أرشيف المواضيع المميزة
-
نصائح لكل باحث عن عمل ..... خصوصا حديثي التخرج.
السلام عليكم و رحمة الله و بركاته
أخوكم خريج جامعة البترول دفعة 2006 معدلي 2.59/4
استمريت عاطل لمدة سنة و ثلاث شهور بالضبط و الحمد لله توظفت في شركة كبرى في السعودية.
طبعا أسباب بقائي عاطل كل هالفترة كثيرة بس المهم منها سبب واحد و هو النصيب و المكتوب من رب العالمين و التقصير لا يخلو انسان منه لكن أعتقد و بشدة أن هذا كان ابتلاء من الله سبحانه و أسأل الله أن يكتب الأجر و يغفر الزلل. طبعا يمكن تقولون ان الفترة هذي عادية مو طويلة لكن اللي اتخرج من البترول غالبا يعرف انه متوسط فترة العطالة لطلاب البترول هي تقريبا ستة أشهر و هذا معناه ان اللي يجلس اكثر من سنة يبدأ يشوف أخوياه اللي تخرجو معه و بعده حتى يتوظفون و هو يتفرج و مهما حاول الانسان يصبر لابد ما يتأثر و يجي في نفسه شي لانا كلنا بشر و الله يقول (إِنَّ الْإِنسَانَ خُلِقَ هَلُوعاً).
أول ما تخرجت من الجامعة كان التقديم عندي متلخبط جدا و كانت فكرتي اني اقدم على شركتين ثلاث و انتظر منهم رد و طبعا هذا أكبر غلط. على كل حال بعد ما كملت سنة تقريبا و ما جاني و لا عرض مع اني سويت حوالي 8 مقابلات قررت اني اجد في التقديم و... -
تجربتي في برنامج التبادل الطلابي
بسم الله الرحمن الرحيم
بإذن الله سأتكلم في هذا الموضوع عن تجربتي في برنامج التبادل الطلابي Exchange Program. الحديث بيكون على شكل حلقات أنزلها كل ما تيسر الأمر وبين الحلقات مرحب جداً بالأسئلة بشرط تكون الأسئلة عن تجربتي أما الأسئلة العامة فمكانها هو الموضوع المثبت.
الحلقة الأولى: التقديم وتحديد الجامعات
أول مرة بدأت أفكر في الموضوع بشكل جدي كانت في سمستر 131 لمن صديق عزيز (بنسميه عبدالله) كلمني عن الموضوع في لاب الأورقانيك كميستري، تحمست معاه وقدمنا سوا على أساس نطلع في سمستر 141 واحنا جونيور بعد التقديم جاني ظرف منعني من الاستمرار فاضطريت اعتذر عن البرنامج بينما كمل عبدالله عملية التقديم لكن يشاء الله ألا يستطيع هو أيضاً المشاركة بسبب مشكلة من الجامعة المضيفة.
عن نفسي شلت الفكرة من بالي بعدها، لكن سبحان الله أول ما فتح التقديم لفصل 151 تحمست جداً وقدمت مرة ثانية وقدم عبدالله أيضاً، بعد التقديم كان أول اجراء هو اختبار التوفل ولن أتكلم عنها لأنه سبق لي الحديث عنها (KFUPM... -
رحلة مابعد البكالوريوس ومرحلة الدراسات العليا
السلام عليكم ورحمة الله وبركاته
جمعة مباركة اخواني
بناءا على محادثاتي مع بعض الاخوة من خريجي الجامعة عن الدراسة الجامعية مابعد البكالوريوس واقتراحهم اني اكتب موضوع مفصل عن هذه المرحلة بحكم ان فيها تفاصيل كثيرة غير واضحة للكثيرين سواء حال الرغبة بالعمل الاكاديمي أو للعمل سواء كان بالقطاع العام او الخاص.
