ise 320
التحضير : يحضر كل محاضرة
طريقة الشرح : شرررررررريح ومتمكن جدا من المادة لكن مشكلته المعروفة هو انه يجيب النوووم خصوصا في كلاسات الساعة وربع .
الكويزات : ما فيه
المياجر والفاينلات : ميجر 1 صلخ , ميجر 2 متوسط , الفاينل سهل جدا , وكل واحد عليه 30 %
القريد النهائي: B
إضافات : المادة عنده ميجرين وفاينل و 2 hw وبروجكت خفيف تلخيص كم صفحة عليهم 10 %
الدكتور شكري يعتبر الأب الروحي لدكاترة القسم

 

درسني 320

التحضير : يحضر كل كلاس ومايعرف شي اسمه تأخير يعني لو تحضر قبل نهاية الكلاس بدقيقة يحضرك
طريقة الشرح : الدكتور شريييح ولا يختلف اثنين على شرحه وخصوصا مادة 320 يبغى لها واحد شريح مثل الدكتور شكري
الكويزات : مافيه
المياجر: ميجر 1 جاء صعب شوي لان اسئلته شاطحة شوي الدكتور يهتم بالفهم يعني اغلب اسئلته كيف تشرح لمديرك الي تخصصه مو هندسة صناعية عن هذا الشكل وش معنى ان النقطه هذي جت هنا وماذا يعني هذا الرقم
وكذا .. ميجر 2 جاء سهل وبرضو مايخلي اسئلته المعتادة .. الفاينل جاء سهل برضو .. يعني الي بيركز مع الدكتور .. بجيب قريد عالي والكتاب برضو رهيب ترى وسهل
القريد النهائي: لو سألني احد اول الترم بقول f ولو سألني احد بنص الترم بقول c لكن الحين اقول يستاهل a+
الصوت: واضح
إضافات :
* تقريبا 5 كلاسات ماحضرها الدكتور وعوضها في ايام ثانية وكان وقت الكلاس الاضافي بالليل وكان يحضر فيه
* الدكتور حبوب جدا اذ جيته الاوفس اور وبنص الكلاس يقط ذبات على الطلاب وينكت .. دمه خفيف احيانا
* تصحيح الدكتور مش ولا بد
* الميزة الي ودك تحب راسه عليها .. وقت المياجر يجلس في مقدمة الفصل والي يبي يسأل يجيب ورقة الامتحان ويروح يسأله .. والمشكلة تناقشه ويوضح لك .. يعني متعاااااااوون مره وقت الميجر .. الاختبار الفاينل كان فيه سؤال طويل شوي وانا فاهم طريقة السؤال لكن ماعرفت كيف ابدا بالحل .. واروح له يمكن 5 مرات رايح جاي ههه
بالاخير الحمدلله عرفت كيف احله وحليته صح .. والفاينل اذا جاء الطالب بيسلم ورقته يقول له اجلس ويقوم يشوف حله واذا عنده غلط بفهم السؤال يوضحه له .. وتراه يركز خصوصا على الطلاب الممتازين الي يشاركون معه بالكلاس

انا بعطيكم درجاتي وانتوا احكموا عليه

عندي 9 غيابات
الميجر الاول اخذت 12.5 من 25 والافرج كان 10.3
الميجر الثاني اخذت 13 من 18 والافرج كان 8.6
الفاينل اخذت 25.5 من 34 والافرج كان 21.4
وسلمت هومورك واحد من اثنين

وطلعت ب B+ انا كنت اتوقع B او C+ لكن الحمدلله

 

شباب يا ريت تفيدونا بالدكتور شكري بـ ise 205

 

^
^
خذ الكورس معاه ,, انسان فاهم في الاحصاء وركز تفهم معاه

 

ise 205

طبعا باتكلم عن تجربتي في سمستير 091
الرجال شرحه متوسط تفهم عليه بس مشكلة هذا الدكتور انه ما يعطي كوزات و حاط على الهوموركات 30% يعني تقريبا كل هومورك عليه 5 درجات طبعا اذا تأخرت ما ياخذ الهومورك يعني لازم تكون حال الهومورك من السلوشن مانيول و تسلمه في موعده و الا بتروح فيها

الرجال نوعا ما بطئ يعني قبل الميجير يعطينا كلاس يوم الجمعة علشان يخلص المنهج بس الحضور مو الزامي


مشكلة المادة انها كومن يعني هو يشرح شرح بسيط و تجي الاسئلة نار و ياكلونها الطلاب
و في مشكلة ثانية ان الماده احصاء يعني المفروض مسائل بس كانت نص الاسئلة تعاريف

 

أخذت 325 معه ترم 111 .

دكتور فاهم الماده ما شاء الله بشكل رائع و يوصل لك المعلومه غصب عليك ، كل ما عليك إنك تنتبه معه.

لكن إذا بتنزل معه ، فإنك لازم تشتغل بالماده ، لأنه الرجال راعي كرف.

خلانا نشتغل على المات لاب و الإكسل ، لكن بصراحة كانت الماده سهله بإستخدام البرامج .

إذا تبي تفهم و عندك إستعداد تنكرف ، نزل عنده ..

مدرس رائع و محترم لأبعد الحدود .

