 ) ، الطلاب اللي كان أفرج أفضل كويزين عندهم أقل من 60% أعطاهم كويز رابع للتحسين.
الكويزات ما كانت صعبة ، غالبا ما تكون من الأشياء اللي يشرحها بالكلاس (غير موجودة بالكتاب) ، و بعضها يكون من أمثلة الكتاب مباشرة.


البروجكت : البروجكت عليه 3% ، و اللي يبدع فيه راح يعطيه بونص 2% ، الدكتور يهتم كثيـــر بالبروجكت و يمكن يرفعك قريد لو عرف إنك مهتم (تروح له المكتب و تسأله كيف نجيب هذي وكذا) ، سؤال البروجكت كان سهل لكنه طويل و يحتاج بحث واجد (كيف تجيب الستاندرد سايز – أسعار القطع – التكلفة الكاملة مع شغل اليد ... إلخ).


المياجر و الفاينلات : كومن.


التصحيح : لو كان أغلب الطلاب حلو السؤال بشكل صحيح فراح يحاسب بشدة عليه و لو أغلب الطلاب جابو العيد بسؤال معين راح يدف السكشن كامل بذاك السؤال ، لكن بشكل عام الدكتور شديـــد جدا بالتصحيح و يهتم بالجواب النهائي ، لو كانت كل خطوات حلك صحيحة لكن جوابك النهائي بعيد عن الجواب الصحيح راح يخسف فيك (حتى لو كان الخطأ تافه مثل إنك نسيت تحول الملي أو شئ زي كذا) .
أذكر فيه سؤال كان عليه 25 درجة و كل خطوات حلي كانت صحيحة اللهم بأول خطوة بس بدال ما أضرب قسمت على كوساين الزاوية (الحل كله يعتمد على هذي القيمة) ، أعطاني 5 من 25 !! المعروف عن هذا الدكتور إنه يغبن في التصحيح.


القريدات : قالنا ببداية الترم إذا فيه أحد خبص بالميجر الأول ثم شد حيله و جاب قريدات طيبة بالميجر الثاني و الفاينل ، راح أتغاضى عن درجته بالميجر الأول ، أنا أشهد إنه قال كلمته و وفى بها :
الميجر الأول = 65
الميجر الثاني = 92
الفاينل = 94
و أعطاني A+
بصراحة ما قد سمعت أحد إشتكى من قريداته ، رفعنا بالأخير الله يجزاه خير ، السكشن اللي أنا فيه ثلاثة أخذو A+


إضافات :
- الدكتور تركي الجنسية ، و مؤلف كتاب عن تقنية الليزر (هذي صورة لغلاف الكتاب).
- دايم متواجد بمكتبه (يحضر من 6 الصبح).
- هو و دكتور سيد زبير فقط اللي حصلو على لقب "بروفسور مميز" من القسم.
- أخلاقه عالية جدا و دايم مبتسم ، ما ينسى طلابه اللي درسهم ، قالنا أكثر من سالفة عن مهندسين (كانو طلابه من أول) يجون يستشيرونه بالفلويد ، بإختصار الدكتور نابغة بهذا المجال.
​

 

التحضير : بعد نهاية الحصة

طريقة الشرح : على السبورة, ما عليك إلا تجيب دفترك و تكتب وراه لأن شرحه بطل

الكويزات : أعطانا أذكر ثلاث كوزات وواحد ميك أب, بالنسبة للصعوبة فهي متوسطة لكن بعضها فيها أفكار جديدة

المياجر: كومن

الفاينلات : كومن

القريد النهائي: A

الصوت: واطي شوي و الرتم واحد, يعني لو ما انتبهت بترقد.

إضافات :
من ناحية الأخلاق فالدكتور لا يعلى عليه, لكن ما يحب التأخير في تسليم الواجبات و يفصل أحيانا أوقات الاختبارات ما أدري ليش. في الكوزات إذا سألته أي سؤال يحاول يساعدك ويقرب لك. الدكتور صراحة ممتاز و يستاهل الواحد ينزل عنده لأنه بجد فاهم المادة ظهرا عن قلب.

