معلومات عن الدكتور !

uppp

 

واحد من الشباب اخذ معاه يمدحه ويقول عنه متساهل

 

GS 335-work and society 151

التحضير : التحضير يومي بداية كل كلاس في البداية كان يمرر ورقة على الطلاب بس بعدين صار يخليها عنده وفي النهاية كل واحد يوقع عنده لان في طلاب واجد تسحب , في التاخير متساهل لو تجي بعد ثلث ساعة مافي مشكلة عادي تحضر في اي سكشن تبيه
طريقة الشرح : سلايدات يقرأ منها وشرح ممتاز ويفهمك المطلوب وانتبه لشرحه لان احيانا يجيب اسئلة تعتمد عالشرح
الكويزات : خمس كوزات اختبارنا للحين اثنين واحد صعب والثاني سهل
المياجر: الميجر الاول كان نوعا ما سهل كم سؤال تريك لكن شاف اغلب الطلاب اخطؤ فيه فعطانا اياه بونص للكل , الميجر الثاني اصعب بشوي من الاول لكن يضل سهل
الفاينلات : ما بعد
القريد النهائي: A+
الصوت:واضح ومفهوم
إضافات : المدرس ماشاء الله اخلاق وحبيب ميزته انه ما يطول في الكلاس لازم يطلع قبل 5 او 10 دقايق واحيانا قبل ثلث ساعة كلاسه ممتع والدكتور متساعد وحسب ما سمعت انه في الصيف دف طلاب واجد قريد كامل عطانا للحين درجتين بونص في الميجر الاول , الفاينل كان كومبرهنسف خلاه فقط الجزئية اللي بعد ميجر 2 لاتفوت هالمدرس انصح فيه وبقوة

 

معلومات أكثر يا شباب

 

gs223 work & society - term 142

التحضير : ورقة تمر على الطلاب توقع عليها , عادي تتأخر ولو اكثر من ربع ساعة بس لا تولف , ما يسمح انك تحضر في سكشن غير السكشن حقك

طريقة الشرح : من سلايدات شرحه عادي ممل

الكويزات : الكويز 10 اسئلة اختيارات متعددة مستواها من سهل الى متوسط من السلايدات فقط

المياجر: في كل ميجر يجينا كم سؤال صعب يحتاج فهم مو بس حفظ بشكل عام اشوف المياجر متوسطة الصعوبة من السلايدات فقط

الفاينلات : جاب لنا اسئلة كثيرة من الكوزات فعشان كذا الفاينل كان سهل ايضا من السلايدات فقط

القريد النهائي:A+++

الصوت: واضح

إضافات :اعطانا بونص في ميجر 1 (درجتين) + ميجر 2(درجتين) + الكوزات + الحضور واعطاني اب قريد فوق كل ذا
أنصح به وبقوة الدكتور حبوب وأخلاق ومتساعد بشكل غير طبيعي
الله يوفق د.محمد سعيد ويسهل حياته زي ما سهل علينا الكورس

 

يعطيييكم العافيه شباب ما قصرتوا !

بس ايش وضع الدكتور من ناحية الهومورك والتلخيص والبريزنتيشن .؟

 

الهومورك للحين ما عطانا الا هومورك واحد وسهل , مافي تلخيص , وفي برزنتيشن بيعطيك فيها مواضيع المقرر وكل اثنين في موضوع نهاية السمستر

 

ما افتكر مزبوط بس اعتقد اعطانا هومووركين سهلين و بريزنتيشن تختار موضوع من المواضيع اللي تدرسها

 

شسالفه واحد يقول يسمح تحضر بسكشن غير سكشنك وواحد يقول مايسمح!!

 

هو بداية السمستر يقول ماراح يسمح بالميك اب
بس تالي تشوف اكثر من واحد يحضر معاك من السكاشن الثانية فالظاهر انهم يسمح لكن اما لعذر قوي او عدد معين من المرات ..

 

Term 161 - GS 336 : work & society

- الكورس كان رقمه 221 وتغير السنة الماضية .