أول شي أنواع الشهادات مابعد التخرج الجامعي:
1- درجات علمية Academic Degrees
2- درجات احترافية Professional Degrees
3- درجات غير معترف فيها "ممكن تصنف نفسها كأحد الدرجتين"
أولا الدرجات العلمية:
هذي الدرجات هي الدرجات الي بالعادة احنا نتعامل معاها بالهندسة وهو الطريق الطبيعي الي راح نسلكه لو قررنا اننا نتابع في التخصص.
مثلا:
BS. Mechanical Engineering
MS. Mechanical Engineering
PHD. Mechanical Engineering
طبعا مايشترط انك تكون بنفس الاختصاص لكن الدرجة العلمية تقدر تتعرف عليها بطريقتين:
1- القدرة على اخذ شهادة الدكتوراة بالتخصص.
2- التركيز في هذي الشهادة على الأبحاث العلمية Academic Journals.
ثانيا الدرجات الإحترافية أو الـ Professional Degrees
هذي الدرجات تكون الدرجة... -
موضوع شامل : تخرجت ، الخطوة الي بعدها ؟
السلام عليكم و رحمة الله وبركاته
كل عام و انتم و بخير ،
في هالموضوع بحاول ألخص الخيارات المتاحة للخريجين بعد التخرج مع شرح لطرق التقديم و البحث عن الوظائف
لخريجي الهندسة و الإدارة وتخصصات الحاسب
و هذي النقاط الي راح يغطيها الموضوع :
1- الوظائف الحكومية ( جدارة )
2- وظائف قطاع الخاص ( طاقات ، تمهير ، ... )
3- الوظائف الأكاديمية ( معيد ، باحث مساعد ، ... )
4- برنامج الإبتعاث ( وظيفتك_بعثتك )
5- الدراسات العليا
6- برامج التدريب في ( مسك )
7- طرق التقديم :
- التقديم اليدوي
- مواقع التوظيف
- معارض التوظيف و أيام المهنة
- التقديم بالايميل
- قروبات التوظيف و الجامعة
- إدارة التوظيف في الجامعة
- مراكز طاقات ( يختلف عن موقع طاقات )
8- الفترة بين التخرج و الوظيفة ؟
9 - المقابلات كيف استعد لها ؟
10- السيرة الذاتية
11- ملاحظات عامة -
تجميع لتجارب الأعضاء في المقابلات مع أرامكو
السلام عليكم ورحمة الله وبركاته
هذي تجارب الأعضاء في المقابلات مع أرامكو
Department - Major - Interview Questions - Year
Exploration Unconventional - Mechanical Engineering - Interview Questions - 2016
Exploration - Management information system - Interview Question - 2017
IT - Electrical Engineering - Interview Questions - 2015
Drilling & Workover - Petroleum Engineering -... -
سنتين و 10 شهور من كلية المجتمع إلى البترول,التجربة كامله+ التفصيل في عملية التحويل:)
.. بسم الله الرحمن الرحيم ..
هذا الموضوع سيحوي على إقتباسات من موضوع آخر ...
في هذا الموضوع .. أذكر فيه تجربتي في الدراسة في كلية المجتمع بالدمام بغية التحويل إلى جامعة الفهد .. وسأذكر ببعض الإيجاز والتفصيل .. ماحدث معي من تجارب لعلها تفيد من يريد أن يخوض نفس التجربه ...
في 20/9/2008
د.غســـ 28 يوليو 2011 ساحة كليات المجتمع وبرنامج الدبلوم المزيد المشاهدات: 16,428 الإعجابات:2 الردود: 31 -
موضوع شامل عن التدريب الخارجي ~
السلام عليكم ورحمة الله وبركاته :
في الجامعة فيه فرص كثيرة تقدر تستغلها في تطوير نفسك سواء في المجالات المتعلقة بتخصصك او المهارات الشخصية ونفس الوقت راح تفيدك في مستقبلك من ناحية الوظيفة والخبرة الي راح تكتسبها ومن هذي الفرص :
- برنامج التبادل الطلابي Exchange
- التدريب الخارجي .
هذا الموضوع عن التدريب الخارجي راح يشمل :
1 - مقدمة عن التدريب الخارجي .
2 - شروط التدريب الخارجي & الاجرائات & النماذج المطلوب تسليمها .
