معلومات عنه يا شباب

 

كل الشباب يجتمعون انه من افضل دكاترة القسم من ناحية الشرح
إن لم يكن الافضل

يحب يكرف

يعني لو المادة كومون
خذ عنده

+ القريد بالميلي
واتعقد الافريج عنده c



هذا الي اعرفه عنه

 

التحضير تقريبا كل كلاس ... الصوت واضح ... الأخلاق عالية جداً ... الشرح ممتاز ... الكويزات متوسطة إلى صعبة ... دكتور منظم جداً ... القريد تأخذه عنده بالملي أو بالمايكرو بعد ... يكتب نوت ممتاز ... مياجره كانت بالنسبة لي صعبة ( و أنا أونر ) ... عموما أنصح به جداً إذا كانت المادة كومون

 

الدكتور فاهم ويحب الطلاب يكونون فاهمين ومن ميزاته الشرح الوافي لكل جزء من المادة اللي يدرسها ويكرف ولكن يعطيك حقك،،

 

بنود التقييم : EE205 ( EE213 ) d

التحضير : تقريبا ربع الكلاصات في الترم حضرنا ,,

طريقة الشرح : عنده سلايدات حلوة هو مسويها ويشرح عليها ,, بس ماينزلها بالويب سيتي

+ يعطي أساينمنتس ف الكلاص وعليها نسبة من الكلاص وورك ,,


الكويزات : أعطانا 4 كويزات بالسمستر وكلها اختيارات ,, + مختلفة في الصعوبة ,,

المياجر: كومن

الفاينلات : كومن

القريد النهائي: B+

الصوت: واضح جدا

إضافات : المدرس خلوق جدن ويحب يكون الطلاب فاهمين ,, بس مشكلته دقيق ف الكلاص وورك ,, !
بس ضبطنا ف القريد النهائي ,, الله يوفقه ,,

 

كيف الدكتور بالcoop

 

أخذت معه EE213 لكتشر فصل 142

التحضير :

ناسي على ما اظن كان يعرفنا لأننا كنا 10 او 11 طالب أو انه كان يحضر، لأنه بالنهاية عطانا الدرجات ومن بينهن الحضور

طريقة الشرح :

سلايداته الشخصية، متعوب عليهن ،، فيهن أمثلة كثيير ويمشي على الأمثلة واحد واحد يسأل عن الحل بعدين يعرضه. فاهم بشكل عام ويتجاوب مع الأسئلة.

+

ينزل نفس السلايدز معهن أجوبه بس بدون حل (يشيل الحل) مفيدات مرة لو تمر على كل أمثلته تكفيك.

الكويزات :

متوسطة


المياجر:

كومن

الفاينلات :

كومن

القريد النهائي:

A
الصوت:

واضح


إضافات :

* الدكتور مرتب وباين عليه مثابر بحياته كلله

* يعيبه أن راسه يابس بعض الأحيان يسأل سؤال ولو تجاوب صح بس بطريقة مختلفة عن اللي بباله يقول لا !

* كلاسه تفاعلي وهذا زين إذا فيه تفاعل بس إذا الطلاب نايمين يصير متعب لأنه يوقف ويناظر الطلاب ويبيهم يتجاوبون معه.

* بعض الأحيان يقسم الطلاب مجموعات ويعطيهم أمثلة يحلونهن.

* كان فيه بروجكت من عنده (بحث صغير زيادة على بروجكت اللاب) وإذا كان الموضوع حول شيء معين - بوقتنا كان Curiosity rover - يعطيك بونص، أحرص تحجز موضوع بدري عشان إذا سبقك أحد ما يسمح تكرر الموضوع، طبعا ما اعجبتن هالطريقة لأنه يساوي اللي بروجته سيء بس عن Curiosity rover باللي تعبان على البروجكت بموضوع ثاني.

 

EE213 - Term 142

بنود التقييم :

التحضير :
كنت أشوفه ما يحضر ، لكن وقت مانزل الدرجات لقيته منقصني في الغياب ، ع العموم هو يحفظ أسماء الكلاس من بدري ، فشكله يشوف مين غايب ويغيبه في الكشف .

طريقة الشرح :
ع سلايدات ممتازة ، أكثر من مرة يحط سؤال ويخلي الطلاب يحلوه، شرحه مرتب ومنظم ووصح إنه يتعب عليه كثير ، ينزل السلايدات حقته بس من غير خطوات بس الحل المهائي في البلاك بورد.

