...........................

 

افيدونا يا ناس +1

 

يا شباب كيف الدكتور في 391

 

ISE402 term 151 - ISE448 term 152

الدكتور طيب و في مكتبه أخلاق لكن بالكلاس الله لا يوريك، سريع الغضب و تعامله من أسوء سبحان الله
شرحه على قده ماهو بطل ولا سيء، هو فاهم بس عنده مشكلة في توصيل المعلومه ولغته الإنجليزية صفر
أسئلته يجيبها من السلايدات سهله لكن تصحيحه دقيق و مستحيل يزودك درجة حتى لو كانت حقك !!

 

ISE 402 - Term 161

التحضير : شديد في التحضير خاصة في بداية السمستر ويتنرفز من التأخير ( ما ألومه في بعض الحالات ) . ينادي بالأسماء بداية الكلاس و أتوقع إنه يمسح بعض الغيابات لو كلمته لأن كان معانا واحد من الشباب الله يذكره بالخير أغلب السمستر متأخر أو غايب .

طريقة الشرح : شرحه بالنسبة لي أشوفه ممتاز , يمكن مقارنة بالدكتور الثاني ( بيرم ) . يشرح من السلايدات و يحل الأسئلة مع الطلاب .
أفضل شيئ فيه هو يوزع هانداوت ويجبرك تحله وبعد مايعطيكم 5 دقايق , يحل الاسئلة الي في الهانداوت مع الطلاب و اذا عندك سؤال اسئل وهو ماراح يقصر لكن إنتبه تسأله سؤال هو توه مجاوب عليه !

الكويزات : 6 كويزات أغلبها متوسطة مائلة للسهولة وحذف أسوء كويز . طبعا الكويزات مشابة للكويزات الموجودة في ise zalt ( الرابط موجود في نهاية الرد )
تقريبا ً كل اسبوعين كويز + هومورك .

المياجر:
الميجر الأول : الماتيريال كان سهل لكن الوقت قصير ( تقريبا ساعة ونص ) والاسئلة طويلة عددها 5 على ما أظن و كلها written فأنتبه لنقطة الوقت .
فيه درس linear programming راح يقول لكم داخل في الميجر لكن ما راح يجيب منه شيئ .
الميجر الثاني :الماتيريال كان اصعب نوعاً ما والوقت كافي ( ساعتين ) الاسئلة كلها ريتين . فيه سؤال كان من الهومورك فلا تسحب على الهومورك أو تنقلها من السلوشن بدون فهم !
الفاينل : الماتيريال سهل لكن الوقت نوعا ما ً قصير ( ساعتين وتالي عطانا ربع ساعة زيادة ) يحتاج تدرب وتحل بوقت قصيرة .

ملاحظة مهمة : في الكويزات والمياجر والفاينل لاتهمل الأجزاء النظرية ! ترا يجيب منها , لا تستغرب يعطيك سؤال عدد أو اشرح أو عرف ! في الفاينل مثلا تقريبا ً صفحة ونص كانت الأسئلة فيها نظرية . صحيح الكورس يوحي لك إن الأسئلة بتكون حسابات لكن مع د.درغوث الوضع مختلف . لاتسحب على اي شيئ

القريد النهائي: كشرح أعطيه B+ لكن كتعامل الصراحة صعبة تحكم لأن أول ماتقابله راح تحكم عليه إنه حساس و يتنرفز من أبسط الأشياء لكن مع نهاية السمستر و اذا رحت له المكتب تكتشف إن عصبيته هي من حرصه على مصلحة الطلاب .

الصوت: واضح ولهجته تونسية .

