د.محمد الدريش

من أفضل المدرسين اللي مروا علي في القسم , مثقف ومتعلم ويحث الطلاب على الفهم.

التحضير:
في العادة يحضر اخر الكلاس .

طريقة الشرح:
يشرح على السبورة بشكل مبسط وواضح ويقول ان نوتاته تخطي 90 % من المنهج. الامثله عنده من متوسطه الى قليلة لكبر المنهج .

الكوزات:
سهلــة إلى متوسطــة وتكون من أسئلة الواجب في الغالب وهي كثيره ومفيده جدا للمياجر.

الاختبارات:
تقريبا من النوت أو أشياء قريبة منها وتكون واضحــة وليست معقدة وتتركز على فهم الطالب للمادة.

الصوت:
واضح جدآ ولغة ممتازة جدا و يحفزك للإستماع له.

القريد النهائي:
حقاني جدا ويعطيك الي تستحقه.

إضافات:
الدكتور محمد الدريش من الناس الي يفيدك في مستقبلك وتحسه فاهم لاي شي في المنهج او خارج المنهج.

 

واحد من الشباب خذا عنده 207

يمدح شرحة ويقول شريييييييييح
والقريد، ما لك إلا حقك
يعني من الناس الي تحط الافريج سي او حولها

 

أخذت عنده ee207 في فصل 101 ... شرحه كان بالنسبه لي متوسط و مشكلته يشرحله الكونسيبت و يطول فيها و يهتم فيها أكثر من أنه يحل أسئلة و تمارين و في الواقع الإختبار نادر ما يجيك سؤال كونسيبت أغلبه أسئله حل بالأرقام و الرسم ... كويزاته سهله ... أخلاقه حلوه نوعا ما ... تصحيحه متوسط ... القريد النهائي b

 

معلومات اكثر يا شباب لاهنتو

 

معلوووومات يا عنه بال 207 ؟؟؟

 

أخذت عندو 207 في ترم 112
هذا الدكتور بشكل عام ( شرحه - تصحيحه ) عادي جدا
ما يميز هذا الدكتور هي النوتات حقته .. يرفعها على الويب سيتي وخلاص
التصحيح بالميلي .. والفاينل جريد على حسب شغلك
في ترم 112 الدكتور حصل على جائزة أفضل باحث في الجامعة .. ولكن على مستوى الشرح كان اهتمامه بالطلاب سيء جدا جدا

 

EE 207 - Term 112

الدكتور فآهم .. و يشرح .. و غآلبآ مآ يقضي الوقت على شرح الكونسبت ..

النوتة اللي يكتبهآآ جدآآ ممتـآزة .. و تغني عن الكتآب !!

الصوت وآضح .. و التحضير أحيآنآ ..

الكوزآت متوسطة غآلبــآ ..

يُنصح به ..

 

د.محمد الدريش

يستحق كلمة دكتور بكل ما تعنيه الكلمة في كل النواحي دكتور فاااااااااااااهم ومثقف جداً في مجاله

التحضير:
في العادة يحضر اخر الكلاس .

طريقة الشرح:
يشرح على السبورة بمن نوته اللي يعرضها ع البروجكتور ويحل عدد جيد جداً من الامثله اللي تعطيك الأفكار الرئيسية + يعمل هلب سيشن لأسئلة الميجر من 2 إلى 3 مرات في السمستر

الكوزات:
سهلــة إلى متوسطــة

الاختبارات:
كومون

الصوت:
واضح جدآ ولغة ممتازة جدا و يحفزك للإستماع له.

القريد النهائي:
ممتاز جداً يقدر الطالب وظروفه حسافة ما قدرت أشتغل معه صح

إضافات:
الدكتور محمد الدريش من الناس الي يفيدك في مستقبلك وتحسه فاهم لاي شي في المنهج او خارج المنهج( مثل ما قال الأخ ).

 

استفسار لمن أنهى ee311

كيف الدكتور في مادة ee311 وكيف المادة من حيث الصعوبة و الشغل......

 

مادة ال ee 207

الدكتور متمكن من المادة بشكل عام , يشرح لك المهم , يجيب الملل بعض الشئ

تصحيحه ممتاز وفوق الي تستحقه

القريد النهائي كان بالنسبه لي "حلم "

أنصح فيه

 

منزّل EE311 عنده هالفصل 171
أسوأ دكتور مر عليي في الجامعة
ما أدري منه ولا من المادة
محاضرته مملّة
عندنا Design1 عطانا أقل من حقنا فيه الصراحة
ويتشرّط يبي نجيب دفاتر نكتب وراه
جبت في بداية الفصل دفتر شافه عندي قال لي جيب غيره ما نبي هذا، علمًا إن الدفتر لي وما بسلّم له منّه أي ورقة!

 

Term 171 EE 311

التحضير :
نهاية المحاضرة ، يمشّي الورقة بين الطلاب. مرات كثيرة ينسى التحضير ، وعلى آخر السمستر صار ما يحضّر خير شر.

