التحضير :دقيق جدا وصارم..
طريقة الشرح : جيده..
الكويزات : ما فيه..
المياجر: احفظ تجيب علامه زينه..
الفاينلات : حفظ في حفظ..
القريد النهائي: الي تزعه تحصده بدون زيادة ولا نقصان..

 

التحضير :
شديد !!

طريقة الشرح :
لا بأس ، وخفيف ظل مع الطلاب

الكويزات :
لا يوجد ، فقط واجبات عن طريق الويب سيتي .. وواجبات اختيارية

المياجر:
على حسب المذاكرة ، ماهي سهلة ولا صعبة

الفاينلات :
لسة ماجربنا ، لكن على أمل إنها مثل المياجر

القريد النهائي:
الكورس إسلامي يعني الغالبية فوق الـ c+ والـ b

الصوت:
معتدل ،، لكنه يقرب جهة الطالب وياخذ وصول الصوت بعين الاعتبار

إضافات :
استاذ محترم وطيب بشكل عام

 

التحضير : شديد جدا على التأخير وما يسمح لك تحضر شعبة ثانية
طريقة الشرح : سواليف
الكويزات :واجبات فقط
المياجر: وسط وتلقى سؤال او ثنين بين السطور

 

إضافات : لا يوجد أي مجال للتشبيك

مافي أمل يزودك درجة حتى لو باقيلك درجة على الـ a+

 

للأسف إن الكورس اللي يدرسه اسم " الاخلاق المهنية في الاسلام "
ومن ضمنها احترام المواعيبد يعني وقت طلعتك وخروجك لازم تلتزم فيها

المشكلة انك انت تقوم على الصبحية وتتصروع من الباص انه ماجا وتقوم تدقها رجلية مع درج 4 وتجي قبل الموعد ب 5 دقائق وتجلس تنتتظر وتنتظر واخرتها بعد 10 دقائق الكلاس يفضى , ليه ؟
لانه الحبيب ما جا !!
والمشكلة الاعظم انه اذا انت تاخرت 5 دقائق سجلك متاخر و 10 دقائق طردك من الكلاس , شين وقوي عين ؟؟
مايعترف بشيء اسمه عذر ابد الا اذا كان مصدق ومختوم بورقة !!
يعني يوم من الايام كان عندي اختبار فزكس يوم الربوع
ووقبلها بفترة منزل واجب على الوب سيتي وله فترة تحله الى نهاية الويك اند
الزبدة مافضيت له !
قعدت اذاكر الفزكس طول وقتي وبعد ما طلعت من الفزكس لازم اخذ فترة نقاهة
جاء يوم الخميس وتذكرت ان فيه واجب لازم احله دخلت البورتال الا انه معيي ادخل ويقول الحساب محظووور
والاي تي سي هلب ديسك ماجاوا على بالي ذيك الفترة
وماحليت الواجب على العموم واروح السبت وافعل الحساب من الاي تي سي
ورحت حكيت له المشكلة وقلت له بامكانك تتغاضى عن الواجب او تعوضني بواجد اخر ( ميك اب )
قعد يقول لي كان حليته قبل الاختبار ( قبل الويك اند )
انا معطيك مهلة 4 ايام يعني ماحد قال لك تاخر هالواجب وهذي غلطتك وانت دفعت ثمنها !!
قال جيب ورقة منهم ان حسابك كان محظور طول ذيك الفترة واتغاضى عنك واعطيك درجة عنها !!
قلت بلى ورقة بلا واجب راس ماله درجة وانا جايب العيد ماتفرق معي !!

