Me 315
التحضير : أول ما يبدأ الكلاس يوميا ينادي على الأسماء لو تبي تمشي بعدها ما يقول لك شيء , و في اخر الكلاس يتجمعون عنده الطلاب المتأخرين و يحضرهم.
طريقة الشرح : من السلايدات يشرح و يوضح على السبورة بعض النقاط
الكويزات : تحتاج مذاكرة و مراجعة , صعيبة شوية
المياجر:كومون
الفاينلات :كومون
القريد النهائي: عطاني c , و أعطيه +c
الصوت: مهوب ذاك الزود صوته ضعيف الى متوسط
إضافات :
اللي أشوفه انه ما يهتم بالطالب ذاك الإهتمام , فهمت الله يحييك ما فهمت بسلامتك

 

أخذت معه me 437 في ترم 121
اعتقد لان ما عنده الا كلاس واحد في هالكورس كان متعاون ومتساهل معنا في حاجات كثير

التحضير : أول الكلاس ، والمتأخرين في آخر الكلاس
يقول اللي يبغى يلعب في جواله يطلع برى الكلاس بدون ما أغيبه
تقدر تطلع وتدخل الكلاس باي وقت وهذا اللي يشتت الانتباه

الشرح : يستخدم سلايدات ويكتب على السبورة نوت مهم ، متمكن من المادة
كان يجيب ملفات من برى المنهج ومقاطع فيديو مفيدة فقط للاستفادة

الكويزات : ما كان يعطينا كويزات

المياجر والفاينلات : يعطي تلميحات وغير كذا اختباراته نفس اختباراته القديمة تقريبا
فيه نوت في المكتبة مسويه طالب من الطلاب فيه تجميع للاختبارات وللبروجكت يفيد كثير

القريد : b+

 

التحضير : كل كلاس
طريقة الشرح : على السلايدات -ومشكلته ما يحل مسائل كثير -
الكويزات : صعبه جدا بالبداية وبعدين يسهلها
المياجر:كومون
الفاينلات :كومون
القريد النهائي: B+
الصوت: ممتاز
إضافات :المدرس فاهم لكن ما يعرف يوصل المعلومه للطلاب ,, شرحه تقريبا اقل من المتوسط وبالنسبه للقريد بيعطيك حقك

 

ME 204 - Term 122
الدكتور هندي ، تخصصه في مواضيع الـ Heat Exchange​

التحضير : كل محاضرة ببداية الكلاس ، ينادي بالإسم و يحضر على ورقة ، يحضر المتأخرين بعد المحاضرة و ما يسجل عليهم تأخير.
ما أعتقد إنه يخصم عالغياب بنهاية الترم ، إن كنت بتغيب عن كلاس أرسل له إيميل أو علمه الكلاس اللي قبله عشان ما يسجل عليك غياب.​

الشرح : بصراحة أشوفه من أفضل الدكاترة اللي درست عندهم من ناحية الشرح ، يشرح من سلايدات و يستخدم السبورة ، نادر ما يحل مسائل و إذا بغى يحل يفتح السلوشن مانوال عالبروجكتر و يشرح عليه.
أكثر نقطة أعجبتني فيه هي "الإستطراد" ، يعني يعطيك معلومات حلوة تفيدك كمهندس ميكانيكي.
* درست مع السرخي ثيرمو 1 و مع زبير ثيرمو 2 ، و بصراحة حبيت الثيرمو و فهمتها بشكل أكبر م زبير.​

الكويزات : مثل ما قال عبدالله ، أول كويز صعب و الباقي سهالات ، أعطانا 4 كويزات و أخذ أفضل ثلاثة.
أفرج الكويز الأول = 4
أفرج الكويز الثاني = 7
أفرج الكويز الثالث = 6 (تقريبا)​

التصحيح : إذا جوابك النهائي خطأ يشوف خطواتك و يعطيك قريد عليها ، تصحيحه بالنسبة لي كان ممتاز لكن ما أدري ليه الأفرج عنده دايما طايح و بعنف !
من تجربة ، ترتيبك للحل (خط واضح و ما فيه شخابيط كثير) يؤثر على قريدك.​

القريدات : الفاينل عندنا كان ليلة الأحد ، ظهرية الأحد طلع الفاينل قريد!
بإختصار ، إذا كان الدكتور يعرفك بالكلاس و دايم تشارك معه فأبشر بالقريد اللي يشق الوجه ، أعطاني أكثر من حقي.​

الصوت : واضح ؛ لكنه دايم يقول (ها) و هو يتكلم << بتتعود عليها .​

إضافات :
- الرجال خدم بالسعودية لفترة طويلة و عنده خبرة بمناطقها و مصانعها ، فدايما يجيب أمثلة واقعية.
- يحقد على اللي يستخدم جواله بالكلاس.
- يقدر الطالب اللي يكتب نوت معه ، و يوصي كثير على كتابة النقاط المهمة اللي يقولها.
- أخلاقه وسط ، مهيب زينة و لا شينة.
- لو تسلم الهوموورك بعد تاريخه بيوم ، يقبله.
- أعطانا بروجكت طويل لكن راعانا بالتصحيح.
- يهتم ببرنامج الـ EES ، سلوشن الكويزات/المياجر ينزلها بالويب سيتي بصيغة EES .. أخذ كلاس كامل يشرح فيه هذا البرنامج "باللابات".​

درست معه الـ 204 ، و ناوي انزل معه الـ 315 و كورس إلكتف بعد.​

​

 

