وش وضعه يا شباب؟؟؟

 

ISE 325 - term 161

التحضير :
آخر ربع ساعة من الكلاس، ينادي على الأسماء ويحضرهم بال online attendance ، ما يحقط على التأخير

طريقة الشرح :
يفتح سلايدات ناشر الكتاب نفسها، يقرأها ويحاول يشرحها بفهمه، ويستخدم السبورة أحيانا للتوضيح

الكويزات :
متوسطة، عطانا 4 كويزات واختار أفضل 3 ، في الكويزات الأخيرة ركز على الكونسبت بشكل كبير

المياجر:
كانت كومون مع سكشن د. ضرغام، وضرغام هو اللي يحط الأسئلة، بشكل عام متوسطة، وأحيانا مائلة للصعوبة

الفاينلات :
نفس المياجر

الصوت واللغة:
الصوت واضح ، لكن لغته الانجليزية لك عليها، الaccent مصري بوضوح

إضافات:
- بصراحة المادة عبارة عن فهم للكونسبت العام للشابتر ، ثم تتحول إلى تعويييييض في القوانين فقط، وما أكثر القوانين ، الفورملا شيت في المياجر كانت كبيرة وجيدة، لكن في الفاينل ما غطت إلا 60% منها.
- بناءً على الكلام أعلاه، فالمادة ما تحتاج لشرح كثير، لكن د. هاني أعتقد كان "مسلك" للشرح ظنًا منه أن المادة سهلة وما تحتاج، وهي ربما كذلك بالنسبة له، لكن للطلاب ليس بالضرورة. بمعنى أن بعض الأفكار كان يمر عليها بشكل سريع ويعتقد أن الكل فهمها، والشباتر بينها بعض الترابط فكان يكتفي أحيانًا بقول " same as before"
- توصيله للمعلومة يمشي الحال، لكن مثل ما ذكرت يمشي عليها بشكل سريع وأحيانًا يتجاوزها، ولو رجعت قرأتها لحالك في الكتاب أعتقد بتفهمها، لكن كان المفترض إنك تفهمها في الكلاس منه .
- عنده ميزة في الدرجات وهي انه يعطي 10% للمشاركة في الكلاس، أحيانًا بعد الشرح يقول لنا سووا قروبات من 2 أو 3 وحلوا المسألة رقم كذا، ويطلب منا تسليمها له. أعتقد الكل حصل على 10% ، وهي غير موجودة عند د. ضرغام مثلًا .
- تصحيحه في المياجر بناءً على درجاتي أعتقد كان كويس، لكن سمعت من البعض ان مراجعة الدرجة معه صعبة، ما يزودك.
- عمل هيلب سيشن لشابتر 12 كان مفيد، وقال احتمال يسوي واحد قبل الفاينال، لكنه اعتذر بعدها.

القريد النهائي:
B
طبعا B لأن المادة ما تحتاج لشرح كثير مثل ما ذكرت وهو يمشي الحال، لكن لو كانت مادة مثل 205 أعتقد بيكون القريد أقل بكثير.
واللي فاهم 205 بشكل جيد راح تسهل عليه المادة

 

Term 181 ISE 307

التحضير :
نادر. إذا حضّر يمشّي ورقة على الطلاب ، وبعض المرات يشيّك على الاسماء عشان يصيد اللي محضرين ومو موجودين. متساهل مع التأخير بقوة.

طريقة الشرح :
يستخدم السلايدات والسبورة لحل المسائل وتوضيح الاشياء المهمة ، مستوى شرحه جيد. يعيبه إنه سريع ويمشي على بعض الأشياء بسرعة باعتبارها -في نظره- سهلة.

الكويزات :
٦ كويزات قال بياخذ أفضل ٥ منها. سهلة إلى متوسطة ، تحريرية.

المياجر:
اختيارات ، مستواها سهل إلى متوسط ، كومون بين دكاترة المادة.

الفاينلات :
نفس المياجر.

القريد النهائي:
B

الصوت:
كويس وواضح في الكلاس كله ، لهجة انجليزي مصرية

إضافات :
١. أعطانا ٣ واجبات ، كانت كل طالبين مع بعض ، وطويلة اشوي.
٢. تصحيحه في الكويزات جيد ، لكنه يدقق على التفاصيل ، مثل الـ Cash Flow والقوانين والوحدات ، لازم تكون موجودة في حلك.
٣. يتأخر في التصحيح ورفع الدرجات ، وأعتقد اللي يبي يراجع درجاته لازم يروح عنده في المكتب (ما جاب أي أوراق من بداية الفصل).
٤. يشرك الطلاب معه في الكلاس ، ويخليهم يحلون مسائل ويساعدهم فيها.

للأسف طريقة المادة هالترم كانت سيئة. وكلامي المذكور هنا باعتبار الدكتور هو منسق المادة في هالفصل.
جميع الاختبارات (مياجر وفاينل) كانت نظام اختيارات مع العلم أن منهج المادة يتطلّب اختبارات تحريرية ، خصوصاً أن المسائل حلولها طويلة وتاخذ شغل. حتى الفاينل اللي كان متعارف أنه يجي تحريري خلوه اختيارات بالتصويت بين الدكاترة مع العلم أن الاختبار في الاسبوع الاول وبإمكانهم يصححون على راحتهم.

 

Term 181 ISE 307

التحضير :
ورقة تمشي على الطلاب ( ضبط لك واحد يحضرك وتحضره , يعني وقت المايجر تحتاج تغيب) . متساهل مع التأخير بقوة.

