Exchange Program VS Coop

سمستر واحد ما راح يفرق!!!

طبعا روح ولا تفوت هالفرصة العظيمة

يستحق التأخير طبعا خصوصا اذا كانت الجامعة قوية

نصيحة لا تضيع هالفرصة الثمينة ..

اعرف 3 راحوا من قسم ال Systems Engineering وكانوا في Texas A&M

على قولتهم من افضل فترات حياتهم كانت!

الله يوفقك ويسهل امورك واي استفسار انا حاضر في الخاص

 

تأكد ان تأخرك في التخرج ما راح يقلل حظوظك في مستقبلك الوظيفي لما تتخرج بل ولا راح يأثر عليك بتاتا

بل بالعكس خطوة الاكستشينج هذي راح تضيف شي مميز في السي في راح تخدمك كثير كثير في الانترفيووز .. خصوصا اذا عرفت كيف تستغلها لصالحك ’’

و راح تذكر كلامي ذا لما تتخرج ..

توكل على الله و لا تفوت الاكستشينج !!

دمت بوود‘‘ ..

 

نصيحتي لك هي أحدى أمرين
الأول أنك تروح لبرنامج التبادل الطلابي بس أنك تحول سمر علشان ما تتأخر كثير
الثاني تطلع كؤأب و تلغي برنامج التبادل الطلابي

 

مستغرب من الردود اعلاه!

ما اشوف فيه فائدة واحده من تأخرك سمستر كامل غير الفله والوناسه في امريكا!!حتى الشركات ما راح يعني لها البرنامج اي شي مهم..في الاخير انت خريج بترول والمعدل والشخصيه هي الفارق بينك وبين غيرك فقط

لا تضيع نفسك ووقتك وتخرج في اقصر وقت ممكن بمعدل كويس وتوظف ترا الوضع تغير والوظائف قلت

اذا الموضوع على امريكا توظف وخذ لك اجازة شهر ولا تخلي ولايه ما تزورها!!

 

^
^

أختلف معك كليا في نقطه الفله و الوناسه !

عزيزي انا شخصيا طلعت سفره قصيرة جدا و كانت حق شغله في بروجكت معين .. ما تتخيل الفائده اللي حصلتها في هالفتره .. فما بالك لو كان فصل دراسي ..

اضافة انو هذا السمستر راح يغير في شخصيتك الشي الكثير !

بالمناسبه تعتقد كل خريجين البترول معدل و شخصيه .؟ يـآما كثار شخصيتهم عادية جدا

المسألة مسألة صقل من الشخص نفسه لـ نفسه .. و أنا اشوف هذه الفرصه ممتازه جدا لاستغلالها في هذا الجانب ..

اضافة انها راح تكون فتح لباب رزق و تميز عن بقية الخريجين !

و ارجع و اقول تأخر سمستر لن يؤثر خصوصا انو الفائده المرجوهـ راحت تثري الطالب و تميزه عن غيره

هي تجربه لن يفهمها الا من يعيشها وبعدين كلها كم شهر بـآي ذـ وييه ’’


تحيتي ’’

 

أعرف واحد كيمكال راح إكستشينج

لما رجع استجوبته عن الفائدة فأخبرني أن الفرق في الفائدة العلمية قليل

نعم، تعرف على أمريكان،،، نعم قال لي المسائل اللي في كتبهم أكثر واقعية في أرقامها من عندنا، لكن خلاف ذلك فالدراسة مثل هنا وحتى الدرجات Pass/Fail يعني ما تحمس
نقطة جانبية: إذا رحت بالترم 121 بتقضي رمضان والحج هناك

عموما: يبدو من كلامك أنك صاحب دين ،فتذكر شروط الذهاب: دين وعلم وفائدة غير موجودة هنا

رأيي: إذا اتقيت الله وكانت نيتك خالصة لله ولنفع المسلمين، فلن يضرك أي الاختيارين مشيت عليه

فركككككككز بجعل نيتك لله واستمر بالاستشارة
ثم بعد أن تعزم،، الاستخارة مهمة جدا جدا جدا

 

اتفق معك في نقطة صقل الشخصية
اختلف معك ان البرنامج يأثر في رغبة الشركات بالتوظيف
كخريج فريش..الشركة تقيمك على المعدل بشكل كبير جدا وفي بعض الشركات يوظفون اصحاب المعدلات العالية بدون مقابلة فعليه وجاده
عموما انا ابديت وجهة نظري وقد تحتمل الخطأ والله وحده سبحانه هو من يعلم ماهو الافضل والاصلح

الله يكتب ما فيه الخير والصلاح لنا ولكم

 

سبق وإن شاركت في الexchange program .. على الرغم من انه مو كل المواد تعادلت لي واضطريت إني انضغط في دراستي هنا, الا إن التجربة كانت جدا مفيدة بالنسبة لي, وتعلمت منها أشياء كثيرة ... أصلا وجودك في جامعة ثانية لفترة ترم وانت طالب بكالوريوس بحد ذاتها تجربة جميلة ...

أقترح عليك تروح الاكستشينج وتاخذ سمر تريننج, إلا لو كان فيه مكان معين للكوآب تظمن انك راح تستفيد فيه شيء ثاني ... وانتبه من ناحية المواد اللي تتعادل واللي ما تتعادل, لأنهم هنا ما راح تفرق معهم واجد اذا انت جاي من الاكستشينج ولا لا ... عموما حتى لو ما عادلو لك المواد راح تجربة حلوة في حياتك ...

 

صحيح هذي نقطة مهمة
يمكن لما ترجع من الاكسينج غير انك بتتاخر بسبب الكواب
يمكن تتاخر اكثر لبسبب ان الجامعة ترفض تعادل لك بعض المواد فتضطر ايضا تتاخر سمستر اخر
على مادة او مادتين !

ماانصحك باحد الامرين، لكن فجر وركزها صح بمخك وقرر واستخر

 

روح للأكستسشينج ..!!
تجربة كانت من أروع ما يكون (بالنسبة لي .. ) ... صحيح انك ممكن تتأخر ترم في أسوأ الحالات .. لكن الفائدة والتجربة والجو الجديد يسوى التأجيل ..

الفائدة العلمية ... ربما لن تكون كبيرة جدا ... لكن التجربة ذاتها والاستكشاف والتغيير يستحق كل العناء ..

أنصحك تروح .. واذا تقدر تتنازل عن الكواب .. وتاخذ سمر يكون أفضل ..