أي معلومات يا شباب؟

 

التحضير :
يحضر آخر الكلاس ، ما عنده مشكلة مع التأخير بس أحياناً يدقق
طريقة الشرح :
سلايدات
الكويزات :
متوسطة الصعوبة
المياجر:
طويلة بشكل عام بس تعتبر سهلة نسبياً مقارنة ببقية دكاترة المحاسبة
الفاينلات :
نفس فكرة المياجر
القريد النهائي:
B+
الصوت:
واضح نوعاً ما ، ما فيه مشاكل
إضافات :
أحياناً يكون مزاجي ويعامل الطلاب كأنهم بزران ، صحيح ينكد عليك أوقات بس في النهاية تطلع معه بقريد حلو ، ما عرفت قيمته الا لما جربت غيره

 

كورس acct202 - ترم 083
كورس acct401 - ترم 091

التحضير
آخر المحاضره ولا عنده أي مشكله في التأخير الا نادرا

طريقة الشرح
متوسطه .. يشرح على السلايدات واذا فيه مسائل حلها على السبوره
في بعض الأحيان اذا استصعب الفهم على أحد الطلاب يشرح له بالعربي

الكويزات
كل كوزاته تكون مسائل وسؤال واحد يا إما تعريف أو عدد وعلل .. المسائل تافهه وتكون نفس اللي حلها قبل بالكلاس

المياجر
مياجره دسمه جدا جدا جدا .. تعتمد بشكل كبير على فهمك للماده ومدى تمرينك على حل المسائل ..
في المقابل .. متعاون جدا بالتصحيح ولو تجيب له طرف الحل في الأسئلة المقاليه عطاك الدرجه
بشكل عام .. اذا انت منت لعاب وتحضر وتفهم واذا جا وقت المياجر حليت كم مسأله وحفظت التعاريف وغيرها .. راح تجيب درجه عاليه .. لأن المسائل يكون عليها تقريبا 75% من الدرجه

الفاينلات
نفس الكلام اللي على المياجر

القريد النهائي
B+ .. الدكتور يدف بالقريدات ويحاول يساعد الطلاب قدر استطاعته

الصوت
جيد .. وانجليزيته حلوه لكن صعوبة الفهم بسبب لكنته ..

إضافات
حاليا برأيي هو الأفضل لـ202 .. مثل ماسبقني اخوي فوق .. الدكتور تمسك معه احيانا يعامل الطلاب كأنهم أطفال وانتبه لا يحطك براسه انك لعاب .. ولو تخليه يعرفك زين ماراح تخسر وبالعكس راح يتذكرك وقت الدرجات ..

 

أي معلومات اضافية يا شباب؟؟؟؟؟

 

التحضير :
يحضر آخر الكلاس ، ما عنده مشكلة مع التأخير أبد ..
طريقة الشرح :
سلايدات و يشرح وهو جالس .. لكنه يحل مسائل على السبورة و يوصل المعلومة بشكل حلو
الكويزات :
متوسطة الصعوبة
المياجر:
طويلة بشكل عام بس سهلة نسبياً
الفاينلات :
نفس فكرة المياجر .. فيه ميزة خرافية .. التصحيح عنده ملكي .. تحل نص السؤال تاخذ درجة تحط قاعدة تاخذ درجة تكتب اسمك تاخذ درجة
القريد النهائي:
B+
الصوت:
واضح نوعاً ما ، ما فيه مشاكل
إضافات :
أنا نزلت عنده Acct201 بعد ما حذفتها مع طلحة .. بصراحة المدرس حبوب و يوصل المعلومة ..
و حتى في القريدات اذا ما ساعدك ما يظلمك ابد .. طبعا هو يعطي بونص للي ما يغيبون
أهم شي لا تحسسه انك لعاب عنده و ركز معاه في اللاب و ابشر بقريد طيب

 

التحضير :
يحضر آخر الكلاس ، ما عنده مشكلة مع التأخير أبد ..
طريقة الشرح :
سلايدات .. يحل مسائل على السبورة
الكويزات :
في البدايه سهله جدا بعدين صارت من متوسطة الى الصعوبة
المياجر:
طويلة بشكل عام و أكثرها من المسأله اللي يحلها في اللاب
الفاينلات :
نفس فكرة المياجر ..
القريد النهائي:
B
الصوت:
واضح نوعاً ما ، ما فيه مشاكل
إضافات :
وعدنا بدرجات اضافيه (بونص) للي ما يغيبون واللي يحلون الواجبات الاضافيه
و نهاية السمستر ما شفنا شي . نفس المجموع عطانا ايااه


