دكتور بطل ومايقصر مع طلابه باللي يقدر عليه والنعم فيه

 

أخذت عنده الكورس ترم 123 ,,, وباقي ننتظر درجة الفاينل والفايل قريد gs 318


التحضير : يحضر بعد بداية المحاضرة ب5 دقايق تقريباً, يحضر بالاسم ويحفظ الطلاب مع الوقت.

طريقة الشرح :
سلايدات ومقاطع فيديو, ويخلي كل طالب يسوي بريزنتيشن عن موضوع بالمنهج,أنا اعتبر النقطة هذي جزء من الشرح,

الدكتور يشرح عربي وانقليزي بنفس الوقت , من النوعية الي يحاول يعطيك تسلسل الاحداث مب منهج ادرسه وبس..


الكويزات : بالترم الصيفي ألغى الكويزات.

المياجر: متوسطة إلى سهلة, ملتبل تشويس

يخلي كل طالب ينزل سؤال على الويب سيتي بجزء من المنهج ,وياخذ 5 منهم ويجيبهم بالاختبار,واعتقد 10 اسئلة من اسئلة الكتاب و 10 اسئلة من عنده

يعطي تمليحات قبل الاختبار الاول, وعطانا تلميحات بوسط الاختبار الثاني, غير انه عطانا درجة بونص بالاختبار الاول ودرجتين بالاختبار الثاني>>

ميزته ما يركزز على التواريخ في الاسئلة>>سؤال واحد كل ميجر

الفاينل: كانت درجة صعوبته اصعب من المياجر بشكل واضح لكن على الترهيب من الدكتور وهالموضوع توقعته أصعب من كذا


القريد النهائي: B+

الصوت: واضح جداً ,لكن لغته الانقليزية ضعيفة شويتين بالنسبة لواحد اخذ الدكتوراه من امريكا

إضافات : الدكتور ادمي على طبيعته وهذي ميزة وعيب لأن إذا انت معجبك كشخص بتعجبك النقطة هذي وإذا لا بتكره كلاسه ,, أسلوبه في الكلام ما يحسسك انه دكتور تحسه واحد من العيال بالاستراحة, بعض الناس يشوفونه تواضع وفلاوية, وبعض الناس لا

ميزة كبيرة ان المادة أصلا ممتعة خاصة الجزء الاخير الحرب العالمية الاولى والحرب العالمية الثانية
+

الدكتور يقرا الموضوع

 

أخذت عنده الكورس ترم 123 ,,, وباقي ننتظر الفاينل قريد gs 318


الصراحه دكتور في قمه الاخلاق ومتعاون الي ابعد درجه ولكن فيه شغله ي شباب الماده تاريخ وبالانجليزي اكيييد فيها كلام كثير وحنا ما تعودنا علي القرايه كثير ولكن ماده ممتعه جدا والدكتور انصح فيه جدا

القريد النهائي a

 

طيب الشباب اللي خلصوا معاه الكورس في ترم 123 ,, انطباعاتكم وآرائكم بالله

 

هل يسمح بالميك أب؟

 

يسمح لك تختار اي سكشن تحضر فيه بشرط انك تلتزم بالحضور مع هالسكشن طول الترم

 

يا جماعة أنا عندي سؤال غريب و صريح شوي
الدكتور عنده طائفية ؟
أنا عارف انه السؤال حساس لكن يفرق كثير مع الطالب !

سبب سؤالي ، أنا ناوي أسجل معاه الترم الجاي ، لكن وضع الدكتور حسب كلام البعض يخوف شوي !

 

أحيانا يشطح شوي ، لكن بشكل فكاهي وخالي من العنصرية
ما اشوف الحاجة ذي تمنع من التسجيل معه ،

 

الرجل متفاهم و يعاملك كأنك أخوه .. و مادته ممتعة و شيقه

 

أنا ما أدري ليه ردود بعض الشباب تعكس إنهم متحاملين على الدكتور أو كارهينه صراحة!

الدكتور حبيييب ومتعاااون وحقاااني لأبعد الحدوود .. في أسوء الأحوال بيعطيك حقك وما بيظلمك ..

لسه تونا ما اختبرنا ميجر ون لكن بصراحة للحين المادة ممتعة وآخر روقآن والكلاس يطير بدون ما نحس فيه

الله يسعده هالدكتور والله يطلعنا من جوو الدراسة بسوآليفه وتنكيته في الفصل


لي عودة بعد إنهاء الكورس

 

من يوم عرفت هالمنتدى وتقييم الدكاتره فيه خرش ، ترى التقييم يكون بشكل عام ، يعني مو تجي مبزوط وتسحب على الكلاسات أو متأخر وتبغى الدكتور يدفك ب a+

كل اللي نبغاه الصدق ، والتقييم بشكل منصف أو السكوت

 

ترم 131
التحضير : كل كلاس , جدا متسامح في الغيابات لكن بشرط ترسل ايميل أو تعطيه خبر قبلها