3 - طريقة البحث عن فرص تدريب خارج السعودية & قائمة بالشركات .
4 - السلبيات و الإيجابيات + نصائح عامة .
5 - تجارب الطلاب في التدريب الخارجي .
1 - مقدمة عن التدريب الخارجي :
التدريب الخارجي في الجامعة قسمين :
# الأول : تنسيق بين الجامعة وبعض الشركات .
وهذا القسم يكون منحصر على الطلاب أصحاب المعدلات عالية غالبا ( 3 وفوق ) وأحيانا يكون 2.75 ( على حسب عدد الطلاب المرشحين وشروط الشركة ) . الاجرائات بشكل عام طويلة سواء كانت فرصة التدريب... -
حل أسئلة د.الكحليي بالفيديو + أفضل طريقة لمذاكرة Phys101
السلام عليكم و رحمة الله و بركاته
ارحب بكم يا معشر ال Phys101 العظيم
أخوكم في الله توه متخرج و فااااضي ، و بسبب الفضاوة الزايدة قررت أحل اسئلة د.الكحيلي لمادة Phys101 وارفعها على يوتيوب. انتهيت من تصوير الاربع الشباتر الأولى لكن للأسف حذفتها . بعد التصوير شغلت الفيديوهات و اكتشفت ان الشرح كان مو بالمستوى الجيد .
هذي صورة للكارثة بعد حل اربع شباتر
أعدت التصوير بجودة أفضل من ناحية الشرح و الصوت و كل شي و انتهيت من تشابتر 1 . الشباتر الباقية رح اصورها وارفعها بمعدل شابتر لكل اسبوع بالاسابيع الجاية
هذا رابط التشابتر الاول https://goo.gl/ag92Nr
للي ما يعرف اسئلة الكحيلي، أسئلة الكحيلي هي اسئلة أولد اكزامز مجمعة تشابتر باي تشابتر، اذا حليتها كاملة لكل تشابتر قبل الميجر تقدر تضمن فل مارك!
تقدر تحملها من موقع الدكتور Kuhaili_General_Physics_PHYS 101_ Old_Exams
راح اقول لكم افضل طريقة لمذاكرة... -
نصائح كنت أتمنى أسمعها في بدايتي بالجامعة + روابط مهمة
السلام عليكم ورحمة الله وبركاته ,
أتمنى إن هذا السمستر كان فال خير عليكم وحققتوا أهدافكم . تقريبا بعد 5 سنوات في الجامعة , إستفدت منها الكثير على الجانب الشخصي و و الدراسي , السمستر الجاي 162 راح أتخرج بمرتبة الشرف والفضل بعد الله يرجع لهذا المنتدى وشباب الجامعة ومن باب رد الجميل :
حبيت أشاركم بعض النصائح والأشياء الي كنت أتمنى أعرفها في بدايتي بالجامعة , بحاول ألخص تجربتي وتجربة الشباب معاي في الجامعة على شكل نصائح أو ملاحظات :
( ممكن تكون صحيحة وممكن لا لكن أتمنى إنها تستاهل تقرأها,ممكن تنبهك على بعض الأشياء )
الموضوع راح ينقسم إلى : ( الموضوع طويل فاقرأه متى مافضيت )
- نصائح عامة.
- نصائح دراسية .
- ملفات مهمة لكل الطلاب ( فريشمان - سينير )
- الأندية الطلابية & وحساباتها على مواقع التواصل الإجتماعي
- النشاطات - الدورات - المشاركات خارج / داخل الجامعة
- مواقع للكورسات الأونلاين ....شدعوه 17 يناير 2017 الخبرات والتجارب الشخصية الجامعية المزيد المشاهدات: 53,348 الإعجابات:17 الردود: 25 -
كل ماتحتاج معرفته عن كواب والتدريب الصيفي ~
السلام عليكم ورحمة الله وبركاته ...
هذا الموضوع راح يكون عن بعض الأسئلة والمواضيع الي تتكرر كل فترة تدريب وإن شاء الله يكون هذا الموضوع مرجع للطلاب في السنوات الجاية.
