GS 355 Cultural Anthropology

الآنثروبولوجيا(بالإنجليزية: anthropology )
أنطروبولوجياالعامة
وتعني علم الإنسان وفي أحيان علم الاناسة - اي علم الناس، ,,وتعرف حسب بعض فروعها بعلم الأعراق البشرية: والانثربولجيا بشكل عام يبحث في أصول الشعوب المختلفة وخصائصها وتوزّعها وعلاقاتها بعضها ببعض، ويدرس ثقافاتها دراسةً تحليلية مقارنة
علم الاناسة له جذوره الفكرية في كل من العلوم الطبيعية والعلوم الإنسانية. [1] وتتعلق أسئلة الانثربولوجية العضوية أو الفيزيقية لأساسية، "ما الذي يميز الإنسان؟" "من هم أسلاف الإنسان الحديث؟" "ما هي صفاتنا الجسدية؟" أما الانثروبولجيا الاجتماعية الثقافية فأسئلتها "كيف نتصرف؟" "لماذا هناك تباينات وخلافات بين المجموعات المختلفة من البشر؟" "كيف أثر الماضي التطوري للإنسانفي التنظيم الاجتماعي والثقافة؟" وهكذا دواليك.
بينما علماء الأنثروبولوجيا المعاصرين لديهم ميل إلى التخصص في الحقول الفرعية التقنية، يتم توليف البيانات الخاصة بهم والأفكار بشكل أكبر حول إطار وتقدم جنسنا البشري.[2] من أهم الفروع الاساسية في "الأنثروبولوجيا" فرع الأنثروبولوجيا الثقافية، وهي دراسة الثقافة والمعتقدات والممارسات البشر. في الجامعات الاميركية، يتضمن غالبا قسم الأنثروبولوجيا أربعة حقول فرعية، هي الأنثروبولوجيا الثقافية وعلم الآثار، علم الإنسان البيولوجي والانثروبولوجيا اللغوية. ومع ذلك، في جامعات في المملكة المتحدة، وجزء كبير من أوروبا، كثيرا ما تكون هذه الحقول الموجودة في أقسام منفصلة.[3]

للمزيد
باللغة العربية

باللغة الإنجليزية

 

يـــــا شبــــاب كيــــف الماده هل صعبه ولا سهله ؟؟
و كيف القريدات

 

+1

 

+2

 

Up +3 Who is Timm Lau?

 

+4

 

ههههههههههههههههههههههههههههههههههههههههه
المادة خسسسسسسسسسسسف وشغل كثيييير وبروجكت وسلايدات محشوه بالهرج الفاضي وزياده كمان يعطيك أوراق خارجية وبحوث أحيانا توصل 10 صفحات من الكلام الفاضي ..

صوره من السلايدات



للي يبي السلايدات كاملة راح أرفعها لكم بس يرسل لي رسالة خاصة !!
وإذا كنت تبي تاخذ A+ أو A أو B+ مستحييييييل .. أنحش من ذا الكورس ..
كان هالترم عندنا ميجر 1 .. وبروجكت غثيييييث و فاينل !!

طبعاً محد جاب فل مارك بالميجر ون .. وأعلى واحد تقريباً 18 بس لغته ممتازة جداً .. أما الفاينل حدث ولا حرج .. أعلى واحد تقريباً 35 أو 30 من 40 !! طبعاً هذي طارت منك قريدين ولا ثلاثة لأنه ستاندرد ..

في بداية الترم كان عدد الطلاب ماشي الحال وكانوا ثلاث سكاشن ..
في نهاية الترم ولما أختبرنا الفاينل مستعد أحلف لكم أن عدد الطلاب مايتجاوز أصابع اليد أو أكثر شوي والباقيين كلهم حذفوا ..

طبعاً أنا جبت C+ مع أني حفظت السلايدات حفظ وراجعتها أكثر من مره ولكنها طويلة جداً وإنصدمت جداً بالقريد وأتوقع فيه شباب غيري جابوا D+ أو D !!!

