GS 318 World Civilizations

ملفات ان شاء الله تفيدكم عن المادة
http://www.mediafire.com/download/kvb8m96g2ycyqly/GS_318.zip

 

الله لا يهينكو اهو عادي آخذ مادتين gs في فصل واحد ولا لا

 

ماعندك مشكلة ، تقدر تاخذ أي مادة

 

رابط الملفات لا يعمل

 

شغالة عندي 100%

 

آسف ياشباب وعدتكم اني أقيم المقرر بشكل مفصل ولكن انشغلت بسم الله نبدأ:
جودة المقرر بشكل عام:
ممتاز جدا يتكلم عن تاريخ حضارة العالم من سنة 1400 م إلى عصرنا الحالي.

المواضيع التي يغطيها المقرر:
1) الرحلات الإستكشافية واكتشاف أمريكا الشمالية والطرق التجارية البحرية.
2) الصراع الديني والسياسي في أوروبا بين الكاثوليك والبروتستانت.
3) وضع القارة الأسيوية بين سنوات 1200م إلى 1900 والمرور على الدولة العثمانية والصفوية والإمبراطورية الإسلامية المغولية.
4) الثورة العلمية والتنوير العلمي ( نيوتن, جاليلو, .... إلخ)
5) الثورة الأمريكية ونتائجها في أوروبا.
6) الثورة الفرنسية والتحدث عن الإمبراطور نابليون بونابارت وحروبه في أوروبا.
7) الثورة الصناعية الأولى في أوروبا ونتائجها.
8) الثورة الصناعية الثانية ونتائجها.
9) الدول والأحزاب الجديدة في أوروبا ( الشيوعيين, اللبراليين, الرأسماليين, .....)
10) العالم الإسلامي من 1600 م إلى 1917م والمرور على فترة حكم محمد علي باشا.
11) الحرب العالمية الأولى: اسبابها ونتائجها.
12) معالم القارة الأوروبية مابين الحربين.
13) الثورة البلشفية في أوروبا وتحديدا روسيا ونتائجها.
14) ظهور النازية في ألمانيا والفاشية في إيطاليا وتقلدهما مناصب الحكم.
15) الحرب العالمية الثانية ونتائجها.

الكتاب المستخدم للمقرر:
World Civilization by adler & Pouwels 6th edition
طبعا ماراح يوزع عليكم هذا الكتاب ولكن راح تشترون نسخة مصورة من مكتبة سديم بـ 30 ر.س. وفيها فقط الشباتر المطلوبة ولا الكتاب الأصلي كبير مرة وفيه 50 تشابتر انتم راح تدرسون بس 15 تشابتر.

تقييمي الكتاب المستخدم للمقرر:
الكتاب ممتاز جدا بل فوق الممتاز فيه صور واحداث جميلة مرة ولا زلت أحتفظ بالنسخة الإلكترونية إلى الآن ولكن عيبه الأوحد ان لغة الإنجليزية صعبه شوي فتحتاج مترجم قوقل اثناء القراءة ولكن مو معنى كذا ان لغته مستحيل انك تفهمها ولكن بعض الكلمات غامضة شوي.

طريقك للـ + A في هذه المادة:
1) ترجم أي كلمة تحس انها مهمة وياليت يكون معك القلم الفسفوري علشان تعلم على الكلمة المطلوبة لأنك راح تترجم كثير .
2) ذاكر من الكتاب وحده ! وبعدين اطلع على السلايدات كمرجع لا تذاكر مذاكرتك الأولية من السلايدات لأن السلايدات مختصرة جدا ذاكر الكتاب. أحب أذكر ان مذاكرة الكتاب صعبة شوي في أول الأمر وتبي صبر كبير في فهم الكلمات ولكن بعدين راح تتعود عليه.
3) حل الأسئلة اللي آخر كل تشابتر لكي تختبر مذاكرتك إذا جبت فيها العيد مثلي اعلم ترى مذاكرتك ضعيفة عود وذاكر التشابتر مرة ثانية.
4) لاتذاكر قبل الميجر بيومين لأن المادة طويلة جدا على الأقل ذاكر قبل الميجر بـ 5 أيام ولا ذاكر أول بأول وريح نفسك.

توزيع الدرجات:
ظاهريا هي ستاندر ولكن الدكتور يدف وتوزيعها:
20% ميجر 1 ( Five Chapters )
20% ميجر 2 ( Five Chapters )
20 % كوزات وهومورك وبريزنتيشن وتحضير
40% فاينل ( Five Chapters )
يمكن مخطئ في التوزيع ولكن هو حول كذا.