- التحضير :
متساهل جداً وللأسف احياناً كان ما يبدأ في الشرح إلا بعد 10 دقايق من بداية الكلاس والسبب إن أغلب الكلاس يجي متأخر ! وكان في البداية يمشي الطلاب إذا خلص الشرح لكن بسبب تأخير الطلاب ما عاد يمديه يسوي هالشي .
- يسمح لك بغيابين قبل ما يبدأ الخصم .
- في بداية السمستر راح يقول لكم ماراح يسمح بالميك اب لكن تالي راح تلاحظ فيه طلاب من السكاشن يحضروا معاك ( ما أعتقد إن عندهم ظروف أو أسباب قوية لأن بعضهم تقريبا نص السمستر كان يحضر معانا )

- البونص :
إذا ماعليك غيابات يعطيك درجتين بونص .
في الميجر الثاني خلا 3 اسئلة بونص .
عنده نظام الاب قريد . ( لاتكلمه هو راح يزيدك وهو يكره أحد يراجعه في القريدات بس عشان يزيده )

المياجر :
Multiple choice + متوسطة مايلة للصعوبة خاصة الفاينل والميجر الثاني : كلها من السلايدات وفيها تركات بسيطة فلا تستعجل في الحل . + الفاينل مب كومبريهنسف .

الكويزات :
Multiple choice + متوسطة مايلة للصعوبة وكل سكشن له كويز مختلف + حذف أسوء كويز .

- الدكتور بشكل عام متعاون وحبيب لكن في أشياء يكرها بس ما راح يتكلم أو ينبهك إلا إذا زودتها مثلا : التأخير في الحضور خاصة إلي يحضر بعد نص ساعة ! أو الي يشتغل على الجوال !
كان مسهل الكورس بشكل كبير , لكن ماعجتني مواضيع الكورس والكلاس كان ممل نوعا ً ما .

- الهوموركات :
هومورك واحد وبسيط : سؤال عن السعودة واكتب صفحة أو صفحتين بالكثير .

- البرزنتيشن :
راح يكون على آخر اسبوعين من السمستر + هو محدد مواضيع معينة ( كلها مواضيع الكورس ) وانت تختارها يعني توقع على كشف الحضور + توقع جنب الموضوع فحاول تجي مبكر عشان تختار موضوع سهل .
- مايدقق كثير لكن حاول تأخذ على الأٌقل 7 دقايق . انا للأسف ماكنت مستعد للببرزنتيشن لكن خذت تقريبا 5 دقايق وعطاني 8 من 10 .

ملفات للكورس :

الدرجات ( بدون الفاينل ) + القريدات
1


2
القريدات

 

TERM 171

التحضير : ورقة موجوده على الطاولة وتوقيع لكل طالب ، متساهل في التأخير
طريقة الشرح : يشرح سلايدات هو كاتبها
الكويزات : كوزين طول السمستر وواحد زياده للي بيعدل درجته
المياجر: كومون (متوسطة الصعوبة اذا لم تكن سهلة )
الفاينلات : كومون (متوسطة الصعوبة اذا لم تكن سهلة )
القريد النهائي: A
الصوت: ممتاز
إضافات : الدكتور بشكل عام ممتاز وماراح تندم انك اخذت معه

 

Term 172 GS 336

التحضير :
ورقة على الطاولة قدامه ، اول ما تدخل توقع عليها. يعطيك مجال الى ربع ساعة تقريبا بعدين يحسب تأخير ، وإذا تأخرت كثير ما يرضى لك توقع.
في البداية قال ممنوع الحضور مع شعبة ثانية ، مع التقدم في السمستر صار الوضع عادي.

طريقة الشرح :
سلايدات ، يقرأ اللي فيها ويعلق عليه من عنده ، شرحه حليو. ما أدري هو يجيب النوم وإلا المادة بكبرها تجيب النوم ، لكن للحق هو يستعمل امثلة واقعية ويذكر بعض الاشياء الاضافية اللي تساعد على الفهم.

الكويزات :
كويز قبل كل ميجر ، اختيارات ، بمستوى المياجر. نهاية الترم قال فيه كويز ثالث للي يبي يحسن درجته ، نصيحة حتى لو جبت فل اختبره ، يمكن تستفيد منه بعدين.

المياجر:
اختيارات ، مستواها سهلة ، لكن فيه اسئلة فيها تريكات لازم تنتبه لها كويس. ميجر ٢ اعطانا سؤالين بونص ، اذا حليتهم تاخذ درجاتهم.

الفاينلات :
كومون مع د. مغل ، واتفقوا إنه يكون شامل للدروس اللي بعد المياجر بس. مستواه وسط.

