^^^

صح

الظاهر والله العالم انه فلسطيني عايش بالاردن

 

يا شبااااااااب انا عندي كويز عنده يوم السبت ابي نصيحة من فين اذاكر

بسرررعة الله يخليكم

 

غالبا يجيب الاسئلة من النوت حقه إلا سؤال من الأولد إكزام

 

الله يستر منه في الكلاس وورك يا شباب كيف الاستاذ ابراهيم في الكلاس وورك

ان شاء الله انه كريم في الدرجات ؟؟؟؟

 

بصراحة يعطيك اللي تستحقه بالضبط بالـ مل
لكن إذا إنت مزبط في المياجر يعطيك بونص في الكلاس وورك

 

ابي اقول رأيي في الاستاذ ناجي ......

استاذ بكل ما تحمله الكلمة من معنى ....

يعني ان جيت للشرح ولا الاخلاق ولا كل شي .... توب توب توب

اللي ينزل عنده يعرف ان امه داعية له .....

والقريد النهائي a+++++++++++++++++++++++ الى مالا نهاية

وفقه الله لما يحبه ويرضاه ......

 

يمكن الكلام اللي فوق قديم ما عدا رد المهندس الطيار الأستاذ حبيب لكن سوى فيني حركة حقدت عليه وقاعد ادعي علية ليل نهار ان كان مستقصدها

كان عندي 7 غيابات قال آخر يوم لا تحضرو غبت عطاني dn !!!!!!!

بس هذا ما ينفي تميز الأستاذ

كلاس وورك : حقك بالملي

تحضير : التأخير بعد ربع ساعة والتحضير آخر الحصة

نوت: مميزة جدا بس خطه تعبان

كويزات : 3 من النوت وسؤال اولد اكزام

شرح كلش عــــــــــــــــــــــــ ر بـــــــــــــــــــــــــــــــــــي هههههههههههههه

أول السمستر انجلش بعدين يشطح عربي

قريد أعطيه : A

 

شباب .. أشوف الردود الأولى ما تمدح بالرجال .. والظاهر إنه كان شديد أول ما جاء ..
بس بصراحة أنا أخذت عنده سيمستر 102
بطططططططططططططططططططل بمعنى الكلمة .. ترى مرة قوي في الشرح ..
وأسئلته أغلبها أولد اقزام .. ويسمح لك تسأل في أي وقت من المحاضرة
ولغته الإنجليزية مرة حلوة ولهجته مرة تمام ..

الكويزات حقته لازم تذاكر لها تماااااااااااام وشديد كمان << هههههههه من جد !!
ولو رحت له الأوفيس أور راح تحصله ويشرح لك شرح يحبه قلبك ألين تفهم ..


أعطيه a

 

شباب هو ذا i naji

 

نعمـ

 

بنود التقييم :

التحضير :

يحضر في نهاية الحصة
طريقة الشرح :
يشرح على السبورة وأحياناً إذا عنده بروجكتر يشغله ويحل من السبورة
الكويزات :

صعبه غالباً
المياجر:
موحدة
الفاينلات :

موحدة
القريد النهائي:

A+
الصوت:
واضحه وعليه أكسنت ممتاز ويتكلم في كثير من الأحيان عربي
إضافات :

أستاذ ناجي درسني 001 ترم 111

الصراحه من أفضل 3 مدرسين في الأوريا إذا بتتابع معه بتاخذ a وأنت مغمض

الكويزات صعبه لكن راح يزودكم في أخر الأيام ..


..

 

التحضير : آخر كل حصة يحضر .. وإذا جيت متأخر يقولك أنت اليوم لايت او ابسنت .. آخر الفصل بيتساهل في التأخير


بنود التقييم :

طريقة الشرح : بيستخدم نوته بشكل آساسي بمعنى أن النوت مفتوح فوق وبياخد منه الأمثلة و يحلها على السبورة .. الأفضل يكون معاك النوت حقه لأنه مرات بيعدل عليه أو بيعطيك طريقة حل ثانية .. وبينزل النوت على البلاك بورد .. عيب نوته أنه بخط اليد بس النوت شامل و فيه أسئلة و أمثلة كفاية.

الكويزات : متوسطة بتعتمد على أنك دارس أو لا لدرجة أنه مرات بيجيب نفس السؤال من النوت.

