EE 203 Electronics

ههههههههههههههههههه
كل الأشياء اللي ذكرتها ما راح تحتاجها في ٢٠٣ ؛ لأنها أشياء عميقة اشوي في ٣٠٣. المهم منك إنك تعرف تركيبات الـ Op-Amp الحالية وكيف تحلل الدوائر وتطلّع الـ Output ، يعني إفهم التطبيقات اللي بتدرسها في هالتشابتر.
لما تدخل التشابتر اللي بعده (الدايودات) بتحس المادة متماسكة أكثر وفيها ترابط.

على فكرة ، بعض الدكاترة مو عاجبه ترتيب الدروس في المادة ويرون أن دروس الـ Operational Amplifier المفروض تكون في نهاية المنهج وليس في بدايته. لكن ما نقول إلا الله يهدي اللي حاط ترتيب المادة كذا

عموما ، المادة ما هي صعبة مرة لكن تحتاج متابعة يومية ، باعتبار أن مواضيعها تقريبا جديدة عليك -مرت عليك خفايف منها في فيزياء ثالث ثانوي- ، وبإذن الله بتطلع باللي يسرك.

 

بعد سبعة أسابيع من الدراسة، أعطي الكتاب تقييم سالب عشرة من عشرة.

 

أخذت الكورس في ترم 172 مع الدكتور محمد القحطاني

المواضيع التي يغطيها المقرر:
Operational Amplifier
Diode
Bipolar Junction Transistor
MOSFET Transistor
CMOS LOGIC GATE
Pass-Transistor Logic

في أول أربع مواضيع راح تتعلم باختصار كيف تسوي Circuit Analysis لدوائر كهربائية فيها Op-Amp و Diode و Transistor سواءً كان Bipolar أو MOSFET وكذلك كيف تستخرج الGain للAmplifier
لما أقول Circuit Analysis أقصد بتتعلم كيف توجد الكرنت والفولتاج في أي فرع في الدائرة الكهربائية، وتوجد الThevenin equivalent circuit زي ما كنت تسوي في EE202 لكن هنا على دوائر إلكترونية (نفس المنطق تقريبًا).
بخصوص الGain المقصود به الكفاءة "Efficiency" يعني الOutput Voltage على الInput Voltage .. مثلًا كم مرة الـ Input Voltage راح يتضخم؟ ممكن الGain يكون 5 أو 6 يعني لو حطيت Input Voltage على الدائرة الكهربائية 0.5 فولت، الـ Output Voltage راح يكون 2.5 أو 3 فولت. (بالمناسبة، الGain ممكن يكون أقل من 1، يعني الOutput Voltage للـ Amplifier ممكن يكون أقل من الـ Input Voltage).
في آخر موضوعين راح تتعلم كيف تطبق الدوائر الرقمية اللي تعلمتها في EE200 على هاردوير باستخدام Transistor ويعتبر جزء سهل جدًا إذا كنت فاهم الEE200.

الكتاب المستخدم للمقرر:

https://www.amazon.com/Microelectronic-Circuits-International-Sedra/dp/0199738513

الأسئلة والأمثلة المستخدمة في المقرر:
الأمثلة الموجودة في الكتاب ممتازة للفهم.

مدى فائدته في الناحية التطبيقية:
المقرر مهم جدًا لأي مهندس كهربائي مهما كان توجهه لأن الإلكترونيكس داخلة في كل مجالات الهندسة الكهربائية تقريبًا.

إضافات:
1- الكورس سهل if and only if ذاكرته أول بأول.
هذا الكورس شوي يختلف عن باقي الكورسات، صحيح إنه الكونسبت فيه شوي ثقيل ويبي له متابعة، لكن إذا فهمته فتقريبًا ضمنت الكورس لأن الأفكار اللي في الكورس قليلة، ومجال التريكات محدود.
2- في بداية السمستر الكثير يكون ضايع بخصوص مصدر المذاكرة، وخلاصة اللي توصلت له إنه خل دكتورك اللي تنزل عنده الكورس هو مصدرك، يعني أكتب معاه نوت في الكلاس، وذاكر من سلايداته، وركز على أسئلة الهوموورك اللي يعطيك إياها. لو بحثت في النت أو رحت لنوت خارجي راح تلاحظ اختلاف عن اللي تاخذه في الكلاس، وراح يصير فيه تداخل أو تضارب في المعلومات. والكتاب، في نظري، ما ينفع كمصدر رئيسي للمذاكرة.
(وهنا تتضح أهمية اختيار الدكتور في هذا الكورس خصوصًا).
3- خذ بعين الاعتبار إن الPrelab لهذا الكورس راح يأخذ من وقتك الكثير خصوصًا على بدايات السمستر، لأن بيكون أول مرة تتعامل فيها مع Pspice .
4- اللاب في هذا الكورس ممتع وسهالات، كونك تطبق نفس اللي تعلمته في اللكتشر بالضبط. بخصوص الريبورت ما راح يكون فيه ريبورت في معظم التجارب، فقط ورقة فيها جداول وفراغات تعبيها وتسلمها على نهاية اللاب وخلاص، لكن راح يكون فيه Full report لثلاث تجارب تسويه مرة واحدة في السمستر، وهذا فيه شغل.
5- فهمك للEE202 مهم جدًا في هذا الكورس، وأخص بالذكر Ohm's Law وNodal Analysis وMesh Analysis وVoltage Divider و Thevenin Circuits، صحيح إنه طريق تطبيقهم شوي مختلفة هنا، لكن زي ما ذكرت كلهم يشتركون في نفس المنطق تقريبًا.


بالتوفيق للجميع

 

ما عندي شيء أقوله غير أن المادة سهلة وقصيرة ومترابطة وتعتمد بشكل كبير على المدرس اللي تنزل عنده. نزل عند واحد شريح وما يجيب أشياء صعبة ويعطي درجات جيدة. مصادر المذاكرة للمادة سهلة، وطبعا ابتعد عن الكتاب. استعمل سورسات الجامعة (نوتات المدرسين)، سمري وقوانين الكتاب نهاية الشابتر، وفي بعد نوتات لجامعات ثانية ممتازة تجي، وحل أسئلة الكتاب المشابهة للأولد اكزامز وحل أولد اكزامس ووضعك بيكون ماشي.