القريد النهائي:
A

الصوت:
كويس ، لكنة باكستانية الله يعينكم عليها

إضافات :
١. يكره اللي يلعبون في الجوال وقت الشرح.
٢. ما كان فيه انشطة كثيرة معه. تقريبا كل اسبوعين يسوي Class Discussion ، بحيث يوزعكم على قروبات ويخليكم تتناقشون حول موضوع معين في الدرس ، ثم يقوم واحد من كل قروب ويتكلم عن الموضوع اللي تناقشتوا حوله. طبعا اللي يقدم هالمرة ما يرجع يقدم لين كل اعضاء قروبه يقدمون. أيضا كان فيه واجب صغير قال عليه بونص ، عبارة عن كتابة صفحة حول موضوع محدد بيقول لكم عنه.
٣. الكلاس وورك كان شامل ١٠٪؜ برزنتيشن. بينزل لكم المواضيع على البلاك بورد وبيقول لكم الاختيار يوم كذا ، لما تجي توقع للتحضير اكتب رقمك الجامعي جنب موضوعك ، لذلك احضر بدري. في التقييم ما دقق كثير ، واغلب الدرجات ٩ و ١٠ ، اهم شيء تعد موضوعك بشكل جيد ويكون عرضك كويس (وتلتزم بالوقت). طبعا المواضيع جزء منها مواضيع المادة ، وجزء مواضيع خارجية ، مثل السعودة ، قيادة المرأة ، رؤية ٢٠٣٠ ، …الخ.

 

GS336 - ترم 172 ..

التحضير :
تحضير يومي بداية الكلاس، اول ما تدخل توقع ع الورقة الي جنبه، يحاسب ع التأخير والغياب ..
يحسب التأخير بعد 3-5 دقايق ..
اذا ماعندك تأخير او غياب يعطيك بونص درجه ..

طريقة الشرح :
اغلب الكلاسات يكون شرح من سلايداته، اسلوبه جيد بالشرح، ويحب الطلاب تتفاعل معه ..
فيه بعض الكلامات يحاول يترجمها بالعربي عشان الطالب يفهم وش الي يتكلم عنه ..

راح يقسم الطلاب مجموعات عشوائية، ويخلي طالب من كل مجموعة يشرح جزء من درس، المجموعة هي الي تختار الي بيشرح ..
طبعاً عمل هالحركه تقريباً ست مرات هالسمستر، والمجموعة مكونه من 8 طلاب تقريباً، يعني من الكل راح يشرح فيها ..
الشرح يكون بسيط، كأنك تقرأ السلايدات، بس يفضل انه تقول الكلام بطريقتك الخاصه .. ماعليه درجات ..

الكويزات :
عطانا ثلاث كوزات، واخذ منها افضل اثنين، كلها اختياري ..
تصحيحه غريب، احياناً انا واشخاص كل واحد اجاباته غير، بس كلنا ناخذ 5/5 !!
البعض يقول انه الأسئلة لها اكثر من جواب صحيح ..
كوزاته تحتاج مداكره، والدرجه الي بتشوفها افضل من المتوقعه غالباً ..

المياجر :
اغلبها من السلايدات حقته، كلها اختياري ..
فيه فيديوهات في السلايدات ممكن يجي منها اسئلة ..
فيه بعض الأسئلة (للطلاب المركزين معه) تكون من الشرح الي بالكلاس ..

الميجر الثاني كان فيه سؤالين بونص، يعني 22 سؤال والدرجه من 20 ..

الفاينلات :
كومن، اختياري ..
بس الي كتب الفاينل مغل (حسب كلام الطلاب)، فـ انكبنا شوي ..
كان صععععب مررره صراحه، وتوقعت اني بنزل قريدين بسببه، لكن مانزلت ولا قريد !!
اتوقع انهم دفوا الطلاب فالدرجات او شي كذا، والله اعلم ..

القريد النهائي :
A+ ، انصح فيه ..

الصوت :
واضح جداً ومفهوم، لغته كويسه، بس فيه مصطلحات صعبه شوي ..

إضافات :
عنده البرزنتيشن عليها 10 درجات، وسمعت انه يعطي الي يبدعوا 11 ..
اعطانا اساينمنت بسيط، عليه بونص، التسليم عليه درجه، واذا اعجبه شغلك يعطيك درجة ثانيه ..
مايخليك تستخدم الجوال ابداً ..

 

GS336
Term173

التحضير : يومي ورقة توقع عليها اول ما تدخل , ما يقول شي لمدة عشر دقايق , بس بعض الاحيان ينكبك وتجي بعد عشر دقايق تلقاه حاط علامة غياب عند الي ما وقعوا و اكثر من ربع ساعه الى ثلث ساعه ممكن يقول لك اطلع حتى لو ما حط علامة .

طريقة الشرح : سلايدات ومملة جدا وتحس كلاسه عبارة عن اسبوع . وبما انه صيفي عنده كل اسبوع كلاس تفاعلي الطلاب يشرحون لبعض على شكل مجموعات.