إضافات :
- يتنرفز من الجوال بشكل غير طبيعي . إذا دخل الكلاس حتى لو مابدأ الشرح لاتطلع الجوال أو تخليه على الطاولة يعني بإختصار لا تخليه يشوف الجوال حتى لو تحت الكرسي !
- هو شباب وطيب , إذا تبي تكسبه حاول تشارك معاه في الكلاس وإذا سأل جاوب . كلما كان كلاسكم فعال كلما تساهل معكم وصار حبيب ومع الوقت راح يأخذ ويعطي معاكم .
- إذا أفرج السكشن في الميجر الأول كان أعلى من أفرج السكشن الثاني يعطيكم بونص ونفس الشي مع الفاينل والميجر الثاني .
- في التصحيح دقيق خاصة في الأسئلة النظرية ( عدد , عرف , اشرح و .. )
- لاتحكم عليه من أول كلاس أو من موقف , صحيح أحيانا يعصب أو يتنرفز لكن هو يبي مصلحتك فطول بالك .
- الهوموركات ماعليها شيئ في السلاباس لكن هو يحسبها ضمن درجات الـحضور .
- فيه برزنتيشن على نهاية السمستر( عن الـ JIT & MRP ) البرزنتيشن مب موجود في توزيع الدرجات على ما أظن فأعتقد هو بمثابة البونص أو على أساس مستواك فيه يزيدك .
- في المياجر والكويزات خل حلك واضح + حل خطوة بخطوة .
- كان فيه هومورك على Linear Programming وتستخدم برنامج Lindo اسمه على ما أظن . اسئل شباب الاندستريال لو ماعرفت تحل الهومورك .
- الفاينل مب كومبريهنسف .


القريدات :
كان معانا سكشن ثاني فما علمنا وش راح يكون نظام القريدات : افرج أو ستنادرد .
لكن هذي درجاتي وطلعت بـ B+

35 - 40 الميجر الأول
32 - 40 الميجر الثاني
الكويزات تقريبا ً فل مارك
الفاينل 31.5 - 41
الحضور + الهوموركات : فل مارك .

المجموع تقريبا 150 من 181 !

شرحه بالنسبة لي كاف لكن يحتاج تدرب كثير وتحل مسائل عشان تتعود عليها + تتعود على الوقت لأن الاسئلة يصير حلها طويل كلما تتقدم في المنهج خاصة في الفاينل .
ولولا ظروف معينة صارت لي قبل لفاينل أتوقع الـ A كانت شبه مضمونة لكن الحمدلله على كل حال .


- ملفات للـ للكورس ومن ضمنها الكويزات .
Dr. Mohammed Darghouth - Google Drive

- أنصح طلاب الـ CISE بأنهم ينزلوا مع الدكتور .


بالتوفيق يا شباب وفالكم الـ A+

 

اخوي عندك اولد اكزام للمادة ذي؟ خصوصا لدرغوث + طريقة اسئلته بالمياجر يعني يجيب من الكتاب ولاكيف ؟
شكرا

 

من السلايدات و الهومورك مع تعديل بسيط
بخصوص الاولداقزام ما اذكر اذا كان عندي اولداقزام او شي بس اذكر اني رفعت كل الملفات الي عندي على ال kfupm resources و ise zalt
ابحث فيهم

 

السمستر والمادة: ISE 402 – Term 172

التعامل: مزاجي جدا، يوم أحسن دكتور ويوم ماله خلق يشوف وجهك. لا تسال أسئلة بديهية اذا شفته بالمزاج الثاني لإنه بيزبد لك قدام العالم. خلك منتبه لمزاجه عشان ما تحط نفسك بموقف شين

الصوت: واضح

الشرح: بال402 شريح لابعد درجة، أتوقع افضل دكتور 402 بشكل عام من ناحية توصيل المعلومة. يعطي هاند اوت ( زي أوراق العمل ) تحلونها داخل الكلاس تخليك تفهم مضبوط بحيث انك اذا جيت تذاكر للمياجر ولا للكويزات تبدا تذاكر من الملفات اللي يحطها بالبلاكبورد بتعدين تراجع ذيك الاوراق

التحضير: يوميا بداية الكلاس ينادي بالاسماء ، شديد بالتحضير. بداية السمستر يشدد عالتاخير لكن شوي شوي يبدا يلين ولو تجي متأخر شويتين ما يعصب. حاول تجي بدري دايم مب عشان التحضير لكن عشان المادة نفسها لانها جدا مهمة لطلاب الISE.