تخيل معي 14 أسبوع .. كل أسبوع فيه كلاسين .. وكل كلاس له سلايدات تقريباً 14 أو 15 سلايد محشي بالكلام مثل اللي فوق .. عاد أحسبها وشف كم يطلع لك سلايد

أكرر .. اللي يبي قريد هالكورس مايصلح له أبد أبد أبد !!
الهدف من كورسات الجي اس هو رفع المعدل وليس الخسف .. طبعاً ما أستفدت شيء أبداً !!!
أنحش ولاتقول مادريت لأني حذرتكم ..
والسعيد من يتعظ بغيره

 

-

نسيت أقول أن وقت البرزنتيشن طبعاً بعد ماتكرفون وتسوون مقابلات مع أشخاص وبحوث وشغلات ثانية .. أنه يجيب كاميرا ويصوركم ويروح البيت ويبدأ يقيم .. عشان أحطكم بالصورة بس .. بالنسبة لي أفضّل أنزل كورس أنجلش وأطلع فيه بقريد أعلى أكثر من هالكورس على الكرف اللي كرفته !! وسلامتكم
لحد يقول سلبي وماسلبي .. هذاني حذرتكم

طبعاً كيف نزلت هالكورس .. رحت عند التشيرمان حق مواد الجي اس وكنت أبي ابروفال لكورس Gs 221 ولكن رفض بحجه عدم وجود مكان فارغ و أقترح علي أني أنزل هالكورس ومدح الدكتور لي وقال تقدر تجيب فيه قريد بالرااااحة ومن هالكلام ..
وآخرتها مثل ما أنتوا شايفين !!

 

^^^^^^^


من الدكتور؟

هل هو timm lau

 

ايه نعم هو .

 

^^^^^^^^^^^^^^^


ههههههههههههههههههه وانا اقول ليش سكاشنه مفتوحة كلها

 

ايه إصبر بعد إذا ماشفت ثلاث أرباع الطلاب دردبوا الكورس ..
وماكمل للفاينل إلا 10 أو أقل ..

وإذا طلع كلامي غلط مستعد أعطيك اللي تبي ..

بعد الفاينل جيته المكتب وقلت له ، يادكتور ليش الإختبار النهائي صعب وليش القريدات سيئة جداً .. هذي مادة جي اس والمتوقع من هذي المواد إنها ترفع المعدل مو تنزله ؟ قال لي بالحرف الواحد ويشهد الله ..

" if you think this is the course which you can get A+ so easily I'm afraid to tell you it's Not !! " أو فيما معناه ..

تبون قريدات شوفوا لكم Gs 221 أو Gs 318 أو Gs 321 هذي مواد حلوه والأهم مضمونه إن فيه طلاب جابوا فيها قريدات طيبة بس وخروا عن الأجانب مثل كريستوفر و تيم لاو .. هذولا نظامهم نفس نظام كورسات الإنجلش .

 

^^^^^^^^^^^^^^^^

جزاك الله خير على التنبيه وبيض الله وجهك

انا كنت منزل المادة ذي وبعدين سجلت 318 واحلى حلاوة

دائما الاجانب غير العرب اذا مسكوا مادة سهلة قاموا يستلعنون فيها

زي في الاوريا كان عندي pe عند جون الين
كرف اهلنا كرف واخر شي قريدات زفت

الله يعطيك العافية

 

أنا أصادق على كلام أبو عبدالله . و السعيد من اتعظ بغيره .

التحديث الأخير إنهم بيسحبوا منه الكورس و بيعطي الترم الجاي كورس Work and society و النحشة النحشة النحشة النحشة.

أقدر أقول أنه شخص غير محترم و أسلوبه سيء وواضح أن عنده عقده نفسية مر فيها في حياته و يحاول يفرضها ع الطلاب اللي مكبرين المخدة ويسلكون له .

الخلاصة : فرّ منه فرارك من المجذوم !! أتكلم عن Tim lau . أما الكورس نفسه فبينسحب منه و أظنه بيروح لـ Tiest sondal . أفضل بعشرات المرات منه .

أشتغلت معه طول الترم و آخرتها لزخني بـ C+ . أهم شي عنده الحضور فقط !! أحضر و أنت الشنب البطل !!

"شيء" سيء و لا يستحقّ إنك تضيع وقتك عنده .

 

تكفون يا جماعة معلومات أكثر عن الكورس؟؟

وايش الأسهل هو الا ٢٢١؟

 

أيهما الأفضل Cultural anthropology
أو
Mass Media

?

 

مشكلة الكورس ككورس ولا من الدكتور؟

لأن الدكتور متغير عن المذكور اسمه :$

 

Cultural Anthropology

شباب كيف وضع المادة ؟ هل تحتاج كرف ؟ وكيف الدكتور simeon magliveras ؟

 

نفس السؤال يا شباب