بس بشكل عاام دكتور طيب و حبوب
يحب يمزح وقت الكلاس و الوقت يطير بسرعه
انصح فيه اذا كنت ما تبغي تتعب في الماده بس راح تاخذ قريد مو لذيك الدرجه

 

كورس acct401

دكتور على قل امكآنيته ولاكن يعرف يوضفهآ صح .. يشرح ويكرر كلآمه على الشي المهم انت بس عليك تنتبه للي يكررهـ لانه رآح يجيك يآ كويز يآ ميجـر .. بنود التقيم اوآفق الشبآب عليهآ فوق ^

طلعت معه في هذآ الكورس بـ A+ ( مآ شآء الله ) .. مع العلم انه الكورس الوحيد الي طلعت فيه كذآ والبآقي تحد بي بلس ! .. يعطيك حول 12 مسأله بالترم لازم تفهمهآ وتكتبهآ وهو يحلهآ بالسبورهـ .. هذي بروحهآ تضمنلك 90 بالميه من القريد النهآئي ..

حبوب ووسيع صدر ومتعآون واهم شي بينله اهتمآمك ولآ تغيب كثيـر ..

 

درست عنده acct201 قبل سنه تقريبا



التحضير :
يحضر يوميا بآخر المحاضره ويسلك التأخير احيانا

طريقة الشرح :
سلايدات + يحل مسائل على السبوره

الكويزات :
متوسطه

المياجر:
كومن

الفاينلات :
كومن

القريد النهائي:
B

الصوت:
واضح

إضافات :
الدكتور حبيب وطيب , لكن كلاسه كان ممل بالنسبه لي , التصحيح حلو ,, احيانا يعامل الطلاب كأنهم أطفال
لكن عموما طيب
لو عاد بي الزمن هل بنزل عنده ؟ لا , الا اذا كان هو افضل الموجود

 

مساء الورد
أنا درست عند ميرغني الترم الماضي 131 , الرجال شرحه متوسط ممكن تحس إنك مضيع أحيانا لكن بمجرد إنك تحل الأون لاين هومورك بتفهم التشابتر صح . ساعدني في القريد كنت استاهل b أو b+
والحمد لله جبت A
نصيحة لكم اهتموا بالهومورك كثير عليه 15% واللي سمعته ان المدرس ما يقدر يتحكم فيها
وبالتوفيق

 

Acct 402 ترم 122

التحضير : اخر الكلاس وبعض الاحيان ينسى
الواجبات قليلة جدا
المياجر والفاينل : غالبا من الاسئلة اللي يحددها ويحلها بالكلاس ، وفيه جزء مقالي يعتمد على فهمك وقرائتك للكتاب

الدكتور حبيب ومتفاهم و تصحيحه ممتاز و يدف قدر المستطاع

 

نزلت معاه ACCT210 بترم 133 حضرت كلاسين وحذفت الصيف

الدكتور طيب ويحب ينكت ويهرج مع الطلاب خارج الدراسة

يا ويلك ما تجيب الكتاب جد يا ويلك , بيحشرلك وينشبلك كذا يقعد واقف جنبك يسألك ليه ما جبت ليه ما جبت

كريم جدا بالتصحيح فوق ما تتصور *كلام واحد اعرفو كمل المادة معاه* , يعني شخبط اي شي تجيب 10 من 15 في الكويز , وغير كذا كريم جدا في القريد النهائي ويدف كثير

شرحه انا اعطيه +B *احسن شرح اكاونتنق مر عليا*

جو كلاسه بشكل عام شغل ويسأل والطلاب يجاوبو مو زي مدني يقعد يقرأ من السلايدات وخلاص

الدكتور كويس في كل شي حتى مياجره سهلة Straight Forward لكن لو عصب الله يعينك عليه

نقطة اخيرة : لو حسيت انه عصب او شي , روحله الاوفيس قوله بجيب الكتاب الكلاس الجاي واعتذر منه بتشوفه يبتسم لك ولا كأنه قد عصب

 

ميرغني دكتور طيب ومتعاون واخلاقه حلوة ويشرح من قلب

 

ACCT110 Term 141

التحضير : آخر الكلاس

طريقة الشرح : سلايدات والشرح ممل نوعا ما بالرغم إنه يتعب في الشرح ويحاول يوصل المعلومة باللي يقدر عليه (7 من 10)