هذا الرابط من إدارة التدريب فيه معلومات عن التدريب الصيفي ( link ) و التدريب التعاوني - كواب - ( link ) والرابط يحتوي على :
1 - المتطلبـات الأكاديميـة للتدريب .
2 - خطوات التسجيل .
3 - حذف البرنامج .
4 - التزامات الطالب قبل فترة التدريب .
5 - التزامات الطالب خلال فترة التدريب .
6 - أمور أخرى مھمة اثناء فترة التدريب
لكن لأن بعض المعلومات والأشياء مب موجودة فيه .. إن شاء الله راح أحاول اذكرها في هذا الموضوع .
1 - المتطلبـات الأكاديميـة للتدريب .
فيه قسمين للمتطلبات : الأول متطلبات من المسجل : مثل Engl214 و Junior Standing
والثاني هي متطلبات القسم... -
مقابلتي مع ارامكو السعودية
السلام عليكم ورحمة الله وبركاته
اخواني حبيت انقل لكم قصتي مع ارامكو السعوديه ... انا خريج هندسة كيميائيه بمعدل 2.995 من 4 دفعة 2007 تخرجت في صيف 2012.
الحمد لله انا حاليا موظف في شركه خاصه في الخبر لكن الواحد يطمح للافضل ان شاء الله حاولت اشوف لي فرصه افضل في احد الشركات الكبرى مثل ارامكو او سابك .... عملت مقابلة مع شركة ساب تانك (( سابك )) كانت مقابلة ممتازه لكن لسبب بدأ التصريف من قبل المقابل وما توفقت فيها وكذلك عملت مقابله في سابك في الرياض ونفس الشي بدأ التصريف ... بأنهم يحتاجون شخص له سنوات خبره و ما الى ذلك مع ان المرشحين اللي شفتهم هناك كانوا كلهم خريجين جدد !!
قبل يوم المهنه الماضي بثلاث اسابيع عملت مقابله مع ارامكو السعوديه في الاوسباس ... كان اتصالهم علي بمثابة فرصه لا تعوض خصوصا من اللي سمعته عن القسم بأنه من اقوى الاقسام في الشركه ... كان معي في المقابله عدد من الزملاء وكلهم ما شاء الله اونرز لكن مع الاسف ما اختاروا اي احد منا .... الظاهر الامور تمشي هناك بالواسطه
في يوم اول يوم مهنه في الجامعه رحت هناك على امل اني اقدر اسوي... -
خلاصة تجربتي في الجامعة بعد 7 سنين .
السلام عليكم ورحمة الله وبركاته
هذا الموضوع هو نتاج تجربة شخصية لمدى 7 سنوات في الجامعة .
كلنا نتذكر اول يوم وصلنا فيه الجامعة واستلمنا فيه السكن , ابويا كان جالس اول يومين دوام معايا , لين ما رتبت اغراضي فالسكن , وبعدها جات اللحظة الي اودعه , اتذكر رحت انا وروم ميتي القديم نوصله المطار . كانت لحظة عاطفية شديدة كنت اودع تاريخي وكل شيء اعرفه عن شخصي القديم الى هذه الوضعية الجديدة . طول الطريق كنت اسوق وعيني تدمع وشفايفي ترجف من الفراق , وهول المسؤولية والخوف.
لازم اعطي نبذة عني , حتى اعيشكم الوضع بالكامل . عائلتي مكونة من 4 اشخاص . انا وامي وابويا واختي فقط . أهلي دللوني بشكل مفسد , وفي نفس الوقت اظن كانوا السبب في مجيئي هنا للجامعة. كنت مدلل بحيث اني ما اسوي شي فعلا , كل شيء يجي لحدي , كنت في عقلية اتكالية فظيعة وما عندي اي حس بالمسؤولية وكل غلط اقع فيه اهلي حيحموني من احساسي بالذنب ومن شعوري بالفشل وحيتسلك من عندهم وانا خبرتي فالتعامل مع الأشياء صفر .
