Halliburton Assessment استفسار

انا سويته قبل سنه تقريبا كان عبارة عن سيناريو ويسالونك وش ردة فعلك لو صار لك كذا وكذا. ويعطونك اربع خيارات المفروض تختار الاقرب لجوابك

 

اذا اختبرته ياليت تفيدنا الله يجزاك خير

 

اختبرته أمس ، كان عبارة عن أسألة ذكاء وقدرات ، مثلا : أشكال بنمط معين وتختار الشكل المكمل للنمط. وأرقام مرتبة وتختار الرقم التالي في المتسلسلة.
وقسم ثاني كان أسألة تحديد نمط الشخصية .

وأسأل الله لك التوفيق

 

أبشر ما يهمك ..

 

تبشر بالجنة ان شاء الله والله يكتب لك الوظيفة ♥️

 

السلام عليكم
ممكن تفيدني كيف كان الاختبار ؟ او ممكن اتواصل معاك اذا تفضلت

 

انا سويت نص اختبار امس وطلعت. الاسأله صعبة جدا خصوصا اول قسم اللي فيها اسألة ذكاء. يعطيك ١٥ سؤال و ١٨ دقيقة لحل الاسألة. الاسألة بحد ذاتها ممكن الواحد يحلها بس مستحيل بالوقت اللي هم حاطينه.

مثال لبعض الاسألة يعطيك متسلسلة لحرف ورقم والمفروض انت تتوقع باقي السلسلة.
A7 - 8K - L4 - 5P وبعدها المفروض انت تكمل السيكوينص.

وفيه مثلثات تتغير الوانها والمفروض انت تتوقع الوان المثلث الاخير.

وفيه اختبار للذاكرة مثلا يعطيك شكل سهم وفيه اربع ازرار كل زر يغير اتجاه السهم وواحد يغير لون السهم وعندك ٢٠ ثانية تحفظ كل زر وش يسوي.

تقريبا هذا اللي وصلت له. طبعا يمديك تطلع من الاختبار وترجع تكمل الاسالة بعدين. انا شفت نفسي جبت العيد وقلت اخذ بريك شوي وارجع اكمله بعدين

 

كم عدد الاسئلة ؟

وهل فيه اختبار تجريبي ؟ عندهم ولا من اي موقع تجريبي

 

يا شباب اتمنى محد يتواصل معي ويسأل عن الاختبار .. وشكراً

 

الاختبار كان قسمين كلها من SHL
القسم الاول inductive reasoning واللي هي اسئلة ذكاء، يعطيك اشكال وتخمن الشكل الجاي " يعني مطلوب منك تلاقي باترن محدد "، أو يعطيك حروف وارقام لها سيكونس معين ولازم تكتشفه، أو يعطيك ازرار تتحكم في توجيه سهم، وبعدين يخفي الازرار ويجيب لك سهم متغير اتجاهه ويطلب منك تحدد الازرار اللي تؤدي لهذا الشكل، معك 18د لجميع الاسئلة.
أمثله:


القسم الثاني تحليل شخصية، اكثر من 30 سؤال تقريبًا كلها
What Represent You The Most?
وتختار اكثر خيارين تمثلك ومطلوب منك تحلها بسرعه عشان تكون تمثلك، لأن اذا فكرت يمكن تتصنع الاجابه.

والحلو ان عندك فرصه تجرب تختبر اختبار تجريبي مكون من 3 اسئلة يوضح لك صيغة الاسئلة اللي بتجيك في التست
فـ قبل ماتبدا الاختبار أختار Practice، عشان تكون فكره عن الاختبار. " تجيك في اخر خطوه قبل بدأ الاختبار "

والله يوفقكم جميعًا​

 

شباب اللي اختبروا هل جاكم ايميل انكم اكملتم الاختبار او لا ؟
لاني خلصت الاختبار ما جاني رساله اتمام للاختبار على الايميل

 

لا مافيه اي ايميل بعد الاختبار

 

كم ياخدوا وقت علشان يردوا

 

تقدر تدخل موقعهم وتشوف وش صار على الطلب حقك. انا لقيت الحالة متغيرة.

 

انا ماجاني ايميل منهم بس دخلت ع حسابي وشفت مكتوب بالحالة Not Selected

 

السلام عليكم
استفسار عادل الله يوفقكم جميعا
يوم دخلت شفته يقول 48 دقيقة يعني بيدخلني الاختبار على طول او اتابع و يدخلني الاختبار التجريبي؟؟
الاختبار التجريبي تقدر تسويه أكثر من مرة؟؟

ياليت احد يجاوبني ما عندي الا بكره بس

 

لا مابيدخلك الاختبار على طول بعد الصفحه الرئيسيه اللي كاتبين فيها الوقت، اول شيء بيشرح لك الانستركشن وبعض الشروط وتجلس تسوي نكست لين يجيك ان الاختبار بيبدا وفيه فرصه تسوي براكتس.
ان شاء الله كذا ماني متذكر زين، بس المهم بتلاقي البراكتس قبل تبدا الاختبار، والوقت مايبدا الا لما تبدا الاختبار نفسه، اتوقع مقسم ١٨د لأختبار الذكاء والباقي لاختبار الشخصية.​