بصراحة مادرست معه الا اسبوع وغيرته من المسجل طبعا الكورس ee205

التحضير : كان يومي وبالثانية بعد (كان الساعه 7 الصباح عذاب) وهو هذا السبب اني غيرته حسب اول يوم بالسمستر ماجيت حطني غايب وحسبه والمرة الثانية جيت متاخر 3 دقايق وحطني ابسنت يقول اللي يتاخر لا يجي وعصبي ولا يتفاهم معه
طريقة الشرح : بالنسبة لي ماكنت فاهم بداية الدرس معه يمكن لانه صباح مرره بس كان يسرع كان احد يلحقه واحيان يشرح شوي وينقز لمثال ومايكمله ويرجع للاولى يعني اي فكرة تخطر ببالة يرميها ويرجع للثانية مايرتب كلامه وشرحه = هذي انطباعي الاولي عنه ما ادري عنه بباقي السمستر
الكويزات : مدري
المياجر:كومن
الفاينلات :كومن
القريد النهائي: .......(بس لو لقيته ما راح انزل معه)
الصوت:عالي
إضافات : بعض زملائي يمدحونه يقولون شرحه تمام باذكر مره جيته الاوفيس(لان وقته كان يناسبني وقلت خلني اسئلة سؤال محيرني و ودي افهمه ) وقلت عندي سؤال بدل مايساعدني بالسؤال جلس يرفع صوته ويقول انتم بس تحفظون وماتفهمون قلت طيب حلها صار يسالني عن اشياء مالها علاقة بالسؤال قال شفت انكم ماتفهمون قلت طيب حل المسالة ابي حلها فكر فيها شوي وخربط علي وقال بس انت كمل يعني مافهمت منه شي وتحسفت اني جيته اصلا

 

المادة 205 في 101
التحضير : من أول دقيقة . وإذا خلص تحضير يقول مين دخل متأخر. وفي نصف الترم صار ما يقبل التأخير . (مهم بالنسبة له)
طريقة الشرح : ما علية بس بعض الأحيان يخرج المضوع .
الكويزات :بعضها صعب وبعضها سهلة
المياجر: كومن
الفاينلات :كومن
القريد النهائي:الصراحة أقل من ما توقعت.
الصوت:واضح.
إضافات : بعض الأحيان يعصب ولا تقدر تتفاهم معه .
وفي الأوفيس أور تسئلة سؤال ما يجاوب على طول .

 

الكورس: 205
التحضير :
من أول ثانية في الكلاس .. وإذا تأخرت أكثر من دقيقة .. غااااااايب .. حتى لو الكلاس الساعة 7 الصباح ..

طريقة الشرح :
كان يعطينا نوتات هو كاتبها .. لكن بصراحة مو واضحة .. وما تساعدك كثير .. لكن الحمد لله إن كتاب السيركتز واضح .. لكن كنت أواجه مشكلة لأن أحيانا تكون طريقته غير طريقة الكتاب .. والمشكلة هو شرحه مو واضح .. فانتكبت في الكورس هذا .. صوته منخفض .. وولا مرة في حياته كمل اكزامبل إلى الآخر .. يكتبه وبعدين يحل أول خطوتين .. وبعدين يقول الباقي تعرفونه .. أو ارجعوا للنوتات بتلقون الباقي .. بصراحة شرحه مو جيد .. ومن كثر ما إن صوته واطي .. كنت أحيانا أسمع الدكتور اللي في الكلاس اللي جمبنا أوضح من صوته "كان جمبنا حسن راغب " .. لكنه دكتور كبير في السن وطيب .. أحيانا يعصب علينا إذا سألنا سؤال ومحد جاوب .. أو إذا كانت درجاتنا مو حلوة في المياجر أو الكويزات ..
الكويزات :
متوسطة .. ويدف في التصحيح..
المياجر:
كومن.. يدف في التصحيح..
الفاينلات :
كومن.. مدري عن التصحيح..
القريد النهائي:
C
الصوت:
منخفض .. عربي على انجليزي..
البروجكت:
أذكر عطانا بروجكت ماتلاب .. وما كنا حووووول الماتلاب .. ماكان معقد .. لكن سوينا اللي كان مطلوب .. مع ذلك ما عطانا قريد كويس .. يقول إذا تبي الدرجة كاملة .. لازم تسوي زيادة عن المطلوب ..!!
إضافات :
- بصراحة دكتور طيب وحريص على الطلاب .. ويدف في التصحيح والقريدات .. خصوصا إذا المادة ما كانت كومون..
- لا أنصح فيها إذا كنت تبي تفهم المادة .. لكن إذا كنت تبي قريد فقد يكون خيار جيد إذا كنت من النوع اللي يعرف يدرس بلحاله..
- تعذبت في مذاكرة هالكورس بصراحة .. ولا طلعت بقريد كويس ..