في نفس الوقت كانو يتحكموا في كل شيء , امي الله يحفظها من النوع المسيطر , كل شيء تقريبا يسير فالبيت لازم يتفلتر منها عشان...Big H 13 مايو 2016 الخبرات والتجارب الشخصية الجامعية المزيد المشاهدات: 27,790 الإعجابات:20 الردود: 24 -
تجربتي مع مقابلة الشركة السعودية للانظمة الميكانيكية ncms ثم التوظيف - مفصل
السلام عليكم ورحمة الله وبركاته
جاني اتصال من الشركة السعودية للانظمة الميكانيكية تقريباً على بداية السنة . ثم بحثت عنهم بجوجل وطلع لي موضوع يتكلم عن الشركة في منتداكم وفادني ببعض النقاط ومع اني خريج جامعة ثانية ولكن كرد للجميل لازم اذكر تجربتي معهم
بالبداية انا فريش وماعندي خبرة وزي ماذكرت جاني اتصال لتحديد موعد مقابلة في المركز الرئيسي للشركة . استقبلوني قسم الـHR بكل احترافية ومما عطاني راحة .
ثم دخلت المقابلة وكانت الحقيقة اصعب من ماتخيلتها . طبعاً دخلت مقابلة مع شركات ثانية اجنبية وكانت اصعب بكثير من هذي الشركة ولكن فقط ماتوقعتها منهم .
كان بالمقابلة وقتها 4 مدراء اقسام وكان هذا الشي مايصير بالغالب زي ماعرفت من الشباب اللي اشتغلت معهم فلذلك ممكن كان هذا حظي .
الحمدلله كنت واثق من نفسي ومهاراتي وكثرة المقابلات الشخصية علمتني كيف ما افقد نفسي وتركيزي .
كانت الصعوبة فقط بجلوس مدراء الاقسام المحترمين قدامي بس ناقص الCEO ههههه . (وهذا الشي ما يصير عندهم كثير زي ماسمعت من زملاء العمل)
الاسئلة كانت زي اكثر الشركات بالبداية عرف عن نفسك وخلوني اخذ راحتي واجد لدرجة باخرها حسيت... -
ارامكو، سابك، الشركة الوطنية، ساتورب، مهندس كيميائي؟ أدخل
السلام عليكم ورحمة الله وبركاته،
في الحقيقة ياجماعة هذا المنتدى للأمانه فادني الكثير وكان سبب بعد الله ولله الحمد في حصولي على وظيفتي الحالية.
كتبت هذا الموضوع من باب شكر وعرفان للقائمين على هذا المنتدى واعضائه الكرام. أسأل الله الكريم ان يوفقكم لكل مايحب ويرضى.
وأيضاً كوني مهندس كيميائي حبيت اكتب هالموضوع لايضاح صور كثيرة وللمساعدة باذن الله في تسهيل الحصول على وظيفه لكم.
أولاً نتكلم عن سابك: التوظيف موقف من 2015 والى الان مكتفين وزياده بمبتعثينهم يعني من الاخير لاتتعب نفسك.. هالكلام أكيد وصحيح 100٪ من خلال اسألتي لاصحاب المناصب في الشركة ومحاولتي شخصياً بشتى الطرق الحصول على وظيفة.
ثانياً: ارامكو السعودية: ارامكو للأمانه يعطون مقابلات ويوظفون والتقديم عن طريق الموقع.
ثالثاً: الشركة الوطنية للأنظمة الميكانيكية: الشركة يوظفون في الوقت الحالي كل اللي عليك تقدم على الموقع وباذن الله بتجيب مقابلة خلال شهر شهرين باذن الله.
رابعاً: ساتورب (الشركة اللي حصلت فيها على وظيفة): التقديم احيانا يفتحونه ويسكرونه فجاه مايطول عن يومين.
