MATH 201 - Term 121

بالنسبة للي يقول الدكتور مهوب عادل !!
الدكتور يوضح كيفية تقسيم من بداية الترم ، و قد قال لنا اللي يغيب عن كويز سواء بعذر أو بغير عذر راح يأخذ صفر ، فما أدري وين المشكلة اللي يشوفها البعض !

بنهاية الترم و قبل الفاينلات بأسبوع "تقريبا" أعطانا مسائل نطبعها و ننسقها على الكمبيوتر و عليها بونص ، ما إشتغل عليها إلا ثلاث طلاب و أعطاهم 10 من 60 بونص.
أنا ما حليت إلا هومووركين لكني إشتغلت على البونص و أعطاني 58/60 بالكلاس وورك.
طبعا تقسيم الكلاسوورك عنده : 50 كويزات "أفضل خمس من ست كويزات" + 10 هومووركات " يطلب عدد محدد من الهومووركات ، أعتقد 12 هوموورك"

التصحيح : بصراحة أرى بأنه من أفضل الدكاترة اللي درست عندهم من ناحية تصحيح المياجر ، حل بطريقة مرتبة و وضح له إنك فاهم و راح يعطيك قريد طيب ، أذكر مسألة بميجر 2 ضيعت بمعطيات السؤال لكني حليت بشكل واضح و أعطاني 8/10 فيها.

الشرح : ما أقدر أتكلم عنه لأني ما كنت أنتبه معه.

الأخلاق : الدكتور يتعامل بـ "قسوة" -إن صح التعبير- ، فإن كنت من النوع اللي يزعل من كل كلمة ما أنصحك تنزل معه.
موقف صار لي معه ما أنساه له : بالميجر الثاني جبت درجة طيبة فناداني مكتبه و شكرني و عرض علي إني آخذ ماينور بالماث.

* لو لقيت إسمه منزل أي كورس ما راح أتررد إني أنزل معه مرة ثانية.

 

ماث ٢٦٠ بترم ١٢٢
الدكتور باختصار سلايداته هي عباره عن الكتاب لكن ملخص
يشرح ويوصل لك المعلومه لكن اوقات تحتاج تركز معاه
من ناحية الكلاس ورك طبعا هوم وركات ومتساهل شوي من ناحية التسليم
من ناحية الكويزات تتنوع منها سهل ومنها صعب لكن سوو حركه بطله فينا اختبرنا ٨ كوزات كل واحد من عشره واخر شي قال باخذ احسن ٥ منها وبحطها لكم من ٥٠ بالكلاس ورك والعشره بالباقيه للهوم وركات
تصحيحه شديد نوعا ما
الدكتور من النوع اللي علاقته انا دكتور وانت طالب احاديث جانبيه نااادره فله وضحك تغيير جو نادر

 

كيف تصحيحه في 260 ؟

 

مستغرب من التقييم السئ للدكتور
انا الحين ترم 141 ادرس عنده 201 المدرس شرحه مو مره جيد
التحضير كل كلاس ما يدقق في التاخير
كوزاته سهله افهم الاقزامبل الي في الكتاب ورا تاخذ 10/10
تصحيحه في المياجر ولا اروع فيه سؤال كنت متوقع يعطيني 4 بوينت من 14
وقام عطاني 10 من 14
وانا الحين ناوي ان شاء الله انزل 202 عنده
نصيحتي لك اذا انت عنده لا تغيره لان الماده مو مره صعبه يعني يمديك تخليها سيلف ستدي

 

التحضير :
ما يدقق ع التأخير و اذا شافك ع الجوال يقولك أحضرك إذا تبي و اطلع برا
طريقة الشرح :
ع السلايدات ( أمثلة الكتاب ) و لمّا بدت الدروس الصعبة يكتب على السبورة.
الكويزات :
متوسطة إلى صعبة
المياجر:
كومن
الفاينلات :
كومن
القريد النهائي:
b
الصوت:
واضح
إضافات :
الدكتور حبيب و يرحّب فيك بالأوفيس أور و يحاول قد ما يقدر يفهمك.
تصحيحه ممتااااااااااااااز و أكثر من ممتاز
ابفهم اللي تارك الورقة فاضية و يقول تصحيحه زبالة !!!!!!
بالنسبة للكلاس وورك ، أعطاني حقي بالقطارة

 

ما ازيد على كلام الشباب .. الدكتور شريييح ومتعاون بالاوفيس اور بشككل كبير يحاول يبسط لك السؤال ويهتم بالفهم يعني يفهمك البيسك اكثر عشان تفهم .. من ناحية الكلاس وورك حقاني لكن تصحيح المياجر قسم بالله يدف واذا شافك تكتب كتابة فاهم بيدفك .. بين له اهتمامك بالمادة وصدقني راح تطلع بقريد يحبه قلبك .. اول دكتور ماث حبيته وتمنيت عرفته من زمان ، نزل معه 201 او 202 لان تخصصه دفرينشيال

 

أخذت معه math202 فصل 142

التحضير :

يقرأ الأسماء بجواله نهاية كل كلاس، يمشيك إذا تأخرت بس ينبهك.
​

طريقة الشرح :

يكتب على يسار السبورة المفاهيم الأساسية ، يبدأ يتكلم عنهن ويشرحهن بعدين يبدا يحل أمثلة بوسط السبورة ،، بعض الدروس يستخدم سلايدات.

