[ د. مسوٍّر مالك ]

STAT 213 - Term 141​

- التحضير : يومياً ينادي بالأسماء - ما يدقق في التأخير كثير إلا لو زاد عن حده ..

- طريقة الشرح : يشرح على السبورة - شرح متوسط لكنه يكون ممل أحياناً ..

- الكويزات : ___ ..

- المياجر : متوسطة تحتاج إلى تدريب + تشبه الأسئلة اللي يعطيها في الكلاس ..

- الفاينلات : نفس طريقة المياجر ..

- القريد النهائي : +C

- الصوت : جيد مع أكسنت هندي بعض الشيء ..

- إضافات : الدكتور محترم و حازم بعض الشيء + يبغاك تركز معاه في الشرح ..​

 

^ أشوف ان مشكلتك مع الاراء الشخصية، لذلك ابي أعطيك رأيي الشخصية، و بالرغم من ان الترم ما انتهى لسه ما اتوقع راح يتغير.

الدكتور مسور ممتاز جداً، انا اخذ ستات211 معه الان. التحضير في نهاية كل كلاس و ما يحب التأخير +10 دقائق، بس كم طالب تأخروا أكثر من مرة و كل الي يسويه انه يكلمهم و يحذرهم من التأخير مرة ثانية.
شرحه ممتاز و يهتم بفهم الطالب، مادة 131 أصلاً بديهية ولا يبي لها، بس حتى النقاط البديهية في مادتنا يكررها أكثر من مرة، يعيد و يزيد في بعض النقاط و يعطي كم سؤال عليها حتى يحس ان الطلاب فهموا -هالأسئلة اذا طلعت تحلها عالسبورة يعطيك بونص-، و يعطي هومووركات بعد كل تشابتر و فيها يختصر لك كل شيء درسته من الشابتر المقصود.

القريدات على حسب شغلك، تصحيحه حقاني. و يوم أقول شغل مب قصدي أن تركز على المادة و ما تذاكر غيرها، قصدي حاول تفهم معه في الكلاس و تروح له الأوفيس اورز اذا ما فهمت شيء معين و تحل الهوموركات و أضمن لك A+، في الستات الميجر الاول كنت شبه ساحب و جبت تحت 75% فيه، بعدها بدأت احل الاسئلة الي يعطينا اياها في الكلاس و تحسن مستواي كثير و جبت الدرجة كاملة بالميجر الثاني. حاول بس انك تعطيه وجه و راح تمشي معه زي اللوز.

و الدكتور شخصياً نفسه طيبة و ترتاح معه، يعرف كل الطلاب بالإسم و يستهبل مع بعضهم، اذا حاول طالب يستظرف معه ما يحرجه و يعطيه على قد جوه ثم يرجع للدرس، و لما يعلق على الطلاب المتأخرين يعلق بحسن نية و تعليقاته خفيفة.

كذلك فيه كم طالب معنا بالكلاس كان يعرفهم من اول محاضرة، طلعوا آخذين 131 معه، و مستوياتهم عادية، يعني اتوقع انه يستخدم نفس النظام في كل مواده و الطلاب مرتاحين معه بشكل عام.
131 ما فيها لاب فما يحتاج أعلق على هالموضوع، و هي الجزئية الي أحسه ناقص فيها شوي.

 

شباب اي افضل حق لاب stat319 ,
هو ولا E. AL-SAWI

ضروري حد يرد لاهنتم

 

ياليت احد يرد على الي قبلي

 

سجلت معه ماث ١٠٥ (١٣١سابقًا) للترم الجاي ١٨١ سكشن الساعة ٧ وناوي اكلمه عشان احضر مع سكشن الساعة ٨، هل بيسمح لي؟ +كيف الضغط في المادة معه من ناحية الكويزات والهوموورك هل تاخذ وقت لو انزلها مع مواد ثقيلة ثانية (ماث١٠٢، انقلش١٠٢، ايكون١٠٢ ... الخ)؟ اللي عنده معلومات لا يبخل علينا ونكون له من الشاكرين والله يكتب اجره.

