Up

 

^^^
up

 

الدكتور صدقي بوخمسين .. رائع بكل ما تعنيه الكلمة من معنى
شريح على مستوى .. يكفيك شرحه عن مراجعة الكتاب

رائع رائع رائع .. ممتاز .. كويزاته حلوة
ومياجره متوسطة

ما ادري .. لكن له هيبة والواحد يتخوف منه

 

يبة ترى القريدات عنده تحت حيل حيل حيل


والله لو ما تاخذ عنده احسن لك نصيحة

 

^^

تقـول هالكـلام ؟ !!
شكلك مـآجربت الهـااشـم !!

 

^^^^^^^^

جربت الهاشم


والله الهاشم افضل من صدقي بالقريدات

 

التحضير : يحضر نهاية الكلاس
طريقة الشرح : ممتازة .. وشرحه عجيب وتفهم عليه بسهولة
الكويزات : متوسطة (ملتبل جويز)
المياجر: متوسطة
الفاينلات : متوسطة
القريد النهائي: B+
الصوت: جيد جدا
إضافات :

 

PETE 410 & PETE 405

التحضير : نهاية كل كلآس .. ينزعج كثيييير من المتأخرين.
طريقة الشرح : يعتبر الكينج بالقسم من ناحية الشرح : الدكتور عنده أسلوب ممتاز يشد به انتباه الطلاب، يستخدم امثلة كثيرة ترسخ بالذهن بالاضافة الى أنو صوته مرررة واضح وعنده حس الفكاهة ).
الكويزات : لا يوجد.
الهوم ووركات : كثييييرة ! وتسبب لك قلق تسليم دايم خاصة ايام المياجر :\
المياجر: صعبة شوي .. اذا ما تركز بوقت الامتحان وفهمت السؤال بطريقة صحيحة > سلم لي على قريدك
يعمل Review مهم قبل المياجر والفاينلات .. تجي منه أفكار كثيرة بالامتحان.
الفاينل : حسب ما اتذكر كان بنفس صعوبة المياجر.
التقييم النهائي للدكتور : 8 من 10
إضافات : متعاون و فرندلي مع الطلاب لكنه بنفس الوقت نظامي ومتشدد على بعض النقاط (عنده أمور يعتبرها خطوط حمراء لا يجب تجاوزها)


بالتوفيق للجميع ..

 

حصل على وسام الملك عبدالعزيز الدرجة الاولى
بروفيسور اسطورة a+ a+ a+ a+ a+

 

صراحه ما أقدر اصبر الى نهاية السمستر لازم اقيم هذا الدكتور

السمستر 152

المادة 205 -pete

الشرح:- انا بالنسبة لي سيئ جدا لانه يحاول يخلي الطالب يمشي معاه خطوة بخطوة لحد ما يوصل الى الزبدة(يمكن غيري يعجبه هذا الاسلوب لكن انا عندي مبررات لكرهي لهذه الطريقه) وانا شخصيا ما أحب هذا الاسلوب واحب اللي يعطيني الزبدة على طول ,وهذا الدكتور يستخدم اسلوب الاسئلة في الوصول الى الفكرة يعني يمكن يسأل خمسين اوستين سؤال تدرجيا الى حد ما نوصل الى المطلوب هذي ايضا انا اشوفها سلبيه لان السئلة هذي ناتجه من الدكتور وليس من استنتاج الطالب علشان كذا انا مو قادر استوعب ولا اهضم الفكرة صراحة ادخل الكلاس و اطلع وتقريبا ما فهمت الا 20% فقط وسريع في الشرح لانه مشاء الله عليه مُتبحر ومتعمق جدا في هندسة البترول ,لكن مو كل الطلاب عندهم نفس القدرة على الفهم ,ومن السلبيات اللي عنده انه اذا سئلة الواحد سؤال تافه وبديهي يقول ان اللي مثل كذا المفروض يغيرون تخصصهم انا شخصيا اتعارض جدا مع هذا الدكتور للأسباب التالية:-