التصحيح: عادي جدا يعطيك حقك

المياجر والفاينل (الاختبارات بشكل عام): كانت كومن مع عبدالعال وعطيه، ما كانت شينة لكن الوقت كان جدا ضيق والاسئلة طويلة وتحتاج تحسب بسرعة من غير حاسبه اذا تبي تمشي سريع سريع بالاسئلة.

إضافات: باختصار : الدكتور مزاجي صعب تراجعه بالتصحيح لكن شريح درجة أولى ويطلعك فاهم واذا عطيت مادته حقها بتطلع بقريد ممتاز ان شاء الله اذا غضيت طرفك عن المشاكل اللي ذكرناها فوق

 

نفس الكلام اللي قلته عن الدكتور في 402 يمشي عليه ب391، مع فروقات بسيطة

بشكل عام لو أي دكتور ثاني منزلها أتوقع بيكون أفضل منه ب391 من ناحية قريدات ، المادة أغلبها سواليف وما تحتاج واحد شرّيح عشان تفهمها

في 181 كانت كومن درغوث وأحمد عطيّة وأنا ندمت إني ما نزلت مع عطية عشان أكون صريح ، المادة معه كانت أحسن بكثير من درغوث

على كل حال تقييمي بيكون بشكل عام عن الاشياء اللي لاحظتها بدرغوث اللي فرقت ما بين تدريسه ب402 و تدريسه ب391

السمستر والمادة : ISE 391 - Term 181
التحضير : يوميا بداية الكلاس ـ زي العادة شديد بالتحضير
طريقة الشرح : عادي ، 402 مادة مهمة وتحتاج تعرف كل شي فيها لكن 391 تحتاجها فقط كـ Background ما هو شي Critical بتخصصنا ISE
الكويزات : حفظ صم من السلايدات ، الكويزات اللي بالزلط مهمة ولكن تحتاج تذاكر كويس بعدين تشقّر عليها
الفاينلات : الفاينل Comprehensive كل شي معك ، عشان كذا حاول اذا بغيت تذاكر السلايدات للكويزات انك تسوي ملخصات شاملة بحيث انك تغطي كل شي واذا جا وقت الفاينل ما تنضغط لان كمية السلايدات اللي عليك مرعبة
الصوت: واضح ، احيان يفصل اذا احد مسك جواله ولا قعد يضحك ويقعد يسفّل كأنه نظام ثانوي ، عامله بجد بتلقاه يحترمك واثقل ، يحترم الناس اللي ياخذون مواده بجدية ويعاملهم تعامل مختلف عن الباقين ، لكن لا زال إنسان مزاجي يوم يضحك يدخل مستانس ويوم فاصل ماله خلق يشوف أحد
إضافات : زي ما ذكرت فوق ما انصح فيه ب391 مرة ، لو لقيت نحاس ولا عطية حاول تنزل معهم أفضل

 

ISE 402 ، ترم كورونا (192) نصه حضوري والنص ثاني عن بعد ( مافيه اختلاف كبير بين الحضوري ويوم درسنا عن بعد في النقاط اللي بذكرها ) .

التحضير : الدكتور شديد في التحضير وأحياناً يعاتب اللي يتأخرون .
طريقة الشرح : يفتح سلايدات ويشرح منها ، ودائماً يوزع هاند آوت ( مهمة جداً ) للطلاب وكل واحد يحل لحاله ، وبعدها يسألنا عنها ونحلها سوا .
الكويزات : اتوقع من اول كلاس وزع علينا اوراق فيها جميع تواريخ الكويزات والمياجر ، الكويزات اشوفها سهله اذا انت مركز معاه بالشرح ، وأحيانا يجيب اسئلة كونسبت .
المياجر: المياجر نفس الحكاية ، ركز مع شرحه وافهم الهاند آوت واسئلة الهوموورك صح وأضمن لك أعلى من 90% في الميجر .
الفاينلات : نفس مستوى المياجر تقريباً او اسهل ، بحكم اننا اختبرنا الفاينل قبل ترم 201 بسبب الحوسة اللي صارت بسبب كورونا ( الله يبعده عنا ويكفينا شره ونرجع للكلاسات ) .
القريد النهائي: ++++++A وبجدارة .
الصوت: واضح وممتاز .
إضافات : الدكتور منظم جداً وشريح درجة أولى ، اعتبره عراب الـ 402 بلا منازع ، دائما يعطي جو في الكلاس ويحمس الطلاب للمشاركة والحل ويخليك تفهم المادة غصب . اذا حصلت لك الفرصة تنزل معه 402 لا تتردد ، المادة حرفيا مادة قريد معه الله يسعده ويوفقه وين ماراح .

