EE204 Lab - 163

التحضير : بعد شرح التجربة يبدأ ينادي الأسماء.. ماعنده مشكلة تتأخر و أتوقع يسمح بالميك أب إذا فاتك لاب أو عندك ظرف خاص

طريقة الشرح : شرحه ممتاز جدًا... يختصر زبدة التجربة/الدرس بعبارات قصيرة أو جملة أو عدة نقاط... أكثر من مرة خلال الفصل في أشياء ما فهمتها إلا منه

الكويزات : في ثلاث كويزات عنده
الأول على البرنامج Multisim... بسيط جدًا مجرد أنك تفهم وين تشبك الموجب و السالب و أنه عشان تحسب الكرنت لازم تشبك الملتيميتر سيريز و الفولتج باراليل
الثاني كان أكمل الفراغ و مسألة بسيطة فيها ترك صغير... مجرد تركيزك باللاب و فهم الدروس و مراجعة المانيوال تجيب درجة كويسة
الثالث نفس الكلام ^
أيضًا فيه الاكسبرمنت تست أيضًا بسيط.. مهم تعرف كيف تشبك الأسلاك و كيف تستخدم الأجهزة و كيف تدخل و تحسب القيم في الأجهزة اللي قدامك

المياجر: -

الفاينلات : الفاينل كان مقسوم نصين... ورقي و عملي... الورقي كان صفحة A4 زي الجدول يطلب منك تعريف و شرح كل القوانين و النظريات و و و و
العملي كان نصين... الأول مأخوذ من التجارب اللي بالنص الأول و الثاني من النص الثاني و أغلب الوزن على النص الثاني... سهل بشكل عام

القريد النهائي: أتركه لكم

الصوت: واضح جدًا... الدكتور بنقلاديشي

إضافات :

إيجابيات

---

شرحه ممتاز
حبيب و أخلاقه حلوة
تصحيحه ممتاز
متعاون باللاب تسأله أي شي يساعدك
منظم كل درجاتك تنزل بالبلاكبورد و يعتبر سريع بالتصحيح
إذا خلصت تمشي على طول ما يقولك شي... أغلب اللابات كنا نطلع بدري

سلبيات

---

غير متعاون بتسليم الريبورت و البري لاب... البري لاب بداية اللاب تسلمه و الريبورت معك لين نهاية اللاب
الأجهزة اللي بالتجارب الأخيرة ما كان متمكن كثير منها... لكن ما ألومه كثير الأجهزة كأنها مخبطة شوي

هذا ملف فيه السيلابس و السلايدات و حلول البري لاب
EE204-STKFUPM&RESOURCES | تحميل

البري لاب الدكتور يطلب منك تغير واحد من الأرقام إلى آخر رقمين/ثلاث من الـID حقك... فانتبه تنسخ و تتبع نفس الحل بالملف ^

 

Term 171 EE 360 (Lab)

التحضير :
بداية كل لاب ياخذ التحضير ، نفس نظام القسم من ناحية التأخير والغيابات …الخ.

طريقة الشرح :
يكتب الأشياء اللي يحتاجها والبروسيجر باختصار على السبورة ، ويبدأ يتكلم عن التجربة والخطوات اللي نتبعها في شغلنا. مستوى الشرح بالنسبة لي ممتاز وواضح. إذا كان فيه شيء جديد بنستخدمه يشرح لنا كيف نتعامل معه.

الكويزات :
كويزين ريتن ، كلها كونسبت. مستواها عادي ، فيها أسئلة سهلة وفيه أسئلة تحتاج تفكر فيها وتكون فاهم وش قاعد تسوي في اللاب.

المياجر:
اختبارين عمليين. يعطيك السيركت ويطلب منك تشبكها وتسوي شغلة على برنامج Cassy Lab، وهو يجي يشيك على شغلك إذا صح أو لا.
نصيحة: لا تضيّع درجات هالاختبارين ، تراها سهلة جدا وما فيها شغل.

الفاينلات :
ريتن ، كان مستواه عادي بس فيها أسئلة غريبة اشوي ، بالإضافة
لبعض المسائل الخفيفة اللي جابها.

القريد النهائي:
A

الصوت:
واضح وجيد ، أكسنت جنوب آسيوي (هندي ، باكستاني ، …الخ) ، في البداية بيتعبك بس بتتعود عليه.

إضافات :
١. حاول تكتب النقاط اللي يتكلم عنها الاستاذ في اللاب (ليش استخدمنا الجهاز/القطعة الفلانية ، وش الهدف من التوصيل بطريقة كذا ، ليش صار كذا بعد ما سوينا شغلة معينة …الخ) ؛ لأن هذه النقاط هي اللي راح تجيك في الكويزات والفاينل.
٢. أحد النقاط السلبية على الاستاذ هي ريبورتاته ، طويلة وفيها أشياء ما لها سنع ، مثل أنه يطلب منك تكتب theory بسيط أو procedure للتجربة ، ما لها حاجة. فايدتها الوحيدة بتخليك تشغّل كورسات الانجلش اللي درستها .
٣. الاستاذ مرتب درجة أولى. يرفع كل الدرجات على البلاك بورد بشكل أسبوعي ، وحتى مواعيد الكويزات والاختبارات العملية يحددها لك في السيلبس من بداية الترم ، يعني من ناحية التنظيم ١٠/١٠.

بالنسبة لي أشوفه أستاذ ممتاز وحبيب ومحترم في تعامله مع الطلاب ، وما شفت عليه شيء مو كويس غير اللي ذكرته هنا.