الكويزات :

طوال شوي ومايلات للصعوبة بس ميزتهن شاملات. يعطي 6 كويزات ويحذف أسوأ واحد ويقيمك على الباقيات.

المياجر:

​

كومن

الفاينلات :

​

كومن

القريد النهائي:

a+

الصوت:

واضح ولغته ممتازة

إضافات :

* الدكتور فاااااااهم لأبعد حد، دقيق جدا وهو يتكلم وتقريبا ما يقول شيء خطأ !

* يعيد ويكرر ويرحب بالأسئلة

* يركز على الصورة الكلية ويجلس يشرح بشكل مجرد ما يعتمد على الأمثلة بشكل أساسي - شخصيا أحب هالنوع من الدكاترة-

* يعيبه أنه مزاجي نوعا ما وبعض الأحيان ينفعل بس يمسك نفسه

* مرتب مرة، مهتم بموقعه الشخصي ويحط الدرجات عليه.

* من ترتيبه يعطيك الكويز واسمك مطبوع عليه بالكمبيوتر، وهذا يعني انه يجلس يوزع الأوراق سنة قبل يبدأ الكويز

​

 

نبي معلومات اكثر في 202

 

^^^

مثل ؟؟

 

نزل معه وانت مغمض

 

أخذت معه math202 ترم 142


وحاليا معه في math280
التحضير : يحضر غالبا في أخر المحاضرة
طريقة الشرح : الشرح ممتاز.
الكويزات : ما فيه كويزات
المياجر:
الفاينلات :
القريد النهائي: ِِa
الصوت: واضح
إضافات : الدكتور حبيب ومتعاون

 

كيف تصحيحه math201 ?

 

ماث 102 -153
التقييم :

التحضير :
الدكتور مرة متساهل في التأخير عادي تحضر بعد بداية الكلاس ب 20 دقيقة
يحضر في نهاية أو وسط الكلاس

طريقة الشرح :

سلاداته مرة مجنونه هي ملخص الكتاب بطريقة رهيبة

ياخذ الكونسبت منها ثم يبدأ يكتب على السبورة ويحب التفاعل مع الطلاب

الكوزات :

متوسطة مائلة للسهولة , لو حليت الأسئلة الفردية الي في الكتاب راح تجيب فل مارك >>> أسأل مجرب

المياجر :
كومن

تصحيحه كان بطل بالمبجر الثاني , حل بطريقة مرتبة وتاخذ درجة طيبة

الصوت : واضح و لغته ممتازة

القريد النهائي : A

إضافات :

الدكتور مرة متساعد ف الاوفس أور يرحب فيك ويحل لك الأسئلة الي تبغاها مهما كانت تافهه

يقبل ميك أب

 

Term 161 MATH 201

التحضير :
على الجوال ، ينادي بالأسماء. حسب ما لاحظت ما يدقق على التأخير.

طريقة الشرح :
شرح على السبورة + سلايدات يكون هو رافعها على البلاك بورد. يستخدم موقع GeoGebra للرسم -في بعض الأحيان. يحل أمثلة كافية.

الكويزات :
وسط إلى صعبة. يجيبها من الأولد اقزام.

المياجر:
كومون. تصحيحه ممتاز ، أهم شيء لا تترك السؤال فاضي وحاول تحل ، وبتاخذ بارشال قريد.

الفاينلات :
كومون ، باقي عليها.

القريد النهائي:
من A إلى +A.

الصوت:
واضح جدا ، يتكلم دايما بالانجليزي والاكسنت ممتاز.

إضافات :
تعامله رسمي مع الطلاب ، لكنه ما يخلو من بعض المداعبات والمزاح -على خفيف-.
ما يحب يشوف الطالب منشغل بالجوال أو أي شيء عن الشرح ، وإذا شافك منشغل راح يحرجك .
التصحيح جيد ، ياخذ وقت لكن ما يطول كثير ، والدرجة مرضية.








