بشكل عام ممتاز

لي عودة بعد نهاية السمستر لطرح التفاصيل

 

الدكتور سهيل الضراب .. أول سيميستر له 131 .. أخذت معه ee200

التحضير :
بداية كل كلاس ينادي الأسماء .. آخر الترم اللي عنده 3 غيابات أو أقل ما خصم عليه شي في درجة الحضور.

طريقة الشرح :
من السلايدات .. شرح واضح ويستخدم السبورة للتوضيح و حل مسائل مع أنه أول مرة يدرس إلا انه متمكن وفاهم .. حتى لو سألته عن شي برا المتيريال ما يعرفه يبحث و يرجع يجاوبك.

الكويزات :
أغلبها مستوها متوسط .. تختبر أفكار المادة المهمة .. بس ما يعطيك إلا عشر دقائق للأختبار فالصعوبة تكون في قصر الوقت أكثر من الكونسيبت .. في الأخر حذف أسوء كويز.

المياجر: كومن <<<< سلخونا
الفاينلات : كومن <<<< سهل

الصوت: واضح و مفهوم

إضافات :
الدكتور جدا أخلاق يسلم عليك وين ما يشوفك و يقوم لك إذا دخلت عنده المكتب .. وتعامله جدا رائع .. تصحيحه جدا ممتاز ويكون لمصلحة الطالب .. منظم في الشرح و يمشي على السيلابس و هذا كثير كان يخليه ياخذ كم دقيقة زيادة عن الكلاس

الخلاصة: ينصح به وبشدة

 

دكتور سهيل الضراب، اول سمستر له كان 131 ، ودرست عنده ee 200 .

التحضير :

لما تبدا الحصة يحضر ، تقريبا مع الجرس يبدا يحضر ، وبعد الكلاس يسال من الى ماحضره من الطلاب المتاخرين يجي ويحضره . بالنسبة للتاخير انا تاخرت 5 دقائق ولا قالي شي ، بعض الطلاب يجي متاخر ممكن 10 دقائق ويدخلهم .

طريقة الشرح :

كان يشرح من سلايدات هو مسويها ، وكان ينزلها بعد الكلاس على الويب سيتي ، ايضا ينزل ملف فيه notes فيها بعض التفاصيل ، انا كنت اعتمد على ملفاته في المذاكرة ، وكانت اكثر من رائعة.
طبعاً انا اشوف الشرح من سيلادات لهذي المادة افضل ، لوجود جداول ورسمات .


الكويزات :

الكويزات والوجبات كان كل اسبوع زوجي (2,4,6, .... الخ ) ، الكويز يكون في اول 10 دقائق ، يكون متوسط وفيه افكار ، لا سهل ولا صعب ، ولكن لازم تكون مذاكر زين لأنك بتحس ان الوقت قليل نوعا ما .
وعلى فكرة يبدا الكويز مع بداية الكلاس ، من تسمع الجرس . الواجبات تكون من اسئلة الكتاب كم سؤال شامل الماتيرال ، وينزل حلها بعد التصحيح + ينزل حل الـ practice problems .

المياجر:

المياجر كانت كومون ، وصلخونا ، ولكن تصحيحه شي رائع ، اهم شي حل ولا تخلي شي فاضي .
الفاينلات :

كومون ، ولكن كل مدرس يصحح سؤال .

القريد النهائي:
A+

الصوت:

الصوت واضح جدا ، واللغة ممتازة .

إضافات :

المدرس باين عليه فاهم في تخصصه ، وتصحيحه ممتاز جدا ، في الاوفس اورز من اروع ما يكون ، يستقبلك ويشرح لك الى تبى ، ايضا كان يسوي extra office hours في اوقات المياجر والفاينلات ، اذكر رسلت له رسالة ، قال مكتبي مفتوح تعال.


في امان الله

 

فيه شي نسيت اقوله ، الدكتور كنسل البروجكت ، الى عليه ٥٪ وخلاه كلاس ورك ، مثل باقي المدرسين ولكن الى سواه انه :

عمل نوعين من التقسيم :

واجبات ٧٪ وكويزات ١٣٪
واجبات ٩٪ وكويزات ١١٪

(مو متاكد من النسبة المئوية )

وقال اختار الى تبي ، وفي النهاية هو حسب لنا بالطريقتين واعطاك الاكثر .

 

بنود التقييم :

التحضير :
بداية كل كلاس وبنهاية المحاضرة يرجع يحضر من جديد

طريقة الشرح :
ممتازة جداً يستخدم السلايدات والسبورة بالشرح، واللغة جميلة وواضحة والأكسنت خطير بعد

الكويزات :
كل تشابتر فيه كويز وهومورك إذا ذاكرت للكوزات راح تكون سهله عليك، والهومورك مرة مهم لاتحاول تنسخ من المانويل

المياجر:
أفرج سكشنا كان أعلى من العام في الميجرين، الأول كان سهل والثاني كان صعب شوي بس المادة أفرج فمراح يفرق معك

الفاينلات :
الفاينل كان سهل والوقت مناسب

القريد النهائي:
A++++++

الصوت:
الصوت واضح جداً

إضافات :
الدكتور ماشاء الله مرتب ومنظم جداً وينزل قريداتك أول بأول وأخلاقه تمام، بإختصار مالقيت فيه عيب واحد، نصيحة لاتفوته
​

 

EE370 term 132


التحضير :

يحضر بداية كل كلاس و في الاخير يسال عن المتاخرين و يحضرهم

طريقة الشرح :

كان يشرح لنا من سلايدات وجيه ابو السعود و مقيبل ... و كانت كافيه جدا لتغطية المنهج مع شرحه