المادة ممتعة جدا بالنسبة لي ورجعتني للوراء أيام الحرب العالمية الأولى والثانية وحروب نابليون بإختصار روووعة ولكن للي يجب التارخ والأحداث التاريخية

Good Luck ​

 

^^^
خشمك يالذيب

 

يالربع باختصار للي يبي قريد، له حدا الطريقتين:

1) المادة تاريخ حضارات ويلزمك تذاكر من الكتاب وتفهم استنباطاً مجمل الكلام وتحفظ التواريخ والأسماء المهمة فقط (ماهو كل شئ تحفظه) لأن السلايدات رؤوس أقلام.

2) تجلس قدام و تطقطق مع الدكتور وتسلكله بسوالفه العرضية.

والشهادة لله الدكتور مطنوخ وليا قال فعل... اعرف ناس أقل مني بالمياجر وطلعوا a+(طبقّ الطريقة الثانية) وأنا ب b+

وبعد يعطي 4 درجات بونص للي مايغيب ولا غياب + ويزودك بالبرزنتيشن اذا ابدعت فيه.

 

من أجمل المقررات اللي خذيتها بالجامعة.
يمكن لأني أحب أقرى عن التاريخ أعجبني .
خاصة إني كنت أبي أعرف عن الحرب العالمية 1 & 2 .
ويكفي إن الدكتور نواف هو اللي ماسك الكورس.
شرح وأخلاق وتعامل

 

GS318 - 131

اخذت الكورس مع الدكتور نواف مدخلي ..

الكورس ينفع للي يحب التاريخ بشكل مفصل .. انا ما اداني التاريخ ولا ريحته
الكتاب دسم جداً وفيه معلومات كثيرة .. واذا تبغى قريد عالي يبغالك تعطيه وقت
لا بأس به من القراءة والتصفح

نصيحة .. لاتنزل الكورس الا اذا انت مهتم بالتاريخ ودراسته ولا بتحس انه كورس غثيث جداً بالذات انه مادة GS

 

جودة المقرر بشكل عام
وسط لكويس في معلومات تاريخية كثييييرة ودا الشيئ ممكن يكون لك سلبي او ايجابي

المواضيع التي يغطيها المقرر
من بعد 1500 ميلادي

الكتاب المستخدم للمقرر
اسود وابيض تشتريه من الجمعية
اشوفه يسد النفس وكلماته صعبة تحتاج ترجمة كثير لكن مجرد تقرا مرتين تستوعب بعض الشباتر طويلة والبعض قصيرة جدا

الأسئلة والأمثلة المستخدمة في المقرر
كويسة ويجيب منها في الاختبار

مدى فائدته في الناحية التطبيقية
جدااااااااااااااا مفييييييييييييييد مرة للي يهتم بالتاريخ ​

​

المادة يبلها مذاكرة زي اي مادة جامعة ومايعني انها جي اس انو تسحب عليها وتجيب قريد تزاكر تاخد قريد انصح بيها للي يقرا او مهتم بالتاريخ برضو الى عادي التاريخ بالنسبة له ينزلها بس يزاكر اول باول

 

المقدمة:-
اه ياقلبي اكثر مادة تعذبت فيها من دخلت الجامعة الى الان بس ,اشوف الكتاب يجيني شعورلا استطيع ان اصفه لكم ودي احرق الكتاب حرق وانتفه من كثر مافيني حره عليه .

حقائق عن المادة من وجهة نظري:-

كثير من الطلاب يعتقدون ان GS-318هي مادة قريد تقدر تحصل على a بسهولة لكن للأسف هذا اللي انا توقعته في البداية لكن تفاجأت بكمية الحفظ اللي فيها وتخليوا اقرأ واترجم مع ذلك احس اني مو فاهم شيئ لان الكتاب يتكلم عن التاريخ السياسي و انا شخص ما احب السيايسة ولا افهم فيها شيئ مع اني احب مواد الحفظ كثير لكن ذي المادة غيرت تفكيري جدا وسببت لي عقدة وعطتني فكرة سلبيه عن جميع مواد الGS انا من الداخلي ودي اذاكر واحصل على درجات عاليه لكن حتى لو تعبت نفسي ما راح افهم الا القليل .وتخيلوا ادخل الاختبار ويوم اقرأ الاسئلة احس كأنه ولا عمري مري علي هالخرابيط تعبت جدا مع ذي المادة ودي اخلصها وافتك منها جابت لي القرف وتأخذ كثير من الوقت .

المفاجأة الكبرى

الكتاب المستخدم في هذي المادة راح يكون المنهج كامل ابتدأً من سمستر161 لذلك اللي ماعنده وقت يضيعه مع ذي المادة لاينزلها لانها تتطلب حفظ وترجمة ووقت كبير .تخيلوا احنا جايبين العيد وهذ وماعندا الا كم شابتر اشلون المنهج كامل . نصيحه مني اللى ماعنده وقت لاينزل المادة لانك راح تتعب كثر فيها.