*

 

Math 102- 153

الدكتور وبكل بساطة شريييح. طريقة شرحه الاساسية على السبورة كل شيء على السبورة وهذا احسن شيء فيه بعض الاحيان يفتح البروجكتر ويحل على السبورة.
ما يحاسب على التاخير بس يقول انتبه والتحضير في نص الحصة او اخرها. تصحيحه بطل بطل بطل واذا فيه احد يقول تصحيحه مو زين فهو جايب العيد وشكرا. لانه انت اقل شيء بتاخذ فوق حقك درجة درجتين و بس

 

Math 102
بنود التقييم :

التحضير : مرن لكن لمن تكون قافلة معه راح ينشب لك
طريقة الشرح : بطل بطل بطل ، يفت لك الكونسبتس فتات مايركز الا على الافكار يخليك تهضم المنهج هضام ، ويهتم لفهم الطلاب واحيانا يعصب لانه يكون متوقع منك انك فهمت نقطة لكن في كثير من الاحيان يخيب ظنه قليلا في الطلاب .
الكويزات : متوسطة الصعوبة وتصحيحه بطل لو حس انك فاهم راح يعطيك فل حتى لو جوابك غلط .
المياجر:كومن
الفاينلات :كومن
القريد النهائي:A+++++++ لو فيه اعلى يستاهل
الصوت: واضح واكسنت بطل .
إضافات :

انا عانيت من هالكورس معناة الله يعلم فيها لكن مع هالدكتور وجهد اكثر في الصيف وصلت لمرحلة ان ارى ان هالكورس تافه وخذت ولله الحمد قريد بطل بعد ماكنت احلم بD بس .

كل اللي عليك ركز في المحاضرات + وعليكم ب Patrikjmt
وركز في المحاضرات + حل اولد اغزام ادهم وقبل الفاينل والمياجر حل كم اولد اغزام من موقع الماث .

انا تخصصي محاسبة لكن الدكتور محمد حببني في الماث واتمنى لو اقدر اخذ كورس اخر معه



لايفوووووتكم بومقبل ...






*

 

Math101, Term:171

التحضير: بنص الكلاس يقرا الاسماء من الجوال .. يحضر يوميا لكن قال لنا بداية الترم ان الكلاسوورك عنده ماراح ينظر لعدد الغيابات. ماكان فيه ميك اب لانه ماعنده الا سكشن واحد فقط.

الشرح: الدكتور للامانة مبدع جدا جدا بالشرح وتوصيل المعلومة، يبدأ الدرس بالربط مع الدرس السابق و يشرح التسلسل لين طلعت فكرة الدرس الجديد وكيف اشتقينا المعادلات والقوانين، يبسط لك الكونسبت بشكل دقيق جدا لين تفهمه وتصير فاهم كيف جت القوانين ماهو حافظ وبس، بعد كذا يبدأ يحل مسائل ويتدرج بالصعوبة واحيانا تكون نفسها امثلة الكتاب، يعيب الدكتور فقط انه احيانا يستعجل بالشرح و بحل المسائل. الصوت واضح ولغته الانجليزية ممتازة.

الكويزات: متوسطة، ذاكر مسائل الكتاب وامورك طيبة.
الدرجات يرفعها على موقعه الشخصي.

المياجر والفاينل كومون.

اضافات: الدكتور احيانا يعصب شوي لكن ورغم ذلك يظل محترم الطلاب، ماعنده مشكلة بالاسألة وقت الشرح لكن ممكن يرد بنبرة مرتفعة شوي وتحسه زعلان. لكن يظل تعامله محترم واحيانا يطقطق شوي مع الطلاب
ومثل ماقالوا الشباب الدكتور منظم ودقيق جدا، انا بصراحة اول مرة اشوف دكتور مثله مهتم بموقعه الشخصي. الكويزات تجيك الورقة مطبوع عليها اسمك ورقمك، وبعد مايصحح يسوي لها سكان ويرفعها على موقعه مع الدرجة، شغل مرتب. الله يعطيه العافية دكتور محمد وان شاء الله Math102 معه.

 

سمستر 173 ماث 102
التحضير : كل كلاس بس ما يأثر عالكلاس وورك
طريقة الشرح : ممتازة جدا , يعطي معلومات عن الدرس في البداية ويحط القوانين بالبروجكتر ويبدا يحل اسئلة وطريقته تخليك تنتبه معه غصب
الكويزات : صعبة الصراحة يبيلك تذاكر لها كأنها ميجر
المياجر: كومن
الفاينلات : كومن
القريد النهائي: أعطي الدكتور A+
الصوت: واضح جدا ولهجته واضحة
إضافات : دفنا بالكلاس وورك بشكل كبير والصراحة دكتور ممتاز اذا رحت له المكتب عادي يجلس ساعة يشرح لك بدون ماتحس انك ثقلت عليه

 

الله يذكرك بالخير يادكتور من افضل من درسني الرياضيات، خلق وعلم واحترام ولغة ممتازة ودقيق ومرتب، بعض الناس للأسف لايفصل بين العاطفة والحقيقة فيظلم الناس ، تحياتي لك يادكتور لن انساك ماحييت❤️❤️❤️