http://faculty.kfupm.edu.sa/SE/mujahed/ بنود التقييم : التحضير : طريقة الشرح : الكويزات : المياجر: الفاينلات : القريد النهائي: الصوت: إضافات : ..
امممم, مدري وش اقول عن هالمدرس , بس بقول اللي شفته وانت أحكم بنفسك عليه.. الشرح من السلايدات فقط , يعني ولا شيء جديد غير اللي مكتوب في السلايدات واهي نفسها اللي تلقاها عن أغلب المدرسين بس كل مدرس يكتب اسمه فيها , لان كل مدرس ويدرس طلابه السكاشن اللي يبيها لان الاختبار مو كوومون. بالعربي , ذاكر بنفسك او اقرأ السلايدات اذا تحس مو فاهم وحاول تفهم حالك والله يكون في عونك. التحضير . يوميا ويكون العادة بداية الكلاس بخمس دقايق شيء زي كذا,, الكوزات : انا بالنسبة لي اشوفها فوق مستوى الشرح اللي يشرحه لنا , المياجر: حدث ولا حرج , لو الاختبار عليه 25% من الكورس , تدخل الاختبار وكأنك في ثانوي , بتشوف ان الاختبار من 25 درجة !! ( يعني لو ما تعرف فكرة من افكار اي سؤال تاكلها ). بالرغم من انه ما يشرح شيء من خارج السلايدات إلا إنه جاب لنا اسئله ما بقول اسئلة اختبار كثر ما إنها اسئلة يضيع على الطلاب الوقت فيها ويخسر الدراجات+الكتاب أسوأ كتاب مر عليه خلال دراستي في الجامعة لحد اللحظة هذه لأنه مو مخصص حق واحد يتعلم أبداً . اللي اعنيه بأنه يعطي اسئلة تضيع وقت , أن فيه من احدى الطرق مثلا انت بتشوفها في السلايدات (X-X^0.6) * ( Y^4.7 +4X^2.4) ,ولما دخلنا الاختبار الكل معصب ومحتج لأن المدرس جاب لنا (4 أقواس في البسط و 3 في المقام على نفس الحكاية) وهالكسر اللي على هالشكل مكرر بنفس الطريقة حق الحل تقريبا 5 مرات ( في نفس السؤال), وطالب عليك الحل النهائي منهم وما تستخدم الحاسبة وتطلع الجواب النهائي بالخطوات كاملة. لان المادة ستاندر على كلامه والله العالم اهي ستاندر والا غيرها بعدين. نص ساعة بالراحة بتاكلها وانت تحل في هالسؤال لان مو سهل الحل حقها حتى وانت بالحاسبة تستخدم والحبيب يبي الخطوات. وأذكر انه جاب لنا Matrix في أحدى المسائل ما يبينا نستخدم الحاسبة فيها حتى في شيء مو مطلوب في السؤال بس فيه طريقة بالماتركس تستخدم للتأكد من الحل, وقال انا أبيك تضيع وقت وما يصير تستخدم الحاسبة !! وعلى هالمجرى استمرينا في ميجر 1 وميجر 2 والفاينل كان تمام , ما بقول سهل كثر ما انه يقيس مدى فهمك للمادة , بخلاف المياجر ! + عطانا بروجكت نسويه بالــ fotron والا Matlab والا اي برنامج لغة وعليه 10% بينما المدرسين الثانين 2% بالكثير 5% !! نقول له نسينا المادة اللي نسوي بها , قال لنا شوف لك حل بنفسك وسوه ؟!! وهذا اللي عندي بخصوص هالمدرس, والحكم لك انت في النهاية. رأيي الشخصي انا لو أحد يسألني بقول له لا تأخذ عنده أبداً لأنه مو متمكن من المادة ويعقدنا في الاختبارات, طبعأ كانت أقل غريد في الترم اللي انا كنت فيه اهي هالمادة بالرغم من ان الشباب يقولون مادة غريد. الصوت : كويس , بس الكلاس كان ممل حتى ان في ناس تطلع ما ترجع. والا تحسب حسابها بكأس الكوفي قبل لا يدخلون. بالتوفيق ,,
من تجربتي مع الدكتور في ترم 102 التحضير : اخر الكلاس طريقة الشرح : من السلايدات يعني متوسط ويحاول يفهمك قد مايقدر واذا منت فاهم يعيد مرة واثنين الكويزات : مع كل هوم وورك كويز اذا حليت الهوم وورك تحل الكويز المياجر: الى الان ميجر 1 كان دايركت مافيه تركات ولا شي من الشرح والهوم وورك الفاينلات : ^ الصوت: لا بأس إضافات : الدكتور طيب في التحضير ولكن بعد الطلاب يتمادوا ويخلو الواحد يغير نظامه
cise 315- 111 الدكتور جديد ما اخذ له اكثر من سنتين من بدأ يدرس لأنه اصلا صغير شرحه اقل من المتوسط و لذلك الطلاب الي نايم و الي يلعب بالايفون و الي يسولف مع خويه يعني بالمختصر المفيد يشرح حق نفسه بس اذا ركزت معاه يعني يمكن تفهم بشرط انك تكون مذاكر للمادة الدكتور اذا سألته سؤال يجاوبك و يحاول يوضح لك و اذا ما فهمت يقول لك تعال و بشرح لك في الاوفس و يحب ان الطلاب يروحون له الاوفس و يسألونه او يتقبل انك تنصحه في طريقة الشرح الهومورك نهاية كل شابتر و طويل جدا يعني تقيبا يجيب لك 12-13 سؤال و في كل سؤال اكثر من فقرة الكوزات و تكون بالاتفاق معاه في بداية السمستر يعني اما بعد تسليم الهومورك او في نفس الكلاس الي سلمت الهومورك اما اسئلة الكوزات فهي من اسئلة الهومورك بس اسئلة الهومورك صعبة يعني اسئلته تقدر تقول من متوسطة الى صعبة المياجر و الفاينل اصعب من الكوزات يعني الله يعين الطلاب التحضير في نهاية الكلاس
بالنسبة لي , افضل دكتور بالقسم .. يحاول يشرح لك قد مايقدر .. واذا مافهمت يعيد مرة ومرتين لما تفهم .. الشرح من السلايدات والسلايدات واضحة غالبا - الا ما ندر - يشرح لك التركات اللي ممكن تصادفك .. الهومورك اللي يعطيك اياه هو زبدة الاسبوعين اللي درستهم .. تحل الهومورك يعني انت تقدر تحل الكويز وتقدر تحل المياجر بسهوله .. اخذت عنده 302 و 316 وكانت مواد سهلة للفهم مع الدكتور وبسط لنا اشياء كثيرة في المادة .. اما بالنسبة لـ 315 فاعتقد انه كان يدرسها لأول مرة وقتها او ان المادة صعبة جدا من الاساس .. لانه كان متشتت والشرح مو واضح والكل كان يعاني بصعوبة مع هالمادة .. بشكل عام بعد ماتخرجت من الجامعة اقدر اقول انه افضل دكتور في قسم cise بالنسبة للشرح ومراعاته للطلاب وسهولة اسئلته مقارنة بغيره ..
191-CISE301 التحضير : يحضر يومي بداية الكلاس او نهايته طريقة الشرح : سلايداته ويحل بالسبورة بعض الأمثلة , الدكتور يشرح بس مب ذاك الشرح الممتاز لكنه مقبول للي يركز معه الكويزات : سهلة غالباً اذا حليت الهومورك بنفسك الصوت: خفيف جدا يتعب اللي يركز معاه إضافات : لا تخليه اول اخياراتك بالنسبة لي لم أوفق معه