 

كيف الدكتور يا شباب في 303

 

طيب كيف تصحيحه بالمياجر

 

أول الترم ... تعطيه f



نص الترم a+



**********************
ترتاح نفسيا إذا أخذت الكروس معه ..

 

كيفه في 205 ؟

 

ياشبااب مين الافضل شكري ولا حبوبي في 303

 

هذه الأب الروحي للهندسة الصناعية في جامعتنا درس رئيس القسم ودرس مدير الجامعة بكبره

هذا المدرس قوي جدا في مواد الإحصاء يشرح لك المادة شرح قوي ويوصل المعلومة بشكل ممتاز
وإذا جاءت إليه في المكتب تبغي منه استشارة أو سؤال أو أي شيء ما يقصر معك أبدا

قليلة جدا واجباته و اختباراته لكن امتحاناته تبين الشخص الفاهم من الشخص الحافظ وهذا الذي مريحني معه لا واجبات لا اختبارات فقط امتحان
يذكرني في أيام الثانوي
طبعا يجب أن تراجع حتى لا تنسى

أنصحك إذا نزلت معه أن تكون في الصف الأمامي وتشارك معه حتى يعرفك

توزيع الدرجات ما أحد يعرفه لكن الموعد نهاية الفصل


أعطيه +أ

 

ise 205 - term 142

​

التحضير : اول اسبوعين في بداية الكلاس لكن اتوقع لأن الطلاب كانوا دايما يتأخرون قام يحضر نهاية الكلاس ونوعا ما متساهل من ناحية التأخير لكن تمصخها

طريقة الشرح : من السلايدات ويستخدم السبورة لتوضيح بعض الأفكار والاجابة على اسئلة الطلاب شرحه جيد لكن فيه نقطة ماعجبتني فيه وهي انه يعطي اسئلة الطلاب اكثر من حقها يعني احيانا يضيع كلاس كامل عشان يجاوب اسئلة الطلاب و الي يقهر في طلاب يعيدون نفس السؤال الكلاس الي بعده فالنتيجة نوعا ما يكون متأخر عن بقية السكاشن وهو هذا السمستر كانت المياجر مع دفوعة ونضطر ناخذ ميك اب كلاس عشان يعوض تأخيره .

الكويزات : مافيه للأسف
الهوموركات : ماقال لنا كم عليها لكن هي والحضور عليهم تقريبا 25 % فلاتضيع اي هومورك + الهوموركات اذا حليتها اعتبر نفسك فهمت الشابتر لأنها سهلة نوعا ما لكن فيها افكار وتركات يمكن تجيك في المياجر ..

المياجر & الفاينل : الميجر الاول د. دفوعة كتبه وكان متوسط نوعا ما الثاني كتبه د. سليم والافرج كان داج بقوة لكن مياجره تبين الي فاهم من الي حافظ فحاول تركز معاه في الكلاس لأنه احيانا يعطي بعض الملاحظات المهمة او الاخطاء الي دايما يسونها الطلاب + بعد كل سكشن حاول تحل 4 او 5 اسئلة من الكتاب وراح تستفيد لأن بعض اسئلة الميجر والفاينل كانت من الكتاب اللهم فيه تغيير بسيط في صياغة السؤال

القريد النهائي: كأخلاق وتعاون a+ لكن كشرح ماعجبتني طريقته مع انه مخلص يشرح بذمة واشوف الشباب ماشين معاه لكن الصراحة اشوفه عادي c
الصوت : جيد والاكسنت واضح ..

إضافات :
- لو مايعطي اسئلة الطلاب اكثر من حقها يكون افضل لأن كثرة الاسئلة تشتت الطالب + يضيع الكلاس ويكون الشرح ملخبط .. وعشان ما اظلمه الدكتور اكثر من مرة وضح اهمية هذا الكورس خصوصا لطلاب الاندستريال فمن حرصه على الطلاب يعيد شرح بعض النقاط اكثر من مرة .
- للأسف يتأخر في تسليم القريدات ( الى الان مانزلت تقريبا اسبوع وشوي )
- الدكتور فاهم و خبرة و ما شاء الله عليه موسوعة في عدة اشياء مب بس تخصصه .
- في المياجر والفاينل يسمح بالاسئلة فنصيحة اسئله راح تستفيد كثير .
" اذا كنت اندستريال و بتركز معاه في الكلاس ومستواك ممتاز نزل معاه فراح تستفيد اما اذا كنت من تخصص ثاني فما انصحك "

 

Ise421 - t151

الدكتور شكري أب خلوق و عطوف ومحترم جداً، حبووب بالتعامل و بالأوفيس يحسسك إنك مرحب فيك ولو تقعد ست ساعات عنده
بالكلاس شرييح وفااااهم جدا ومايرتاح الا اذا حس فعلا كل الطلاب فاهمين على شرحه، يحب أسئلة الطلاب و يحفظ كل طلابه
مشكلته في المياجر و الدرجات و القريدات، للأسف تصحيحه شدييييييد جدا و بالإخير أغلب الطلاب يخرجون c أو c+

 

شباب نبي تقييم جديد لدكتور
بنزل معه 205 السمستر الجاي

 

الدكتور مفروض يكون هذا الترم 182 آخر ترم له بالجامعة ، كنت بكتب تقييم له لكن الرجال بيمشي والله يستر على الجميع

 

الدكتور لسه موجود في ١٩٢