الكويزات : ماكان يعطينا كوزات

الهوموركات : فيه هومورك اونلاين + عطانا كم هومورك خفيف ويشيك على السريع اللي حل واللي ماحل (يحله معانا بعدين على البورد)

المياجر: كومن

الفاينلات : كومن

القريد النهائي: B+

الصوت: واضح لكن الأكسنت لك عليه

إضافات : المدرس طيب وحبوب , يعصب إذا تكرر التأخير أو ماجبت الكتاب , يعطي بونس , تأخر علينا في المنهج وعطانا كلاسات إضافية (اللي يحضر يعطيه بونس)

 

معلومات اضافية يا شباب الله لا يهينكم

 

ACCT110 - T 151
التحضير : آخر الكلاس

طريقة الشرح : سلايدات و من الكتاب و مرات يجيب معاه أوراق عمل و يوزعها على الطلاب المدرس يحاول بكل ما أوتي من جهد أنه يطلعك من الكلاس فاهم

الكويزات : مافيه كوزات

الهوموركات : فيه هومورك اونلاين + يعطي هوموركات مثلا يقول هذا السؤال حلوه لكن ما يشيك لأنه يقول it is for you own benifit

المياجر: كومن

الفاينلات : كومن

القريد النهائي: B+

الصوت: واضح لكن الأكسنت لك عليه

إضافات : المدرس طيب وحبوب , يعصب إذا تكرر التأخير أو ماجبت الكتاب , يعطي بونس , تأخر علينا في المنهج وعطانا كلاسات إضافية (اللي يحضر يعطيه بونس)

 

Term 161 Acct 110
التحضير :
آخر الكلاس وما يشدّد ع التأخير

طريقة الشرح :
يفتح البوربوينت ويشرح عليه والمسائل يحللها ع السبورة ، وبعد ما يخلص الشابتر يحل أسئلة فيها كل أفكار الشابتر

الكويزات :

المياجر:
متوسطة الصعوبة ، قبل المياجر والفاينلات عطانا كلاسات إضافية فيها أهم المسائل العملية والأشياء اللي تحتاج حفظ

الفاينلات : متوسط الصعوبة

القريد النهائي: A

الصوت: واضح ومفهوم

إضافات :
الدكتور شرّيح ومتساعد في التصحيح وأهم ميزة فيه عن غيره كلاساته الإضافية اللي تفيد كثير في المياجر والفاينلات

 

إيجابيات

---

شريح
يهتم كثيرا بالطالب، وخلوق
يعطي هلب سشن مفيد جدا قبل الاختبارات
يعطي بونص

سلبيات

---

لايوجد

 

التحضير :
شوف هو يحضر نهاية الكلاس ويمكن لو تروح وتكلمه عن غياب او غيابين بالكثير ممكن يمشيهم لك + ممكن تكلمه قبل الكلاس تطلب منه انك تطلع عشان ظرف او شي وهو يتفهم بس انتبه يسجل عليك غياب حاول قد ما تقدر انه ما يتسجل عليك ولا غياب عنده لانه ما راح يتذكرك الدكتور الا بعدد غياباتك.

طريقة الشرح :
بالبداية ع السبورة بس مع تقدم المنهج صار يفتح السلايدات ويشرح منها واذا فيه مسائل بيحلها لك ع السبورة.

الكويزات :
انا اخذت عنده ACCT 110 في ترم 162 وما عطانا اي كويز.

المياجر:
كومن

الفاينلات :
كومن

القريد النهائي:
B+

الصوت:
واضح

إضافات :
شوف الدكتور والله ما يقصر مع الطلاب بس اللي يبغاه انه الطالب يكون شاد حيله معاه وزي ما قلت فوق الدكتور ما يعرفك الا بعدد غياباتك + قبل الاختبارات يسوي مراجعه احرص انك تحضرها لانه تقريبا هذي المراجعه يركزلك فيها ع الاشياء المهمة اللي بتجي بالاختبار وانت كل اللي عليك انت تحدد الاسئلة اللي بيذكرها الدكتور بالشرح.

 

171-110
التحضير : نهاية كل كلاس ولا يركز على التاخير
طريقة الشرح : سلايدات و حل مسائل الكتاب على السبوره
الكويزات : مااعطى ولا كويز في الترم
المياجر:كومن
الفاينلات :كومن
القريد النهائي:B+
الصوت:واضح

​