IAS 212
Term 203 (online)

الدكتور حسن سندي مختلف تمامًا عن التقيم الموجود في المنتدى خلووووق جداً وحبيب ومتعاون لابعد درجة وشرحه واضح وبسيط.

الشرح وطريقة التدريس:
أول اسبوعين الدكتور عرف المادة وشرح الأساسيات بعدها قسم الدروس على الطلاب كل طالب يشرح ثلاث مرات إضافة الشرح كان في مجموعات وليس فردي وممكن تختلف المجموعة الي معك اختلاف بسيط من شرح لثاني. وكان الدكتور يطلب من الطلاب يكتبون أسئلة في المحادثة (تيمز) ويجاوب على الاسئلة بعد ما تخلص المجموعة من الشرح. واذا كان فيه تعليق على الشرح او الدرس علق.

البونص :
البونص كان عبارة عن ثلاث درجات
كيف تأخذ هذي الدرجات ؟!
تأخدها بكل بساطة انك تكتب اسئلة في المحادثة بعد نهاية الشرح وتكتب رقمك التسلسلي قبل السؤال والدكتور بيسجل لك الدرجة.
كل سؤال عليه نص درجة.

الاختبارات القصيرة (الكوزات) :
الاختبارات القصيرة وزنها 10 درجات
خذنا اربع اختبارات، وزن الاختبارات
الاول: درجتين
الثاني: ثلاث درجات
الثالث: ثلاث درجات
الرابع: درجتين
طبعا الاختبارات سهلة وبسيطة وكل سؤال بدرجة.

الواجبات:
الاول :
محاضرة مقدمة من أكاديمية الفوزان المطلوب نحضر المحاضرة ونكتب تقرير عنها (نلخصها) في خمس صفحات (ورد) ونسلم التقرير مع شهادة الحضور.
هذا الواجب عليه 6 درجات والاغلب إذا ما كان الكل خذ الدرجة كاملة.

الثاني:
الواجب الثاني عبارة عن مدونات مقسمة علي مجموعات كل مجموعة فيها تقريبا 8 طلاب والمطلوب من المجموعة تقسم مواضيع المدونة وتجهز عرض وتقدمه كل طالب بيقدم في اقل من ثلاث دقايق.
هذا الواجب عليه 9 درجات.

إضافات:
الدكتور بشكل عام حريص على الطالب ومتعاون بشكل كبير ويرد على جميع الاستفسارات
وسهل تاخذ عنده A+

 

IAS 322 - Term 232

التحضير: ياخذ التحضير بداية المحاضرة ولا تتأخر واجد، فيه مرة واحد دخل بعد 10 دقايق والدكتور قال له ترى بغيبك وإذا ماتبي تحضر المحاضرة امش خلاص..عموما بعد فترة الدكتور الظاهر سامح الي كانوا يتأخرون كثير بس مدري وش الي غير رايه. الدكتور يعطيك غيابين فري وبعد كذا يبدأ يخصم على كل غياب.

الكويزات: أعطانا 5 كويزات وماكانت صعبة، في نص الترم صار إذا فيه أحد نزل عن 1.5/2 في كويز يخليه يعيد.

إضافات:
- الدكتور صراحة يزعل ويعصب بسرعة على أشياء بسيطة وماتسوى وأحيانا يفصل عليك ويقعد يصارخ، فيعني التعامل معاه مب أحسن شيء.
- لاتطلع جوالك وقت المحاضرة لأن الدكتور مايرضى.
- المادة فيها تكاليف واجد شوي ولكن حسب ماسمعت إن هالشيء يفرق بين كل دكتور ودكتور. فيه واحد أعرفه عند دكتور ثاني ويقول حتى كويزات ماعندهم!
- بشكل عام ما أنصح في الدكتور بسبب إنه غير متعاون ويعصب بسرعة (إذا اضطريت تنزل عنده نزل لأنه مب مرة سيء).

القريد النهائي: C+