الكويزات :
سهلة ، والميزة إنه حاط أوقاتها في السيبلبيس من بداية الفصل، بس أكثر من مرة يغير وقت الكويز بناء على رغبة الطلاب.

المياجر:
المياجر كانت صعبة شويتين ، بس تصحيح جيد ، يعني إذا شافك فاهم الفكرة حتى إذا حليت غلط ما ينقصك أو ينقصك شوية.

الفاينلات :
زي المياجر .

القريد النهائي:
A+

الصوت:
واضح.

إضافات :
من أفضل دكاترة القسم ، الله يعطيه العافية.

 

ُُُُُee 340

اخذت f معاه

واعدتها وجبت b+

 

EE340 Term 162

التحضير:
على حسب المزاج والفضوة، يمكن حضرنا عشر مرات خلال الترم بس. ما يخالف بالتأخر، نظامه اذا فوت المحاضرة أنت الخسران.

طريقة الشرح:
عنده سلايدات رهيبة فيها شروحات منظمة وحلوة يشرح عليها، وفيها اكزامبلز كثيرة ومرتبة بالصعوبة وتغطي معظم الأفكار في المنهج تقريبا، عيبه أنه ما يرفع لك الشروحات، يرفع لك نسخة من السلايدات فيها بس الاكزامبلز بحلها النهائي بدون طريقة. طريقة شرحه وعرضه للمعلومة رائعة وأحس الالكتروماقنيتكس داخلة في صميم راسي من شرحه الله يعطيه العافية.
الكويزات:
4 كويزات ب2.5% لكل واحد، يحدد أوقاتها من بداية الترم. بتجيك سهلة، أنا كنت أذاكر لها مذاكرة المياجر وأركز على أصعب الدروس وما يجيب منها وأحل سؤال تافه غلط وأموت قهر، ركز عالمفاهيم الأساسية.
الواجبات:
ما عنده تسليم واجبات. بس عنده بروجكت عنهم كلهم، تسوي بحث عن موضوع تختاره له علاقة بالالكتروماقنيتكس (مشابه لحق الانجلش214).
المياجر والفاينلات: كومون. وكلها خيارات
القريد النهائي: A
الصوت: واضح وانقليزيته ممتازة
إضافات:
الدكتور ما شاء الله عالم في مجاله ومتشبع من الموضوع ومتشعب فيه، ميزته شرحه للكونسبت لا يعلى عليه خصوصا لو تتابع معه، كل كلاس يطلب منك تحل اكزامبلز للكلاس الجاي، والحقيقة بعد أنا كنت الحمدلله متابع أول بأول وأقرأ الكتاب وما أعاني مع المفاهيم كثير لذلك تجربتي مع الدكتور رائعة. فكرت أتخصص الكتروماقنيتكس :D
يوزع علينا ملخصات حلوة ,ومفيدة خصوصا لآخر كم تشابتر.

 

Term 172 EE 340

التحضير :
نادر جدا ، في وسط المحاضرة. لما يحضّر يأخذ عينات من الاسماء (ما يحضّر الكل) ، لكني أتوقع إنه يعرف مين موجود ومو موجود حتى لو ما حضّر.

طريقة الشرح :
يفتح السلايدات ويمشي عليهم ويشرح المنهج بشكل شفهي مع استخدام البوينتر حق العروض. شرحه بالنسبة لي ممتاز وواضح.

الكويزات :
٤ كويزات مثبتة في السيلبس من البداية ، مستواها من سهل إلى وسط بس تحتاج مذاكرة كويسة. نظامها اختيارات.

المياجر:
كومون مع الدكتور الثاني ، اختيارات نفس الكويزات. ميجر ١ كان عادي ، ميجر ٢ رفعوا العيار اشوي.