المهم نجي للشرح :
تجي الكلاس فقط عشان تسولف معه هع
تطلع من الكلاس تفك المذكرة والكتاب تدور كلمة قالها في الشرح وموجودة في الكتاب ما تحصلها !! دليل على الاقل ما تحصله
طول الكلاس سوالف عن الاخبار والسياسة والاحداث في الوقت الراهن !!
ما انكر انه يذكر لك شيء عن المنهج
الا يذكر بس دايم يطلع بعيد !
تقول له شيء يبدأ فيك بعدين يتسحب ويروح المريخ ويدخل جو

يتمنى اي مداخلة من الطلاب واذا احد عنده مشاركة ولا حاجة وحس انها موب صحيحة قام يستلم فيه ويعلق على المشاركة يبي يضحك الطلاب !!
طول وقته يكرر هالكلمة حقظتها من كثر ما يقولها ّ( اه. ايه ) بتسمعونها منه كثير

تجي تفك الكتاب ولا المذكرة تبي تستعد للاختبار تتفاجئ انك بتحضر رسالة دراسات عليها وهاللي تقرأه معلومات جديدة عليك !
يعني روحتك للكلاس مامنها فايدة وهذا اللي سويتها انا بعد ميجر 1 !! وخليت خويي يحضرني

طريقة التحضير: بالارقام التسلسلية
كل ما ينطق 5 ارقام يطالع في الشعب ويتاكد !
هالطريقة نفتعني اني اغيب واسححب عليه طووول الترم من بعد ميجر 1

أعمال السنة :
10 تحضير و 10 واجبات و 2 لعمل اضافي
كل غياب بدرجة وكل تاخير بنص درجة
الواجبات على الوب سي تي
يعطيك 3 أسئلة الى 4 أسئلة ويقول جاوب عليهم ريتين ( كتابي ) >>> الله يخلي الشعب كوبي وبيست اذا كانت من المذكرة !!
المهلة من 5 الى 3 ايام بعدها ما يقبل !

الاختباااار :
تقدر تسميها حقت قرييييييد
سهاالااااااااااااات الى ابعد حدوووووووووووود
مجرد ما تقرأ الكتاب بتمعن راح تحس ان اغلب الاجوبة تنحل
طبعا يبي لك شوية فهم وكثيير حفظ لان ممكن يقول لك من القائل وفيم نزلت والخ !
والقس يمشي معك 100 % <<< وهذا اللي ساعدني
يعني القس عنده مو زي الفزكس والكمستري والماث
تقس وتجي معك مضبوووووط
افرجه في ميجر 1 كان 16.4 من 20 وميجر 2 كان 21.3 من 25 والفاينل 31.3 من 35
هذا يدل ان اسئلة سهلة على عمووووم الطلاب
على الاقل في نظري اسألته اسهل بكثييييييييييييير من اسئلة السليمان ( داع 111 )
السليمان لو تقس من هنا لبكرة ولا تغش من خويك مافيه حل انت بتجاوب غلط !
حتى لو متاكد من اجابتك بتخبص في الاختبار تقول اسئلة ماث والعياذ بالله !

يعطيك درجتين بونص للي يسوي عمل اضافي
سهل العمل سو له صورة ولا سلايد بور بوينت وحط فيه دليل او فكرة او نصيحة وبس
طبعا انا ماستفدت من العمل لاني بدون العمل باقي لي 4 درجات على الدرجة اللي فوق
ومع العمل باقي لي درجتين واصل للدرجة اللي فوق فمافيه فايدة في كلا الاحوال

نصيحة اخييييرة :
نزلها عنده اذا كان همك قريد وذاكر في بيتكم وجيب الاي بلص وانت مرتاح !! ولا انت محصلها عند اي دكتور
لان حافظ اسئلته كتابية يعني يبيلك تحفظ على الاقل وتفهم بعدين تحل

واذا كان همك تستفيد " الاخلاق المهنية في الاسلام " فاسمح لي نزل عند حافظ او المزيني او الشلهوب ابرك من هالدكتور بغض النظر عن القريد

وهذا والله اعلم قلتها بناء على وجهة نظري الخاصة وذكرت الخافي والاسباب وأنت مخير عندك عقلك وحكمه في المكان السليم !!
سبحانك اللهم وبحمدك أشهد أن لا إله إلا أنت أستغفرك وأتوب إليه​

