انتبه تاخذ لاب عند هلادمي تراه عصبي ومزاجه دايم زفت ومعصب على طول بسبب ولا بدون سبب
والله اذكر لما امر عند اللاب اللي يدرس فيه ما تسمع الا صراخ وتهزئ في الطلاب

 

أسوأ مدرس مر علي في التاريخ المعاصر..

يا شيخ والله من سوء اخلاقه و قوة تهزيئه تشوف زي الريحة الخضرا كذا تطلع من فمه..

الدي ان عنده سلام سلام زيه زي الايه (ما اخذت انا دي ان عشان ماحد يقول هذا حاقد)

انت راح تتهزأ سواء كنت بليد او اكبر دافور عنده..بالعكس والله الترم هذا الدوافير كانوا يتهزؤون عنده اكثر من البليدين..

شرحه زي وجهه و ما ادري وش عاجب بعض الناس في شرحه وهو والله ماعنده ماعند جدتي

كويز كل اسبوع

تصحيح الكويزات مجزرة

غثنا كل حزه والثانية قاعد يقول انا جاي من باكستان بطلب مخصوص من الكوردينيتر وكأنه قاعد يقول انا متفضل عليكم بجيتي يعني

اعطيه +f

 

ختك و ما ادراك ما ختك

انا اخذت الفزكس 102 معاه في الترم الماضي
قبل انزل عنده قريت انه شرييييييييييح و اخلاقه زفت
قلت انا مافي مشكله بنزل عنده ما تهمني اخلاقه
لكن للأسف طلعت الاخلاق اهم شي ختك اسوأ مدرس مر علي من ناحية الاخلاقفي دراستي الجامعيه
يهزئك تهزيء مو طبيعي حتى لو كنت مهتم
والله في بداية السمستر كنت اذاكر كل تشابتر اول بأول
و بسبب معاملة ختك السيئه كرهت الفزكس و طنشته

نصيحتي للطلاب انهم يبعدون عنه لان الاخلاق مهمه كثيييييييييير عشان تتعامل مع الدكتور
بالنسبه لكويزاته اذا بتذاكر تمام بتحل و ما اخفيكم ان فيها صعوبه

اتمنى اني افدتكم و اللي محتاج معلومه عنه يراسلني ع الخاص

 

الي يبي درجة الكلاس ورك تطيح يأخذ عنده
مدرس سئ جدا

 

انا عنده الصيف الجاي لكشر كيف الدكتور ؟؟
اغير السكشن والا لا؟؟؟

 

الله يعينك يا إخوي مالي لك إلا الدعاء وادع لي تكفى أنا عنده و بصراحة فيه نقطة قلبت حياتي يا بروفيسور هو حرام إني أسأل مهو من حقي كطالب علم ( هذا السؤال شرحته فالكلاس طيب بتموت إذا أنك أعدته بحكم إني ما فهمت الجواب ) بصراحة صرت أخاف أنطق بكلمة بكلاسه و أجلس بأبعد مكان لا يشوفني

الله يهديك بس يا ختك

الله يهديك

 

لاب اشرد منه

في اللكتشر
شرح ما في افضل منه
الكويزات مذاكرة خفيفة تحلها
وغالبا يجيب نفس الاسئلة اللي يحلها
في الريساتيشن
اخذت عنده في الكلاس ورك 5 من 5
بسبب ان الافرج كان طايح مررررررررة


تسأل يهاوشك
تسكت يهزئك
تنام يوقفك
تتأخر يهزئك ويخليك تحضر ويحطك غايب
يدق جوالك تنطرد


صراحة تحس انك تعيش مغامرة مو كلاس
احلى حاجة لما يهزئ خويك وانت تضحك


صراحة تبغى تفهم نزل عنده

 

Guys, how is better? Ahmad mansour or Khattak
focus on the teaching side

thank you,

 

من ناحية التدريس فهو بطل اذا موب ملك الفيزيكس .. بس مشكلته الله يهديه عصبي ويتنرفز وهذا الشي يسبب مشاكل لبعض الشباب الحساسين .. يعني في بداية الترم تجي متحمس وتجيب درجة حلوه في الميجر .. وبعدين مع كثر التهزيء والهواش تكرهه وتكره الماده وتبدأ تسحب

يعني اذا منزل معه خل قلبك وسيييييييع وماعليك من تجريحاته , لان في النهاية ماراح ياكلها غيرك

بالنسبة لشرحه فهو بطل ويدخل المعلومه بالمخيخ ..