المياجر: كومن
الفاينلات : كومن

القريد النهائي: a+
الصوت: واضح .. و انجليزيته ممتازة وبيستخدم العربي في شرحه

إضافات :

002 معه حلوة .. بس حط في بالك الدكتور يعطيك حقك وبس .. ما يحب اللي يجيه يقوله زودني​

 

أنا أخذت عنده 001 في ترم 111

التحضير : يحضر آخر الكلاس وما يحب اللي يتأخر كثير على كلاساته

طريقة الشرح : في الشرح يمر على النوتات حقته و يبدأ يشرح المفاهيم و بعدها يحل أسئلة كثيرة و بعضها من الاختبارات القديمة

الكويزات : كويزاته متوسطة

القريد النهائي: A+

الصوت: واضح جداً


بالنسبة للدرجات فالمدرس شديد شوية و يعطيك حقك بالملي
و إذا ناوي تجيب 24 في الكلاس وورك فلازم تجيب درجة عالية في كلاس تست عنده

بالتوفيق

 

بالعربي وبدون فلسفه .. مدرس لاينسى !!

شرح قوي نوت قوي .. بصراحه الرجل هذا قمه

يستاهل a+++++++++++ وأكـثر !

 

التحضير :
احيانا يحضر وسط الكلاس او في نهايته لكن الي يتأخر خمس دقايق واكثر ليت والابسنت اذا تاخر 10 عشر وفوق

طريقة الشرح :
شرحه ممتاز اعجز عن وصفه يجيب اسئلة الطلاب حتى وان كانت تافهة وبداية كل كلاس يراجع بشكل سريع الدرس الماضي و يبتدي في الشرح . يعتمد على النوتة بشكل كبير والشرح على البروجكتر والتابلت . يحل الريساتيشن مع الطلاب اذا كان فيه فراغ ويرسلها للطلاب بشكل اسبوعي. اول كانت النوتة حقته مكتوب بخط يده لكن هذا السمستر عمل نسخة مرتبة ومطبوعة لطلابه . يشرح بالانجلش لكن احيانا يتحمس ويشرح بالعربي وهو راعي تنكيت وخفيف دم .

القريد النهائي: A+
الصوت: صوته واضح والاكسنت حقه ماشاء الله روعة

إضافات :
افهم الدرس معاه في الكلاس وراجع بشكل يومي الدروس وامورك راح تكون في السليم اما الكلاس الورك يعطيك حقك ونادر ما يزيد الطلاب واذا زاد يكون درجتين ثلاث وما يحيب احد يقوله زدني او شي .. لكن كشرح واخلاق من افضل دكاترة الماث في الاوريا ..
..​

 

التحضير :
نهاية كل كلاس واذا جيت بعد اكثر من عشر دقايق يقلك بحطك ليت
الشرح :
بصراحة احسن مدرس بالنسبة لي في الاوريا بشكل عام وطريقتة في الشرح تقول من المستقبل يحل اسئلة من النوته حقته على البروجيكتر ونوتته الي يحلها ويرفعها مطبوعة على البلاك بورد مرررره منظمة وتفهمك كل شي حتى لو انك مو حوله في الكلاس وعموما البلاك بورد ينزل فيه حلول كل الريستيشن واي كوز بنفس اليوم تحصله نازل ومحلول في البلاك بورد
الصوت :
واضح وانقليزيته كويسه واصلا احيانا اذا سأله حد بالعرربي يجاوب بالعربي

باختصار اعطيه +a والي ينزله عنده امه داعيتله ^_^

 

السلام عليكم

درستي الاوريا math 002

الصراحة ما افتكر كثير لكن ببساطة اذا انت عنده فـ اعرف انك عند احسن استاذ في الاوريا مبدددع جدا
عنده نوووت ممتازة حتى لو ما يدرسك اشتريها وادرس منها

تـــــــــــــحياتي

 

زيادة على كلام الشباب الاستاذ يعاملك كطالب جامعي بكل الاشياء يعني لا تتوقع منه يدفك او يساعدك الا اذا كان افرج الكلاس مرتفع و لا تتأمل منه كثير و ثانيا نوته كويس ما قلنا شي بس الافضل و الامثل تحل الكتاب و اسئلته و تلقي نظره على نوته لأن النوت لحاله يضيع الطالب خصوصا ان نوتة ناجي تحتوي على اسئلة تحتاج فهم كامل للدرس انا عدت كورس 001 لأني اعتمدت كليا على نوته و حفظها و ليس فهمها لكن بعدين تعلمت من خطأي.

 

انا درست عنده 001 الله يذكره بالخير شرحه بطل و محترم و ساعات يقط نكت
استفدت كثير من النوته حقته ويشرح باستخدام تابلت خاص فيه يتميز عن غيره من الدكاترة
وطلعت معه ب a+

 

استاذ رهيب ومتمكن من المادة ويابختك لو طحت معاه .. تفهم المادة معاه صح واخلاقه جميلة الله يسعده وين ماراح .. يحظر اخر الكلاس ويشرح من النوتز حقته "رهيبة على فكرة"