التحضير يوميا
الشرح عادي
التصحيح ممتاز
متساهل من ناحية الددلاين سواء للهومووركات او الكويزات وحتى البروجكت
اخلاقه عادية
من ناحية قريداته ممتازة جدا
يلمح لاسئلة المياجر

 

سيد زبير من أفضل من درست عنده في القسم ,

شرح ومتمكن من المنهج بقوة ما شاء الله + أخلاق عالية جدا ومفهم

أخذت معه مادة إلكتيف (Heat Exchanger design )
ترم 131

 

افضل دكتور درستني في حياتي الجامعية
الدكتور هذا لحاله جامعة من العلم ماشا الله تبارك الله

اخلاق شرح علم مالقيت زيها عند اي دكتور في قسمنا

اتعب وانا امدح في دا الدكتور ماشا الله

طبعا انا كتبت الكلام قبل ما اخذ القريد لانه تقييمي لي بغض النظر عن القريد الي حاخده معاه

 

ME 204 - T172
التحضير :
بداية الكلاس والي يجون متأخر يحضرم نهاية الكلاس خصم نص درجة على كل غياب ما أتوقع انه يحط ليت يا حاضر يا غايب
طريقة الشرح :
أسوء شرح في الحياة يدرسنا ثيرمو ونادر يستخدم السبورة وما يحل مسائل يفتح المسائل من المانيوال ويتكلم عنها على السريع وخلاص!! ونادر يفتحها بعد غالبا يقرا الامور الي فيها كونسبت من الباوربوينت من الاخر شرحه غير مفيد ابدا والي يقهر اكثر لا يشرح زي العالم والناس ولا يخليك تقعد على الجوال.
الكويزات :
الكوزات جحفلنا أكثر من مرة يحدد متيريال ويجيب من ماتيريال ثاني ودائما كوزاته فيها فكرة غريبه وصعبة
واذا جاب سؤال سهل لازم يحط فيه تريك قبل اذا عرفته بعدين ينحل السؤال
المياجر:
تصحيحه عادي ما يدف ولا يظلم يعطيك حقك
الفاينلات :
نفس المياجر
القريد النهائي:
D+
الصوت:
اللكنة الي يتكلم فيها مو مرة واضحه وكل شوي يقول ها ...... ها يمكن يعيدها كل كلاس حول 10 مرات
إضافات :
تسجيلي عنده كان غلطة ومستحيل تتكرر مرة ثانية
الثيرمو 2 معروفه فيها قوانين وكثير وسايكلز كثيرة وجدا صعب انها تنحفظ ومعروف عن المادة ان الطالب يكتب القوانين الي يبيها ويدخلها معاه بالاختبار
وسيد زبير للأسف صار الكوردينيتر في 172 ولغا نظام انك تدخل فورميلا شيت وعطانا فورميلا فاضية ما فيها الا كم قانون ما منها فايدة وقال الساكلز لازم تحفظونها كلها وهي مرة كثيرة وحفظها جدا صعب وفي الكوزات ما يعطيك اي فورميلا ولا يكتبلك اي قانون يقول لازم تجي حافظ كل شيء من قوانين وساكلز
بعد هذا كله هذا اسوء دكتور مر علي بقسم الميكانيكا كامل
يوم شفت سكاشنه حقت 181 مقفلة قلت لازم اعطيكم خبرعلشان ما تنتكبون فيه فالي عنده فرصة يغير الدكتور لا يتردد انحش بجلدك

 

السلام عليكم ورحمة الله وبركاته،
ME-437, Term 211

التحضير: كان يحضر من بداية الكلاس واللي يتاخر يقول له تعال نهاية الكلاس وذكرني احضرك، بس لا تكثر تاخير عنده لان ممكن يقروشك

الشرح والصوت: في المادة هذي شرحه جدا ممتاز وواضح ما ادري عن وضعه بالهيت لكن بشكل عام الدكتور ممتاز كشرح ويعطيك نبذة كويسة عن كل شي مهم بالنسبة لك، الصوت احيانا يكون خفيف واحيان يرتفع فأجلس قدام افضل

التصحيح: كان حقاني ويدف بنفس الوقت رغم ان المادة افرج لكن تصحيحه حلو نوعا ما واذا خطواتك صح حى لو ارقامك غلط بتمشي امورك

التعامل: جدا متعاون مع الطلاب بس رسمي جدا مب حق سوالف جانبية كثير ، لكن يتفهم الطلاب ومرن جدا حتى في تغيير موعد الميجر اذا الكل كان متفق ان الموعد موب زين يسالهم وش يبون والكل يتفق على موعد وخلاص الدكتور يثبته بحكم انه الدكتور الوحيد اللي يعطي المادة

المياجر والفاينل: بحكم انو ما فيه كويزات عطانا 3 مياجر وما اخفيكم انها قروشة ولكن هي افضل، بالنسبة لمستوى الميجر يختلف من ميجر للثاني بس ضروري تكون معه متابع وتساله عن الشغلات المهمة وغالبا الاسئلة ما تتغير وتجي بنفس الافكار مع تغيير بسيط بالارقام، الفاينل كان صعب شويتين فالافضل تضمن مياجرك عنده

القريد النهائي: A
بشكل عام الدكتور اشوفه كويس بس ابعد عن جوالك، اجلس قدام، سجل نوتات، اذا سويت الثلاثة ذولي فبإذن الله قريدك مضمون

بالتوفيق جميعا .