البروجيكت:
هنا بتكلم بتفاصيل اشوي.
طبعا نظام البروجيكت باختصار أنك تسوي بحث عن موضوع له علاقة بالكهرومغناطيسية ، وتقدم عرض على بحثك.
راح تبدأ مع بداية السمستر (تقريبا الاسبوع الثاني) وتختار موضوع البروجيكت ، بنظام أول من يختار ياخذ الموضوع ، لمنع التكرار ، ثم بتبدأ بحثك عن مصادر. راح تكتب الريبورت باستخدام نظام الـ IEEE ، ثم تعد شرائح باوربوينت عشان تقدم عرضك أمام الطلاب حول البحث اللي سويته.
الدكتور بيمشي معك خطوة خطوة في البروجيكت ، ممكن تأخذ رأيه في الموضوع لو تبغى ، كل الشغلات بتسلمها على البلاك بورد ، من موضوع البروجيكت الى البرزنتيشن. بينزل لك ملفات كثيرة حول البروجيكت ، مثل المواضيع اللي تم اعدادها من قبل طلاب سابقين ، خطوات اتمام البروجيكت بكامل مواعيد التسليم ، عينات ريبورتات سابقة عشان تشوف كيف سووها اللي قبلك ، بالاضافة الى ملف يشرح لك كيف تسوي ريبورتات بنظام IEEE.
بعد تسليم الريبورتات والعروض ، بينزّل لكم قائمة الشعبة على ملف اكسل مع الريبورتات ، وبيعلمكم آلية محددة عشان تقرون بعض الريبورتات وتقيمونها ، وبيعلمكم آلية ثانية لتقييم العروض بعد. تحط تقييماتك في ملف الاكسل وتسلمه على البلاك بورد.
كل الأشياء اللي ذكرتها هنا طبعا عليها درجات ، حتى التقييم عليه بعد.

الفاينلات :
نفس المياجر ، كومون وخيارات. كان سهل نسبيا ، والآفرج طار فيه (طيحنا هيبة المادة ).

القريد النهائي:
A

الصوت:
واضح وممتاز ، يتكلم إنجليزي طول المحاضرة.

إضافات :
١. يعاب على الدكتور في شرحه أنه ما يكتب على السبورة ، خصوصا أن المادة تحتوي على اشتقاقات كثيرة وحل مسائل ، فتحتاج بعض الكتابة. ممكن هو يشوف أن إشراك الطالب في حل المسائل يعوّض هالنقطة.
٢. ما فيه واجبات. الدكتور حاط أسئلة في السيلبس لكن بينزل لك حلولها من فترة لفترة. نصيحة لا تهملها وحاول تتدرب عليها.
٣. الدكتور بيشرح وبيخليكم تحلون مسائل على اللي يشرحه داخل الكلاس ، لذلك احرص تجيب دفتر وقلم معك وتكون فاعل في المحاضرات. دائما بيترك بعض المسائل لكم عشان تحلونها ويسألكم عنها المحاضرة اللي بعدها ، أنصحك تحلها ولا تتركها.
٤. الدكتور كان متساهل في تقييم البروجيكت ، حتى تقييماته كانت افضل من تقييمات الطلاب اللي جاتني .
٥. السلايدات اللي بينزلها لك -مثل ما تفضّل الاخ اللي قبلي- تحتوي على المسائل بحلولها النهائية فقط ، وما فيها شروحات. لذلك ، اللي يدورون شرائح يذاكرون منها وما يبون يفتحون كتاب بيتذمرون منها. الكتاب كويس للمذاكرة (مثل ما ذكرت في موضوع تقييم المادة).
٦. نقطة أخرى سلبية في الدكتور وهي أنه في كثير من المحاضرات ياخذ وقت زيادة ، وبالتالي بيعطلك لو كان عندك كلاس في مبنى بعيد بعد كلاسه. لذلك احرص ان الكلاس اللي بعده قريب ، أو الدكتور ما يدقق على التأخير.

في النهاية ما أقول غير الله يجزاه خير على حرصه ومتابعته الدائمة مع الطلاب ، والله يعطيه العافية…

 

EE213-192
طبعا تقييمي هنا قبل الاونلاين :
التحضير : يحضر بشكل عشوائي احيانا بداية الكلاس او نصه ويختار اسماء عشوائية. (ايضا الغيابات تتحكم بالنورملايزيشن كلما كانو اقل كلما رفعك لو كان الافرج نازل )
طريقة الشرح : يشرح بالسلايدات ودايم يناقش الطلاب فيهم
الكويزات : 4 تقريبا وكان مستواهم وسط ومنوعين (رتن ملتبل تشويس الخ)
الهوموركات : فيه اثنين الاول هومورك الكورس احيانا يطلبه واحيانا لا
الثاني وهو الاهم يعطي كل كلاس رسميا من سؤال الى ثلاث هومورك للكلاس الجاي والي يحلهم بالكلاس الجاي يسجل اسمه ويطلب منه يشرح حله بالكلاس (يختار عشوائي من الي حلوه)
المياجر: يعتمد على الكوردنيتر
الفاينلات :يعتمد على الكوردنيتر
الصوت: واضح
اضافات : الدكتورمشكلته صعب الكورس بهوموركاته الي مالها نهاية +البروجكت حقه طويل وعليه برزنتيشن وطالبه بنظام IEEE وايضا سلايداته يرفعهم بس بالجواب النهائي (بدون خطوات ) فماشوفهم مصدر مناسب انك تذاكر منهم ز يعني اذا ذاكرت وحبيت تتأكد من فهمك بتكون جيده. ايضا دائما يخذ وقت زيادة على وقت الكلاس.
القريد النهائي: +D (بسبب تعقيده لمتطلبات الكورس واستهلاكه جهد من الطلاب اكثر من اللازم والي ضاعف ثقل المادة )

