لطلاب الـ che...!

لحد ينزل مع هالدكتور

 

Cise301-153

التحضير :
بعد ٥-١٠ دقايق من بداية الكلاس ، من بعدها يسجلك ليت ، وبنهاية السمستر صار حتى اللي يجي ليت نص ساعة يسجله حاضر عادي

طريقة الشرح :
سلايدات يشرح عليها ، يعطيك زبدة كل موضوع وأمثلة كافية للفهم

الكويزات :
٤ كويزات متوسطة بشكل عام ، تقريبا نفس أفكار الهوموورك

المياجر:
الاول متوسط وافرج ٧٢ تقريبا ، الثاني سهل وافرج ٨٢ تقريبا

الفاينلات :
متوسط يميل للسهولة ، الافرج في السبعينات

القريد النهائي:
A+

الصوت:
واضح

إضافات:
دكتور محترم وخلوق جدا ، وشرحه كافي ووافي
انصح الجميع فيه

 

Cise 412 - term 162
الصراحة كنت اعتبره جيد لكن الله يسامحه بعد هذا السمستر غيرت رايي والموضوع ماله علاقة بالقريد (مابعد تنزل القريدات لكن ان شاء الله A / A+ ) لكنه سوى بعض الأشياء الي تنرفز

سلبيات

---

- أسئلته أعلى من مستوى شرحه والمشكلة يفكر إن شرحه ممتاز و واضح ويوعدك إن الإختبار بيكون سهل او متوسط وتنصدم وقت الإختبار إن الأسئلة صعبة ومن كثر ماهي صعبة في الفاينل خلى سؤال بونص وبالرغم هالشي أعلى واحد جاب 25 من 30 و الأغلب درجاتهم 15 وتحت .

- يركز على بعض المواضيع في الشرح ويقول لك راح تجي في الميدتيرم او الفاينل وتتفاجئ إنه سحب عليها !


- في البروجكت يطلب اشياء مالها داعي واحيانا ينتقدك ولما تسوي الشي الي يبيه اما انه مايعجبه أو يقولك " اصلا انا ماقلت لك سو هالشي " ! وهذا الي صار معاي ومع قروب ثاني .

- طريقة تصحيحه غريبة واشك انه يصحح احيانا ً ، في اثنين ناسخين الهومورك من بعض الأول عطاه فل مارك والثاني نقصه درجة وفي واحد سحب على سؤال كامل ونقصه بس درجة ! فنصيحتي راجع الهوموركات و ورقة الميجر والفاينل .

- في اشياء كثيرة يسحب عليها بحجة ان احنا خذناها في كورسات من قبل و هالشي بيتضرر منه الكثير لأن بعض الكورسات الدكاترة يكنسلوا بعض الماتيريال او مايركزوا عليه .

- يأخذ 5 دقايق زيادة بس عشان يقولنا وش راح يشرح في الكلاس الجاي !

- يرفع السلوشن للهوموركات متأخر ( سلوشن الهومورك الثاني رفعه ليلة الفاينل )

- أستغرب من طريقة تقييمه للبرزنتيشن , يعطي درجة بالفواصل في البرزنتيشن !

- بعض الكورسات بالرغم إنه درسها اكثر من مرة إلا إنه مب متمكن من بعض المواضيع فيها .

- القريدات يحاول يخليها ستنادرد

- نصيحة لاتدمج بروجكت لكورس ثاني مع بروجكت هذا الكورس لأنه راح يشغلك ويطلب منك اشياء مالها أو ولا تالي وياليت يعجبه شغلك !

إيجابيات

---

- يعطي بونص درجتين لو سويت الايفالويشن .

- التحضير نهاية الكلاس .

- بسبب تقديم الفاينلات عطى الطلاب فرصة إنهم يسلموا البروجكت بعد اسبوع من الفاينلات .

الشباب الي مستواهم ممتاز أنصحهم بالدكتور لأن يسهل عليهم فهم الماتيريال للكورس سواء 412 أو 301 أو غيرها من الكورسات لكن الي مستواهم عادي أو اقل راح يتضرروا منه من ناحية القريدات


لكن في الكورسات الي فيها مشاريع الله يعينكم عليه لأنه يتفلسف كثير ويزعجك ويغير رايه .
سلمنا الريبورت قبل اسبوع من الديدلاين وحضرته ليلة للديدلاين راسل لنا عدلوا على الريبورت و ضيفوا اشياء مع العلم ان الاشياء الي طلبها تحتاج على الأقل يوم كامل وهو عارف ان مشروعنا لازم نطلع برا في الشمس لفترة طويلة
ولو كان الريبورت سيئ او قصير كان عذرته لكن الريبورت ممتاز وفيه شرح لكل شي بالتفصيل تقريبا ٣٠ صفحة بدون data sheets
ما اقول الا الله يسامحه .

 

cise 412- 162