بنود التقييم :

التحضير : دائماً

طريقة الشرح : يشرح بعض الدروس من الكتـاب و يستطرد و يستهشد بأبيات .. " شرح رائع "


الكويزات : إلى الآن لا يوجـد .. ولكـن يقوم بتقسيم الطلاب إلى مجموعات و يطلب من كل مجموعة القيام إما بتحضير درس و شرحه .. أو يوزع عليهم أوراق و يقومون بشرحها و مناقشتها " طريقة جميلة جداً " ..

المياجر: إختيار من متعدد

القريد النهائي: 10 \ 10 .. " بالنسبة لي " ..

الصوت: واضح جداً ..

إضافات : هنـا أبي أخـذ راحتـي شوي و آسف على الإطــالة ..


من نعـم الله عــلي التي لا تحصى إني قمت بالتسجيل معه هذا السمستر .. وكانت من باب المصادفة فأنا لم أبادر بالسؤال عن هذا المدرس إلى بعد أن سجلت معه .. بعدها سمعت الكثير من الكلام الجميل عنه .. وبعـد أن درست على يديـه أقــول :


الطــالب اللي يجــد هالدكــتور الفاضل متوافر ولا ينــزل معــه مثل ما قــالوا الأخــوان محــروم .. من أشياء كثـيرة .. فهذا الإنســان قليل لــو قلت " موسوعــة " ..

مـوسوعــة أدبيــة .. ذو أخــلاق عاليــة .. يمـر عليك الوقت ولا تحـس فيه .. و تتمنى المزيــد ..

الله العالــم كـم أحببت هذا الإنسان في الله .. قمـة التواضع و قمــة التـسامح في هذا الإنـسان ..

أنصــح وبشــدة كــل طالب بأنه ما يحــرم نفسه من الإستفــادة من هالدكــتور ..

ـ ـ ـ ـ ـ

جــزاك الله خيــراً يا أبن المبــارك عنـا .. فوالله ما زدتنا إلى حـباً للغــتنا .. و فخراً و إعتزازاً بهــا .. جعلتنا نتذوقها و نتلذذ بهــا .. فـ بأمثــالك تغرس اللغــة في قلــوب أبنائها و بأمثـالك توسعـت إهتماماتنا في هذا الجــانب من حياتنا التي للآسف أضعـناهـا و فرطنا فيهــا ..


ـ ـ ـ ـ

آسف على الإطــالة ولكـن كلمــات خـرجت من الأعمــاق ..

 

ويكيبيديا متحركة ... موسوعة متحركة من العلم ... الشرح اخذت معه 301 ... المادة تطبيقية اكثر من انها علمية .. بيخليك تخطب و تطبق كل شي عملي ... دكتور رائع بمعنى الكلمة .. مكمل دراساته برا المملكة و اتوقع بريطانيا ... علشان كذا تشوفه منفتح على العالم .. اذا كنت تكره العربي بتحبها معه ... اذا شفت اسمه نزل بدون تردد

 

التحضير : بالطريقة التقليدية ينادي على الأسماء وساعات يمرر ورقة

طريقة الشرح : طريقة ممتعه للغايى ، قصص ، مشاركات ، شعر

الكويزات : يوجد وأغلبها تكون أشياء عملية وكتابات لطيفة

المياجر: من الكتاب يبيلها حفظ

الفاينلات : من الكتاب ويبيلها حفظ بعد

القريد النهائي: كريم في القريدات

الصوت: معقول وغير مزعج

إضافات : من أفضل من واجهت في الحياة ...

 

قمة بالاخلاق والذووق وكلمة قمة ماتوفيه ربع حقه
الكلاس معه ودك انه مايخلص من كثر ماتستمع بالكلاس :d
نصيحة .. العربي مع الدكتور عبدالمجيد = الاستمتاع وفرصة لاتعوض

 

عبد المجيد المبارك افضل دكتور مر علي في حياتي والله العظيم على ما اقول شهيد اخذت معه 301 وخلاني احب العربيه ثانيا لم ارى دكتور في حياتي يحترم طلابه هكذا متواضع لدرجه كبيره باختصار لو وزعت اخلاق هالدكتور على لامه العربيه والله انها تكفي اي واحد ما ياخذ مع هالدكتور راح يندم من العلم ولاخلاق وكل شيء جميل ما ادري كل ما اخلص من صلاتي ادعي لوالدي والله ثم احيانا اذكره في دعائي وادعي له ودي اسولف واتكلم عنه كثير لاني منذ ان عرفت البشر لم ارى احد في اخلاقه

 

موسوعه في كل شئ
قمه الاخلاق التواضع
احسن دكتور مر علي في حياتي كلها
نادر في الطبيعه
الله يطول عمره ويوفقه

 

من اروع الرجال (إن لم يكن افضلهم) ممن مرو علي في هذه الجامعه

وعنده ذاكره قويه.. ماشاء الله عليه

تتمتع بالمحاضره معه....

