مايعطي قريدات تقول كأنه يدفع من جيبه شي
اول مره تشوفه تقول هذا الشخص حبيب وطيب
بس بالنهاية تكتشف انه متشدد بالقريدات وحقير
وعلى فكره تراه عنصري ومايفزع الا لربعه وجماعته للاسف ( متأكد من المعلومه)

 

المدخلي هذا مزاجي بالقريدات

وانا اشوف العمل هذا ما يقوم به الا شخص خبيث خائن

بارك الله فيك unknown

 

هذا الشخص خائن وأتفق مع كلام الشباب اللي فوقي ..
يفزع مع اللي يجون معه بالمكتب ويدفهم بالقريدات أحياناً قريدين فوق ، والبقية يخسف فيهم

تدرون كم أفرج الفاينل ؟
19 من 30 .. يعني طارت قريدين !!!!!!

الفاينل صعب وحريقة ، وهذي درجات الطلاب ..
مرتبه من الأسفل للأعلى ..

9 11 12 13 13 13 13 13 14 14 14 15 15 15 15 15 15 15 16 16 16 16 17 17 17 17 17 17 18 18 18 18 18 18 19 19 19 19 19 19 19 20 20 20 20 20 20 20 20 21 21 21 21 21 21 21 21 22 22 22 22 22 22 23 23 23 23 23 23 23 24 24 24 24 24 24 24 25 25 25 25 26 26 26 26 27 28
انحاشوا منه ومن هالكورس ..
ولاتثقون فيه لأنه أنسان متلون يضحك معك وبالنهايه يخسف فيك !!

 

بالنهايه الكورس ل Gs 318 والدكتور تنصحون فيه من ناحيه سهوله الكورس وقريدات الدكتور ؟؟

 

الفاينل خلانا نذاكر الماتيريل الأخير كامل ، سطر سطر !!
والكتاب طويل ولا فيه وقت نذاكره .. والدرجات مثل ما أنت شايف !!

والدكتور مزاجي بالنهاية ..
خذ جي اس 221 أحسن لك وأنحش من هالكورس !!

 

طيب واللي أخذ 221 ويش ياخذ المادة الثانية من موالمواد العامة

أحنا نحتاج مادتين ، عطونا أي مادة ثانية من المةاد العامة تصلح لقريد ممتاز بدون جهد؟

 

خذوا انترناشونال ريليشن مع مارك

 

انا باتكلم واتحمل مسؤولية كلامي كله كورس gs318


الكورس ممتع جدا جدا جدا للي يحب يعرف تاريخ الحضارات في العالم تقريبا من بعد زمن الدولة العباسية

الدكتور اشوف انه اعطاني حقي وماتعرضت لاي ظلم

متعاون الدكتور اشوفه يعيد اختبارات لبعض الطلاب اللي غابو بدون عذر

غياباته كثير لانو عنده مرض في ظهره

المنهج مقسم ثلاث اقسام كل خمس شباتر عليها ميجر والفاينل خمس شباتر الاخيرة من الكتاب تقريبا 60 صفحة بس جميل الكتاب


اخيرا الكتاب: الكتاب جميل جميل جدا جدا لكن للاسف الجامعة ماتوفره للطلاب







الخلاصة المستخلصة بعد نهاية الكورس : انا اخذت فيه +b وبمجهود تقريبا 6 ساعات لكل اختبار.

الكورس ممتع اكثر من كورس 321

 

و الله الدكتور هذا ممكن يعجب فئه معينه و ممكن لا ..

بالنسبه كان عندي غيابين ..

نظام الدكتور ما يحب المشاركه واجد يعني تشارك على الخفيف ..

و الدكتور مستاهل اذا بتغيب ارسل له رساله قبلها و اشرح له ظرفك و راح يتفهم ..

ميجر ون جبت 19 من 20 و اعطى كل طالب بونص درجه ..

ميجر تو جبت 16 من 20 و اعطى كل طالب بونص درجتين ..

