English 214 term 191

التحضير ما يعترف فيه والله خلص الترم كامل وما داومت الا ثلاث كلاسات.
الشرح الرجال يحب يسووووووووووولف يطبخ بالكلام طبخ.
التصحيح اذا سويت اللي يبيه ماراح تنزل عن ال B.

اضافات:
اول يوم بالترم اعطى للي حاضرين اوف كلاس الثلوث والخميس ف انصدمت انا الصراحة. حضرت الاحد الاسبوع الثاني قالي وش تبي قلت كلاس قال ما احضر وطلعت بعد اسبوع جيت بحضر مالقيته موجود وهذه اخر لحظه جيت داومت "كلاس"

نجي للشغل مع ال 214
1. عندك الريبوت تربطة مع التخصص والثيم وابو براون مهو مقصر تواصل معه ع الايميل اوو شوف وش الملفات اللي مسويها بالبلاكبورد.
2. السي في والانترفيو و الكوفر لتر سوا هلب سيشنين بالليل يومين ورا بعض وشرح كل شي و طبقنا من الاسبوع اللي بعده.
3. الميد تيرم والفاينل بيسوي هلب سيشن وامورك ف السليم ويعطي ملخص للفاينل.
4. البروقرس ريبورت برضوا حاط بالبلاكبورد كيف تسويه.

اسطوره القسم ومدلع الطلاب لأبعد الدرجة ومتعاون ع الايميل والاوفس.
والبلاكبورد حاطلك كل شي اللي تبيه.

 

Engl 214 Term 201


التحضير:
ما يحضّر ولا سجل لنا غيابات

طريقة الشرح:
يقول المتطلبات الي يبغاها في اول ٥-١٠ دقايق وباقي المحاضرة كلها يقعد يعيد كلامه ١٧٣٦٥٤٣ مرة

كوزات:
ما فيه كوزات

المد:
سوا لنا مقطع سريع ونزله على البلاك بورد واذا سويت نفسه بالضبط يعطيك قريد محترم، وغالبًا بقية قريداتك في متطلبات الكورس الباقية مبنية على قريد المد فحاول تشد حيلك فيه

الفاينل:
سوا حركة وصخة بتكلم عنها في الاضافات

الصوت:
الدكتور النت عنده سيء فصوته يقطع ويروح ويجي ويلقلق، بس ماهو لازم تركز معه لان ما بتستفيد شي

القريد النهائي للدكتور:
صراحةً كان من اخس الدكاترة عندي للترم الكريه هذا ولكن رغم ذلك اعطيه B+ والسبب بشرحه في الاضافات

إضافات:
الدكتور كريييه من ناحية تعامل، الوصخ يبني درجاتك كلها على المد، المقابلة كان يسويها معي وهو على الجوال ماهو معطيني وجه، والريبورت والفاينل ما قراهم عطانا قريدات من راسه وخلاها حول درجة المد.
احد اهم ميزات الدكتور في الاترام العادية انه ماهو لازم تحضر المحاضرة، لو تغيب طول السمستر ما يسجلك غياب وقبل المد وقبل الفاينل يسوي هيلب سشن يشرح كل شي يبغاه، لكن افتقدانها في الترم هذا لانه اونلاين وكنا نحضر كل المحاضرات وكان يقول لا تغيبون بس برضه في الاخير ما سجل الغيابات.
الدكتور تعامله كريه اذا جيته الاوفس تناقشه على الدرجة الي عطاك مثلًا على الدرافت او الفاينل وذي يقول لك ترى مفروض اعطيك اقل من كذا بس انا كنت كريم معاك وعطيتك زيادة ويحاول ينبش اي شي عشان يوريك اخطاء في شغلك، طبعًا هذا غير انه واضح انه اول مره يقراه .
الدكتور دايمًا دايمًا يأجل الددلاين للشغل، مقابلتي انا وكثير شباب معي تأجلت يمكن حول ٤ مرات والفاينل ريبورت كل ما حط موعد للتسليم أجّله لدرجة خلاه لبعد الفاينل بكم يوم >> اصلًا كذا ولا كذا ما بيقراه ، للأمانه الي خلاني اعطيه قريد B+ اني ما حسيت اني منزل الكورس اليييين بعد المد يعني النص الاول من الترم ما قال لنا سوو شي، هذي تعتبر ميزة وسيئة في نفس الوقت لانه ضغطنا بعدين، وبرضه افرج القريدات عنده مرتفع تقريبًا بين B و B+ وبأرفق قريدات سكشني تحت ان شاء الله

هل أنصح تنزل معه حتى لو اونلاين؟
صراحةً صح انه كريه وكذا لكن ايه انصح، خصوصًا اذا جدولك زحمة ودسم شويتين لان زي ما قلت نص الترم تقريبًا كنا فاضيين ما كان يطلبنا شي ولو تشد في المد بس تقريبًا بتضبط وضعك في الكورس كامل.

