شباب لا هنتو أي معلومات عن هذا الأستاذ الفاضل .....


ولا شكله جديد ع القسم.......

 

أي معلومة عنه في ماث 201 ؟؟؟؟؟

 

101
ماث 201

4 أسابيع مضت .. ووالله إنه عنده ما عند جدتي .... ميجر ون قرب و ما حنا فاهمين شيء منه

أنا عارف إن كلامي ما راح يفيدني و لا راح يفيد الشباب اللي معي .... لكن على الأقل نكسب أجر في الشباب اللي بيسجلوا ماث 201 مستقبلاً ...

لي عودة على نهاية السمستر إن شاء الله للتفاصيل ....
يا الله عدي ذا السمتسر على خير ووفقنا

 

يا شباب لو سمحتوا معلومات عن الأستاذ!!

 

ماث 201 ترم 101

* التحضير :
ورقة تمر ع الطلاب وحضر اللي تبي

* طريقة الشرح :
مسوي سلايدات بنفسه ( أنا مانفعتني ,الكتاب أصرررف ) ويستخدم السبورة لحل إكزامبلز الكتاب

* الكويزات :
طبعا الكوز ياخذ وقت الكلاس كله , و أول كوز جابه كان حريقة وبعد ماشاف درجات الطلاب بدأ يخفف

* المياجر والفاينلات :
كومون

* الصوت:
واضح والظاهر انه قال لنا إنه بريطاني من أصل هندي بس اللهجة بريطانية

* إضافات :
1) لو عاد بي الزمن لما نزلت عنده ..
2) الحسنة الوحيدة اللي شفتها فيه هي تصحيحه لميجر 1 كان طيب وزود الطلاب شوي ..
3) شف غيره أحسن لك

​

 

ماث 201
101

التحضير : بالله لا تسأل عن التحضير .....
عدد اللي يحضروا الكلاس يكونوا بين الـ 5 إلى 10 طلاب من أصل 24 طالب ... و تلقى في الورقة الكل محضر .... و بعض الطلاب المحترمين يحضروا الكلاس لخمس دقائق فقط .. يوقعوا على الورقة و يمشوا على طول بكل وقاحة .... حنا عارفين إن شرح الدكتور لك عليه بس على الأقل احترم المدرس ... مو ترميها في وجهه !!
الزبدة / يمرر ورقة .. ووقع عن اللي تبغى ...

طريقة الشرح : تبون الصراحة .... أقرأ من الكتاب أصرف بكثييييير .... يكتب في السبورة و يرسم إكسات و وايات ... يحاول يوصل المعلومة و يوضح الدرس بس بدون فائدة ... انا كتبت معاه في أول السمستر .... بس عجزت أخرج من نوته بفائدة ... أنا استغرب من بعض الأخوان اللي يكتبون وراه ... إنتم من جدكم تفهمون شيء من شرحه ؟؟؟


الكويزات : أول 3 كويزات كانت نااار .... واحدة منها كانت 7 أسئلة طويلة .... صارت ميجر ... بعد كذا خفف علينا شوي

المياجر:كومن
الفاينلات :كومن

القريد النهائي: أنا أعطيه C

الصوت: واضح بشكل عام ..

إضافات : الرجال مناسب جداً للي يعتمدوا على نفسهم في المذاكرة ... لأنه ما يشرح شيء واضح أصلاً ، غير كذا شف لك واحد ثاني ..

الحسنات اللي فيه :
* متساهل في تصحيح المياجر ، و تقدر تكلمه عشان يزود لك كم نقطة ..
* متساهل في أوقات تسليم الهوم وركات و مواعيد الكويزات
* الرجال تساهل معنا جداً في درجات الكلاس وورك ... وزع الدرجات إلى 48 للكويزات + 6 حضور + 6 هوم وركات ...

العجيب في الأمر ... إنه بالرغم من الغيبات الشنيعة في كلاسه ... إلا إنه أعطى للجميع الدرجة الكاملة حق الحضور .. لا تعليق صراحة ...