 

Math 131 ....... Term 181

التحضير : في نهاية الكلاس .. اذا زودوها الطلاب في التأخير راح يحضر في البداية .. ما عنده مشكلة بالتأخير لو هي أول ولا ثاني مرة

طريقة الشرح : جيد جدا .. يحل الأمثلة اللي هي أصلا محلولة في الكتاب .. حله لبعض السكاشن مختلف وأفضل عن حل الكتاب .. وهذا أفضل إذا كنت تكتب النوت معاه

الكويزات : ما عنده .. عنده هوموركات بمعدل هومورك لكل تشابتر

المياجر: متوسطة ... 2 ريتن و1 ملتبل تشويس .. الريتن أشوف تصحيحه شديد شوي ... ميجر الملتبل تشويس أسئلته قليلة وعليه 25% فالخطأ بيكلفك كثير

الفاينلات : ملتبل تشويس .. متوسطة وتحتاج لمذاكرة جادة .. 25 سؤال تقريبا

القريد النهائي: B

الصوت: جيد جدا


إضافات :

1- مدرس محترم ومتعاون

2- ما عنده مشكلة يعيد الحل أكثر من مرة اذا فيه طالب مو فاهم

3- ما أعتقد يدف في القريد النهائي ممكن لأن توزيع القريدات بالأساس كويس

4- القريد يبيله شغل ولا تغتر بكون الA+ من 87

5- مع ذلك يمديك تأخذ بونص قبل الفاينل لأن فيه أسئلة كثيرة يطلب منك تطلع على السبورة وتحلها .. أسئلة صعبة نوعا ما وقليل من الطلاب يستطيع حلها وتحتاج تذاكر السكشن قبل الكلاس

 

Math 105 term 182
Stat 211 191

التحضير : مستحيل ينسى أو يسحب على التحضير ، وياخذ التحضير غالبا آخر الكلاس و ما يدقق بالتأخير الا إذا جيته بعد ١٥ د أكثر من مرة يقول لك لا تتأخر
أول الاسابيع يحضر بالأسماء ثم بعدها يحضر بالسيريال نمبرز
ويسمح بالميك اب


طريقة الشرح: جدا عادية، الأمثلة الي في الكتاب ، يكتبها بالكلاس ويقرأها ثم بعد ما يخلص الشابتر يرفعها بلاكبورد، و يسأل أسئلة بونص بالكلاس لكن البونص 0.25 أو أقل

الكويزات : سهلة نفس طريقة أسئلة النوتة وبعض الأحيان نفس الأرقام (؛

المياجر: كومن ، أول كان ٣ مياجر ٢ مقالي و واحد اختيارات ، وللأسف تصحيحه سيّء، إذا اخطأت مثلا في آخر خطوة يعطيك نص درجة السؤال، وإذا جيت تراجعه ونشبت له تاخذ كم درجة من
، لكن سمعت أن الوضع تغير في ماث ١٠٥ وصار كلها اختيارات

الفاينلات : كومن ( اختيارات)

القريد النهائي: +c

الصوت: واضح جدا والاكسنت هندي

إضافات : كل شابتر يكون عليه واجب وتسلمه أول يوم أَحَد بعد نهاية الشابتر و طبعا خط يد.

الحضور والواجبات مع بعض عليهم٥٪؜ وما فيه أَحَد يعرف التقسيم بينهم الا نهاية الترم

الدكتور أخلاقه عالية وحبيب جدا ويسولف ويعطي نصائح للطلاب

 

محترم بس ذا الترم قفلت معه "مشوار اشرح" ونزل ايميل نبرته حاده

الزبده
اخلاق حلوه ومتعاون
شرح جيد
كويزات متوسطه الى صعبه
كرومي افضل

 

MATH105-201
التحضير : bb
الشرح : شرحه متوسط وكنت افهم عليه كل شيء لكن الماده مو مره صعبه ف ماعرف شرحه ف الستات كيف بيكون لكن لو تركز معه تفهم المتيريل اكيد
الكويزات: كانت متوسطه ل صعبه وهذا شيء حلو للامانه ف الماث لانه يجهزك للمياجر لكنه سوا حركه مو حلوه انها فاينل انسر يعني لو تكتب غلط ف فاصله او تقريب يحسبها خطا لكن اخلاقه طيبه واكثر من مره حصلت اخطاء ف الفواصل والتقريب وارسلت له ايميل وعدلها لي
عموما الدكتور مسور خيار ممتاز