خلصنا ؟ اكيد لا !!!!!!!
الان الجانب السوداوي يوم جا الكورونا والدراسة اونلاين
القصة طووووويلة ومن وجة نظري العاطفية ولكن بحاول اختصرها
بالبداية مثل اغلب الدكاترة كانت الامور فوضوية كل شوي نتنقل من برنامج الى اخر بس ثبتنا على البلاكبورد والامور تمام .
التحضير صار اول ثانية من الكلاس يصور الحضور بجواله ويبدا شرح يعني لو يبطئ النت ووتاخر بالدخول انت غايب .
البروجكت كان عليه 6% طلبنا منه يكنسله قال ماقدر فيه طلاب بدأو فيه بس لو ماحد سواه عادي بالنهاية هي افرج فاتفقو ولا تسوونه. فكانت الامور تمام فيه طلاب واجد قررو مايسوونه بحكم انها بس 6% وبتاخذ وقت. ولكن قبل الديدلاين بفترة قصيرة للبروجكت نتفاجئ بايميل قرر فيه يخلي البروجكت 12% من وزن الكورس ! فطلبنا منه تأجيل الديدلاين فرفض وقال بظلم الي اشتغلو عليه مبكر ولكن تقدرون تسلمونه متأخر وبخصم على التأخير. طبعا ايميلات الدكتور كانت تسبب رعب للطلاب لان ماوراها الا المصايب.

الان الحدث الاهم وهو بعد ماخلصنا كل اختبارات الاونلاين والبروجكت رسل ايميل صدم حياتنا فجأة يتهمنا بالغش وقرر انه بيسوي اختبار شفهي والي ما يعديه او يغيب عنه على طول راسب ولازم تحضر له بدون سماعات راس وتشغل الكاميرا عشان يتأكد انك ماتغش باي وسيلة. وش بيكون نظام الاسئلة ؟ ماحد يدري ! وش نذاكر ؟ كل شي خذناه بعد الاونلاين ! والدكتور مشغل الرد الالي بالايميل. كل مارسل له طالب ايميل من 20 سطر يرد عليه بجملة او جملتين بدون اي توضيح. طبعا بهالوقت الطلاب عندهم اختبارات ثانيه فضاعو وش يركزون عليه وممكن نرسب بسبب اختبار !
طبعا صار توتر فظيع للطلاب فقررنا نرسل ايميلات جماعية لرئيس القسم ولمدير الجامعة. وبعدها رسل الدكتور ايميل ثاني يقول لاتخافون الاختبار الشفهي من صالحكم وراح ياخذ كل واحد حقه وما الا ذلك. وبعدها بفترة الساعة 11 الليل بالضبط رسل عدة ايميلات لعدة طلاب حدد لهم مواعيد الاختبار الشفهي بظهر اليوم التالي يعني تقريبا بعد 13 ساعة من الايميل بس.
اختبرت الدفعة الاولى وحسب ماقالو كانت الامور سهالات. ولكن توتر الاختبار مازال وماندري هل بيخبتر الكل ولا فئة معينة من السكشنين الي عنده. جا اليوم الي بعده واستمر يرسل ايميلات على 11 و12 الليل. فصرت كل شوي اشيك على الايميل هل انا من ضمنهم او لا! وباليوم الي بعده وصل ايميل منه بانه خلاص خلصنا اختبارات شفهية واخيرا قدرنا نبدا الاجازة ولكن بعدها بيومين استمر ورسل ايميلات لبعض الطلاب عن موعد الاختبار الشفهي ! طبعا السبب طلع لانه هالكم طالب على وشك الرسوب فاختبرهم عشان يشوف ينجحهم او لا.

