Game plan : ARAMCO

السلام عليكم ورحمة الله

انا اشتغلت في كل انواع المسميات اللي في الرقوق في الاربع سنوات اللي طافت بحكم شغلي في بيكرهيوز حول السنتين وبعدها شغلي في ارامكو لفترة مماثلة.

اشرح المسميات اللي اشتغلتها بشكل مختصر.

Field Engineer: كنت اشتغل في المكتب استلم مكالمات وايميلات ارامكو لطلبات الservice وبعد ما نتأكد ان المعدات اللي طالبينها موجودة في اليارد، نجهز البروبوزال لارامكو ونجهز الاوراق المطلوبة في بيكرهيوز وبعدها اروح للورشة واركب الtools المطلوبة بعد ما ارسل القطع للانسبكشين طبعا. الخطوة اللي بعدها هي ارسال المعدات للرق. بعدها اروح للرق عشان انزل التوولز في الwell واخلص شغلي. اخر شي اوقع اوراقي من الفورمن وامشي.

Drilling & Workover Engineer: المهندس المسؤول عن اعداد برنامج الحفر او الصيانة وهو المسؤول عن التواصل مع شركات السيرفس وطلب المعدات اللازمة منهم. بعض الاخوان يقوم بنسخ الgame plan من القديم بدون مراجعته او تعديله وهذا خطأ. صحيح ان بعض البرامج قريبة من بعضها لكن بالتأكيد بيكون فيه اختلافات لازم يحطها في باله.

Aramco Toolpusher: عبارة عن فورمن متدرب والمسمى هذا ليس لوظيفة التولبوشر الفعلية.

Drilling Foreman/Supervisor/Company Man: الشخص المسؤول عن اتباع البرنامج المعد من قبل الدريلينق انجنير في الرق. هو المسؤول عن كل شي يصير في الرق. وهو ايضا مسؤول عن توفر جميع المعدات المطلوبة على الوقت. في حال حصول مشكلة هو المسؤول عن حلها لكن بعض المشاكل تتطلب موافقة الsuperintendent والانجنير.

بالاضافة للي فوق اشتغلت مع الرق كرو في كل مسمياتهم من الصفر لفوق بس ما عندي وقت اشرحها الحين.

بالنسبة لاختلاف اطوال الstands. يعتمد على الرق نفسه وكم طوله. غالب الرقوق الكبيرة الموجود في السعودية تحمل ستاند طوله 90 قدم. الستاند هو عبارة عن عدد مكون من كم ماسورة او pipe متصلين ببعض. وكل pipe طوله 30 قدم. بعض الرقوق الستاند حقها 60 قدم يعني two pipes.

اتمنى اني اكون شرحت باختصار للي ما كان يعرف هالمعلومات واللي عنده استفسار يسأل.

 

عذرا خطأ مطبعي. الانجنير يكتب الDrilling Program والForeman يكتب الخطوات للتنفيذ اللي هي الGame Plan