 

التحضير : يحضر يوميا ولا يهتم بالتاخير


طريقة الشرح : شرحة ممتاز جدا حببني في هذي المادة بشرحه
الكويزات : 3 كويزات وياخذ افضل 2 وفيه ميك اب كويز للي ما بدعوا بالكويزات الاولى


المياجر: كومن & تصحيحة عادي مش ذاك الشديد ولا اللي يدف


الفاينلات : كومن


القريد النهائي: قريداته يعطيك حقك وفوقه () وانا كنت مخبص بالميجر الاول جبت 22 من 100 وكلمته قال شد حيلك بالباقي وانسى هذا وفعلا عطاني قريد حلو مع اني ماكنت مبدع جدا في الفاينال


الصوت: ممتاز ومسموع بس نفس الرذم طول الكلاس


إضافات : من افضل من درسني في الجامعة

 

التحضير : التحضير في نهاية الكلاس ما عنده ليت و حضر كل المحاضرات تقريبا
طريقة الشرح : يشرح كونسبت ما يشرح مسأل مرة شرحه يفيد للي يبي يفهم المادة فهم دقيق لكن ما يفيدك في المياجر و الفاينلات لانه ما يشرح مسأل
الكويزات : كويزاته سهله دايم تجي من امثلة الكتاب او مشابهه و المثال يكون شرحه من قبل
المياجر: كومن
الفاينلات :كومن
القريد النهائي: A
الصوت: صوته ضعيف نوعا ما و يجيب النوم
إضافات : الدكتور اخلاقه حلوه و يحببك في الكورس تصحيحه بطل و يدفك دف في القريدات

 

من أفضل الدكاترة في القسم

مهتم بالمادة وشرحه رائع وأنصح فيه في مادة Fluid

بأختصار اذا نزل الماده خذها معه

بالتوفيق للجميع

 

التحضير : نهاية الكلاس
طريقة الشرح : يشرح المعادلة نفسها و طرق استخدامها .. بعد كذا ممكن يعطي سؤال واحد فيه فكره
الكويزات : كويزات سهله لكن تصحيح شديد في الكويزات (عكس الميجر تصحيحه حلو)
المياجر: كومن
الفاينلات :كومن
القريد النهائي: جالس ادرس عنده الحينمدري عن القريد
الصوت: صوته عادي
إضافات : الدكتور اخلاقه حلوه و يحببك في الكورس تصحيحه بطل و يدفك دف في القريدات

 

ME 311 - 161

التحضير :

حسب المزاج يعني مو دايم ويكون اخر الكلاس

طريقة الشرح :

جيدة جدا وما يشرح كل بس يتطرق لكل النقاط المهمه , يشرح طريقط المسائل بس ما يحلproblems numerical اكتب اللي يقولك مهم.

الكويزات :

مسائل اولد اقزامز و يعطي كويز بونص للي معيد

المياجر:

كومن

الفاينلات :

كومن

القريد النهائي:

A
الصوت:

منخفض و حاول تجلس قريب

إضافات :

الدكتور شرحه حلو بس مهب كافي لازم تعتمد على نفسك وتذاكر من الكتاب و تحل مسائل بنفسك .اخلاقه عاليه و يفيدك بس عنده غموض فتوزيع الدرجات و ايضا التصحيح يعني يقول لو السؤال قليل اخطوا فيه بخسفك ولو كثير عيدوا فيه بنقص شوي او بعطي بونص. فالفاينل قريد اشوفه اعاطني حقي مع تحفظي انه ما علمنا الدرجات حقت الفاينل و لا تقسيم الدرجات اذا حصلك افضل منه مثل سعد منصور نزل معه بس يبقى خيار جيد.​

 

اسم الدكتور : BEKIR YILBAS
المادة: ME 311
منقول عبر واااتس اب
الفصل الدراسي: 191
بنود التقييم ⬇⬇⬇