 

ISE402-202 online
التحضير : يحضر نهاية المحاضرة دايما و الرجال ما يهمه التحضير قد ان الطالب يستفيد من المحاضرة اعتقد ما كان يحضر الا لان الجامعة جابرته يحضر .
طريقة الشرح :شرحه صراحة رايق يشرح الكونسبت كويس و يعيد و يزيد وما يسلك في الشرح يهمه الطالب يطلع فاهم طبعا في البداية يشرح الكونسبت بشكل رايق بعدها يشرح الامثلة و يحل مع الطلاب و يخليهم يشاركون معه و جدا شرحه كويس كنت اركز في شرحه و الشي ذا خلا وقت مذاكرتي قليلة لان اغلب الاشياء شرحها و الحلو انه يحل معك الامثلة خطوة خطوة و يشجع الطلاب يحلون معه
الكويزات :الكوزات طبعا فيها جزء نظري و جزء مسائل و في الاون لاين المسائل كانت املاء فراغ و الصراحة كنت انصدم من الدرجة لما اشوف السليوشن اتوقع شيء سيء و يطلع معطي بارشال عليه لو غيره يحسبه صفر و يراعي في الشي ذا لكن كوزاته تحتاج تكون مذاكر الكونسبت لان بيجي عليه كذالك المسائل تحتاج تكون مذاكر
المد:صراحة كان صعب و الوقت ما كفانا بحكم الاون لاين و الاسئلة كانت اصعب من الكوزات بسبب ان الي كان يكتبها الكوردنيتر
الفاينلات :كان اسهل من المد بس لازال فيه صعوبة و كثير خبصوا
القريد النهائي:B+
الصوت:واضح جذا
..

 

ISE391-211
التحضير :
يحضر في نهاية المحاضرة
طريقة الشرح :
يشرح السلايدات بوضوح بس صوته ما كان مرتفع ف حاول تجلس قدام عشان تقدر تسمعه
الكويزات : يقولونا لا تذاكرون الا من الكتاب و فعلا ذاكرت اول كوزين من السلايدات و عيدت بعدها مسكت الكتاب و صرت اقدر احلها زين

الفاينلات :الفاينال كان متوسط و جاب كيس ستدي الي كان يسوي الاسايمنت بنفسه و ما يزرفها بيكون وضعه حلو
القريد النهائي:A
الصوت:منخفض لو كان فيه مكرفون كان بيكون شي جبار
إضافات : يكره الجوال مرة لا تطلع جوالك عنده ولا بيفصل عليك و الدكتور طيب الصدق و محترم بس يوريك انه شديد عشان ما يفلونها الشباب
..

 

ISE 307 -Term 211
التحضير : يحضر باستخدام البلاك بورد.
طريقة الشرح : يشرح على السبورة والسلايدات معا وشرحه جيد.
الكويزات : متوسطة، وتصحيحه ممتاز.
المياجر: موحدة.
الفاينلات : موحدة.
القريد النهائي: +A
الصوت: واضح لمن يجلس بالأمام، لأن القاعة كانت كبيرة وعدد الطلاب كذلك.
إضافات : الدكتور محمد خلوق ومتعاون ووعدنا ببونص لو كان أفرج سكشنا من أعلى ثلاثة سكاشن في الميجرين والفاينل.