التحضير :
انا نزلت عنده لاب وبصراحة يتفوق على غيره في مسئلة التحضير وايصال الفكرة
طريقة الشرح :على السبورة مايستخدم بروجكتر ويشرح التجربة وفكرتها
الكويزات :كويزاته قليلة حسب مااذكر وسهلة
المياجر:اللاب مافيه ميجر
الفاينلات : اما الفاينال لاب حقه صعب لكن كل واحد ياخذ حقه
القريد النهائي:انا طلعت بقريد اوكي من عنده يعني مو مستحيل عنده A+ بالنسبة للي يتعب لها
الصوت:A+
إضافات :انا نزلت عنده phys 101 ولاكنت اعرف عنه شئ لكن لما جربته في سمستر حاولت بشتى الطرق اني انزل عنده phys 102 والحمد لله توفقت

وانا نص شخصية الدكتور عندي اخلاقه والنص الثاني علمه ومااذكر منه الا كل خير واحترام وتقدير لكل الطلاب

انصح كل واحد يشوفه متاح ينزل عنده

بصراحة احس نفسي مقصر في اللي كتبته عن الاستاذ لأنه يستاهل اكثر

ان شاء الله احد غيري يشرفنا برأيه

 

سلام

درسني بالاوريا صراحة الشرح لاتدور اما الاخلاق ماشفت مثله
الشباب كانوا ينامو عنده بالكلاس هو يطالع كذا فيهم ويبتسم انسان في اخلاقه تممام مررررررة اما بالشرح اسمحولي مررررررررة ماعندك احد خرجت من عنده وانا كااره المادة....

 

التحضير : يحضر دايم
طريقة الشرح :يشرح عالسبوره وغالباً مايتكلم عن تطبيقات حياتيه للدرس اللي ماخذينه طبعاً الكلام هذا بالأوريا
الكويزات :متوسطه
المياجر:كومون
الفاينلات :كومون
القريد النهائي:اعطيه b+
الصوت:مو عالي بس ينسمع واللغه عنده ممتازه
إضافات :

اخلاقه عاليه مره يحرجك بأخلاقه

وأبتسامته شي ثاني الله يذكره بالخير

 

زي ماقالو الشباب اخلاااااااااااااااااق بدون شرح ××

 

انا ادرس ع ـنده هالسمستــر 091 لآب 101
وصرآح ــه ممتـآز ج ــدآآ ..
طبع ـآ انـآ عـن نفسي أدوّر الاخ ــلآق قبل الع ــلم ..
وهــذآ يح ـــرج الطـآلب بأخ ــلآقه .. والله اني احترم ـه لاحتــرآم ـه وابتسآم ــته

انا من الطـلآب اللي باللكــتشر الله بالخ ــير ما اركّز .. واخ ـش الميجر اغ ــش وبس ..
لكن باللآب هـذآ .. أح ــس اني افهم صرآح ـه اللهجه 100 % تنـآسبنـآ :d

قريدآت ما قريدـآت مدري توني ما خ ــلّصت الكورس .. ما في كوزآت الى الان .. <- الاسبوع الـ 12

نزلو عنـده ج ــيد

 

كيفه ياشباب بالنسبه لتصحيح الريبورتات ..؟

وهل لازم نسلمها بنفس اليوم ولا ممكن يعطينا فرصه اذا نجيبها بعدين .؟

 

تصحيح عـآدي مو متعصّب ولا يجـآم ــل الديبآرت منت :P ههههه

طبعا لازم تكتبها بالكـلآس بعد ما يشرح التجربه ..وتسلم دفتــر الــلآب وتطلع..
هو العيب الوح ـيد انه يأخرك الـين نهـآية الوقت . لكنك ما تحـس يمر الوقت بسرعه ..

طبعـآ ينقـّـص اذا ما حطيت الـ unit حق أي رقم يطلع معك .. وينقّص اذا كتبت الأوبجيكتيف نفس الكتآب .. لازم تغير اي شي حتى لو الفوكآبـيولآري ..<-- يآرب فهم علي هههههههههههههه

يعني نصيحتي نــزّل عنـده وبسس :D

 

يا شباب اهو جانا اليووم

واحس طريقته في الشرح غرييبه


ما فهمت عليه شيء

اش تنصحووني اسوي

 

ضروري يا شباب للي اخذ معه لاب

الفاينل لاب نظري ولا عملي ؟؟؟؟

 

^^^^^^^^^^^^^^^^^^^^^6
الفاينل جزء عملي وجزء نظري

 

^^^^^^^^^^^^^^^^^^^^^
كيف الفاينل سهل ولا + تنصح فيه لاب ؟؟؟

 

فيزكس 102 ريسيتيشن بس .. ترم 093


التحضير :

يحضر كل كلاس بنفسه ..

