Chem101 LAB - 162

التحضير : بعض الأحيان يحضر عن طريق الكشف أو البريلاب أو الريبورت لكن الأكيد انه يحضر.
طريقة الشرح : يعطيكم 10 وممكن يمدها إلى 30 دقيقة للبريلاب ، على بال ما نحل البريلاب يكتب خطوات التجربة على السبورة.
الكويزات : (البريلاب علية 10 درجات والريبورت عليه 65) الكلام هذا في كل تجربة.
المياجر: لا يوجد
الفاينلات : يحدد القسم 5 تجارب ( 4 منها يجي عليها اسئلة نظرية و 1 تجي عملي ).
القريد النهائي: A+ ولو فيه اكثر يستاهل الاستاذ ابراهيم.
الصوت: واضح لكن الاكسنت ممكن ما تفهمه بنسبة 15%
إضافات :
1- الاستاذ ابراهيم وما ادراك عن الاستاذ ابراهيم ، شخص عسل ومتساعد إلى ابعد الحدود، اول معمل عنده جتني دوخه وحسيت اني ما اقدر اكمل وانا ما صار لي 15 دقيقة من يوم ما بدينا ، ولا حتى قال شي الاستاذ غير السلام عليكم ، انتبه لي وسألني وش فيني ،علمته فسأل عن اسمي وحضرني وقال بعدها روح العيادة ( تطمن على نفسك ونشوفك الاسبوع الجاي ان شاء الله ) لكن الحمدلله قدرت اكمل ذاك اليوم .
2- متساعد اثناء التجربة وحتى البريلاب .
3- تصحيحه جداً ممتاز لكن في النهاية درجاتكم راح تكون قريبة من بعض بسبب هذا الشي.
4- اذا الجدول يضبط معك الاستاذ ابرهيم فنصيحه لا تفرط فيه، ما راح تندم الا إذا انت ( مهمل ) ​

 

التحضير : يحضر عن طريق الكشف قبل كل لاب.

طريقة الشرح : يعطيك وقت للبري-لاب كويز بينما هو يكتب الخطوات على السبورة، نخلص من الكويز ثم نتجه للسبورة فترة قصيرة نفهم التجربة ونبدأ نشتغل، الدكتور وقتها يبدأ يساعدنا في التجربة ويصحح اخطاءنا ويعلمنا وصراحة ما يقصر، فترة الشرح مملة شوي لكن بمجرد ما نخش الشغل اللاب يصير ممتع حتى لو ما تحب الكيمستري.

الكويزات : بري لاب كويز عليه ١٠ درجات

المياجر: -

الفاينلات : التجربة من الديبارتمنت والأربع تجارب النظرية يحددها الديبارتمنت ويسوي اسئلتها الدكتور.
القريد النهائي: A++ إلى S++ حتى، الدكتور ذا توب تيير

الصوت: في الشرح ممكن تقول نايم شويتين بس في الشغل ما تحتاج صوته لأنه بيكون بجوارك دائما وأبدا ~
إضافات : الدكتور قمة في الاخلاق وحسن التعامل، انا غبت يوم وتأخرت ساعتين كاملة وما عطيته عذر صراحة ومع ذلك الدكتور قرر يساعدني قدر الامكان "ما شال الغياب والتأخر لأنه بيكون ظلم للبقية" بس ساعدني في اللابات الباقية انني احسن وضعي واشد حيلي واتدرب اكثر واكثر عشان اعادل درجاتي اللي فاتتني من الغياب والتأخر والحمد لله بسبب جهده وتعبه معي جبت على الافرج حتى وانا غايب ومتأخر، ما بنسى جهوده صراحة وما بنسى حسن تعامله وقربه من الطلاب في المجمل، الدكتور جالس يدرس ويجهز لمناقشة الدكتوراة هذا الترم، بإذن الله اكون اول الحاضرين ونفرح فيه كلنا.

 

Chem101 Lap -191
التحضير :من الكشف خلال البري لاب ويقبل ميك اب
طريقة الشرح : وقت الشرح مملة شوي ويجاوب الأسئلة بصدر رحب , وقت العملي متساعد جدا وأي خطأ فني يعلمك عليه ولو تجيه 10 مرات وقت اللاب ابدا ما تحس انك ناشب له.
الكويزات : يجيب أسئلة من نفس المانيوال والإختبار (Open book) والمدة نصف ساعة.
المياجر: Lap
الفاينلات :العملي يكون من القسم فما له يد فيه , الرتن كان جدا لطيف ومعقول.
القريد النهائي: S++++++++++++++ ولو فيه زود عداه الدكتور
الصوت: واضح بس الأكسنت وقت الشرح شوي مو واضح لكن العملي ممتاز جدا.
إضافات : طبعا الدكتور انهى الدكتوراة في الكيمياء العضوية , مدرسة في الأخلاق والتعامل وكلامي لن يوفيه حقه , ميزة نحسد عليها عنده ان القريدات تجيك اسبوعيا والفاينل من اليوم الثاني , اذا شفت اسمه في لاب سجل وما رح تندم.