 

درسني كورس 200

التحضير :
من اول دقيقه ,, بس احيانا يمشي التأخير ويحضرك في حال كان فيه عذر
طريقة الشرح :
ماكانت جيد مره , لكن الكورس ماكان صعب , احيانا تحس انه حافظ الكلام ويرمي افكار ,, وما عمره كمل حل اي مثال
الكويزات :
كانت سهلة الى متوسطه ,, سهله غالبا
المياجر:
كومن
الفاينلات :
كومن
القريد النهائي:
+c
الصوت:
منخفض ,, وطبعا يخلط عربي بانجليزي
إضافات:
يطلع عن الشرح احيانا ,, واحلى شيء فيه اذا قعد يتكلم عن تطبيقات الشي اللي ندرسه في الحياة الواقعيه
الواجبات ما عطانا شي

لو لقيت غيره يكون افضل

 

كيف الدكتور في 340

 

مطلوووووووووب التقييم عنه في كورس 340 لو سمحتووووو عاااااااااااااجلا

 

٣٤٠بليييييز

 

203 وش وضعه يا شباب ؟؟

 

340 > لعبة الدكتور

التحضير : بدآية الكلآس واوقات يسمح بالتأخير اذا فيه عذر
طريقة الشرح : ممتآزة ، عنده نوت بخط يده (الخط شوي مو واضح) .. يخليك تجيب النوت ويرجع يشرح ع السبورة ويحل امثلة كثير (أغلبها ما يكملها) ، يعطيك تطبيقات من الحياة اليومية تحببك بالمآدة ، ويربط المبادئ مع الموآد الثآنية
الكويزات : متوسطة الى سهلة
المياجر: ما كانت كومون ، ما تطلع من النوت حقه (متوسط)
الفاينلات :ما كان كومون ومن نفس النوت (أقل من المتوسط)
القريد النهائي: A
الصوت:وآضح
إضافات :
الدكتور طيب وتهمه مصلحة الطآلب بفهم المعلومة والدرجة ، ينتقد الأدآء كثير عشان يشد الهمة (ولو إني ما أحب هالأسلوب) .. واذا رحت له المكتب يشرح لك اللي تبي (أوقات يعصب عليك لأنه يتعب كثير في المحآضرة ويتوقع انك تبذل نفس الجهد بالمذآكرة)

ملآحظة : المآدة تعتمد على ماث 302 (المتجهآت والأشكال المختلفة) بالبدآية ، يعني لآ تلعب ببدآية الترم ولآ تغيب عشان ما تضيع

اصعب شي في المادة ماتيريال ميجر 1 فقط
ميجر 2 أقل صعوبة
الفآينآل سهل

بالتوفيق ،

 

ياشباب الدكتور في 340 كيف ..؟ وكيفه في القريدات ؟
ضررووورري

 

أخذت معآه 205 & 203

و كآنت من أمتع الكورسآت معـآه ..

هذآ الترم آخر ترم له .. بعد 30 سنة قضآهـآ في الجآمعة .. على حسب كلآمه ..

الله يجزآه عنّآ خير الجزآء ..

 

^

إسمه نازل في ترم 131 !

 

السلام عليكم
ياشباب خافو الله فاللي تكتبونه والله الدكتور عصام ملك في 340
اللي يبي يفهم الكورس وبيمشي على اللي يقوله الدكتور والله بياخذ قريد مرا حلو وبيستفيد
ميزة الدكتور يربط الكورسات في بعض .يعني يعاملك كانك مهندس
غير كذا اختباراته يركز على فهمك مايهتم بالاجابه النهائيه
والله انصح فيه وبقوه انا احسن قريد في الكهرباء اخذته في 340 مع العلم انه درجات في الكورسات الباقيه مو عاليه
مرا ثانيه الناس اللي جايبه دي وسي حرام عليكم تظلمون الدكتور والطلاب انتو ماشتغلتو وهذا نتيجة شغلكم
انا اقترح انه اللي بيعطي رايه لازم يكون قريده سي بلس وفوق عشان الحكم يصير عادل ونفيد الطلاب

 

^^ أضم صوتي لصوت الأخ الطيف

بصراحة ثاني دكتور( قبله الدكتور وسام مصباح 370) درسني ماده احس فتحتلي افاق كثير وفهمت اشياء كثير كـ مهندس ( مو باحث عن القريد)

الدكتور من بداية الترم يردد ويقول تقريبا كل كلاس ( المادة هذي صعبه تحتاج شغل اول بأول شغل انك تسلكها قبل الميجر ما يمشي ) ( انتو ما بتزكروش!! ) بس محد يسمع
والله وهو صادق الماده دسمة والي يسحب على الشرح طول الترم وبيلحق بالميجر بيطلع ب دي لو شد حيله .. عشان كذا الي مخبص معاه حط اللوم فيه .. ولو ماشي معاه والله بتحسها سهله

غير كذا انا يعجبني الدكتور الي يربط المادة الي يدرسها بالواقع وسبق قالنا واثبت انها اهم ماده بالكهرباء كـ "كونسبت" .
مو يرميلك الزبده ويحفظك ويمشي .. انسان بيفيد الطالب قد ما يقدر .. يبدا بداية المثال لما تتضح الفكره ويتركك تكمل الحل (( والحل موجود بالنوت حقه لو تبي )) .. وهذا قاله عشان يوفر الوقت ويعطينا اكبر فائده ممكنه .


تقيمي العام : A++ دكتور من الطراز الرفيع

عذرا على الإطاله .. ​

 

وش وضعه في ee 202

 

up

 

Up

ياليت نعرف عنه شوي مع كورس 203

 

up كيف 340؟؟؟

 

يا شباب بالنسبة لل 203


اول شي تحضيره بشكل يومي و في اول الكلاس

كويزاته اسهل منها مافي وحاولوا تجيبون فيها درجة كاملة


الواجبات يجيبها يا من الاولد اقزامز ولا من واجبات حسن راغب تلقونها في الريسورسيز

الدكتور ممتاز في الشرح وتعامله ممتاز و طيب