الدكتور معن كوسا أستاذ مشارك http://faculty.kfupm.edu.sa/ee/makousa/ بنود التقييم : التحضير : طريقة الشرح : الكويزات : المياجر: الفاينلات : القريد النهائي: الصوت: إضافات : ..
يسعدني أن أول من يتكلم عن الدكتور الفاضل : معن كوسا أخذت معاه 370 في 092 وما نزل بعدها undergraduate course ): دكتور معن شرحه ممتاز يشجعك من أول كلاس على الاجتهاد ويعطيك hints للتحصيل اللأكاديمي الكورس معاه كان أكثرمن ممتع "ملاحظة: إذا استمتعت بكورس فمعناه انك فهمته كنت أحس إن الكورس معاه عملي أكثر من نظري الدكتور حريص على الطالب ربما أكثر من الطالب نفسه اختباراته كانت نسبيا صعبة بس الفاينل جانا سهل صوته واضح ولغته قوية الشرح سلايد وسبورة إضافات: الله يعطيه العافية
ياخي كويس هو بس لا يحطك في باله.....مره سويت شي ( سالفه طويلة انا بري منها ) و هو حسبه انا و قام يخزني طول الكلاس ثمن في الدرجات اكلت هوا
الدكتور معن كوسا صراحة اخلالالالالالالالالالاق وشرحه حلو ممتع بس تحسه شوي عصبي من شكله انا عن نفسي حبيته لاني رحلته قلتلي زودني قلني اول شي خليني اشوف ليش نقصتك بعدين طلع معاه حق في التنقيص المهم اخر شي قبل لااطلع من عنده قلتله زودني بس بوينت (عشان كنت قريب من حافة القريد) المهم قلي ابشرررر (بعدها سحبته من شماغه وبسته على راسه ههههههههه بعدين اعطاني كف لالالا امزح )
ee206 بنود التقييم : التحضير : بداية الكلاس طريقة الشرح : الدكتور شريييح أفكاره مرتبة .. مرات يستخدم سلايدات مرات بدون .. المهم انه يوصلك المعلومة بشكل ممتاز وواضح. المياجر: متوسطة الصوت: واضح إضافات : مشكلة الدكتور مشغول فمثلا كان مواعدنا نقابله عشان يشوف البرزنتيشن ما جاء بنفسه أرسل لنا دكتور ثاني .. من ناحية الدرجات فهو شديد يعني ما يزودك شي. اذا انك جاد فهو يصلح لك اما اذا لعاب فدور غيره.
الدكتور يهتم كثير بأن الطالب يستوعب المادة ويذاكر لها. في كورس EE206 ما كان كثير من الطلاب يهتمون للمذاكرة لها فالدكتور عمل اختبار مفاجئ وكان الافرج نازل فأعطى تحذير للطلاب. والدكتور شديد جداً وغير متساهل تماماً وماعنده بونص بتاتاً. في ترم كورونا انضم لقروب الطلاب في الواتساب وكان يقيِّم الطلاب على حسب تفاعلهم في الواتس أب ! عنده سلايدات ومقاطع مرئية يرفعها باستمرار.
Term201 - EE206 التحضير: عن طريق مايكروسوفت تيمز (ما يحتاج ينادي بالاسماء) طريقة الشرح : نوتات هو مسويها مختصرة عن "المانوال" وما تكون شاملة لانه يقول اشياء ارتجالية من عنده، يعني النوتات لو ما كنت مركز معاه ما تكفي. المياجر (او اختبار نهاية الـmodule): الصراحة كانت تجي على مستوى شرحه، وشرحه ماشاء الله تبارك الله جدا ممتاز، فالاختبارات تميل للصعوبة، واسئلة مو قليلة تجي من الاشياء الي شرحها (برا النوتات). الفاينلات: نفس مستوى المياجر تقريبا القريد النهائي: A الصوت: واضح جدا اضافات: الدكتور يطلب اننا نفتح كاميرا عشان يكون الكلاس تفاعلي والصراحة كان تفاعلي، طبعا الدكتور يشرح صوت وصورة طول الترم، دقيق جدا في الكلاس وورك وهذا الي خلاني اعطيه A بدل A+، لان فيه درجات كثيرة راحت من الكلاس وورك بسبب دقته، ماهو عيب ولكن بعض الاحيان ودك تمشي الامور بدون تعقيد، واهتم في الكلاس وورك لانه ممكن يضيع من قريد الى قريدين (غير درجات اختبارك)، الدكتور قديم جدا وخبرة في المجال واستمتعت معاه، لا تفوتونه.