للأمانة هذي الثلاث شركات هي الوحيدة اللي شفتها توظف... -
زبدة الزبدة ؛ الطريق الى مراتب الشرف
السلام عليكم ورحمة الله وبركاته ؛
واسعد الله صباحكم بكل خير ؛
بناءً على افضال المنتدى الكثيرة علي وقت دراستي فالجامعة حبيت اشارك بموضوع بعد انقطاع طويل بسبب ظروف الدنيا واشغالها المختلفة ؛
هدف الموضوع باختصار :
ملخص لكل ما تعلمته بحياتي الجامعيه ونصائح وطرق باذن الله يكون موضوع شامل يستفيد منه الاوريا الى السينير
عطوني وقت ارتب افكاري عشان اطلع بالموضوع باحسن صوره ؛
واتمنى عدم المشاركه بالردود حتى انتهي من كتاباتي وساعطيكم باذن الله بعدها الفرصه للحوار والنقاش والاستفسارات ؛
لي عودة قريباًMenoo 22 يناير 2017 الخبرات والتجارب الشخصية الجامعية المزيد المشاهدات: 13,517 الإعجابات:11 الردود: 20 -
زودنا بموضوع متميز وسنقوم بإذن الله بوضعه بفهرس الساحة
السلام عليكم ، واسعد الله صباحكم بكل خير
الله يوفقكم جميعا لما تسعون له وأساله عزّ وجل أن يكتب لكم الخيرة في الأمور كلها.
ما عليكم أمر، الي خابر موضوع يستحق أنه يكون بفهرس القسم يطرح الرابط مباشرة او عنوانه هنا لنضيفه بإذن الله ، فالقسم ما وجد إلا لخدمتكم ومشاركتكم هنا تعود بالنفع أولا عليكم.
وأي اقتراحات أخرى محل ترحيب -
التدريب الصيفي بجامعة الملك عبدالله للعلوم والتقنية KAUST
السلام عليكم ورحمة الله وبركاته,
خلال ترم 153, 4 طلاب من جامعتنا العزيزة كانو متدربين ب KAUST (جامعة الملك عبدالله للعلوم والتقنية, ثول قريب من جدة) , وحبينا نشاركم تجربتنا. 3 طلاب (الاول والثاني علوم والثالث هندسة كهربائية) من ال 4 كتبو ملخص عن تجربتهم رح أعرضها هنا :
الطالب الاول :
الاسم : عبدالكريم حريري
انا طالب فيزياء ورياضيات دفعة 2012, جا وقت التدريب (ترم 153) والفرص ل طلاب العلوم قليلة.
لكن من حسن حظي, أخبرني احد الزملاء التخصص بالبحث عن فرصة قبل وقت التدريب بترم من اجل الحصول علي افضل عرض. بحكم تخصصي (علوم) وبحكم الرغبة الوظيفية (باحث, دكتور بجامعة) بحثت عن فرص بحثية ومن افضل الاختيارات كانت جامعة الملك عبدالله للعلوم والتقنية KAUST.
الجامعة متميزة بالابحاث العلمية والهندسية بشكل لا يتصور! الدكاترة والباحاثين متخرجين من أفضل الجامعات (MIT, Cal tech, etc) ولدى أغلبهم سمعة بحثية عالمية. (طبعا معضمهم ذو جنسية غير سعودية)
بداية ترم 152 دخلت صفحة كاوست وأخذت نبذة عن الدكاترة وماجلاتهم البحثية , واخرتت منهم حوالي ال 15 , مستدلا برغبتي البحثية...ابو الكرم 3 أكتوبر 2016 قسم التدريب التعاوني والصيفي المزيد المشاهدات: 26,499 الإعجابات:9 الردود: 19 -
السنة التحضيرية (الاوريا) تجربتي و تعريف عنها
سلام عليكم عليكم و رحمه الله و بركاتهاسعد الله مساء/صباح الجميع اليوم قررت اشارك تجربتي بعد ما خلصت السنة التحضيرية في جامعة الملك فهد للبترول و المعادن طبعا بيشتمل الموضوع على عدت اجزاء لإختصار الوقت و تتوجه للجانب المهم بالنسبة لك الاجزاء كالتالي:
1- الجانب الأكاديمي (الدراسة)
2- الجانب غير الأكاديمي (نشاطات مسابقات)
3- المرافق و التسهيلات
4- تجربتي الشخصية
5- نقاط مهمه
الجانب الأكاديمي (الدراسة)
في الغالب اكيد الكل سمع بي كلمة "اصعب جامعة" و متخوف انه يتعثر او ما يقدر يكمل اصلاً!!! طبعاً الي قلك هذا الشي ما وضح ليش هي صعبه او اقنعك او اعطاك الصورة الكاملة، طيب بتكلم عن المواد و بعض الاشياء الي ممكن تواجهك فيها.
