ENG101 - T191


التحضير :
يحط اللابتوب على الطاولة وكل واحد يحضر نفسه بملف إكسيل وممكن تحضر خويك عادي مادرى عنك
طريقة الشرح :
يناقش الاخطاء الشائعة عند الطلاب اذا جاء يشرح و يحلل طريقة كتابة الإيساي ويعطي إساي مثالي
الكويزات :
عطانا 3 تاسكات رايتنق بالكلاس والقريدات فيها كانت متوسطة زي اي مدرس ثاني لكن عمومًا اذا حاولت تقلد الإيساي اللي يعطيك اياه بيجيك على الاقل B+
المياجر: كومن
الفاينلات : كومن
القريد النهائي: A+ (مقارنتة بباقي المدرسين, ولا هو مو مثالي)
الصوت: واضح
إضافات : مدرس رهييييب وفلة ويحب يطقطق مع/على الطلاب, كان يسمي واحد معنا ماريو. ويرفعك اذا رحت له المكتب عشان تناقشه عن تاسك رايتنق (رفعني مرة قريدين على تاسك) من B الى A. كلاسه ممتع وخفيف, احيانًا يصير سامج شوي بس سلكوا له.
عمومًا الديبارتمنت حق الانقلش يلزم المدرس بأفرج معين فمالك حل الا انك تكون من الافضل بالسكشن عشان تطلع بقريد
بالسكشن حقنا واحد جاب A+ و ثلاثة A والباقي مكس.

 

درست عنده E101 + E102
ENGL101 - T191

التحضير : لابتوب على الطاولة وكل واحد يحضر نفسه و لو تأخرت عشر دقايق عادي (ممتاز في التحضير).

الشرح : يشرح من سلايدات الكوردنيتر سايمون و يقول شالمطلوب في الرايتنق (الشرح جيد جدا).

الكويزات : في ثلاث اختبارات رايتنق. الأول الدرجات كانت نازلة نوعا ما والثاني الدرجات كانت مرتفعة (8 طلاب جابوا A تقريبا) والثالث الدرجات عادية.
بالنسبة للمواضيع كان يعطينا 4 مواضيع لكل اختبار 3 منهم سهلين و واحد صعب.
اما بالنسبة للتصحيح ما يدقق واجد ويعطي درجات ممتازة.

مد ترم : كومن

فاينل : كومن

الصوت : واضح جدا

القريد النهائي : A

إضافات :
1) الطلاب اللي يروحون له المكتب يرفعهم دائما.
2) الطلاب اللي يكتبون نفس الطريقة اللي يبيها يعطيهم درجات ممتازة.
3) متساهل في التصحيح ولا يدقق على كل شي.
4) متساهل في التحضير.
5) يحذف محاضرات واجد.
6) دائما يطقطق على الطلاب.
7) أحيانا في الشرح في نقاط ما يوضحها الا اذا سالوه الطلاب عنها.
8) تقريبا طالبين او ثلاثة اللي جابوا A والباقي موزعين.

 

اخذت عنده eng101 بترم 192
التحضير :
كان يحضر بورقه يوزعها عالطلاب ويكتبون اسمائهم, متساهل بالتأخيروما اذكر انه أخر احد.
طريقة الشرح :
يفتح العرض حقه ويشرح عليه التركيبه حقت الكتابه ثم اخطاء الطلاب وامثله.
الكويزات :
3 تاسكات ل3 انواع مختلفه للرايتينق بتدرسونها, لكن احنا زاد لنا تاسك عشان الكورونا وتوزيع الدرجات.
المياجر:
مافي بسبب الكورونا
الفاينلات :
مافي بسبب الكورونا
القريد النهائي:
+ B
الصوت:
واضح
إضافات :
المدرس ميزته انه مره فلاوي ويغير الجو الممل, ما اذكر اني رحت محاضره له وما ضحكت فيها ومتفاهم بكل الجوانب, يمكن عيبه انه ما يحب الاسأله بالواتس وتستفزه مرات ومرات يكون مزاجي.