1- الطالب عارف نفسه ومستواه وما دخل وتعنى الى هذا التخصص الا وهو قادر على انه يثبت نفسه من خلال التعلم.
2- اعتقد ان مواطن الضعف والقوة في ادائي يحدده درجاتي في الكويزات والمياجر وليس الاسئلة االلي يعتبرها الدكتور تافهه
3- اذا ما سئلنا اسئلة تافهه وبسيطة كيف راح تصير عندنا خلفيه وقاعد قوية نبني عليها المعرفة؟
5-اذا الطالب سئل سؤال تافه على قولت الدكتور معناته ان الطالب يبي يتعلم وان لو انك فهمتنا من البداية في الكلاس كويس ما سألناك سؤال تافه على قولتك
6- يجب عدم الانتقاص او التقليل من قيمة اي سؤال يُطرح من قِبل اي طالب مهما كان تافهأً لان هذي هي بداية التعلم.
___________________
المياجر :-

صراحة عادلة بدرجة كبيرة حيث فعلا الواحد يقدر يميز اللي فاهم ويتعب من اللي يأخذ له فرة قبل ليلة الميجر يجب سؤال وسط والثاني سهل والثالث ماحد يحله الا اذا استخدم تفكيره.

_________________________

الكويزات:-
لايوجد .

______________________
الهوموركات:-

بشكل اسبوعي وكثيرة لذلك لازم تذاكر بشكل مستمر ومتتابع على شان تلحق ووهي المصدر الرئيسي للمذاكرة بعد الكتاب.
____________________

ملاحضات اخيرة:-

هو كبير في السن اعتقد انه من كثر ما تعمق في الشرح صار يحس انه بديي واللي قدامه ما يفهم ,لذلك اعتقد لازم يغير اسلوبه اشوي وينزل الى مستوى الطلاب (علميا) اما بالنسبة الى الاخلاق ماشاء الله عليه انا مارحت له ولامرة في الأوفيس لكن اذا سئلته في الكلاس يجاوبك بصدر رحب ,لكن انشاء الله هذي اخره مرة انزل معاه

_______________

القريد النهائي:-

d+

 

PETE 205 - Term 162

التحضير : يحضر نهاية كل كلاس ، و يحسب كل غايب ، ويعطي DN، وما يحب أحد يحضر بالسكشن الثاني إلا إذا مستأذن منه قبلها

طريقة الشرح : شرحه خرافي جدا ، يمشي معك بالتدريج ، ويعطيك أمثلة من واقعك تسهل لك الفهم ، و يحل معك أمثلة حتى تفهم ، أنا ما قد مر علي شخص عنده القدرة على إيصال المعلومة مثل د.صدقي

الكويزات : ما كان فيه كوزات ، بالمقابل في كل أسبوع تقريبا واجب ، فيه أفكار تحتاج أنك تكون فاهم المادة مع الدكتور بشكل كويس عشان تحلها و تحتاج بعضها تفكير عميق ، بس حلك للواجب بنفسك راح يريحك كثييييييير جدا في المادة و خصوصا في الإختبارات

المياجر: كلها Open Book ، تحتاج فهم و تركيز وقت الإختبار ، الميجر الأول كان الأفرج بالـ 60 و الثاني 50

الفاينلات : قسمين ، الأول Closed Book أسئلة خيارات فهم ، و الثاني Open Book : Calculations

القريد النهائي: A++++

الصوت: واضح جدا

إضافات : الدكتور خرافي جدا و بطل ، و يعتبر الأسطورة في الكلية من ناحية الشرح ، و من ناحية الأخلاق فالرجل و الشهادة لله قمة في تعاملة و أخلاقه وتواضعه ، ملاحظة بسيطة : الدكتور يعطي حصة مراجعة قبل الإختبار ضروري جدا تركز معاه و تفهم كل فكرة يقولها ، لأن بعض الأفكار تجي مشابهه للي يقوله ، كذلك بعد الميجر يسوي حصة يحل فيها الميجر حاول تفهم الشغلات اللي حليتها غلط عشان الفاينل

 

PETE 101 - term 171

التحضير : يعد الطلاب اذا العدد تمام خلاص مايحضر , اذا فيه واحد ناقص اما انه يجرد الطلاب او يقولون له الطلاب من غايب .

