السلام عليكم جا في بالي احط في هذا الموضوع بعض الطبخات اللي قد طبختها بالمايكروويف وبعض التعليمات للاستفادة منه بشكل واسع نبدأ بهدي الطبخة : الاسم : خبز فرنسي المكونات : بيض + خبز + جبن شيدر + ملح حسب الرغبة طريقة التحضير : قطع الخبز لقطع صغيرة وحطها في صحن الفلين المخصص للمايكروويف او mug اخفق البيض مع الجبنة مع مراعاة زيادة كمية الجبنة حتى يصير قوام الخليط كثيف جدا ممكن تضيف شوية كاتشب لو تحب حط الخليط بالشكل اللي يعجبك مع الخبز وشغل المايكروويف على دفعات كل وحدة بين 30-60 ثانية وبعد كل دفعة تأكد من استواء البيض وتوقف حتى ترضى بدرجة الاستواء ملاحظة : لو تشتري قالب جبن نص كيلو ب15 ريال من بندة بيطلعلك كمية جبنة كبيرة جدا مقابل السعر بامكانكم البحث عن microwave french toast recipe في اليوتيوب للاستزادة
وعليكم السلام، هههههههههههههه حسيت بالجوع وأنا أقرأ الموضوع. بالسكن حاط لي 3 غلايات ، وحده للماي والثانية للاندومي والثالثة للبيض
لتسخين المعجنات والبيتزا من غير ما تصير مقرمشة حط معاها شوية مويا في كاسة وسخنها على مراحل (60 ثانية على مرحلتين افضل مدة)
ما شاء الله.. الموضوع أكثر من رائع.. شيء تتعب عليه و تسويه بيدك يكون له طعم رهيب!! هل فيه أكلات زيادة جربتموها و ضبطت معكم يا شباب.. لأنه فيه أكلات من اليوتيوب جربتها زمان و ما ضبطت معي.. مثلا فيه أكلة سويتها زمان كيك بالكاجو و الفستق.. كنت متحمس.. ثم تيبس الكيك:D.. و يا حسوفة الكاجو و الفستق راحو كذا و باقي بجرب طبخات الشباب مشكورين.. و ياليت تكون مقادير الأكلات سهلة و تحضيرها بالمايكروويف..
فيه هذي الأداة لطبخ الرز في الميكرويف إسمها Rice Steamer من ساكو وهذا الرابط للمنتج من الشركة, اتوقع بتطلع خورافية اشتريتها وبجربها في الصيفي http://sistemaplastics.com/products/microwave/rice-steamer
اذا تيبس اي شي في الميكروويف اعرف انك حطيته بزيادة, وممكن تطول مدة الطبخ باضافة مويا في كاسة بجنب الطبق
^^^^ شفت اخوي يسويها في البيت يحطها على فترات الين تستوي , ولما جربتها طلعت وكانك طابخها على نار عادية