MICHAEL DALLAL

الموضوع في 'أعضاء هيئة التدريس' بواسطة تقييم, بتاريخ ‏2 سبتمبر 2016.

  1. MICHAEL DALLAL

    بنود التقييم :

    التحضير :
    طريقة الشرح :
    الكويزات :
    المياجر:
    الفاينلات :
    القريد النهائي:
    الصوت:
    إضافات :
     
  2. أي معلومات عن هذا الدكتور ؟
    ? Any idea about this instructor
     
  3. أخذت عنده ENGL 101 ترم 161

    التحضير : يحضر بداية الكلاس تقريباً بعد 5 دقايق، متساهل نوعاً ما في التحضير لكن لو جيت متأخر راح يسجلك LATE

    طريقة الشرح :
    عن طريق سلايدات القسم، وأحياناً يكتب على السبورة، شرحه عادي جدًا وأصلاً المنهج ما فيه شيء ينشرح إلا إذا المعلم بيعطي إضافات من عنده.

    الكويزات :
    Common

    المياجر:
    مافيه مياجر، فيه ميد-تيرم وهذا Common

    الفاينلات :
    Common

    القريد النهائي:
    B+

    الصوت:
    واضح جداً

    إضافات :
    المعلم أول ترم له في الجامعة هذا الترم وفي البداية طبيعي كأي معلم أو دكتور جديد في الجامعة ما كان النظام واضح بالنسبة له، لكنه خلاص تعود على كل شيء الآن
    بصراحة كورسات الإنجليزي ما أشوف فيه شيء يتقيم في المعلم
    يعني الكويزات والميدتيرم والفاينل Common وكلها تصحيح بالكمبيوتر، وهذا كله يعتمد على مهارتك في الريدنق والإجابة على الأسئلة
    أي بمعنى لغتك الإنجليزية بشكل عام قبل ما تاخذ الكورس .. فهالشيء درجته مش في يد المعلم، في يدك أنت.

    طيب ألاحظ الطلاب في القسم يقيمون المعلم بناءً على ثلاث شغلات أساسية (طريقة شرحه، من ناحية الكرف هل يكرف أو لا، وتصحيحه في الرايتنق تاسكز)

    طريقة شرحه: شرح عادي يعني لا هو اللي مرة يجذبك ولا هو اللي ممل.

    هل هو يكرف أو لا: المعلم أبداً ما يكرف، والواجبات كل شوي مسوي تمديد للـ Deadline :) ، ومرة من المرات خلا الPractice حق الWriting Task اللي في الكلاس الهومورك نفسه، فخلاص يعتبر خلانا نحل الهومورك في الكلاس.
    فأبد لا تشيل هم من هالناحية المعلم ما يكرف أبد ولا راح تحس بالمادة معاه نهائياً.

    تصحيحه للرايتنق تاسك: طبعاً زي ما هو معروف من الديبارتمنت إنهم جابرين المعلمين بحيث يصير أفرج الكلاس كحد أقصى C+ في كل رايتنق تاسك
    هو ما قصر سوى اللي عليه وخلا الأفرج أعلى شيء يقدر عليه، ودرجات الطلاب معقولة، يمكن إذا واحد "حريف رايتنق" راح يحس إنه مظلوم لأنه ألاحظ إنه يحاول يخلي الطلاب في المجال C , C+ , B نادر اللي يطلعون فوق كذا، أو ينزلون تحت كذا.

    *النقطة هذي مهمة لأنه مو كل المعلمين يحاولون يخلون الأفرج أعلى شيء، بعضهم ببساطة نفسيات ويحب يشوف الأفرج طايح، يعني عادي تلقى أفرج سكشنه D+ :)

    في الأخير اللي أحب أقوله (ويمكن يختلف معي البعض): بصراحة الكورس ما منه فايدة، فدور على المعلم اللي ما يكرف مثل هذا الرجال الطيب وشرواه، لأنه بصراحة ما أشوف يفرق معلم زين أو شين لأنه في الأخير أدائك في الكورس يعتمد على لغتك الإنجليزية قبل ما تأخذ الكورس، بقدر ما هي قوية تقدر تتنبأ بالقريد اللي راح تحصله. (أقصد في حال كنت تذاكر للاختبارات فقط زي حال أغلب الطلاب، وهذا اللي راح يصير غالباً لأنه وقتك بيروح على الماث والفيزكس والمواد العلمية وما بيكون لك خلق تذاكره :) ).

     
    • x 2 إعجاب إعجاب
  4. هل الدكتور يوضح بالضبط كيف يبغى الرايتنغ ؟
    وهل يدعم ذلك بوضع الأمثلة ؟
     
  5. تحديث: أنا كتبت ردي السابق بعد ما خلصنا Writing Task 2، لكن من بعد الWriting Task 3 صار يعطي قريدات منوعة ما بين D إلى A

    يعني صار يعطي الكل حقه، اللي مستواه نازل يعطيه قريد نازل واللي يستاهل A يعطيه A ، ونوعًا ما اللي مستواهم متوسط B وحولها كما هم

    قبل كان نوعًا ما يراعي الطلاب اللي درجاتهم نازلة، يمكن بس واحد جاب D+ في السكاشن اللي يدرسها في أول وثاني Writing Task لكن ألحين كثير اللي جابوا D's وفي نفس الوقت اللي جابوا A وB+ أكثر نسبيًا

    فالConclusion من كل هذا إنه المعلم صار نظامه ما هو زي ما كتبت في أول رد لي، إذا مستواك نازل فهو مو من اللي يراعي الطلبة اللي مستواهم نازل anymore .. وبس هذا اللي حبيت أضيفه عشان بعدين لا حد ينصدم من اللي مستواهم نازل نسبيًا في الWriting .

    المعلم أشوفه ممتاز للي مستواهم متوسط فما فوق في الرايتنق .. (من ناحية الWriting Tasks) وباقي العوامل زي ما هي.
     
    • x 1 إعجاب إعجاب
  6. إيه أكيد، يشرح عادي، ويخليك تكتب Practice وراح يصححه ويعلمك أخطائك وين

    وإذا بتكتب One More Essay عادي راح يصححه لك ويعلمك أخطائك .. عشان تتجنبها في الReal Writing Task
     
    • x 1 إعجاب إعجاب
  7. تسلم على المعلومات

    يا شباب فيه احد منزل او نزل 102 عنده

    نبي معلومات عامه عنه من ناحية اخلاقه+ التصحيح + المدتيرم + الكرف
     
جاري تحميل الصفحة...

مشاركة هذه الصفحة