طريقة الشرح : اسطووووووووورية , عندة سلايدات هو نفسه مسويها جدا جملية ومختصرة . اغلبيتها تكون صور وكلام بسيط , فلازم تكون حاضر المحاضرة عشان تعرف ايش صاير .

الكويزات : قبل الكوز بيوم اواحيانا يومين , ينزل لنا ملف pdf فيه 20 سؤال راح يجيك 5 منها . بعض الاسئلة سهلة بعضها تقدر تطلعه من الانترنت وبعضا صعبة, اللي يركز معاه ويسجل نوتات معاه هو اللي راح يقدر يحل .
عادة يجيب 3 اسئلة سهلة و 2 من اللي احسهم صعبين

المياجر : المادة مافيها مياجر

الفاينلات : على نهاية الترم راح يصفى عندك 5 ملفات pdf بمجموع 100 سؤال تقريبا , الفاينل راح يكون من بين هذي الاسئلة . على فكرة ’ جميع الاسئلة written ومايقبل الاجوبة اللي كم كلمة بس .

القريد النهائي : ! A+

الصوت : يزئر كالأسد و ينصت كالحكيم .

اضافات: الدكتور عندة خبرة في الحياة الأكاديمية لفترة تمتد الى اكثر من 30 سنة ما شاء الله عليه , ف انت تتحدث عن رجل متبحر وفاهم في اللي قاعد يقوله .
يعيب الدكتور انه يزعل اذا ماقلت له دكتور -_- , مرة واحد قال له teacher , رد عليه: لا قوللي ابله احسن هههههه .
د. صدقي يفرح اذا تجيه اسئلة ذكية , ومبدع ف التحشير اذا جاته اسئلة غبية . نظرتة الاشمئزازية وحدها تكفي , واسئل مجرب ~_~ .
overall : لا يفوتك .

 

تعقيبا على كلامي , الاختبار النهائي جا لنا 70 سؤال مقالي -_- ! بس كلهم من ملفات ال pdf نسخ لصق .

و ب النسبة لقريدات السكشن فهي الأتي :

اتمنى اني افدت و ساعدت .

 

Dr. Sidqi A. Abu-Khamsin
PETE206- T212
بنود التقييم :

التحضير:
يحضر نهاية الكلاس وما يدقق على التاخير كثير.
طريقة الشرح:
الدكتور صدقي من افضل الدكاترة من ناحية الشرح على مستوى الجامعة. الدكتور متمكن من تخصصه وله اضافات على المادة لدرجة انه يشرح معادلات وكوروليشنز خاصة فيه في هذي المادة.
الكويزات:
----------
المياجر:
المياجر كومون بينه وبين الدكتور سعد العفنان. لكن هو اللي كان يحط الاسئلة. كان مستوى المياجر عاادل جدا ومتوسط المياجر بحدود الـ60.
الفاينلات:
الفاينل كان كارثي. كان صعب جدا والدكتور للاسف شديييد بالتصحيح. لو تشتغل نفس الشغل عند الدكتور سعد العفنان راح تاخذ قريد ولا قريدين اعلى.
القريد النهائي:
A
اضافات:
الدكتور عسل لابعد مدى, لكن لو عاد بي الزمن ما راح انزل عنده. نصيحتي للي يبي ينزل عنده يفاضل بين رغبته في الفهم ورغبته في القريد. انا اخترت الفهم والقريد ما كان مُرضي. اذا تبي قريد ممتاز وتصحيح ممتاز عليك بالدكتور سعد.