 

غير ابو شكله بعد !

 

السلام عليكم


التحضير :
ورقة تمر على الطلاب >> و أتحدى أي واحد يحضر خويه مافيه شيء يوفت عليه

طريقة الشرح :
سلايدات الجلال و يكتب ملاحظات على السبورة

الكويزات :
صعبة جدا جدا مثل صعوبة المياجر و نصيحة قبل ما تدخل الكويز ذاكر من الأولد اكزام لأن هو كان أكثر من مرة التشيرمان و غالبا كويزاته منها " اولد اكزام أدهم نفعني كثير في كويزاته و الميجر أيضا

المياجر: كومن
الفاينلات :كومن

القريد النهائي:المدرس ما عجبني و تحت راح أذكر الأسباب و توبة أنزل عنده مرة ثانية أو زي شاكلته

الصوت: مسموع جدا

إضافات :

الدكتور هذا تعامله شديد مع الطلاب , كثير الصياح , دائما يقول (ما أشوف قدامي الا أرانب , خل جدتك تعلمك الفيزكس , أثناء الكويز اذا شاف أحد يحل خطا هل هذولاء ناس بيصيرون مهندسين لو يصيرون مهندسين بيدمرون البلد )

يرن جوالك اطلع برا , تتأخر 10 دقايق مايدخلك و يسجل غايب و حتى اذا تأخرت لظرف فقط 10 دقايق و كان عندك كويز يقولك ادخل للكلاس بس بسجلك غايب , تقوله أجيك مع سكشن ثاني عشان أختبر يقولك لا

تجيه لحاجة او مساعدة ما يعطيك وجه و يقولك لو سمحت اطلع من مكتبي و أحيانا حتى لو الحق معك و هو ما كان مقتنع ما يسمع منك و لا يعطيك فرصة تفهمك ( و هذا شيء صار معي كان مغيبني و انا ما غبت و لا مرة فكان المدرس يقولي اطلع لين ما نشبت له و عرف خطاه)


ممكن واحد يقول انت اللي مهمل و تسبب لنفسك اشياء تضرك و يمكن مشاغب

بس في الحقيقة اني عكس ذلك كويزاتي معه كويسه و درجة الميجر حلوة و حضوري أحلا و أحلا و انا بطبيعتي انسان هادي



ميزة المدرس انه دائما يحثك ع المذاكرة و احيانا تذاكر عشان تفتك من شره و صراخة , فاهم المادة عنده القدرة في سؤال واحد يعطيك زبدة الدرس , يعرف الأسئلة اللي ممكن تجيك في الميجر لأنه سنين و هو يحط الأسئلة


و انتمنى للجميع التوفيق

 

يحضر كل يوم والي يتأخر أكثر من 5 دقايق يمكن يدخله ويمكن لا ، وغالبا إذا دخله يهزأه قبل ما يدخل ، وكثير يشيك على الحضور والله يعين الي يطيح عليه محضرينه
شرحه ملك بس لا تسأله اي سؤال في الكلاس لانك بتتحسف ، كوزاته سهلة
يطرد الطلاب من المحاضرة لأتفه الأسباب ويمسح توقيعهم من التحضير ، ويتفنن في تدمير النفسيات وخلق المشاكل حتى لو انت قاعد بروحك

بس اذا ما كنت راعي غيابات ولعب في الكلاس ونويت تدفر وتتحمل الي يجيك منه نزل عنده

 

الله ينتقم من كل ظالم ، ونتقم من الي يشوف تقييم الطلاب له ولا يتحرك

الرجل دكتوراه تحطيم ، كرهت الفيزكس فوق ما ان علاقتي فيها مهيب بذاك الزود حسبي الله فيه

اول كويزين درجاتي جدا تمام وبعدها بدأت تطلع الاصفار لاول مرة في حياتي الجامعة في الكويزات !