طبعاً آخر أناوسيمينت أرسلها لنا كانت عن الكلاس وورك .. و كتب في الأخير /

Thank you for your time, it has been very enjoyable teaching you all.

الله أعلم هو كتبها من القلب ؟؟؟؟

ختاماً ... أنا ما أعتقد إنه راح يستمر في طيبته السمسترات الجاية ... خاصةً بعد حالات التطنيش اللي أكلها من طلاب سكشنه ..


​

 

التحضير :ورق تمر عليك عشر في الكلاس و في الورق الكل حاضر ههههههه
طريقة الشرح :سيء جدا والله نحن نصححله تخيل مدرس رياضيات مايعرف يجمع ههههههه
الكويزات : صعبة شوي بس الكل يغش وتفتح الكتاب عادي
المياجر:كومن
الفاينلات :كومن
القريد النهائي:d وكثير عليه
الصوت:هندي عاد شوف
إضافات :شوف لو ما تحب تحضر وتذاكر في الغرفة نزل عنده

 

دشيت عنده اول محاضره ما عرفت حتى ويش قال واي او اكس ...

احد يبدل معاي <<< شكلي بسوي ادروب احسن لي ...):

 

أنحش و لا تقرب منه أبد لو أضطريت أجل المادة أو وقف سمستر أو غير التخصص المهم شف لك حل

 

طيب ياشباب كيف التصحيح معه .؟

 

^^
بالملي.
بعد ماعطانا الأوراق زودنا على 10 درجات، بآخر السمستر الكوردينيتور درا وشالوها منا

 

المدرس هذا سيء جدا جدا بالشرح ... وانصح اي طالب يبغى مدرس يشرح لا ينزل عند هذا ... الشرح ميييييييييح .. ومميزاته عشان ما نظلمه .. يدف بالدرجات والتحضير سهلااااات ..

 

درست عنده ماث 101 .. سمستر 113
التحضير : ورقة تمر على الطلاب ومثل كلام اخوي جنتلمان .. حضر الي تبي .. ومايهتم بالحضور .. لو حاضر 1 .. ومحضرين 30 عادي
طريقة الشرح :سيئة جدا .. لدرجة الدافور ينام عنده
الكويزات : صعبه .. يشرح شي .. والكويز شي غير
المياجر: كان الكوردنيتر لماث 101 .. سمستر 113 .. المياجر صللللللخ .. صللللللخ لدرجة الميجر الثاني الافرج وصل 50
الفاينلات : صللللللخ .. اول سنه يوصل الa+ الى 316
القريد النهائي: A بحمد من الله
الصوت: يجيييب النووووووووم ..
إضافات :
..

^^
قسم بالله صادق

 

Math 202 Term 102

التحضير:
مافيه تحضير ابدا وكلاسي كان الساعة 7ص وكانوا يحضرون 5 من اصل 30 صح ان فيه تحضير شكلي بالورقة ولكن مايعترف فيه وعطانا كلنا في الغياب 10 من 10

الشرح:
سيئ إلى ابعد الحدود من أسوأ المدرسين اللي مروا علي في الجامعة شرحا باختصار كأنه يشرح لنفسه وذا قرى كأنه يقرا جريدة لا اللي يقرأ جريدة أحسن منه

الكويزات:
عطانا كويز واحد في الفصل والباقي تيك هوم كويز ولأمانة كانت متوسطة

المياجر والفاينلات:
كومون

إضافات:
الدكتور حبييييييييييييييب جدا جدا جدا ومتعاون ومتساهل إلا أبعد الحدود يعني من السهل انك تأخذ قريد عالي في الكلاس ورك بس راح تأخذ قريد سئ في المياجر لأن شرحه ميييييييييييييح مع ان تصحيحه للمياجر بطل

لا أنصحك انك تاخذ معه

القريد النهائي:
D شرحا
A+++++ أخلاقا وتعاملا

 

فر منه فرارك من المجذوم

بالنسبة للكلاس وورك راح تاخذ درجة عالية عنده
لأنه اولا ما يحضر .ثانيا:كويزاته معظمها تحلها في البيت وللأمانة حلها ياخذ وقت
ثالثا:الهوموركات انا سحبت عليها بعد ميجر 1 (لأني سحبت على كلاساته)ومع هذا ما حسبها لي
الكلام في المياجر لازم تشد على نفسك او تشوف لك مدرس ثاني في وقت فاضي

