ME 438 Pumping Machinery

أخذت المادة بترم 211 وكان اللي يدرسها الدكتور عبدالسلام السرخي دكتور محترم وفاهم المادة وشريح ماشاء الله عليه
المادة اشوفها مهمة جدا لأي مهندس ميكانيكي لأن المضخات راح تواجهها بجميع الindustries مثل محطات توليد الطاقة بكافة أنواعها ومحطات تحلية المياه ومصانع البترول والبيتروكيميكال والقائمة تطول!

المادة راح تدرس فيها كذا نوع من انواع المضخات وراح يكون التركيز تقريبا أكبر على الcentrifugal pump, وبتمر على الكومبرسر بآخر تشابتر اللي هي أساسا بنفس مبدأ عمل المضخات لكن تُستخدم لنقل الغازات بدلا من السوائل. ومن خلال دراستك للمضخات راح تمر عليك مصطلحات وقطع ميكانيكية مهمة جدا أكاد أجزم اللي مانزل المادة لو سألته عن هذي القطع مابيعرفها مع انها مهمة جدا وبتواجهها بحياتك العملية مستقبلاً والمفروض أي مهندس ميكانيكي يعرفها مثل ال stuffing box والmechanical seals والshaft sleeve وغيرها من القطع...

طيب كيف تذاكر للمادة؟ المادة هذي بالذات ضروري جدا تكون مركز مع الدكتور وقت الكلاس لأن تقريبا مصادرها قليلة باليوتيوب, بعدها اقرا اللي اخذته بتمعن من الكتاب وافهمه عشان ترسخ معاك المعلومة وتقدر تفهم باقي الكلاسات لأن كل كلاس يعتمد على اللي قبله, وبالمناسبة الكتاب جدا جدا ممتاز من أفضل الكتب اللي مرت علي وسهل الفهم وتقدر تعتمد عليه كمصدر أساسي للمذاكرة. بعد ما تخلص الدرس حل جميع أسئلة نهاية الكتاب تقريبا مجموعها ما يتعدى ال12 سؤال شاملة جميع الافكار والاختبار مابيطلع منها وأجوبتها كلها موجودة بME HEROES.

وبالمناسبة انا من عاداتي أي مادة أنزلها لازم الخصها على طريقتي لكن هذي المادة الوحيدة اللي واجهتني مستحيل أقدر الخصها لأن اساسا الكتاب كل معلومة تقراها فيه مهمة.
المادة أخذت فيها A+ اذا حاب تستفسر او تعرف تفاصيل أكثر عن أي شي يخص المادة أو الدكتور تواصل معاي تويتر _iimwk@ لأن صعب اكتب كل شي هنا وبالتوفيق