مدري هل هو حاس بسوءه ولا لا ؟

 

بنود التقييم :

التحضير : ما في مجال أحد يحضرك، يشيك على التحظير

طريقة الشرح : يستخدم سلايدات الجلال ويشرح من السبورة، الي يتابع وياه إنشاء الله يفهم (طبعا شوي قرأ عن الدرس)، بس لا تناقشه كثير، خصوصا إذا ما حظرت، أو مشغول بكورسات ثانية

الكويزات : تقييمي لها (متوسط - صعب) خصوصا الوقت قليل (إلا إذا كنت محظر عدل)

المياجر: common

الفاينلات : common

القريد النهائي: B-

الصوت: عالي وواضح

إضافات : إنا باعتقادي إنه يعرف يدرس ووضح المفاهيم ويثبتها غالبا، لكن سياسته ترهب الطالب، حتى الواثق من نفسه راح يحط 100 احتمال قبل ما يفكر يسأله، اللي ينوي ياخذ وياه يحط في باله إنه ممكن تكون selfstudy، ولكن أظن إنه مدرس يوصلك المفاهيم ويحرق أقصابه بسبت تدني مستوى الطلاب(لا أخاله إلا بست التحطيم + ضغط الكورسات) أفضل من مدرس ما يهتم بأمر الطلاب

- أحيانا يقطع الشرح ويقص سالفه عشان يوصل فكرة (ليست متعلقة بالمنهج)

 

درسني 102 سمستر 123

التحضير : يوميا .. بعض المرات ينسى بس الملاقيف يذكرونه ..
طريقة الشرح : يشرح من سلايدات الجلال و المسائل ع السبوره ..
الكويزات : ..
المياجر: كومن
الفاينلات :كومن
القريد النهائي: A
الصوت: واضح وعالي ..
إضافات : + نفس ماقاله الاخ Computist

 

فزكس ١٠٢ سمستر ١٣١
التحضير :
ورقة تمر عليك و تكتب فيها اسمك ... و لا تفكر تحضر خويك

طريقة الشرح :
سلايدات الجلال و يستخدم السبورة للتوضيح ( اكتب معه و خله نوت لك )

الكويزات :
اولد اقزام يحلها بالرسيتيشن

المياجر:
كومن

الفاينلات :
كومن

القريد النهائي:
A+
الصوت:
واضح جداً

إضافات :
خلك ساكت بالكلاس + وسع صدرك و اذا هزأك سلك له ، اكتب معه ، سجل التمارين اللي يحلها و افهمها و فالك a+

 

نزلت عنده هذا الترم على اساس انه شرييح وقلت مايهم اخلاقه
لكن للاسف مستوى الشرح مو ذاك الزود ..يبغاك تقرأ الدرس قبل ماتجي الكلاس وبعد ماتخلص الكلاس عشان تفهم معه, وهذي الطريقة لو سويتها مع اي مدرس راح تفهم​

لا انصح به​

 

he is good in teaching


but a living devil

i hate him ....!

 

وربي سيء سواء من تدريس ولا اخلاق وحتى تحضير
ندمت اني نزلت عنده
للمعلومية كويزاته سهلة الى متوسطة
وفي شيء ثاني احلى شيء لمن يفصل عليك هههههه
وهذا الدكتور مستحيل تناقشه في شيء
وفي شيء حاب أوضحه ندمت اني أخذت بكلام الشباب عنه من ناحية انه شريح وربي مو بذاك الشرح

 

المقرر phys102 الفصل 132


التحضير :

دقيق وبشكل يومي .. يسمح بالتأخر إلى خمس دقايق وبعده غياب ما عنده ليت

يهزئك اذا تكرر تأخرك او بعض الاحيان لو تأخرت أول مرة !

طريقة الشرح :

سلايدات الجلال + يكتب ويحل مسائل بالسبورة

الكويزات :

متوسطة وأفكاره تختبر فهمك

المياجر:

مشتركة

الفاينلات :

مشتركة

القريد النهائي:

C+ إلى b

الصوت:

واضح جدا

إضافات :

* أسلوب تعامل سيئ ويصعب يمر الفصل ولا صار لك معه موقف وهزأك

* شرح حلو لكن يخربه بهواشه وتهزيئه وعدم تقبله للأسئلة .. يخلي الحصة كلله توتر ولا تقدر تفهم

* أول الأيام ممكن تستانس وتضحك على أسلوبه بتهزيء الطلاب لكن اذا استمر الوضع طول الفصل تبدأ تطفش

* أشوف طريقته تقليدية ويبغى الطلاب يكونون زي طلاب الثمانينات !

* ما أنصح فيه أبدا اذا كنت تكره التحطيم والتهزيء اليومي

* البعض يتقبل هواشه لأنه يشوفه زي أبوه اللي حريص عليه، بالنسبة لي أكره الشي ذا وأشوف اني مسؤول عن نفسي ولا احتاج أحد يصارخ علي عشان أشد حيلي


* احتمال تقيمي موب موضوعي لأني متحامل عليه