 

يدرس شي ما يطبقه ... يدرس اخلاق المهنة و الالتزام و ... و مع ذلك يغيب بدون ما يعلم الطلاب كثيييير .. و اذا تاخرت غيبك !! اسئلته بعضها تعجيزية .. بس يبيك تغلط .. و بعضها موية

كلاسه ممل و يتكلم عن اشياء مو بالمنهج ... وواجبات على الويب سي تي و قروشة ... بالعربي اذا حصلت غيره لا تنزل عنده

 

أبدا كلامي باقتباس من واصل

انا صار لي نفس هذا الموقف بالضبط !!

وقلت لا ابوها من مادة وحذفت على طول لأن إذا كان هذا الاسلوب في الواجبات فما أدري وش يبي يصير بعدين ، فابعد عن الشر وغني له


التحضير : يومي

طريقة الشرح : عادي جدا ما فيه زود

الكويزات : لا يوجد

المياجر: نقدر نقول سهالات

الفاينلات : عادية

القريد النهائي: اعطيه دي بلس

الصوت: خفيف جدا وإذا تبي تسمع اجلس بالصف الاول

إضافات : أخوي واصل كفى ووفا بالتوضيح وأشوف ان هو المرجع والمصدر الصحيح

 

اليوم تأخر عن الميجر ربع ساعة

وقعدنا ننتظر الميجر يجي لأنه معاه :s !!

 

ياشباب ابي احد يحسم عنده ولا عند المزيني هع ؟



:: عزووز ::

 

اخدت الكورس معاه وايامتها ما كان في خيارات مله كتابي والله طفشني بالمنهج الطويل وتعبني

 

^^^

هذا الرجل يقول الحقيقة ...
لكككككككن , الواجبات كان عندك 3 ايام للتسليم فقققققط و لو تتأخر ساعة عن منتصف الليل يحط لك زيروووووو قد كدااا بها الواجب
و لككككككككككن , مياجره موب ذي السهولة اللي انت تتكلم عنها , و ربي ان الفاينل كان بنص صعوبتها ..... الفاينل جبت فيه فل مارك بينما المياجر كانت مآسي
اما العمل ف في الترم اللي اخذت معه ما كان فيه عمل و لا هم يحزنون

بس يا عمي تراك دجعتني لأيام هالدكتور و كل ما قلته كان فعلاً واقع و بالاخص " آه اااه " بس ازيد عليهم " آااه ... يعني ... ههه "
مع انه ما كان الخيار الصحيح لكن ما ندمت اني اخذت عنده لأنه اغلب الترم ما كان يحضر فكنت اروح اجلس بالمكتبه + عطانا اسبوعين اجازة بعد الميجر 1 + طلعنا بقريد مرضي " بجهدنا " مو من كرم سلامة الشيخ ...

 

للاسف مادة يدرسها شخص غير مناسب لها. (211 او 212)

تمنيت لو اني اقدر اخدها مع اي شخص تاني غيره.. والسبب انه شديد زيادة عن اللازم

والشي التاني انه مايتفاهم .. ولا يرضى يتنازل عن الشي اللي يسويه ولو انه مقتنع ان اللي قاعد يسويه غلط..
لانه يتحجج بكلام غير منطقي لمن تقنعه.. ووقتها تحس انك تتكلم مع واحد غريب الاطوار.. وتكبر عقلك وتمشي الموضوع.

على ايام اول كان يطلب من الطلاب كلهم المشاركة في الويب سيتي.. مدري على ايش.. وكانت المشاركة اجبارية اذا ماني غلطان

 

طريقة الامتحان كتابة او اختيارات

لأني افكر انزل هذه المادة بدل مادة

 

^^^

اختيارات اكثرها..
لكن فيه بعض الاسئلة كتابه على ما اذكر..