 

^ متأكد من كلامك؟ لان الكتاب فيه 54 شبتر والكورس فيه 15 شبتر.

 

على كلامه يقول سمستر 161 راح يكون الكتاب رسمي معكم وليس فقط ال15 شابتر تقريباً

لكن ترى الي ندرسه احنا هو world civilization volume 2
فيمكن يعتمدونه لحاله مو كل القسمين يعني يمكن تصير حدود 30 شابتر او اقل مااتذكر كم شابتر بالضبط بالكتاب نفسه

 

نعم متأكد وهذا اللي قال لنا الدكتور نواف مدخلي, لان الحين الكتاب غير معتمد من الجامعة لذلك الدكتور يقدر يحدد الجزئية اللي يبيها من الكتاب,لكن في سمستر 161 الجامعة راح تعتمد الكتاب لذلك الدكتور ليس له الصلاحية بتحديد او حذف شباتر من الكتاب بعد ماتعتمد الجامعة الكتاب (المصدر لكلامي هذا هو الكتور نواف مدخلي)

نصيحة اخيرة المادة متعبه جدا وتحتاج ذاكرة قوية تسترجع فيها الاحداث وش اللي صار لذلك ابعد عن الشر وغني له

 

جودة المقرر بشكل عام
ممتاز
المواضيع التي يغطيها المقرر
من 1500 ميلادي الى الحرب الباردة
الكتاب المستخدم للمقرر
ممتاز لكن فيه تفصيل واااااااااااااااجد , الكتاب فيه مصطلحات صعبة تحتاج الى ترجمة اصلن لازم يكون جمبك واحد لان صج بتحتاجة ,, اسئلة نهاية الكتاب مهمة جدااا حدود 4-8 اسئلة تجي منها في الميجرين والفاينل
الأسئلة والأمثلة المستخدمة في المقرر
ممتازة
مدى فائدته في الناحية التطبيقية

معلومات حلوة

اضافة

المادة يبغالها شغل مش اشوي اقل شيئ بتقعد عليها ساعة اذا لغتك ممتازة والا بتاخذ من وقتك الكثير , ذاكر من الكتاب + سلايدات الدكتور مكملة حق بعض

المادة نون كمبرهنسف اللي تاخذه وتختبرة خلاص ما يرجع

اذا ما تحب التاريخ والسياسة من الحين اقولك بتتعب وااااااااااااااااااااااااااااااجد لانها فيها مصطلحات سياسية كثيرة وشخصيات بالهبل وتورايخ وانظمة سياسية واقتصادية و و و

الكورس جميل كمعلومات تاريخية وسياسية

المادة تحتاج قراءى كثير اذا تحب تقرة بتكون ممتازة لك

شد حيلك في المتريال الميجر الاول بالنسبة لي كان دسسسسم جدا غير متريل الميجر الثاني كان اسهل و الفاينل متوسط الصعوبة

رأي الشخصي وتجربتي للمادة انها تاخذ وفت كثييييييييييييييييييير جدا مع اني اتوقع ان شاء الله اطلع بها بقريد عالي بي بلس وفوق ان شائ الله

طلعا اهم شيء المادة اكيد لانها تاريخ كمية الحفظ فيها مب قليل ,, اذا تتذكر تاريخ المدرسة نفس الطريقة بس ازيد اشوي يعني اذا تحب الحفظ وتريح نفسك نزلها

اي بلس , اي , بي بلس مقدور عليها بس يبلها شغل

 

شباب اللي درسوا الكورس 171 او اكثر يا ليت يكتب تجربته لانه يقولون تغير
و يا ليت ترفعون الملفات من نوتات او اختبارات على الريسوس لانه فاااضي ما ادري ليش طلاب هالجامعة بخيلين

 

انا اشوف اللي كتب بالمنتدى مضلل جدا او انه قديم والامور تغيرت ما ادري اللي يقول تاخذ قريد بالراحة انسى غلطان وربي المادة ثقييييييلة ويبيلها جهههههد كثيييير.
المواضيع اللي يغطيها الكتاب مفيدة و جيدة الى حد ما ، والدكتور كويس و متعاون جدا ،لكن ممكن طالب يكلم الدكتور بشكل غير جيد و يخرب على الجميع.
المادة مرة صعبة واللغة اللي فيها زي التوفل تقرا وما تفهم شي، ميزتها ممكن انه الدكتور كويس لكن اذا طالب واحد غلط مع الدكتور بتروح على الكل.
لا انصح فيها ابدا لانه كتابها مرررة صعب ومواضيعها صعبة ولغتها صعبة والقريد ما ادري انا لسا في نص الفصل هل بنقدر نطلع بقريد بالاخير او لا لكن هنشوف وان شاء الله خير