طريقة الشرح :
يفتح السلايدات ويعطي مقدمة بسيطة عن اللي بيتكلم عنه -ويراجع بعض النقاط الأساسية لو كانت مرتبطة باللي بيقوله- ، ثم يبدأ ينخرط في الشرح. شرحه جيد جدا ، أحيانا يستخدم السبورة في حال احتاج يكتب شيء.

الكويزات :
كويزين ريتن ، واحد مفاجئ والثاني كان open-notes. تصحيحه كويس في الكويزات وما يدقق كثير.

المياجر:
ميجرين ريتن ، مشابهة لأفكار التمارين والأنشطة اللي يعطيها في الكلاس ، وتصحيحه ممتاز للمياجر ويدف في الدرجات.

الفاينلات :
باقي عليه.

القريد النهائي:
+B

الصوت:
واضح من آخر الكلاس ، آكسنت جزائري.

إضافات :
١. أعطانا حوالي ٤-٥ واجبات خلال السمستر ، جزء منها أصلا كانت داخل الكلاس كأنشطة وسلمناها في نفس وقت الكلاس.
٢. يسوّي قروب واتساب يجمع فيه الطلاب ، ويتوقع من الطلاب يشاركون فيه ويتفاعلون ببعض الأفكار والأشياء اللي مرتبطة بالمادة بشكل غير مباشر ، ويزعل إذا شاف الوضع راكد ومحد يتفاعل.
٣. سالفة الدفتر اللي ذكرها الأخ اللي فوق صحيحة. طلب منا هالشيء باعتبار إنه يبغانا نكتب تعليقات وملاحظات على الأشياء اللي يشرحها ، وبعدين بيجمعهم ويشوف وش في رؤوسنا ، بس ما سواها.
٤. تقييمه لأول بروجيكتين أشوفه مرضي ، بالنسبة لي أخذت درجات عالية ، وهو بشكل عام متساعد في التصحيح والتقييم مع الناس اللي تجتهد وتسوي شغل كويس. باقي البروجيكت الثالث اتوقع بيكون نفس الشيء.
٥. يتأخر اشوي في التصحيح ورفع الدرجات على البلاك بورد.
٦. حريص على الطلاب ويحاول يتساعد معهم باللي يقدر عليه ، أجّل الميجر الثاني اسبوع كامل عشان الطلاب عندهم ضغط ، وسبق وطلبنا منه يؤجل تسليم كم شغلة لكم يوم قدام وما عارض وتساعد معنا.

بالنسبة لي أشوف د. محمد دريش كويس ، صحيح عنده سلبيات مثل أي دكتور آخر ، لكنه مثقف وشرحه كويس ومتعاون مع الطلاب درجة أولى. الله يعطيه العافية.

 

التحضير : ورقة توقع عليها نهاية الكلاس
طريقة الشرح : الدكتور فاهم الماتيريال كويس و يشرحها كانها بريزينتيشن مع سلايدات
الكويزات : في الكلاس تجي زي ما شرحلنا و تجهزك للميجر
المياجر: سهلة و قصيرة و مختلفة تماما عن باقي المواد
الفاينلات : زي المياجر
القريد النهائي: A
الصوت: واضح جدا و يحمسك بالشرح
إضافات : الدكتور طيب جدا يسولف ويضحك معنا و يركز على فهم الطلاب و مشاركتهم و يساعد في الدرجات

 

Term 192 EE311

التحضير: قبل الكورونا كان يحضر نهاية الكلاس بعض الأحيان ينادي بالأسماء بعض الأحيان يخلينا نوقع. بعد الكورونا كان كل واحد يكتب السيريال نمبر.

الشرح: يستخدم سلايدات طريقة شرح الدكتور كويسة ويتعمق فاللي يشرحه كثير فلازم تركز معه , عادة تكون تفاعلية وتصير فيه نقاشات. يفضل انه ناخذ نوت معاه وأكثر من مره ينبه عليها الدكتور فاهم في مجالات كثيرة.
الهوموركات: أخذنا هوموركين ك قروبات
الكويزات: أخذنا كويز قبل الكورونا رتين كان متوسط إلى صعب وكويزين بعد الكورونا أونلاين كانوا سهالات
الميدتيرم: كان خيارات وسؤالين كتابة كان سهل
الفاينل: كان شفهي عن الكورس بشكل عام متوسط الصعوبة
البروجيكتات: في ترمنا كان فيه ديزان 1 و2 بس
ديزاين 1 كان فيه جزء فردي وجزء جماعي الجزء الفردي كان انك تسوي DC motor كان سهل والجزء الجماعي تصميم جهاز من الDC motor التقيم لهذي البروجيكتات كان كويس نوعا ما كانوا قبل الكورونا.

ديزاين 2 كان قسمين بحكم ظروف الكورونا قسم dissection وقسم design كان عاطي الحرية للقروب في الاختيار البروجيكت كان جماعي و الدكتور سهل حاجات علينا كثير والتقيم كان مرة ممتاز.

إضافات: الدكتور يسوي قروب واتساب ويناقش الطلاب فيه ودائما موجود لمساعدة الطلاب , يعطي حرية للطلاب في اختيار القروب , لكن بحكم الكورونا قسمنا على حسب المناطق, للأمانة الدكتور بذل جهد كثير في تسهيل الوضع بعد الكورونا.