ME 322 TERM 182

التحضير : يوميًا بداية الكلاس ويمنع اذا تأخرت تروح تكلمه نهاية الكلاس و راح يحضرك.

طريقة الشرح : المادة نفسها مملة لإنها عبارة عن سلايدات .. لكن نبرة صوته الواحدة يزيدها ملل.

الكويزات : متوسطة مائلة إلى السهولة وتكون دائما Numerical.

المياجر: كومون .. 50% Numerical و 50% MCQs.

الفاينلات : كومون ونفس طريقة المياجر.

القريد النهائي: B+

الصوت: منخفض نوعا ما ونبرة واحدة.

إضافات :
- بداية الترم تشعر ان الدكتور غير متعاون لكن في النهاية راح تكتشف غير ذلك.
- في الاوفيس جدا متعاون و ياخذ و يعطي معاك.
- تصحيحه في النيوميركال جدا ممتاز يعني اذا كانت مادة ستاندرد مثل ME216 راح يكون خيار ممتاز وبقوة.
- ما يخصم على الغياب كما هو مكتوب بالسيلبس لكن يضع عدد الغيابات بعين الإعتبار.
- مرتب ونهاية الترم راح يرفع ملف فيه كل الدرجات من مياجر و كويزات و هومووركات.
- غير متعاون في مواعيد تسليم الهومووركات كان يقول آخر موعد للتسليم الساعة 1:00 PM وبعد كذا ما يقبل الهوموورك وفي ذا الكورس كل هوموورك عليه 2.5%.
- رفع الفاينال قريد في البلاكبورد من غير درجة الفاينل.

 

الماده سمعت انها افرج سكشن، كم افرج السكشن للقريد؟ B C+

 

ME 322 - 192

التحضير : يوزع ورقة بداية الكلاس او يحضر بنفسه ( على حسب النفسيه )
طريقة الشرح : يفتح سلايداته ويشرح منها ، شرحه سيء وصوته مايتغير ويجيب النوم.
الكويزات : كويزاته بعضها وسط وبعضها صعب ( تحتاج مذاكره كويسه )
المياجر: تصحيحه في الميجر سيء.
الصوت: صوته خفيف ومايغير صوته ويجيب النوم
إضافات : ابدا ما انصحكم فيه ، سجل عند اي واحد غيره. الدكتور اخلاقه سيئه ، بالنسبه للكويزات هو يختار يوم من كيفه ويرسل قبلها بيوم او يومين ويقول كويز ولا يناقش فيها احد.

 

me322 ترم 201 "ترم الاون لاين"

اول شيء لازم اقوله انه هذا الترم المادة كلها عبارة عن "اوبن بوك/اوبن نوتس" يعني عادي تفتح سلايدات بجهازك وقت الاختبار
التحضير : من نظام البلاك بورد
طريقة الشرح : يفتح سلايداته ويتكلم بطبقه صوت وحده تجيب الملل .. ما تقدر تكمل تركيز طول المحاضرة
سلايداته تعتبر سيئه وما فيها مسائل محلوله والصور فيها قليلة "المادة تحتاج صور كثير لفهم المكتوب" .. المادة تمشي سيلف ستدي عمومًا
الكويزات : كان اجباري عليه يحط 12 كويز كل واحد 3% و3 تيستات 5% وهو ما كان عاجبه هالنظام ابدًا ويطير وقت كلاسات كثير ..
6 كويزات كونسبت .. مستواهم اعلى بشيء بسيط من المد والفاينل "ياخذ افضل 5"
6 كويزات حل مسائل .. مستواهم من مستوى المد والفاينل واحيان يجيب نفس افكار الاسئلة اللي حلها بالكلاس
3 تيستات .. تكون طول وقت الكلاس جزء منها نظري وجزء مسائل .. مستواها معقول
المد تيرم: مستواه معقول وحاله حال اي ترم .. اسئلة الكونسبت اغلبها من سلايدات سرحان والباقي بالكتاب
الفاينلات : نفس المد تيرم .. غير ان اسئله الحل اصعب نوعًا ما بحكم كثره القوانين للفاينل "الفاينل مو كومبرهنسڤ"
القريد النهائي: A
إضافات : الدكتور متفهم للطلاب واتفقنا معه على امور كثير خلال الترم وكان متعاون جدًا معنا .. اللي يبغى المادة سلف ستدي فهو خيار لا باس فيه

 

Me322 - T211

التحضير:
مرات يحضر بداية الكلاس ومرات يحضر في نهاية الكلاس ومرات ما يحضر.

طريقة الشرح:
يفتح السلايدات ويقراها ويحاول يشرح، بالنسبة لي كان الشرح ممل جدًا وكئيب وأشوف ذا الشيء يرجع لطبيعة المادة.

الكويزات:
اغلب الكويزات كانت نيومركل ومستواها وسط يميل للسهل واغلبهم فيهم ترك بسيط.

المياجر:
كومن.

الفاينلات :
كومن.

القريد النهائي:
B+

الصوت:
هادي جدًا

إضافات :
الدكتور تصحيحه عادي ويدفك شي بسيط، وبعض الأحيان يأجل الهومووركات اذا كلمتوه.