ههههههههه


الله يذكر ايامك


هاليومين اشوفه يدور كثير بين العماير مدري وش عنده راعي الصرقعه هع



:: عزووز ::

 

والله مدرس ونعم الشارب ،، ذيب ما تلقى واحد مثله ..

بس انه مرجوج وراعي نفسية ..

يتشبك هواء ،، ومايسولف الا عن الشوكولاته اللي اكلها زمان وخلته fat

ما اقدر اقيمه في الجبل لأنه درسني في الاوريا

 

التحضير :

بشكل يومي وكل حصة ومستحيل ينسى .. :D

طريقة الشرح :

يعتمد على الكتاب والكمبيوتر في تشغيل صوتيات الكتاب .. طريقة عقيمة في التدريس .. يعجبه شيء اسمه Writing .. لازم نكتب في اليوم مالا يقل عن قطعتين كتابة

الكويزات :

على حسب المزاج .. يعني مافيه وقت معين .. يجيك يقول يالله Rows ويعطيك الاختبار ..

المياجر:

كومون

الفاينلات :

كومون

القريد النهائي:

B

الصوت:

واضح جداً

إضافات :

على قولة اللي قبلي أهم شيء عندهـ الشوكولاته اللي خلته ( Fat ) .. وكما هو معروف مريض سكر ( الله لا يبلانا ) .. تجيه حالات .. يجيك معصب مرهـ وياويل اللي يكلمه .. ومرهـ بارد مرهـ .. الله يعيننا عليهـ






بالتوفيق للجميع​

 

بصراحه مدرس ممتاز بس زهقنا بـ Writing

 

منتااااااز


بتستفيييييد منه كثييييير


درسني آيام الآوريا



سريع التشبيك

و ما أزيد على كلام أخوي وهم


تحيتي

 

اسمع كثير انه يهودي ! هل هالكلام صحيح ؟! ولا نصبة من نصبات الاوريات الي ماتعوق معهم

 

والله انا طلعت روحي وهو يدرسني احسن شيء تقدر تشبكه بالراحة والاسواء انه شكاك لدرجة ما تتصورونها يعني ممكن لو شافك تتكلم مع خويك وضحكت بيقول انت تضحك علي وتقول المدرس فيه وفيه
على العموم ما نسى كلامه كلما اغيب do you want to lose a mark?
من ناحية ديانته يقول انه مسيحي والله اعلم

 

مدرس رائع جداً و يفيد الطالب و يبحث عن مصلحته بمعنى الكلمة

لكنه بيني و بينكم مرجوج قليلاً ، يضحك مع الطلاب اشوي و فجأة يقلب عليهم
و عنده عقدة من مسألة الوقت لدرجة أنه يحاسب الطالب على الثواني

 

استاذ رائع لكنه زي ما قالوا الشباب مرجوج
وهو يحب اللي يجوا له المكتب
يتكلم معاهم ويحاول يساعدهم قد المستطاع

 

اخالفك يا مجهول
قال لي تعال المكتب بنتناقش حول اختبارك بعد ما جيته قال انا مشغول قلت انت طلبتني قال ما اذكر قلت من هنا من هنا قال ما فيه بس والله مشاق لشكله وهو معصب

 

هههههههههه لا لا مسيحي والله اعلم
احب اضيف على الشباب : اذا انت من النوع اللى يفهي في الكلاس احسلك روح شفلك سكشن ثاني لأنة يومت في صيد الناس اللى مفهيييين

 

التحضير : يحضر بالكلاس 3 مرات ( موسوس )
طريقة الشرح : روعه يخليك غصب تفهم
الكويزات :على حسب مزاجه مرات سهله جدا و مرات صعبه جدا
المياجر:كومن
الفاينلات :كومن
القريد النهائي:a
الصوت:واضح
إضافات : دخال علينا اول يوم يعني شديد و عصبي , لكن مع مرور الوقت يصير حبيب . تجيه حالات يهلوس و يقعد يطرد الطلاب .
انا سألته شخصيا اذا كان يهودي او مسيحي , قالي انه مسيحي .
لازم كل يوم يتكلم عن حرمته الفلبينيه و وين طلع معاها بالويكند .

 

التحضير : يشوف كم عدد الطلاب اول شي يعني ما يمديك تضحك عليه

طريقة الشرح : الأفضل على الاطلاق

الكويزات : كويزاته مهمة جدا تستفيد منها في الفاينلات

المياجر : كومن

الفاينلات : كومن

القريد النهائي : A+

الصوت : واضح كوضوح الشمس

إضافات :

شخص اول ما تشوفه تقول هذا شديد بس مع مرور الوقت راح تعرف
انه هو المدرس المناسب لمادة الانجليزي
راح يكرفكم كرف بس والله انتوا المستفيدين
وتقدر تشبكه باخلاقك وهدوءك داخل الكلاس
واذا شبكته ابشر بالسعد والله كان يجيني بعد كل اختبار ويقول كيف الاختبار معك
اخيرا
سألني واحد وقال ما دام هذا يدرسك
والله انك راح تعدي المادة لا وبقريد انت ما تتوقعه
وطلعت بقريد اكثر مما اتوقع

 

نبغى أكثر معلومات لأني أنا أدرس معااااااااااااااااااااااه الآن !!!!!!