طريقة الشرح :

ما عنده سالفه بإختصآر ..

الكويزات :

بعضهآ صعبة وبعضهآ سهله .. لكن تميل للصعوبة !

المياجر:

كومن

الفاينلات :

كومن


القريد النهائي:

سي ..


الصوت:

لهجته رائعه .. وأحيانآ أعتقد ان القسم تعاقدوآ معه علشان لهجته موب فهمه في الفيزكس ..


إضافات :


طيب .. حبيب مرّة .. إبتسامته تشرح الصدر .. فك معاه سالفة ويمسك خط ..

 

فيزكس 102 لاب
093

شكل المدرس هذا ما يدرس طلاب الجبل إلا في الصيفي .... بدليل إن نتائج اللاب حقنا معلقة في باب مكتبته من الصيفية إلى الآن ، لأنه يدرس كورس الفيزكس حق الأوريا و هي لحالها شغلة !!

المهم ..


التحضير :ينادي بالأسماء
طريقة الشرح : لك عليه صراحة ً .... اللي قهرني فيه إنه أحياناً بعدما يشرح اللاب ... يقول أي سؤال حنا حاضرين .. و لما نبدأ التجربة و نعلق في جزء من التجربة .. نحصله قد اختفى من المعمل و ما يرجع إلا في آخر نص ساعة !!
الكويزات : ما أعطانا كويز في اللاب
المياجر:كومن
الفاينلات :كومن
القريد النهائي: أنا أعطيه C
الصوت:واضح
إضافات :
الله لا يوريكم .... الفاينال لاب حقه غريب .... ريتين و عملي .... الريتين فيه أسئلة مو واضحة و السبب هو لغة المدرس الغريبة ... تحتاج تقرأ السؤال مرات عشان تقهم إيش المطلوب ... أما في العملي .... فلما تمسك الورقة ما تعرف إيش هي الخانات اللي أحلها أنا كطالب و إيش هي خانات حق المدرس ... بإختصار الفاينل لاب حقه حوسة !!!
أتذكر إنه أحسن واحد في سكشني جاب في الريتين 25 من 30 .....

ختاماً ما عندي التعليق المناسب عنه ........... صحيح إنه أخلاق لكن في الدرجات راح تحقد عليه !!!!

 

اخلااااااااااااااااااااااااااااق بدوووووووووووووووون شرررررررررررررح
ويحاول يخلي الطلاب يفاعلون معه بس ماهو قااااااااادر وفووووووووق كذا يحاول ينكت ...خخخخخخخ بس احلى مافيه يسلك لنفسه ......اخذت معه فيزكس الاوريا 092 والله لا يعيد هذيك الايام معه
حاول تدور غيره ...

 

ياشباب كيفه في اللاب انزل عنده ولا عند فتاح خيري ؟؟

 

101 ترم 111
التحضير :يوميا (could you say yes)
الشرح :لاتدور شرح للاسف والله مافهمت معه درس وكرهت المادة وصرت افهم في اللاب اكثر من اللكتشر واعتبره أسوأ كورس اخذته بحياتي مهما تحاول تتابع مع الدكتور تتعب ويدخلك بامور صغيرة على حساب الكونسبت .
الصوت :عادي
الكويزات : سؤال واحد غالبا يكون من الاولد اكزامز

عموما الدكتور ذو اخلاق عالية ولكن يعيبه الشرح واتوقع لو يستفيدون منه في ابحاث ودراسات افضل لانه فاهم لكن مايقدر يوصل .

 

بنود التقييم :

التحضير :
يوميا في بداية الكلاس
طريقة الشرح :
سيئة لابعد الحدود كأنه يشرح لنفسه واذا سألته سؤال يشتتك عشان كذا انصحك لاتحاول تسأله
الكويزات :
متوسطة اغلبها من الاولد اكزام
المياجر:
كومن
الفاينلات :
كومن
القريد النهائي:
d عشان اخلاقه بس
الصوت:
واضح جداً
إضافات :
المدرس طيب مررررررررررررررررة واخلاق واذا شافك برا الكلاس راح يسلمك عليك ويسولف معك لكن هذا وش تسوي اذا كان الشرح من جنبها​

 

درسني كلاس واحد فقط لأن دكتورنا كان مو موجود وأستطيع أقول بثقة أنه في الشرح ما عنده سالفة

 

فيزكس 101 قبل سنة ونص تقريباً

الأخلاق : ممتازة ومتواضع جداً جدأً
الشرح : متواضع جداً جداً !! سيء لأبعد درجة يمكن للعقل تصورها ، وبعد الأبعد درجة هذي روح ابعد شوي وتلاقي خطّه تاكي على جنب ، اسوأ خط شفته بحياتي بدون مبالغة

معليش عاللحسة ياشباب بس اعتبروها تسخين للفزكس :d
والله يوفق الجميع