ics103-lab-152

بنود التقييم :

التحضير : يسمح بالتأخير ويقول اهم شيء انك تجي .. بس لاتغيب لأنه مخلي 2.5 حقت اللاب عليها .. اذا ماغبت بتاخذها فل
طريقة الشرح : يشرح التاسكات شرح ممتاز جدا .. واذا سويت اثنين منها او ثلاثة يخليك تمشي
الكويزات : سهلة وتصحيحه يديك فيها فوق حقك وغير كذا يخليك تراجع كل تست معاه اذا شايف اشكالية بالتصحيح
المياجر: كومن
الفاينلات : كومن
القريد النهائي: اعطيه A++++++++++++++++++ الى مالانهاية
الصوت:واضح
إضافات : الدكتور طيب وابدا مايبخل على الطلاب من ناحية الدرجات واللاب معاه جدا ممتع

 

up

 

ics-103 161

بنود التقييم :

التحضير : كان متساااااهل جدا من ناحيه التأخير وما يدقق واجد
طريقة الشرح : يشرح بدايه اللاب التاسكات وطريقه افكارها ويعطيكم كم Hint خصوصا التاكسات الي فيها افكار ومتعاون جدا اذا مافهم اي تاسك يجي لين عندك ويحاول يعلمك
الكويزات : صراحه ما اشوفها ذيك الصعوبه اذا كنت فاهم مضبوط ويدف غالبا بالدرجات واذا ما رضيت بالدرجه رحله انشب له وبيزودك
المياجر:كومون
الفاينلات :كومون
القريد النهائي:A+++++
الصوت:واضح جددااا
إضافات : خله اول خيار لك نصييييييحه

 

بنود التقييم :
ICS103 LAB

التحضير :
كل كلاس يحضر .. ما يحاسب ع التأخير ..
و درجات اللاب وورك يخليها ع الحضور ..

طريقة الشرح :
يشرح لك التاسكات (اذا مو كلها اغلبها) .. ويمشي معك حبة حبة ..
ويفهمك افكار زياده ممكن تجيك ..

الكويزات :
مقارنة بالباقي الي شفتهم كوزاته تعتبر سهله ..
و يشرح لك افكارها قبل ما يعطيك وياها ..

المياجر:
كومن ..

الفاينلات :
كومن ..

القريد النهائي:
A++++++++++

الصوت:
واضح ومفهوم .. ماعليه ملاحظات ..

إضافات :
نزل عنده بدووووووووووووون تردد .. خله خيار اول وحاول تزبطه في جدولك قد ماتقدر ..
راح يسهل عليك اللاب كثييييييييييييير .. و ما راح يشغلك به ..
و طبعاً يسأل اسأله في الكلاس عليها بونسات ..

 

ICS103 - (lab) 172

التحضير : متساهل نوعا ما لكن اذا تاخرت اكثر من نص ساعه راح تاخذ ليت فحاول ما تتاخر .

طريقة الشرح : يشرح التاسكات اغلبها اذا مو كلها وكان يزعل اذا احد يتكلم وهو يشرح وكان شرحه شي مو طبيعي ماشاء الله يشرح بشكل مفصل من الالف للياء بس بعد اول كم لاب شاف بعض الطلاب يسالون اشياء نوعا ما بيسك وشرحها هو فمرات يزعل ويقول ماني مجبور اشرحلكم فحاول تركز معه من اول لاب لاخر لاب

الكويزات :
اللاب تست كانت متوسطة نوعا ما خصوصا اذا فاهم التاسكات لكنه مايجيب اشياء تشبهها لكن يجيب الافكار الاساسيه واشوفها اسهل من تاسكات اللاب الصراحه وتصحيحه يحرجك بشكل مو طبيعي لدرجة اني طلعت من لاب تست توقعت بجيب 1 من 3 وانصدمت يوم شفتها 2.75 والله انسان ماتوقع احد يفوز عليه بالتصحيح و بعد كل لاب تست يجيب الاوراق اذا فيه احد يبي يناقشه بالتصحيح والاغلب يسكت لانه ماخذ فوق حقه لكن البعض كان يحاول فيه يزوده بس حاول توريه انك فاهم واقنعه باسلوب وبيزودك ان شاء الله .
المياجر:كومن
الفاينلات :كومن
القريد النهائي: A+
الصوت: واضح جدًا .

إضافات :
ميزة الدكتور مايطول بالتصحيح كان لابي يوم اثنين واذا كان عندي لاب تست يصححها ويرفعها عالبلاكبورد الثلاثاء واذا تاخر تاخر نزلها الاربعاء .
اذا جاك الدكتور ذا فانت في نعمة عظيمه ولا تفرط كويزاته لانه مو صعبه لدرجة انك تفرط فيها والله يجزاه خير يارب .

 

ICS 103 - Lab

• التحضير : يحضر يومياً ، ومب شديد من ناحية التأخير .

• طريقة الشرح : يشرح لك التاسكات ويفهمك اياها ، بعدين يخليك تسويها .

• الكويزات : متوسطة إلى صعبة ، و تصحيحة كويس فيها .

• الصوت : واضح ويتكلم عربي اغلب الوقت .

• إضافات :
  - الدكتور ما شاء الله عليه مسهل اللاب للطلاب يعني مثلاً درجة اللاب ورك ما يحطها للتاسكات مخليها على الحضور .
  - من ناحية البروجكت ، مقارنتاً بالدكاتره الثانين عطانا بروجكت سهل وما دقق فيه ويسمح لك تشتغل لحالك او مع واحد ثاني في قروب ، وفي الدمو ما حجر للطلاب كثير .
  - وقت الشرح احياناً يسأل اسئلة عليها بونص .
  - قبل نهاية السمستر كان يطلعنا اذا خلصنا التاسكات ، لكن بعدها صار يخلينا نقعد الوقت كله تقريباً ( يقول هذي من الكوردنيتور مب من عنده ) .