الكويزات :

اعطانا 6 كوزات و ألغى اسوأ واحد .... كوزاته من متوسطة الى صعبة
و فيه نقطة سلبية في بداية الترم و لكن تفاداها في نهاية الترم
اللي هي اعطاء الحرية الكاملة للقريدر في تصحيح الكوزات ، يقول اللي يعطيك القريدر تأخذه
لكن في اخر اسبوع قال اللي عنده اعتراض على درجة كوز او هوموورك يجي المكتب
و اعدلها له اذا كانت الدرجة غير مستحقة

المياجر:

كومن

الفاينلات :

كومن

القريد النهائي:

A

الصوت:

واضح و الاكسنت مميزة

إضافات :

الدكتور متفاني و مجتهد في عمله ... و متعاون جدا مع الطلاب
يكتب على السبورة و يشرح ... و يعيد لو ما انت فاهم ... و صدره وسيع مع اسئلة الطلاب
و يتجاوب مع ايميلات الطلاب >>> غثّ الدكتور بكثرة الايميلات

لكن كلاس ساعة و ربع ... جدا ممل سواء مع الدكتور سهيل او غيره
يعني بعد مرور 50 دقيقة من الكلاس تشوف الطلاب يتململون و يطلعون جوالاتهم
و هذا شيء طبيعي

 

بنود التقييم :
EE 370 Term 161

التحضير : يوميا أول الكلاس بالإسم اللي يجي متأخر دقيقة يفوته التحضير.
طريقة الشرح : مملة شوي مدري ليه، الدكتور تحسه موب فاهم مرة ويرتبك إذا أحد سأله، كأنه أول مرة يدرس. طبعا ملخبط الشرح أعجز أكتب معه. يستخدم البروجكتور دايم يعرض فيه رسمات أو أي توضيحات. طبعا يعتمد على نوتات وجيه أبو السعود وما يرفعها الا بعد الكلاس.
الكويزات : صعبة شوي وتاخذ وقت. لازم تستعد لها بشكل جيد.
المياجر: متوسطة
الفاينلات :-
القريد النهائي: C+
الصوت: واضح وآكسنت جيدة
إضافات : الدكتور طيب وأخلاقه عسل ومرن ومحترم ويعيد ويزيد في الشرح، بس مدري ما يزال فيه شوي فجوة A guy who lacks attitude. أيضا كلاسه كان طوييييييل وقليلين اللي مركزين معه. لكن يرحب فيك في الأوفيس ولو ترسل له ايميل يتفاعل معك

لو يخلي لنا مثلا مجال نحل أمثله بأنفسنا أثناء الكلاس عشان ندخل معه يكون أفضل.

لو لقيت غيره أفضل.

 

Term 172 EE 315

التحضير :
بداية المحاضرة ، أونلاين على البلاك بورد. يمشّي المتأخرين ويحضرهم نهاية الكلاس.
هذه الطريقة حلوة عشان تعرف كم غياباتك بدون ما ترجع له ، تشوفها على البلاك بورد وخلاص.

طريقة الشرح :
يفتح سلايدات ، عبارة عن شروحات مع بعض امثلة الكتاب بالاضافة لامثلة من عنده. يستخدم السبورة لاشتقاقات القوانين وحل بعض الامثلة ، يشرك الطلاب في الحل في بعض الاحيان ويتابع معهم ويساعدهم.
للأمانة طريقته حلوة وشرحه كويس ، لكن ما أدري ليش كان يجيني نوم في كلاسه

الكويزات :
أخذنا ٦ كويزات حذف أسوأهم ، مستواها سهل الى وسط.

المياجر:
كومون مع د. زيدوري -كان يدرّس المادة معه- ، مستواها متوسط وتحتاج مذاكرة كويسة.

الفاينلات :
نفس المياجر ، لكن مستواه اسهل نسبيا.

القريد النهائي:
A

الصوت:
ممتاز وواضح ، دائما يتكلم انجليزي في الكلاس.

إضافات :
١. الهومورك مهم جدا مع الدكتور ، احرص تحله بنفسك ، ولو نقلت من المانيوال افهم اللي قاعد تنقله + راجعه قبل الكويزات والاختبارات. طبعا الهوموركات بتكون عندك في السيلبس مع مواعيد التسليم ، وأنت مطالب تلتزم بالجدول إلا لو اعلن تعديل عليه. بعض الهوموركات طويلة فيفضّل انك كلما تخلص شيء في المحاضرات تحل جزئيته في الهومورك ، احسن من انك تتركه لليلة التسليم.
٢. تصحيح الدكتور في الاختبارات ممتاز ، ويحاول يساعد الطلاب وما ينقص درجات كثير على الاخطاء ، إلا لو اخطيت في سؤال اختيارات هنا ما يقدر يساعدك .
٣. اعطانا بروجيكت على الماتلاب ، نظام قروبات ، فيه شغل حلو على اللي تعلمناه خلال المادة. كان فيه بعض الاشياء الصعبة ، لكن الدكتور كان متعاون واذا سألته بيشرح لك ويساعدك. أيضا ، فتح المجال للي يبي يسوي اشياء اضافية على المطلوب وياخذ بونص عليها. ممكن أحد عيوب البروجيكت انك تحتاج تكون ماخذ ٣٧٠ أو تاخذها في نفس الترم ، باعتباره سأل عن الـ SNR وبعض الاشياء المتعلقة بالاتصالات.

الله يعطيه العافية ، ما قصّر معنا في كل شيء وكان متعاون كثير…