التحضير : اول الترم كان يحضر يومياً نهاية الكلاس او نصه , بعد تقريبا شهر او اكثر صار ما يحضر الا قليل حسب عدد الطلاب الحاضرين (اذا كانوا كثار ما حضر و العكس)
طريقة الشرح : يشرح بالكلام و يكتب على السبورة ( بعد شهرين بدأت اطفش من كلامه واكتفيت بالكتابة وراه مع فهم قليل). لكن تشابتر ١٠ استخدم السلايدات، يحب يشرح من فين جاء القانون و يعطي امثلة واقعية عليه.
الكويزات : كويزاته سهلة و من اللي يتكبه في الكلاس و اذا سلمت الورقة وعندك غلط يقول لك ان فيه غلط ويرجعك تصححه و يساعد كثير فيها . ما يحب يشوف احد ينقص في الكويزات
المياجر: تصحيحه يختلف حساب اداء الطلاب في السؤال ؟ مثلاً الميجر يتكون من ثلاثة أسئلة. اذا مثلاً اغلب الطلاب جايبين العيد بالسؤال الأول يحاول انه ما يخصم واجد في السؤال الأول منهم ومن هذه الناحية هو ممتاز لكن اذا الطلاب اغلبهم حلوا السؤال الثالث صح يصير يخصم بشكل قوي على الغلط في السؤال الثالث فانتبهوا
الفاينلات : ما شفت ورقتي بعد الإختبار لكن الظاهر يتبع نفس الأسلوب
القريد النهائي: متحير بين B+
الصوت: صوته ضعيف
إضافات : الدكتور ما يحب احد يراجعه على درجته في المياجر لأنه متساعد جداً في التصحيح كذا اذا حاب تراجعه راح يخصم منك كل درجة مزودها

 

by whatsapp
اسم الدكتور : يلبس
المادة:٣١١ ME
الفصل الدراسي:١٩١
بنود التقييم ⬇⬇⬇

التحضير : في الغالب ما يحضر
طريقة الشرح :يكتب على السبورة الى شابتر ١٠ شرح شيء مدري اذا معنا او لا
الكويزات : مره سهله وياخذ افضل ٣ من ٥
المياجر:تصحيح خرافي في المياجر اذا كان يعرفك
الفاينلات : تصحيح سيئ ويحاول يضبط الافرج فيه
القريد النهائي:A+
الصوت:F
إضافات :ما يمديك تناقشه ابدا بالمياجر والفانيل واذا طلبت كيذا راح يهاوشك صوت مره نازل انصح تقعد في الصف قدام في وسط السمستر بتهج معك بس سو نفسك تفهم عشان الامور تمشيء واهم شيء خله يعرفك

 

Me311 ترم ٢٠١

التحضير : يقول انه ياخذ التحضير من زوم
طريقة الشرح : بالبداية كنت اركز معه لكن ما اعجبني و سحبت عليه
الكويزات : كانت ثوريتيكال و كانت صعبة الصراحة
المياجر: متوسطة الى صعبة
الفاينلات : صععععب
القريد النهائي: C
الصوت: واضح
إضافات : خله اخر خياراتك

 

ME311 ترم ٢٠١

التحضير : يقول انه يحضر بس انا متاكد انه ما يحضر ابدا

طريقة الشرح : صراحة بعض المواضيع شرحها بطريقة حلوة والبعض الآخر لا، عالعموم مقاطع الدكتور محمد شايع تغني عن الدكتور

الكويزات : ثيوري عميق جدا، وللاسف مرة علق علي البلاكبورد وانا اختبر الكويز وصفقني البلاك بورد 2/10 وريته وقت الاختبار انه علق وقال ما اقدر اسوي لك شي بس يله حمدلله

المياجر: الميد عن نفسي شفته سهل نوعا ما بشرط انك ترجع لمقاطع القحطاني تحل وتجرب نفسك

الفاينلات : صععععب كان جدا جدا جدا و سيء وغيروا درجته من 30 ل35 واحنا اخر من يعلم

القريد النهائي: B

الصوت: واضح

إضافات : جدا ما يعرف للتكنولوجيا فلا تتوقع يفيدك بالمشاكل التقنية اللي تصير من ناحية تعليقات او مشاكل رفع لذلك حاول ما تطيح بمشاكل زي كذا معه، تصحيحه لا بأس به نوعا ما

 

.