 

ENGLISH214 - TERM 201 ترم الكورونا عن بعد

التحضير : مايحضر الدكتور ابد وهي فقط الميزة فيه مايعرف اللي داخل ولا احد , لو يشرح ل 5 طلاب صدقني مادرا عنكم ولا اهتم البداية كانت عدد طلابه يوصل 35 طالب بالكلاس نهاية الفصل صرنا 18 ولا درى عن احد

طريقة الشرح : مملة جدا المشكلة هو يشرح كويس اول 10 دقايق مع المحاضرة بقية المحاضرة يعيد نفس الكلام مثلا نبي تسوون ريبورت 1500 كلمة ويقعد يعيد نفس الفكرة طول الكلاس ومايطلعك من الكلاس , بالنسبة للشرح ابو اول 10 دقايق اشوفه ممتاز بس يعيد الكلاااام كثير ومامنه فايدة
حتى احيانا ندخل الكلاس يعيد نفس الكلام للكلاس الماضي اهم شي مايكنسل الكلاس !

الكويزات : مافي كويزات بالانجلش

المياجر: فيه ميد ترم بالانجلش وصراحة تصحيح الدكتور اشوفه سيئ مو مره ممتاز اذا انت انسان بتجيب العيد روح معه لان مهما صار ما بتنزل عن C+ بالتصحيح
لكن لو تبي قريد ما انصح فيه مثل A او كذا

الفاينلات : نفس الكلام على الميجر

تقييمي النهائي للدكتور : D (تحت الأسباب)

الصوت: واضح

إضافات : السبب اني عطيته D هو :
1- الدكتور ساحب على المادة مره مره ولا درى عنك طول الفصل ماسوينا شي يمكن اول شهرين ماسوينا ولاشي حرفيا الى اخر شهر باستثناء الميد فقط
يوم جاء اخر شهر بالدراسة كرف والدينا كرف مو صاحي يضغطك اخر الترم كل شي تسويه ف اسبوعين وهو مايقدر يصحح اصلا شي مستحيل يسوه
حتى ان الريبورت كان مفروض تسليمه لجميع الدكاترة في الاسبوع 14(قبل الفاينلات بثلاثة اسابيع) حتى يعطيك فيد باك عليه وترجعه له في الاسبوع 15
حنا سلمنا الدرافت قبل الفاينلات ب 5 ايام ! والريبورت النهائي سلمناه بعد الفاينل حق الانجلش ب 5 ايام !!!! الفيد باك عطانا اياه عن طريق البلاك بورد سوا اوفيس اور
وصراحة سيئئئة مره جمع حول 120 طالب في ساعتين وحتى كان يقرا الدرافت لأول مره كانه هذا دليل انه قريدات الدرافت مايدري عنها

2- الدكتور فيه كذا طالب كانوا عاملين شغل جبار بالريبورت والميد برضوا لكن اخذوا درجات C و C+ وراحوا اشتكوا له وهو ماقدر يطلع عيوب بشغلهم
وفيه طلاب مايدرون عن شي وشغلهم رايح فيها واخذوا B+ وحولها لدرجة فيه طالب يوم سلم الدرافت اخذ C وراح كلمه وقاله السالفة وابي اشوف اغلاطي قاله في الفاينل ريبورت
بضبطك ورفعه ل B+ لانه مالقى عليه عيوب اصلا !

3- افرج السكشن عنده 80 يوصل وهو شي عالي بس لاتفكر معناها كل الطلاب A
ترا 90% منهم في C+ و B

اذا انت طالب مو داق خبر للمادة ومنزل 19 ساعة وتبي بس تنجح ب C+ او B روح معاه
لكن الطلاب الممتازين اللي يبون A او A+ ما انصح !

 

English102 - 202

بنود التقييم :

التحضير : يحضر وسمح في التاخير الى حد ما
طريقة الشرح : سلايداته كثيره ولاكن لابد تنتقي المعلومات الل فعلا تفيدك وتهمك. وهذا ضياع وقت وجهد.
Writing tasks كان عنده ترتيب معين في الكتابه كلمات معينه عدد جمل محدده في كل باراقراف لابد jمشي عليه بالملي وعلى اساسه يصحح ويزودك او ينقصك.
القريد النهائي: C
الصوت: واضح
إضافات: الدكتور كان متعب وسيء بالنسبة لي بسبب طريقة تدريسه الغريبة. هو مفهومه انه المعلم لتصحيح اخطائكم وتمهيد الطريق لكم للمعلومه والباقي كله على الطالب. باختصار شديد يتعبك بدال ما يسهل عليك كله باسم انه يقويك في الاجتهاد في البحث والتعلم الذاتي. وهاذي مادة ليست self study. بالاخير تعبنا حيل معاه وما انصح احد ينزل عنده.