الفايينل جبت 20 من 30 ..

الكلاس ورك عنده كوزين كل واحد من خمسه و جبت فيها 8 من عشره ..

و عنده كويز بس تيك هوم مخليه زي البحث و جبت فيه 5 من 5

و برزنتشين امره سهلات جبت فيه 5 من 5

المشاركه و الغياب عليها 10 و اعطاني 10 ..

مجموعي تقريبا بين البي و البي بلس ..

نزلها في الترانسكربت a ..

يعني عطاني فوق حقي ..

بس اذا كنت مهتم معاه راح يعطيك اي بلس لو انك جايب العيد و فيه طلاب قالهم بالفاينل انتم اي بلس ..

بشكل عام الكلاس ممتع مع الدكتور نواف و اسلوبه مرح بس اهم شي ما تعدا وياه و لا تكون خلني اقولها بالعامي بثر لان فيه بعض الطلاب ما ينعطون وجه ..

هذا رايي الشخصي مو عن كل الطلاب فيه طلاب على كلامهم ظلمهم انا حكيت عن الي مريت فيها انا بالتفصيل ..

و كان مجهودي ما يقارب 4 ساعات قبل كل اختبار تقريبا

 

طيب بسم الله ،،
بتكلم عن درجاتي
١٨ ميجر ١ وزودنا درجة لكل الطلاب
١٨ميجر ٢ وزودنا درجتين لكل الطلاب
يعني ناقص درجة الي الان
الكلاس وورك كويزين ( كل كويز يعطيك ٢٠ تعريف تحفظهم ويجيب منهم ٥ تكتب عنها) الكويز الثالث تيك هوم كويز وتبحث من الانترنت وتجيب الاجابات وبرزنتيشن الكل ياخذ ٥ من ٥ والبعض اللي يبدع ويجيب برزنتيشن بطل يعطيه ٦ من ٥
انا نقصت في الكلاس وورك درجتين ( درجة في الكويزين)
بالتالي الي الان ناقص ٣ درجات قبل الفاينل وعندي غياب واحد بس
الفاينل اخر ٥ تشابترات من الكتاب ومن اسئلة الكتاب ، اقسم بالله ذاكرت من الكتاب يوم واحد بس ومو كل اليوم وجبت في الفاينل ٢٤
يعني مجموعي ٩١ الدكتور الله يجزاه خير اعطاني a+
الدكتور متساعد ، تقدر ترسله ايميل قبل الكلاس اذا عندك ظرف طارئ وما بتحضر ، المياجر 20 سؤال 10 من اسئلة نهاية الكتاب نسخ لصق و5 من اسئلة الي يحطونها الطلاب بالويبسيتي( كل طالب يحط سؤال عن تشابتر معين)
الدكتور بطل والله ،، والمادة ممتعة معه ، لا تغيب عنده وذاكر للميجر قبله بيوم وبتاخذ a+
والله علي ما اقول شهيد

 

بنود التقييم :

التحضير : كل كلاس
طريقة الشرح : سلايدات + يوتيوب + شرح بالكلام عربي و انجلش
الكويزات :اثنين في الكلاس و واحد منزلي
المياجر: الطلاب يضعون بعض الاسئلة و بعضها يكون من الكتاب و بعضها من اسئلة الكتاب
الفاينلات : كومن
القريد النهائي: A
الصوت: ولد شيوخ
إضافات : الدكتور جدا شبابي و محترم جــــــــــدا

 

صدقت

الدكتور هذا مزاجي وعلى الكيف، اذا انت جيد بالسنكحة عند غيرك فهذا الدكتور بيعجبك، لانه يحب احد يضحك له ويعطيه وجه في الكلاس، واذا تروح له بالاوفيس اور وتسلم على جنبه اضمنلك الايه بلص

انا حتى اكون منصف يعلم الله انه ماظلمني في درجاتي لكن كان باين انه مفضل بعض الطلاب وتكاد تجزم انه يدفهم بالقريدات..

