التحضير : طريقة تقليدية بداية الكلاس

طريقة الشرح : مخلص ويشرحلك قوانين اللعبة بالتفصيل خصوصا لو اخذت معه سكواش

الكويزات : لا يوجد

المياجر: ما اذكر

الفاينلات : يقييمك أثناء لعبك

القريد النهائي: مو ذاك الشي لكن اللي يحافظ على الحضور وينضبط معاه ما يقصر معاه

الصوت: ممتاز

إضافات : هذا المدرس بطل في لعبة الاسكواش يراه الكثير من الطلاب جاد بزيادة شوي لكنه والحق يقال مخلص ويتفانى في عمله ....ممكن تشوفوه كل يوم الصباح ياخذ لفتين على الحزام

 

التحضير : يحضر أول المحاضرة ..
طريقة الشرح : كرف كرف كرف كرف كرف بكل الالعاب .. و تطلع وانت قرفان من نفسك ..

الكويزات : ما فيه
المياجر:ما فيه
الفاينلات :مافيه
القريد النهائي: سيء جدا جدا جدا .. وأقل من حقك وأقل من المتوقع ولا يوازي المجهود اللي تبذله بالترم أبدا ..
اذا انت تنفع للتشبيك لا أوصيك ..
الصوت: زين .. وواضح ..
إضافات :
هذا المدرس للإسف يعشق التحايل على الطلاب .. وخصوصا الاوريات ..
من خلال اكثر من تجربة وجدت انه يبي يحصل شي من الطلاب وما عنده مشكلة يستغل الطرق الغير شرعية

مثلا .. قال فيه بطولة كرة قدم في الملاعب الخماسية .. وكلكم تجون ومدري وشو وخصم وخرابيط ..

وهذي تهون عند الثانية ..
تعرفون البطولة السعودية للإسكواش في شاطئ الغروب .. أخينا في الله موكلينه أنه يجيب الجمهور ..
والجمهور طبعا الاوريات خخخخخخخخخ
الحبيب قام يوعد الطلاب وأبعطيكم درجات واللي يجي هناك بياخذ بونص واب قريد ومدري وشو .. والله يا شباب ما خلا شي ما قاله ..
و كانت مدة البطولة خمس إيام .. وطبعا كان يقول بيحضر هناك !
وطبعا لما رحنا طلعت كلها سواليف..
أخر يوم في البطولة كان إربعاء ويصادف إجازة .. يعني سفر ..
وكان يصادف نهائي البطولة ..
وكان كلاسنا الصبح الاربعاء .. والله يا شباب يوم خلص محضر قال , " لعبت عليكم ! "
قسم بالله هذي كلمته ! يقول لعبت عليكم .. طبعا قالها مازح وهو يبتسم ..!!

فقال لنا تجون واللي ما يجي اليوم ما راح اعتبر له الايام الماضية ولا كأنه حضر ومدري ايش !!!!!!

انا اعتبرها قمة الوقاحة ذيك التصرفات

عموما إسوأ مدرس درست معاه هو هالادمي .. سيء جدا جدا .. جمع الكرف مع القريد السيء مع الوعود الكاذبة ..

 

سيء للغاية والأنجليزية حقته مضووووووووووووبه
ياجماعة ولا غياب عندي ومعطيني f وبعد حب الخشوم عداني
اسوأ مدرس في التاريخ
انصحكم تروحو مه اي بيريطاني اوم استرالي ....ماتطلع بأقل من لb+

 

التحضير :يوميا
طريقة الشرح : جيد جدا خصوصا في لعبة الإسكواش
الكويزات : لا يوجد
المياجر: لا يوجد
الفاينلات : تقييم غير عادل حقيقة تتعب تتعب في الاخير يعطيك شي بسيط
القريد النهائي: C
الصوت: ممتاز
إضافات : هو درسني فترة اسبوعين وكان احسن من المدرس اللي قبله أبو هلال وعلى قولة المثل (نار حمدان ولا جنة ابو هلال)

 

انا عطاني بي بلس

وانا ماسويت شي

يعني كنت دداج

وعطاني جريد حلو

 

سيئ ... يكرف يكرف يكرف ... و بالنهاية ما في قريد ... يتمصلح مع الطلاب .. يطلب فلوس و سوولي لوحات و اللوحة تكلف 1000 ريال ( لوحة كبيرة عن السكواش ) ... سوا معنا نفس الحركة تبع السكواش ... وعود كاذبة ... بالعربي سيئ جدا جدا

 

انا معاك في كل كلمة قلتها .... يا أخ يوسف

واللي قاهرني عنده حركة غبية وبايخة ، -على باله ان الطلاب ما يعرفوها-


في الأسبوع الأخير العادة انه يقول لكل شخص الغريد انلهائي حقه ، لكن المشكلة انه ما يقول الغريد الحقيقي للطالب ... !
ينقص منه شوي ، ويحسب كل غياب -مع انه يقول غياب واحد او اثنين مش مشكلة- ،،، لكن في حاله الطالب تكلم معاه وقاله انا سويت كذا وكذا وانت قلت كذا وكذا

بعدها على اساس يسكت الطالب ،، يعطيه الغريد الحقيقي حقه
واذا الطالب ما تكلم خلاص راحت عليه .....