بالنهاية ماقدر احكم على نوايا الدكتور ربما كلها حسنة وهمه مصلحة الطالب وفهمه ولكن اسلوبه بالطرح وغموض ايميلاته المرعبة واوقاتها خلتني آخذ اسوء فكرة ممكنة ومستحيل انزل عنده بالمستقبل.
ايضا فيه اشيا لازم اذكرها ان الدكتور تساهل بتصحيح البروجكت وحسب علمي مارسب الطلاب بالاختبار الشفهي او بالغيابات. ولكن مثل ماقلت سبب لنا ازمة نفسية وخصوصا بشهر رمضان واحنا صايمين وبازمة كورونا.

 

السلام عليكم ورحمة الله وبركاته


EE213
اول شيء ببدا ب اني خذيت مع الدكتور بفترة الكورونا،



ثانيا قبل كل شيء، اهربووووووا اهربوااااا اهربوووا ولا تفكر ابدا ابدا ابدا تنزلون عنده لو ايش يصير جدااا يكرفف وماتستاهل المادة كل هالكرف


التحضير: يحضر بداية الكلاس حكم يعني انا كلاسي ١٢ يحضر ١٢ بالضبط وبعشوائية اذا تاخرت ٣ دقايق دقيقتين راحت عليك

الشرح: شخصيا اشوفه ممل بشكل غير طبيعي بس اول كلاساته حاولت افهم معه بعدين خلاص ما قدرت من الملل وصرت ادخل الكلاس ارسم ولا اسويلي اي شيء لان مستحيل افهم منه


التصحيح: كويزياته اللي خذتها بكلاسه كانت اختيارات و تقريبا ٥ اسئلة ولا حولها والباقي كله بالبلاك بورد بحكم كورونا وكانت صعبة كويزاته اللي بالبلاك بورد صراحة و بالكلاس كانت متوسط الى صعب بس مايل للصعوبة و ١٥ دقيقة تقريبا الوقت او حولها

التعامل: الدكتور مسوي كل شيء قبل لايبدا الكورس واحسه مايرتاح لو اقترحوا الشباب ان يغيرون شيء ولا شيء، يعني مثلا يرسلونله ايميل ويقول اوكيه ويرسل سيرفيه بالبلاكبورد ويخيله متاح لمدة كم ساعه او كم دقيقة اذا واحد خالف اللي يبونه الشباب يسحب على اقتراحهم

بالاخير ودي اقول الدكتور طيب مافيها كلام بس جدا جدا جدا يكرف كرف غير طبيعي مايستاهله الكورس، كل كلاس يعطيك كم مسألة ويقول جيبوها الكلاس الجاي وعليها درجات من الكلاس وورك بعد يعني اذا سحبت بتنقص وانا ماكنت ادري، و حاط ١٢٪؜ اتوقع او ٦٪؜ (نسيت، لخبطة كورونا لانه غير اشياء واجد) على بحث تسويه زيه زي الانقلش و فيه برزنتيشن ايضا تخيل فيه بحث وبرزنتيشن ف هذه المادة

ويرسل اشياء بالايميل والاناونسمنت زي مايبي ووقت مايبي جدا غير متفهم وهذا شيء يقهر لانك مثلا قاعد يوم يرسلك اناونسمنت شيء غريب وحاطه بوقت غريب

باختصار، اسوء دكتور قد نزلت عنده مادة وبحياتي ما بنزل عنده ماده مره ثانيه لو ايش يصير تقييمي له بيكون -F، صراحة اكثر واحد يغثك بموادك هو، حتى اخر شيء بعد ما اختبرنا ٢ اونلاين تيست للميجر ٢ و للفاينل تتوقعون وش قال؟ قال ترا فيه اورل اقزام اااخر شيء وقت الفاينلات وقال اللي ما بيعدي فيه بيرسب، تتوقعون ليه؟ عشان يبي يفرق بين الغشاشين واللي حلّوا بنفسهم، نعم طال عمرك؟ طيب وكل التعب اللي تعبته بالترم يروح هباء منثورا؟ عشان تعطيني سؤال اورل ؟ ويقول الاورل تعال وجب حاسبة لانه بيعطيك من اسئلة الاختبارات اللي اختبرتها معه سواء كويزات او اونلاين تيست او امثلة السلايدات، الزبدة لحد ينزل عنده لو ايش، اذا تبي معلومات بدون قريد ممكن اقول نزل عنده او روحله المكتب هو انسان طيب تحسه يبي مصلحتك بس بطرق سيئة جدا

 

Term 192 - EE340

التحضير: في الكلاس كان عشوائي أحيانا بداية الكلاس أحيانا في النص في فترة الكورونا كان ياخذ التحضير من لستة البلاكبورد