 

يعني الرجال حليو ولا لا ؟
نقدر نجيب درجات حلوة من تدريسه ؟

يعطيكم ويش بيجي في الفاينال أو لا ؟
يستخدم أشياء خارجية ولا بس الكتاب ؟

 

مشكلة ذا المدرس مزاجي مررررررررررررررررررة

مررة يسولف وضحك ، شوي ويقلب عليك ويطردك من الفصل

أتذكر كان يعصب اذا ما تابعنا في الكتاب اذا شغل الليسننق

ويطرد الطلاب خارج الفصل

ويعصب اذا واحد دخل بعده في بداية الكلاس

ومعروف بجملته الشهيرة i am not doorman

التقييم النهائي / c

 

ما اقول الا الله لا يعيدها من ايام .. ايام عشنا فيها النكد مع هالشخص .. ما ابي اوصفه بوصف بعدين اتوقف
اسوا مدرس مر علي فحياتي من اول ابتدائي لين الحين
والله الكلاس فله والشباب اخلاق لكن راحت ايامنا على النكد والهم والغم

ما اذكر فيه طالب ما تهاوش معاه مره

طبعا ملحوس قليلة عليه .. له اكثر من عشر سنين يدرس بالجامعة وللحين لا جا يطلع من الكلاس والباب مقفل يروح يفتح الباب ويستغرب ليه ما يفتح بعدين يتذكر انه فيه زر يفتح الباب ( والله انه سواها قدامي اكثر من ثلاث مرات )
طبعا هالانسان أسس نظرية المزاجية .. اذكر كان علينا اختبار سبيكينغ في احد الاسابيع ويستدعي الطلاب لمكتبة
المهم فكرة السبيكينغ انك تبحث بالنت عن موضوع معين وتكتب نوتات عنه بشكل مختصر بورقة وتجي تسولف له عن الموضوع
انا طحت معاه في يوم الاربعاء وكانت قافله معه من جد .. وقال ما تقرا من النوت اللي معك ( وخذاه مني وقلبه ) يوم رحت اسال العيال واحد قالي انا اختبرت الاحد ووالله اني اقرا من الورقه قراية واخر شي قالي جود اكسلنت ..

مريض نفسي انا ما اسبه هذي هي الحقيقة .. عنده كمية كره مهيب طبيعية للطلاب وللشعب السعودي عامة نتيجة تراكمات احداث سابقه
( مثل وفاة ولده مدري بنته بخطأ طبي في جدة ) .. ( والمرمطة اللي تمرمطها اول ما جا السعودية واشتغل في شركة الخطوط )

اذكر جبت احسن واحد بالكلاس بالميد تيرم .. ( وهو حاقد علي من زمان ) .. تدرون وش قاللي ؟ ما قالي اي كلمة تشجيعية او تهنئة والكلمة الوحيده اللي قالها .. ( انا ما اصدق انك انت جبت فل مارك باللسننق ) !!!


هو كاثوليكي ( احد انواع المسيحية ) وغير صحيح انه يهودي ..

من اول كلاس دخل علينا وتهاوش .. تصدقون اول كلاس ؟؟

اخر كلاس غصبنا نحضر .. طبعا المبنى فاضي وفيه كم كلاس مسوين حفلات ويجي مدرسهم يستهبل معهم ويصور ..
لكن الاخ الظريف حقنا وش مسوي ؟ معطينا رايتينق .. بعدين طلع شوي برى الكلاس وشاف كل الشعب يحتفل ويودع مدرسينهم قال خلاص اطلعوا ما فيه كلاس ..

طبعا وانا طالع جالس احاول اطلع كلمة زينه او حتى قود باي ما قدرت اقوله ..


زبدة الكلام .. الطالب اللي يطيح عنده حاول بشتى الطرق انك تغير المدرس .. اذا ما قدرت مالك الا تصبر وتحتسب وترا كلها فترة قصيرة بتروح في لمح البصر .. وتراك بتتعب نفسيا وانت تتهاوش معاه فريح نفسك ( وطنش ) اي شي يصير ..

بنود التقييم :

التحضير : ما فيه امل ينسى .. احيانا مرتين يحضر
طريقة الشرح : اي شي تبيه يقولك ابحث بالديكشنري .. لكن في الرايتينق استفدت منه
القريد النهائي: f

 

^^^^
ترفق عليه شوي يا عمـر خخخخخخخخ

انا درست عنده 092
فوجرتي انسان غريب بصراحـة عمره 67 و معه السكر ويدرس !!!
الرجـال تدريسـه اوكيه بالنسبة لي راح تستفيد منـه بالرايتنق استفـادة حلوة و كذلك التوفل , كـان يكـرفنا بشكل رهيب بالنسبة للرايتنق و كـان يصححها ويدقق على ادنى غلط ويرجع لك الورقة علشان تشوف الأخطاء .
و التوفل ما يقصر فيه بعد وراح يفيدك .

بالنسبة للتحضير استقعـاد رهـيب و مستحيل يشيل عنك اي غيـاب حتى لوكـان بـاقي لك غياب ع الـ dn , اتذكر اول السمستر كان يدقق ع الليت تدقيق مو صاحي بس خف في وسط السمستر. و توصل فيه بعض الاحيان الى انه يحضر 3 مرات في كلاس واحد !!!!!
زيادة ع كذا الرجاال نفسية لأبعد حد . في فتره من السمستر سافرت زوجته و جاء يحط حرته كلها فينا لدرجة كرهت الكلاس لكن يوم رجعت زوجته رجع زي العسل و يضحك و يسولف !!!

ع العموم اذا كنت عند فوجرتي راح تستفيد من الرايتنق اذا انتبهت معه وسويت الي يبي .
لكن انتبه من مسألة الغياب معه .

القريد النهائي C

 

والله ذاك اليوم طردني من المكتب.. نفسية هالرجال

جيته بالكلام الطيب ولا يعطيك وجه أبد