 

خذ من عنده قريدات المياجر و فاينل

مره مره مره سهلللللللللللللللللللللله

و خلك حريص شوووي على الهووموورك و حضورك في شعبتك


ما عنده مرووونة مع الطلاب





و بس

لا تاخذ منه لا اخلاق و هم يحزنون

يتكلم عن التسيب في الدوائر الحكومية و و و و

و ما يشوووف نفسه

في الصيف غاب اكثر من 10 مراآت

و لكم ان تتخيلوا .. كلاس الساعة 8 و بعده بريكـ إلى 10

و الدكتور ما شرف ؟؟؟؟؟

 

وافق شنٌ طبقة

 

للأسف الشديد الدكتور عصام الحميدان يفعل خلاف ما يشرح..

يعني يتكلم عن الأمانة ومن هذه الأمور ويجيب إحصاءات عن التقيد بالعمل في اليابان وفي السعودية(في مكة على ماأظن) وفي الأخير هو لا يتقيد بالعمل ويكثر الغياب..

أندم كثيراً على خسارتي من وقتي أكثر من 900 دقيقة حضرتها معه..كنت أستطيع الإستفادة منها بشكل كبييير أقلها النوم..

في الشرح كان بارد جداً وتحس إنه يعتمد على معلوماته الشخصية فقط..يعني كلامه مو مترابط والتقطيع كثييييييييير..

أحياناً يفتح موقع مكتب العمل على ماأظن والخدمة المدنية وميثاق الأطباء ويفرفر فيها شوي ثم يسكرها..








وعلى أساتذة يفعلون مايقولون نلتقي..​

 

السلام عليكم ورحمة الله

...............

طيب ... أول شي ..أنا اخدت المادة 212 مع الدكتور عصام من زمان شوية ...061 أو 062 شي زي كدة مدري امكن اتغير دحين الله اعلم ...

التحضير: أتذكر انه كان شديد في التحضير ....

طريقة الشرح : ياخد الموضوع ويتكلم عنه شوية بعدين يعطي شوية قصص وطيب ينكت شوية .. أحيانا يخش النت على حاجات لها علاقة بالمادة (مكتب العمل والخدمة المدنية وميثاق الأطباء ... )
الكويزات : لا يوجد
المياجر: متوسطة (اختيارات ..وبعضها دقيق)
الفاينلات : سهل إلى متوسط (اختيارات)
القريد النهائي: بين a و b+ .. خليها a
الصوت:عادي .. هو واطي شوية بس يعني مسموع
إضافات : بصراحة ما اتذكر انه غاب أي حصة في الفصل الدراسي اللي اخدت فيه معاه ..اتوقع الشباب اللي اخدو معاه الصيف حاقدين امكن كان عندو مشاغل او ظروف؟ .. مدري... 062 كان كويس !
الواجبات عقدة ..لو تسلمها بعد دقيقتين ما يقبلها .. وفي واجبين بونس او شي زي كدة
حصللي معاه موقف ... كان في سؤال صح وخطأ مو موضح زي الناس ومبهم ... في حاجة في الكتاب كأنها عكس الجواب اللي هو حاطه ..رسلتله ايميل عن الموضوع وشرحتلو انو انا اتلخبطت ... راح اعطاني الدرجة حق السؤال وحسبها للكل صح!

عن نفسي ..انطباعي عنه كان طيب

مجرد رأي

...........

سلام

 

المادة الوحيدة اللي حذفتها بالجامعة كلها..
كانت هذي المادة.. مع هذا الدكتور..
لان مثل ماذكروا الاخوة يشدد باشيا مالها داعي.. ويدقر عليها..
والاختبار انا ابد ماقدرت اجاوب عليها اسلوب اكمل الفراغ.. وتحصل الف جواب صحيح.. وهو مايعتبر الا اللي بالكتاب..

مثلا العمل الذي يحبه الله ويرضاه هو .........
يبعى نص الكتاب.. ولو انك حطيت الف كلمة بالفراغ بتطلع صحيحة..

فكنت رح اطلع بـ c
فحذفت المادة