الشرح: شرح الدكتور للكورس مرتب ومنظم ومنسق جدا متسلسل بحيث انه يبتدي بمكان قبل المكان اللي وقف فيه الكلاس الماضي ويكون زي المراجعة تقريبا لمدة عشر دقايق الى ثلث ساعة , ينزل الأمثلة اللي نحلها في الكلاس بالجواب النهائي فقط بدون حل اذا تركز في الكلاس وتراجع الكتاب حتحلها بسهولة. الدكتور راجع معانا الشابترين اللي من ماث 302 زيادة على الخطة الله يسعده صراحة الماث مهم مهم جدا في هالكورس بحكم انه يعتمد عليه كثير شرحه كافي ووافي للمادة لكن المادة تحتاج تدريب كثييير الى أن تضبط الماث

الكويزات: 4 كويزات متوسطة الصعوبة , قبل الكورونا كان اختياري فقط 4 أسئلة بعد الكورونا صارت 5 أسئلة متوسطة الصعوبة بين الخيارات والفراغات

المياجر: قبل الكورونا كان اختياري 15 سؤال كالمعتاد , بعد الكورونا برضو 15 سؤال بس كانت بين الاختياري والفراغات مع تقليل الوقت الى ساعة وربع بدل ساعة ونص لازم تكون متدرب كويس

البروجيكت: نفس المذكور في تقيم Mr.A

إضافات: للأمانة الدكتور كان جديد على نظام التدريس أونلاين لكن تأقلم بسرعة أعطانا حرية اختيار أوقات الاختبارات والكويزات وكان دايم يستشرنا قبل لا يقرر قرار نهائي وكان يحاول يسوي اللي يقدر عليه هذي الفترة كانت صعبة على الكل.
صراحة ماراح أتردد أنزل عنده مرة ثانية أخلاق وشرح وفهم ماشاء الله عليه ومرتب الكورس والكلاس معه يمر بسرعة.

 

Term 201 - EE340
هذا الفصل استثنائي لأنه كان كاملا عن بعد، والاختبارات على البلاك بورد، لذلك فالتقييم قد يختلف قليلا عن الفصل الحضوري.
التحضير :
المحاضرات عن طريق البلاك بورد، والتحضير آلي منه، لذلك من المهم أن يهتم الطالب بدخول المحاضرة في الوقت المناسب وإلا حُسب متأخرا أو غائبا تلقائيا، خاصة لمن سيأخذون المادة الفصل القادم، الذي قد يكون عن بعد أيضا لمدة شهرين أو أقل أو أكثر .
طريقة الشرح :
عن طريق سلايدات له مرتبة وتغطي المادة كاملة، ومحتواها جيد، ولكنه لا يتزلها كاملة، فقط الجواب النهائي دون تفاصيل الحل، ويعيبه في الشرح تأجيل حل عدد لا بأس من المسائل في السلايدات للمحاضرات المساعدة Tutorials.
الكويزات : يعطي ثلاث كويزات، ومستواها من متوسط إلى سهل.
أون لاين تست: عددها اثنين، وموحدة، والأسئلة نوعين خيارات وكتابة الجواب النهائي في الفراغ.
منتصف الفصل: موحد، والأسئلة نوعين خيارات وكتابة الجواب النهائي في الفراغ.
الفاينلات : موحد، والأسئلة نوعين خيارات وكتابة الجواب النهائي في الفراغ.
القريد النهائي: A
الصوت: الصوت واضح، ويتحدث الإنجليزية طول المحاضرة تقريبا.
إضافات :
1- الدكتور يعطي مشروع كتابة بحث علمي عن أحد تطبيقات الكهرومغناطيسية، وعليه 9%، وفي آخر الفصل يكون هناك تقديم للبحوث.
2- يستبدل أسئلة الواجب من الكتاب بالأمثلة في سلايداته، ويطلب من الطلاب تسليمها في بداية المحاضرات.
3- الدكتور متمكن من المادة ومتطلباته من الطلاب عالية، فهو يريدهم أن يشاركوا بشكل فعال أثناء المحاضرة، ويحسب ذلك ضمن الكلاس وورك.
4- يعيب الدكتور من وجهة نظري تأجيله لحل بعض المسائل للمحاضرات المساعدة، وسبب ذلك أن المنهج مضغوط، وغير ذلك أرى أن الدكتور ممتاز لمن يريد أن يعمل بجد، أما من أراد أن يتجاوز المادة بأقل جهد، فلا أنصحه بالدكتور حسين مسعودي.