لأنه شرحه سيء جدا جدا ،كأنه يسولف معك
يفتح لك كتاب الماث الكتروني على البروجكتر ويروح يخطط ويخربط يمين ويسار واستغرب من اللي يكتب وراه بصراحة لأنه ما تدري اصلا وشو تكتب

يعني اذا نزلت "مضطرا عنده" ذاكر لحالك او احضر عند دكتور اخر "مثل ما كنت انا اسوي"

 

فر منه كفرارك من المجذوم والله أن المنهج في وادي وهو في وادي

كان يحل لنا التكاملات والله ان الدوافير يصححون له من كثر الاغلاط

ووفوق ذلك يطنشهم يفتح الكتاب الالكتروني عشان يتاكد

حسنته الوحيدة انه في اخر اربع اسابيع ما حضر الطلاب إلا مرة أم مرتين فقط

نصيحتي إذا سكرت كل السكاشن وما بقى إلا سكشنه اسحب على المادة وشف لك مادة اخرى #مجرد_نصيحة

 

Math101+Math102
Term113+Term121
التحضير:
التحضير محد حولك خلصت معاه كورسين وكنت أروح له الأوفيس أحيان ولحد ماعرف اسمي وكل كورس سحبت مالا يقل على 7 كلاسات وكل الشباب أخذنا درجة الحضور كاملة
الشرح:
بصراحة ماينفع بحاجه
لكن إذا الله قدر عليك ونزلت عنده خذ معاك الكتاب وركز على تعليقاته على على الأمثلة وحاول تكتب ملاحظات جنب كل مثال كيف تم حله راح يوفر عليك وقت كثير في السلف ستدي
الكويزات:
في الصيف في ماث 101 عطانا كويزين في الكلاس و 3 كوزات تيك هوم
في ماث 102 ترم 121 عطانا 4 كويزات في الكلاس وكويز واحد تيك هوم
الزبده الكويزات يجيها من أسئلة الكتاب الأخيره في كل سكشن
بالعربي حل الهومورك وشف سلايدات فيرق أو أسئلة أبو سياف مقسمة حسب السكاشن حل كم سؤال منها للكويز ومنها للميجر

المياجر والفاينلات:
كومون
وتصحيحه عادي لا يخسف ولا يزود كثير
إضافات:
الدكتور تعامله جدا راقي ويراعي ظروفك "أحيانا" ممكن يأجلك كويز حتى بدون عذر رسمي وخصوصا إن الجامعة صارت شديده في الأعذار.
والهوموركات سهالات سلم متى مابغيت
الزبدة:
إذا ماحصلت إلا هو, فالكورس حيكون سلف ستدي فعليك وقتها بـ patrickjmt واليوتيوب

القريد النهائي:
D- كشرح

بالتوفيق شباب​

 

طبعا بالنسبة لنديم هذا ثاني كورس انزل عنده بعد ماث102

بالنسبة للتحضير مايحضر وراح تشوف عدد الطلاب مايتجاوز ال 10 طلاب وبعض الاحيان مايوصل حتى خمسة

الشرح اعتبره متوسط ويمكن لو تنتبه معاه وتسأله بتفهم اوكي مع العلم انه يحل امثلة الكتاب

الهوموورك نفس اللي في السيلبلس

الكويزات غالبا 1_3 في الفصل واثنين الى 3 كواجب تحله وتجيبه

التصحيح على السلوشن يعطيك حقك

فبالتالي الدرجات كل واحد يعطيه حقه

وفي الاخير انصح فيه للي بيعتمد على نفسه فقط لاغير

علما انه حبوب ومتواضع جدا واخلاق ولو رحت له الاوفيس اور يفهمك ويشرح وكل شيء

بالتوفيق

 

الله يستر كنا عند المطوع خلونا عنده ..
كيفه في ماث 260 وهل الكورس ينفع سيلف ستدي ؟