طريقة الشرح :
يستخدم السلايدات والسبورة لحل المسائل وتوضيح الاشياء المهمة ، مستوى شرحه متوسط الى دون المتوسط + يعيبه إنه سريع ويمشي على بعض الأشياء بسرعة باعتبارها -في نظره- سهلة+ انه مايكون محضر للدرس اللي بيشرحه فيقراء لك من السلايدات .

الكويزات :
٦ كويزات و قال بياخذ أفضل ٥ منها. متوسطة ( مذاكرة السلايدات تكفي ) ، تحريرية.

المياجر:
اختيارات 20 سؤال مسائل و 10 اسأله صح و خطأ ، مستواها متوسط ( يحتاج انك تذاكر او اقزام ) ، كومون بين دكاترة المادة.

الفاينلات :
نفس المياجر.

القريد النهائي للدكتور :
بين C و D+

الصوت:
كويس و ومعقول ، لهجة انجليزي مصرية

إضافات :
١. أعطانا ٣ واجبات ، كانت كل طالبين مع بعض ، وطويلة اشوي.
٢. تصحيحه في الكويزات جيد ، لكنه يدقق على التفاصيل ، مثل الـ Cash Flow والقوانين والوحدات ، لازم تكون موجودة في حلك.
٣. يتأخر في التصحيح ورفع الدرجات ، وأعتقد اللي يبي يراجع درجاته لازم يروح عنده في المكتب (ما جاب أي أوراق من بداية الفصل).
٤. يشرك الطلاب معه في الكلاس ، ويخليهم يحلون مسائل ويساعدهم فيها وبعض الأحيان يعطي 1بونص لليجيب الحل اول واحد.

للأسف طريقة المادة هالترم كانت سيئة. وكلامي المذكور هنا باعتبار الدكتور هو منسق(كوردنيتر ) المادة في هالفصل.
جميع الاختبارات (مياجر وفاينل) كانت نظام اختيارات مع العلم أن منهج المادة يتطلّب اختبارات تحريرية ، خصوصاً أن المسائل حلولها طويلة وتاخذ شغل. حتى الفاينل اللي كان متعارف أنه يجي تحريري خلوه اختيارات بالتصويت بين الدكاترة مع العلم أن الاختبار في الاسبوع الاول وبإمكانهم يصححون على راحتهم.

 

السمستر والمادة: ISE 405 – Term 172

التعامل: عادي، يشدد على خروج الطلاب من الكلاس اذا شاف اكثر من واحد يطلعون

الصوت: واضح لكن اكسنت مصري يغطي الكلام كله، اذا انت متعود عوافي

الشرح: يفهمك زين اذا انت مركز معه، ما كان شرحه بطال لكن يمديك تمشي امورك فيه اذا تبي الموضوع يصير سهالات

التحضير: يحضر بالاسماء بالبداية، واذا شاف ناس ناقصين يحضر مرتين بأول الكلاس وآخره ( بعد نص الترم صار متساهل شوي يحضر بالاخير )

التصحيح: عادي ، اذا حليت أسئلة كونسبت بالاختبارات من فهمك عادي عنده اهم شي انك توصل الفكره ، بشكل عام مب بطال

المياجر والفاينل (الاختبارات بشكل عام):الميد جانا طويل واسئلته غريبة جدا، السؤال حرفيا صفحة كاملة A4 والاجابة سطرين وجدول بسيط ! طبعا ما كان حاط لنا الجدول لازم تعرف بنفسك طريقة الجواب الصحيحة وانك لازم تحطها بجدول ( اللي يأخذ المادة بيفهم كلامي ) وجاب برضو بالميد أسئلة كونسبت وتصحيحها كان جدا جيد. الفاينل جانا كويس الحمد الله من اللي شرحه الدكتور، ركز عالبراكتس اللي بيعطيكم إياها .

إضافات: أي شي زيادة بحطها بموضوع المادة نفسها ISE 405

 

ISE205-Term191

التحضير : كلاسات يحضر وكلاسات مايحضر .. واذا حضرت اخر ٥ دقايق من الكلاس بيحضرك واذا ماكان رايق بيحطك ليت
طريقة الشرح :
كورس 205 ماكان متمكن فيه كثيير للامانه لكن تحسه يحاول قد مايقدر
الكويزات :
٥ كويزات وياخذ احسن ٤ .. وياتكون متوسطة مائلة للصعوبة ويامتوسطة مائلة للسهولة
المياجر: كومون لكن تصحيحه اشوف حقاني تحط اجابة بالخطوات والنواتج غلط مايعطيك درجات عالحل (يا ابيض يا اسود)
القريد النهائي: +C
الصوت: واضح
إضافات :
يعطي بونص في الكلاس للي يحل سؤال كان يعطينا اياه في الكلاس واول واحد يسلمه ياخذ درجة من 100 .. بس كان والله ارجل دكتور في 205 في ترمنا لانه الدكتور دفوعة استقعد لطلابه وماوافق يرسلهم الفورميلا شيت قبل المياجر وكان يقلهم ذاكرو كل حاجة حتى اللي ما انشرحت ومالها داعي .. لكن الدكتور هاني معانا عطانا العلم في ايش اللي نذاكره ومانذاكره وارسلنا الفورميلا شيت فباختصار كان متعاون معانا كثيير والله وحتى هومووركاته كانت كل طالبين مع بعض