 

والله ياهو كارفني كرف غير طبيعي

على الشغل اللي كنت اشتغله عنده عطاني c

 

ظالم

يكرفك كر الحمير

وما تاخذ اللي تستاهله

لكن في الشرح يشرح صح

يعني سيء زي كلام الاخوان

 

سلام عليكم

سبحان الله ،، هلانسان ما تغير من عام 2003

اذكر اخدت البدنية معاه اول ما دخلت الجامعة في الاوريا سنة 2003 الترم الثاني ، والله ما أنسى لما كنا اندور حول لستاديوم 8 دورات تخيلوووووا في الصيف 8 لفات على لستاديوم ، و تخيل المصيبة الاكبر انك لازم تطلع من لستاديوم وترككككككض لين الاوريا لانه بعدها على طول عندي مااااث ، وبعدها كان عندنا سباحة والله كنت ابكي على حالي ، كل الي انشوفهم في البركة عند دكتور ثاني كانوا ينظروا لينا بنظرة رأفة و مواساة ، لانهم ما كانوا يسوو ولا حاجة بس يلعبوا واحنا نكرررررف وسط الماي ،،

صار يوم موقف ، سبحنا وكان في وااحد تعبان وقال للدكتور حمدان اني يا دكتور تعبان ، طبعا الحمدان ولا كانه يسمع خلى الرجال ينزل في الماي وتعبنااااا ، لما طلعنا لازم نتروش برة عشان الكلور الي في الماي ، تدروون انه الطالب جلس في الحمام (عزكم الله) ما يقارب نص ساعه يرجع(يقدف) ، والله واحنا كنا خايفين عليه لكن الحمدلله عدت على خير

انا شخصيا كنت ادور معاه على لستاديوم 8 لفات ولا اوقف ولا غياب وكل شي تمام ، تالي لما رحت له قالي انه لقريد حقي بي ، بس قمت اتكلم معاه الا هو سوا روحه طيب وعطاني بي بلس



الحمدلله انا خريج الحين وفكة من الدكاترة الي كدا ، يعني معليش درس واجتهد في تدريسك بس مو على حساب الطلاب ، مثل ابوهلال امسوي له منتدى وتعالوا فعلوه ، تخيلوا مع ابوهلال كنت دي بلس والله ما اكدب عليكم ، قلت له دكتور باضيف فيديو مجرد ضفت الفيديو في المنتدى حقه الا لقريد صارت a ،،

الله يوفقكم يا طلاب و الله يعينكم على بلواكم

 

هههههههـ .. هذا الدكتــور اخذت عنـــده سبيشل كــورس سكواش ! .. وكــان يحب يكـرفنا كـرف .. ويدقق
على الحــظور احــياناً .. ويحــب ينـاقش الطـالب في كل صغيره وكبيـره .. يهـددك في نص السمستر ونهـايته
انا باعطـيك سي ولا باس قريـــد .. كله عشــان تجيه وتـطلبه .. انا كنــت معطيه اشكل كبــير ..

تخـيلو بالاخير طلعـــــــت بـ .. A+ الحمــدلله ..

 

لا تنسوا الإيفالويشين " التقييم " في نهاية السمستر ..

قللنا يا شباب لا تقصروا معانا ..

واحنا ما قصرنا معاه .. وكنا نحسبو انو حيزودنا عشان قيمناه تقييم ممتاز ..

لكن للأسف .. طلعت مصلحة ...


انا قبل ما ادخل الجامعة قريت موضوع عن دا الاستاذ ..

بس اول ما درسني ما صدقت .. لأنو طان طيب واخلاق وووو ..

بس في الاخير بعد ما شفت القريد ..

وشفت طريقة تقييمه للطلاب .. (( احس انو يقيم الطالب من شكله ..)) ..

يعني اذا كان الطلاب عنده كرش ودب .. على طول سي ..

واذا كان رشيق .. ايه او ايه بلس ..


بس الحمدلله افتكينا منه ..

والحمدلله ان السمستر التاني صيف .. وما حيدرسنا هو ..

 

اعطاني b مع اني كرفت كرف .. ورحنا معاه اكثر من مكان ...
للي رد فوقي .. والله الرشاقةوانا اخوك مالها دخل .. يشوف الواحد وعلى حسب المزاج .. انا نحيف وعطاني بي واحد معانا ماشاء الله عليه مثلي 8 مرات عطاه بي بلس ...

 

التحضير : كل يوم وشديد
طريقة الشرح : عادية ومملة
الكويزات : مافي
المياجر: مافي
الفاينلات : ظالم
القريد النهائي: كمان ظالم
الصوت: عاالي
إضافات : كرييييييييف على ولا شيء

 

من خلال تجربتي..ما سويت أي واجب ..لكني حريص على الحضور .. عطاني b+
بمعنى آخر شد حيلك في الحضور...ولا تسوي الواجبات (البحوث)
مشكلته مخادع... يعشق الإحماء قبل اللعب

 

888888888
على طاري الاحماء كان سكشنا بنفس وقت السكشن حقه
والله كانوا يحزنوني طلابه يمكن 10 دقايق تسخين
تمارين ضغط ويسدحهم بالارض بعز الشمس

 

باختصار مدرس ظاااااااااااااالم بكل ماتحمله الكلمه

كرررررررررررررررف وفي الاخير قريد طايح

 

مشكلته مخادع - وكرف غير طبيعي

 

انا راي ممكن يكون مختلف عنكم

اخذت معه Pe 002 في 082

ما اختبرت سباحة والسلة لك عليه والتنس ترتيبي في الوسط وطلعت ب B+ ولله الحمد ..