 

ENGL-101 T192

التحضير : يحضر بورقة وما يعطي احد تأخير

طريقة الشرح : يتكلم عن اخطاء معينة وما يعلمك كيف تكتب من البداية وكان يقول انا ما اعطيك سامبل عشان ما تقلدني فالرايتنق تاسك والصراحة شرحة سيء

المياجر: مافيه بسبب كورونا

الفاينلات : ما فيه بسبب كورونا
الصوت : واضح

القريد النهائي: F ولو فيه اقل عطيتة

إضافات :
يمكن انا عشان اخذت عندة 101 ما اقدر اقارنة بالباقين لكن بالنسبة لمدرسين الاوريا يعتبر سيء جداً ما يشرح شرح واضح اذا عطيتة رايتنق براكتس ما يعطيك اي ملاحظات ويكتب لك ممتاز واذا جاء التاسك تكتب نفس الشي يعطيك C وعشان كورونا ما قدرت اروح له فالمكتب ارسلتة ايميل قال لي C يعني Good job وفالنهاية ما اقول الا الحمد لله ان الترم هذا pass/fail

اعرف كتبت كثير لكن ابي اطلع اللي في خاطري

 

التحضير: م اقدر اقول الا اسطوره. متساهل واخر همه التحضير ولو تتأخر 20 دقيقه يحضرك. مره بورق ومره بلابتوب وسهل تحضر خويك.
اسلوب الشرح: ممتع ومختصر ويعطيك الزبده لكن زيه زي اي مدرس انجلش ثاني لازم تزن عليه اذا م فهمت ويعيد الشرح لو تقوله.
الدرجات: اشوفه حقاني اذا وضحت له انك مهتم وشديت حيلك ورحت لمه اوفس وعدلت الاخطاء الي يقولك عدلها ابشر ب A+
........
الماده بشكل عام فيها بلا من الادارة م يحبون يعطون قريدات لكن متوسط درجات الطلاب عنده مرتفعه. اذا تبي قريد لازم تكون جيد.
الدكتور فيه ميزه انه م يهتم للتفاصيل الصغيره ويمشي الاخطاء الشائعة. اهم شي عنده وضوح الفكره وانك تستخدم كلماتك صح وما تتفلسف وانت م عندك علم.
الدكتوووووور فلاوي يخليك تبكي ضحك ويعاير الطلاب وفيه طلاب يعايرونه وعادي. يلقب الطلاب ب ماريو و توكيو و اوباما ويكره واحد مسميه the crying baby

 

Engl 102-191

التحضير : تحضر نفسك ومايدقق على التأخير

الشرح: بحكم انه الدكتور كان اول سمستر له في الجامعة 191 فكان ضايع شوي ومو عارف بعض الامور المتعلقة بالمادة من ناحية الاختبارات والريبورت واحنا ضعنا معاه شوي بعد بس بعدها بدأت الامور تتحسن ، الدكتور ينزل عروض بوربوينت فيها بعض الامور المتعلقة بالمادة مثل الاخطاء الشائعة وطريقة تنسيق الريبورت والرايتنق تاسك وهذي اشوفها ميزة حلوة في حالة انك ماحضرت الكلاس تقدر ترجع للبوربوينت

اضافات: الدكتور فلاوي وطيب للغاية وراعي طقطقة بس حاول انك تضبط وضعك معاه وتخليه يعرف اسمك ولازم تبين له انك مهتم ومجتهد وصدقني راح تطلع بقريدات تعجبك بس اذا مايعرف اسمك وجاء يصحح الريبورت او الرايتنق تاسك لك في هذي الحالة انت وشطارتك في اللي انت كاتبه من تجربة شخصية مستواي يعتبر عادي في الرايتنق بس طلعت معاه بقريد يعتبر كويس لمادة مثل الانقلش. هنا ملف فيه القريدات في سمستر 191

 

نبي معلومات زيادة يا شباب كيف وضعه في engl214

 

اغلب الشباب كلامهم صح بس اضافة اذا مستواك عالي نزل عنده اذا انت نص ونص انحش عنه الشرح زبال