السنة التحضيرية اساسها لغة انقليزية و رياضيات واغلب التركيز عليهم بالاضافة لكم ماده زي ما نقول(سد... -
وهكذا انتهت قصة عقدا من الزمان ..
طالب متفوق بالثانوية العامة يسمع بجامعة الملك فهد للبترول والمعادن وقوتها في الهندسة تقدمت للجامعة .والحمد لله تم قبولي في الجامعة وعندما تجتمع مع طلاب متميزين ومتوفقين مثلك تصبح شخص عادي .بدأت الرحلة والمغامرة بالسنة التحضيرية . الم الغربة والبعد عن الاهل وصعوبة الدراسة في البداية وبالذات اللغة الانجليزية والحمد لله بعد شيلة وحطة خلصت الاوريا بعد سنة ونصف . خلاص جاء ببالي اني طالب رسمي بالجامعة وما تقدر الجامعة تفصلني لأني اعتقدت الطرد بالأوريا فقط وهذي من الاشياء اللي يجهلها كثير من الطلاب ( الجهل بالأنظمة الجامعية ) . وبالجبل ما فيه اهتمام وحرص ترم فوق وترم تحت . الاصدقاء لهم تأثير من هذه الناحية على قولتهم الصاحب ساحب حتى الادفايزر غسل يده مني يقول وش وضعك تلعب بالمعدل وعلى هالموال لا شفت المعدل نزل شديت حيلي ولا ارتفع اهملت ونزل. وبعد ثلاث سنوات تعرضت لظروف خارج الجامعة اثرت علي مما جعلتني بعيد اعن اجواء الدراسة و اخفقت اخفاقا وحصلت على معدل اقل من الواحد (0.8 اوت اوف 4) وتعرضت للإيقاف (الدسمس ) كأحد انظمة الجامعة اللي وقتها كانت تحصل على ثلاث انذارات اكاديمية او معدل اقل...eng-nothing 16 ابريل 2017 الخبرات والتجارب الشخصية الجامعية المزيد المشاهدات: 8,345 الإعجابات:2 الردود: 19 -
وسائل تطوير لغتك الإنجليزية لطلاب التحضيرية 2018
السلام عليكم ورحمة الله وبركاتهفي البداية أبارك لكم اخوتي الأوريات على إنضمامكم لأسرة البتروليين وثقوا تماما بأنكم هنا لأنكم تستحقون ذلك
بما أن مستويات اللغة ظهرت لكم جميعا فحبيت أن أقدم لكم بعض النصائح والتي بدورها ستساعدكم في تطوير لغتكم .
إن وضعت في 00 او 01 أو 02 فلا تحزن ولا تتأثر بل طور من نفسك وثق بأن برنامج اللغة الموجود هنا سيبني لغتك من الأساس لتكون قواعدك متينة الكثير يتمنى هذه الفرصة فإستغلها .
أما إن وضعت في 03 أو 04 فلا تتصور بأنك قد ملكت اللغة بما حوت فاللغة بحر (كيف وانا مسوي من الشيبان) فإنتهز هذه الفرصة بأن تطور المهارات اللغوية التي ترى نفسك ضعيفا فيها .
نصائحي المتواضعة لكم:
- قم بوضع خطة وذلك بأن تقوم بحفظ 10 كلمات يوميا خلال فترة السنة التحضيرية وذلك بتدوينها في بطاقات لتسهيل عملية المراجعة وتخيل ياعزيزي الاوريا كم سيكون في جعبتك...
الصفحة 2 من 4