الكويزات : 3 كويزات اختيارات كل كويز عليه خمسه , اول واحد اشوفه مب سهل والاثنين الاخيره كانوا سهلين , حنا اخذ اعلى اثنين , وممكن تطلع من الكويز وتسأل الي معك وش الجواب الفلاني يقولون جواب وانت حاط جواب ثاني وكلكم تاخذون خمسة , يمكنها صارت معاي لان انا حاط الفقرة الاولى وهم حاطين الخيار الفقرة الاولى والثانيه معا , فيسلك فيها كذا بالكويزات.

المياجر: 20 سؤال و اذا مب مذاكر السلايدات ومار عليهم اكثر من مرة بتحسهم فزكس , بس اذا ذاكرت ابو يوم قبلها بتجيب درجة حلوة , الميجر الثاني حط لنا سؤالين بونص وواحد من الاسئلة طلع غلط فحذف السؤال ولا عطانا درجته فصارت درجة بونص.

الفاينلات : من 30 وكان نفس مستوى المياجر بس انا اتوقع انه خسف فيني مدري ليه لاني كنت داخل الفاينل ب 94 وطلعت منه ببي بلس

القريد النهائي: B

الصوت: ,واضح بس اللهجة باكستانية فممكن تواجه صعوبات اول كم اسبوع ببعض الكلمات.

إضافات : الدكتوراشوف ان العالم رافعينه فوووووق , ويقولون يدف بونص الين ما تقول امين , درجات الغياب الي ارسلها ما اعطى احد بونص فيها , وطلب مننا اسايمنت سهل وسلمناه ولا قال لنا عنه شي عقب ولا عطانا الدرجات حقته بعدها ولا دخلها بالمجموع فمدري وين راحت. دخلت الفاينل ب94 وطلعت ب B+ مع انه الاسئلة الي كنت شاك فيها ما تجي ولا ستة اسئلة فلو انه يعطي ابقريد كان اخذت A اتوقع .
البرزنتيشن اخر اسبوع عليه عشر درجات , مواضيع محددة وانت تختار منهم , سهل انه يعطيك عشرة , بس انتبه يحس انك ما حضرت زين فيه , اكثر من خمسة بكلاسي معطيهم على سبعه وثمانية بس احقاقا للحق كانوا كثار بالكلاس مب محضرين كويس.
الجوال ما فيه امل تمسكه عنده لانه مره يشدد عليه.
بالاخير الكورس سهالات والدكتور حليل بس من ناحية البونص مدري , اخاف اني جبت العيد بالفاينل وانا مدري وظلمته لان ما ارسل اي درجات للفاينل على طول رفع القريدات للبورتال . بس بشكل عام تبي مادة سهله ولا تغثك مرة وتطلع فيها ب B+ ولا A بدون ذاك المجهود ومع دكتور طيب فلا تضيعها معاه . والله ييسر لكم

 

GS336-181

التحضير :
التحضير في البداية كان يمشي الورقة و ياخذها بعدين صار يحطها عند الباب تجي و توقع .
يخصم على الغياب لدرجة .
طريقة الشرح :
يشرح من السلايدات و شرحه ممتاز و بعض الأحيان يشغل مقاطع. بعض من اللي يشرحه يجي في الاختبار
الكويزات :
عطانا 5 كويزات كلهم خيارات. 4 كانت من لكشر واحد يعني سهلة في الجيب و كان من 5 درجات. أما الخامس كان بونص (ما قال لنا أنه بونص) .
المياجر:
الميجر الأول 16 خيارات و واحد مقالي.
الميجر الثاني نفس شي بس زاد سؤالين خيارات كبونص .
الفاينلات :
ماكان شامل ماتيريال الميجر الأول و الثاني. كان من 30 و كان سهل.
القريد النهائي:
A+
الصوت:
واضح

إضافات :

الكورس مع الدكتور محمد سعيد كورس قريد .
عنده بريزينتشن عليه 10 و واجب مقالي ماقال كم عليه بس مع الواجب مع الكويزات مع بعض 10 درجات.
ما ارسل درجات الاختبار النهائي نهائيا ارسل القريدات في البلاكبورد و قال أنت خمن درجتك بالفاينل من قريدك و الكلاس ورك الي ارسلها.

 

كيف طريقة المذاكرة للمياجر والكوزات (خصوصا ان هذا الفصل دراسة عن بعد)

 

كيف الدكتور اخر الاترام ؟