ما في أي معلومات عن هالمدرس؟

 

والله شكل هالمدرس جديد وان شاء

الله راح نستفتح فيه بالخير .

 

والله شكله جديد لكن الله يستر

 

جديد حضرت عنده حليل وشكله اخلاق باكستاني لكن طريقة شرحة مب ذاك الزود

 

حضرت عنده محاضرة.. الاكسنت عنده مسبب لي مشكلة..
بس ان شاء الله مع الوقت نتعود..

 

319

 

شباب ياريت معلومات عنه يعطيكم العافية

 

شرحة يعني تقدر تقول جيد او عادي او يمشي الحال..مش بطال يعني
اخلاق حليل متفهّم جدا..كوزاته دايركت واللي يذاكر يحلها سلام سلام..
تصحيحه في المياجر جيد بعنف
إذا ماتوفقت مع السوبر انستركتورز نزّل معه دايركتيّاً

 

الحين وانا على نهاية السمستر تقريباً. طبعاً انا اخذت معاه Math201
أبتكلم عنه بتفصيل:

التحضير: بالأسامي وبشكل دائم تقريباً. اعتقد انه ما ينقص درجات على التحضير. أو انه معطيها درجات قليلة. بشكل عام ما يهمه التحضير مرة في الكلاس وورك.
طريقة الشرح: ممتاز جداً. الاكسنت قلق شوي لكن بشكل عام شرحة حلو ويستخدم الامثلة كثير. ويتجاوب مع اسئلة الطلاب دائماً.
الكويزات: يجيب لك اسئلة قريبة من اسئلة المياجر. يعني صعوبتها نفس صعوبة الميجر.
المياجر: كومن. تصحيحه ممتاز جداً، يعني كريم نوعاً ما، واذا شافك حليت يعطيك درجة.
الفاينلات: كومن.
القريد النهائي: A
الصوت: مثل ما قلت واضح لكن عنده مشكلة بالاكسنت.
إضافات:
هذا المدرس على ما اعتقد انه باكستاني الجنسية. بشكل عام انا اعجبني ولو لقيته منزل 202 أبنزل عنده. معاملته راقية جداً يحسسك انك رجال < عكس بعض الدكاترة. دايم موجود بالاوفس حقه ويتفهم للطالب. يعني ما عنده مشكلة تتأخر عن الواجبات وما عنده مشكلة تختبر كويز فاتك. يهتم لنشاطك بالكلاس، يعني حظورك وتجاوبك. لأنه حاط عليها نسبة من الكلاس وورك. تصحيحه للمياجر ممتاز ومتساعد كثير.
بشكل عام هالمدرس ارتحت له وانصح فيه وبقوة.

 

ماث 201 بسمستر 101...

الإيجابيات:

الله يرضـى عليك يا دكتور محمد رياض...والله احلى مافيه انه يعاملك على انك رجل...فعلا هالشي ينقص كثير من الدكاترة!

يحضر آخر الكلااس وما عنده مشكله لو تجي آخر 5 دقايق!...الهومووركات تسلمها متى ما تبي!..ايه نعم ايه نعم متى ما تبي تسلمها تسلمهـا...مرة سلمت 7 هومووركات دفعـة وحدة وبعضها متأخر من اسبوعين واكثر وبالنهاية اخذت درجة الواجب الكاملة (16 من 16)..!

وبالتصحيح عسسسسسسسسسل بشكل غير طبيعي سواء بالكويزات او المياجر...يعطيك اكثر من حقك...ومع ذلك لو تراجعـه بعدها وتطلب منه يزيدلك هنـا او هنـا ما بيقصر معك وبيعطيك درجتين او 3 يطيب فيها خاطرك!

تصوروا مرة راجعت معه تصحيح كويز وكنت محتج على تصحيح سؤال معين...وبعد نقاش مدته دقيقة ونص...قالي (معك حق معك حق)...كم تشوف نفسك تستحق من هالسؤال؟!

والدرجة اللي قلتله ابيها اعتمدها لي خخخخخخخخ...متعاون معك لأقصى درجة بالتصحيح ومستحيل يطلعك وانت زعلان!

وبالكلاس وررك ايضا ما قصر واعطاني درجـه حلووة...وبالنهاية خصم منهـا ومن اللي كلاسووركهم عالي درجـة وحدة عشان يرفع الناس اللي تحت!

يمووون ابو رياض يموووووووووون!


نجي للسلبيات:

اذا انت من النوع اللي تعتمد على الدكتور ونوته بالمذاكره فأنححححححححححححححححححححححححححش!!!!!
الدكتور للأمانة شرحه كويس بس نوته ملخبط ولا تقدر تعتمد عليه...ومستحيل يقعد بسكشن اكثر من محاضرة وحدة...واحيانا ينهي سكشن بنص محاضرة ويبدا بالسكشن اللي بعده!!....لدرجـة اننا خلصنا المنهج قبل لا تنتهي الدراسة بأسبوعين!!!
يعني نظامه يعرضلك النقـاط الأساسية من السكشن كامل ويحل سؤال ولا سؤالين ويقوم يطمر للسكشن اللي بعده!
كويزاته للأمانة مو سهلة!...لازم تكون مذاكر صح!

واسئلة الأولد اكزام ما يعرف يحل اغلبها!!!...وقالي واحد من الشباب انه دكتور (احصاء) مو ماث وانهم اضطروا انهم يحطونه يدرس ماث لكثرة السكاشن وهالشي قاله محمد رياض نفسه لخويي..!


في النهاية اقول اذا انت من النوع اللي تعتمد على نفسك بالمذاكرة فلااااااااا تفووووته ابدا....واذا انت من النوع اللي يعتمد عالدكتور ونوته بدورلك اي دكتور ثاني لأن اللي تبيه ما بتحصله مع الدكتور محمد رياض..!!

 

زي ما قالوا الشباب الأخلاق عال العال ..
لكن الشرح حرام عليكم ، والله إنه في وادي والماث في وادي ..
لا والمصيبة خلوه يدرس أصعب كورس ماث على طول ..
أصعب دروس المنهج جالس ينقلها نقل من مذكرة معاه مو عارف أصلاً اش السالفة ..
والمصيبة يخلص كل سكشن في كلاس ، رغم إنه في السيلابس مخصص له أسبوع كامل ..
على العموم ، إذا تعتمد على نفسك ممكن يكون خيار جيد ، لكن إذا تبغى تفهم ابعد عنه ..

 

التحضير :
يحضر آخر المحاضرة ومو كل محاضرة
طريقة الشرح :
شرح عادي جدا..ليس بالسيء وليس بالممتاز..يستعمل السبورة دائما..يشرح الكونسبت على السريع
ويحل بعدها المسائل السهلة عن الكونسبت
الكويزات :
الكويزات كانت كل اسبوعين وغالبا تكون سهلة جدا للمذاكر
المياجر:
كومن طبعا..لكن تصحيحه كان جيد جدا جدا جدا..يراعي بشدة
الفاينلات :
كومن
القريد النهائي:
b+
الصوت:
طبيعي جدا
إضافات :
أخلاق ..مراعي لظروف الطلاب كثيرا..باكستاني الجنسية ..ترم 101 اول ترم له في الجامعة
متجاوب جدا جدا مع الطلاب من خلال الايميل

 

Stat319

 

يا شباب شلونه في stat 319​

 

ياشباب بليز كيف وضع الدكتور في stat 319, ومين الافضل هو ولا انور جواردر؟

 

up

 

Up

 

يا شباب كيف وضعه بالاحصاء ؟

 

up