إذا كان موجود ... خذ الماده معه بدون خوف

بالتوفيق

 

من اعظم الرجال الذين قابلتهم في حياتي ليس على صعيد الجامعة فقط لكن ككل
والله العظيم وبالله اني اتشرف (اتشرف ) بالتعامل مع شخصه الكريم
انسان لايوصف كامل والكمال لله وحده
ادرس عنده حاليا انا
الله يوفقه انشالله

 

عبد المجيييييد المبارك والله انه من افضل المدرسين في الجامعة في كل شي

شكرا لك يا دكتووور عبد المجيد ياملك

كل الاحترام والتقدير لك

 

أخلاق و تعامل راقي و ثقافة وأسلوب في ايصال المعلومة .. مثل ما ذكروا الأخوان: شخصية راقية واختباراته بسيطة الى أبعد الحدود.. يدرب الطلاب على انشاء محاضرات ( يشتركون فيها اربعة الى خمسة طلاب ) ، وجميع كلاساته ممتعه بفائده واسعة..

بالتوفيق

 

الدكتور قمة في كل شيء ( شرح ، أخلاق ، قريد ، تعاون مع ظروف الطالب ) + حصة تمشي بسرعه من متعة النقاش معه + ابتسامة تشرح النفس و انت تدرس عنده

باختصار اذا لقيت سكشنه فاتح ... لا يفوتك !



تم نقل المشاركة
..

 

من افضل من درسني بمواد الاسلامي والعربي..
تستفييد منه جداً جداً.. بتنمية جوانب الادب والحس..

ممتاز..

 

أخذت معه ١٠١ ..

شرح محترم ، أخلاق عالية ، قريد حلو جدا ، أسئلة سهلة جدا ، كلاس ممتع ، ويكيبيديا متنقلة .....

وهو الدكتور الوحيد اللي مريت عليه المكتب اسلم عليه ..


من جد .. اللي يلاقيه ولا ينزل عنده محروم !!

 

هل راح ينزل ال301 في الصيف ؟

 

لو وصفته ساظلمه
لان اي وصف سيكون اقل من روعة هذا الدكتور وروعة هذا الشخص
اتمنى لو كان مدرسي الجامعة بنصف مستواه واخلاقه عندها سنكون افضل جامعة في العالم

 

مهما تكلمت من الان حتى أموت والله ثم والله لن أوفيه حقه ، أفضل و أحسن من رأيت في حياتي من المعلمين على الاطلاق ، معلم أسطورة لن تتكرر ، هل أحدثك عن علمه أو عن أخلاقه الرفيعة أو عن تواضعه الجم ..؟؟

شء عجيب جدا ، مبهر هذا الرجل ، و كم الخسارة كبيرة وعظيمة اذا تخرجت من الجامعة وانت لم تنزل معه المادة ، كم أتمنى أن يكون قدوة لبعض زملائه ..؟؟

كلاس ممتع بشكل يفوق الوصف ، مدرس أسئلته سهلة يساعد الطلاب ،،

بإختصار هو مدرس كامل في كل شيء فيما يظهر لنا و الكامل وجه الله ..

من خرج من الجامعة ولم يظفر بهذا المعلم فليكبر على نفسه أربعا ..

 

ماشاء الله عليه

انسان مافي مثله

درسني 101 و 103


اتمنى اخذ كورسات اليكتف معاه لين اتخرج


لله درك يا ابن المباركـ على هذه الاخلاق والابتسامه الي ترد الروووح

 

رجل والرجال قليل

لله دره ... علم من أعلام الأمه في العصر الحاضر

قبل ما أخذ كورس 301 معاه كنت مبسوط انه اخر كورس ... الحين أتمنى إن نص الكوريكلم مواد عربي عشان انزل معاه

والله ما راح يلقى مني إلا كل دعوه طيبه

وجزاه الله عنا خيرا

 

ما أدري اتحسف على الكلام اللي كتبته هذا بعد ما شفت القريد

انا فعلا مستغرب ومتعجب من اللي سواه معي

يعني طول الترم وانا مشارك معاه ... ومليت الدنيا نقاط حتى اني تقريبا من كل 3 حصص اطلع مرتين ...

وقال لي لله درك حقته هذي يمكن 555 مره طول الترم ... ولا قد غبت ولا غياب عنده ... وكان يضرب بي المثل في الكلاس

وفي الأخير بعد ما أختبرنا الفاينل .. لطعنا اسبوع كامل لا حس ولا خبر .. وبعدها ارسل رساله قال اللي يبغى درجاته يجي للمكتب اليوم الفلاني .. ورحت ولقيت امة محمد عنده في المكتب .. وفي الاخير بكل برود يقول انا لسى ما وضعت الدرجات !!!!!!

وبعدها بيومين ( بعد الفاينل بـ 11 يوم ) يرسل القريدات على الايميل واطلع ماخذ b !!! بعد كل المشاركات هذي معه

والله اني اقدر احلف ان فيه عيال معنا في الكلاس ما قد طلعوا ولا مره في الالقاء الفردي وماخذين درجه احسن مني !!!


على كل انا ارسلت له ايميل اني مستغرب من القريد اللي عطاني اياه ولا رد علي للحين ولا اتوقع انه يرد علي .. لكن يكفيني اذا قراه

وما اقول إلا الله يسامحه