 

واضح ؟

 

بسم الله الرحمن الرحيم

التحضير:
بداية كل حصة وماعندك مشكلة إذا تأخرت 5 دقايق

الشرح:
ممتاز جدا وهو من الدكاترة الذين يجمعون الشرح والمزح في آن واحد
بختصار حصته لا تمل . بس انتبه في أشياء في المنهج مايمر عليها الدكتور متعمد ولا يجيبها في الإختبارات.

الصوت:
واضح جدا

الكويزات:
سهلة جدا وكان الدكتور جزاه الله خير يقول لنا حددوا 20 أو 15 تعريف وراح يجيكم منها 5

المياجر 1 و2 :
كانت المياجر سهلة جدا ومن السهل تجيب فيها 18 أو أعلى طبعا هي من 20. وكان تقسيمها كالتالي
1) 5 أسئلة من الدكتور
2) 5 أسئلة من اطلاب
3) 10 أسئلة من أسئلة الكتاب

Presenentation :
الدكتور يطلب من كل طالب يعرض جزء من المادة على حسب الموضوع والوقت اللي يبيه الطالب. أعتقد انه كل الطلاب اللي ألقوا خذو 5 من 5 وفيه بعضهم كان إلقائه ممتاز أخذ 6 من 5.

الفاينال:
بصراحة الفاينال كان صعب. السؤال الواحد يبيله 3 دقايق على ماتفهمه صح. يعني الدكتور جايب أسئلة أصعب بكثير من مستوى المياجر. يمكن القسم يكون له دخل في هذا الشي ويمكن الدكتور نفسه حاب يشوف من اللي ذاكر ومن اللي أهمل. بس الفاينال كان حرييقه.

تقسيم وتوزيع الدرجات:
المادة مثل ماتعرفون ستاندر. أنا كان مجموعي النهائي 93 ولكن عطاني +A .

الأخلاق:
عسل وأحلى من العسل لكن نصيحة لا تلعب في جوالك ولا تحاول تستذكي عليه لأنه يتضايق مرة من هذه الأشياء.

مميزات الدكتور:
1) متعاون جدا مع الطالب
2) يهتم بمصلحة الطالب
3) أخلاق ولا أروع

عيوب الدكتور:
مايتواصل على الويب سيتي أبدأ. ويغيب في بعض الأحيان ولا يعطينا خبر. صح انه عنده آلام في الظهر وبعض المشاغل الضرورية ولكن هذا مايمنع انك تخبر الطلاب انك مانتم بحاضر.

القريد النهائي:
A

 

عنده ميزانيين للاسف
فئة بميزان وباقي الطلاب بميزان
كلامه باول الترم شي وبنهاية الترم شي ثاني
انسان مايحترم لا مادته ولا طلابه بالحضور لكن يشدد عالحضور
ماودي اتكلم اكثر
القريد النهائي : F

 

تحسفت اني نزلت عنده .... احس اني طالب ثانوي في كلاسه

 

يا شباب حرام عليكم أنا أشوف إنكم ظلمتك الدكتور

إذا ما طلعت بقريد كويس فهذه غلطتك

أنا منزل معه الآن 123 و بصراحة الله يجزاه خير ما قصر مسهل المادة لأبعد درجة و أعطانا 3 درجات بالمياجر و فيه بونص على البرزنتشين

هو بس اللي باقي الفاينل والله يستر ويجي سهل يا رب

 

ايش التناقض هذا نصدق مين ونخلي مين
بس اخاف فعلا ان الطلاب عنده فئتين هذا التفسير الوحيد للتناقض

 

+1

متساهل ويساعد الطلاب
طبعا بعض الحركات تخليه يعصب ويعامل الطالب كأنه بالثانوية مثل الجوال والسواليف الجانبية

عنده بونصات وتلميحات ومساعدات ، ما قصررر

 

المشكلة بالفاينل