الشرح : من السلايدات وبمقاطع فيديو , ويخلي الطلاب يقدمو برزنتيشن عن بعض المواضيع بدل ما يشرحها , وبعدها نناقشها

الكوزات : كوزين , الكويز الاول أعطانا عن التعريفات والأشخاص المهمين في ماتريال ميجر 1 يعطيك تعريف لحدث أو شخص معين تكتب عنه والكويز فقط 5 تعريفات جات, اما الكويز الثاني فـ تشوف أي شابتر سويت عنه البرزنتيشن تروح السلايدات تلاقي اسئلة في نهاية السلايدات تختار سؤال منها وتجاوب عليه في صفحة ونص وكان تيك هوم كويز أعطانا فيه فترة شهر نحل فيه .

المياجر : الدكتور يلمح ومتساعد عالآخر, أسئلته أغلبها من الكتاب بتغيير بسيط , قالنا في الميجر الأول 15 سؤال من الكتاب و5 اسئلة فقط من عندي وفعلا هذا اللي حصل , والميجر الثاني نفس الشي لكن الاسئلة اللي من عنده كانت اكثر شوي .

تقيمي : a+++++++++

ملاحظات : المادة صحيح انها طويلة ويبغالها ترجمة وحفظ , لكنها ممتعة والاستاذ روحه حلوة , يمزح معنا وينكت دايما وكلاسه كان رهيب , ما لاحظت على الدكتور أي عنصرية أو طائفية أو غيره
صح ما خلص الترم الى الآن لكن أنصح أي احد يبغا يستفيد من المادة ويرفع معدله ينزل عند الدكتور نواف , لانه يساعدك قد ما يقدر على انك تاخد الa+ .

 

تعليقي بعد نهاية الترم
الدكتور لو ما زادك ما بيعطيك الا حقك , نظام الدف وتزويد الدرجات عنده يعتمد على شغلك مراح يزيدك من غير سبب

الدكتور زود كل طالب ما غاب ولا غياب 3 او 4 درجات , بس هذا الكلام اللي يخص اللي ما غاب ولا غياب
يعني لو عندك غيابات باكسكيوز وما عندك ولا غياب بدون عذر , الظاهر محا يزودك كثير او مراح يزودك ابد

الدكتور زود الطلاب اللي كانو مبدعين في البرزنتيشن , مثلا اعطاهم 7 من 5 وبكذا يكونو زادو درجتين , ف حاول تبدع فالبرزنتيشن عشان تكسب الزيادة

كمان الطلاب اللي جاوبو في الكلاس على أسئلة وقال عليها بونص زودهم

الدكتور للاسف ما يقبل المناقشة في الأسئلة والاجوبة بعد نهاية الاختبارات وهذا أسوأ شي كان بالنسبالي , جوابه دايما كان ان هذه الأسئلة من التست بانك حقت الكتاب واللي واضعها هو مؤلف الكتاب , بس في تناقض في بعضها وما رضي نتكلم فيها

أسئلة الفاينل كانت اغلبها من الكتاب واغلبها كان يجي بالنص , وقليل منها كان يجيبها باسلوب غير , باقي الاسئلة لازملها مذاكرة وحفظ قوي شوي عشان تجيبها , مستوى صعوبته اعلى من المياجر بشوي

في النهاية المادة كانت تجربة جيدة بالنسبالي , وتقدر تاخد فيها a بمجهود بسيط , بس لو تبغا الاي بلس لازم تكون فاهم نظام المدرس , واتمنى اللي قلته فوق يساعدكم

بالتوفيق للجميع

 

GS318 - Term 131

+100000000000000000000000000000

 

يسمح بالميك اب ؟

 

Term 131 - GS 318


التحضير : يحضر اول الكلاس وشديد نوعاً ما في مسألة الحضور .. البونص حق آخر الترم للي ماعنده ولا غياب .

طريقة الشرح : عنده سلايدات فيها نقاط رئيسية ويستعملها في الشرح.

الكويزات : كويزين واحد من المفردات - الثاني تيك هوم كويز .

المياجر: سهلة ممتنعة

الفاينلات : نفس نظام المياجر بس اصعب شوي

القريد النهائي: B+

الصوت: واضح ويشرح بالعربي والانجليزي.

إضافات : الدكتور متمكن من المادة لأنها في مجال تخصصه .. بالنسبة للميك أب فلازم تكلمه قبل الكلاس ويكون عندك عذر مقنع .
..

 

المادة شيقة، لكن الدكتور مزااااجي
يعني دخلت مخه بيضبطك منت عاجبه منت ماخذ الا حقك

وحتى التصحيح ماعنده أي معايير بالكويزات

وورع كذا تحس عليه حركات بزرااااان

 

الماده تعتمد على الدكتور بشكل كبير
وهذا الانسان فاااشل في التدريس وغير اسلوبه الغبي كانه يدرس طلاب ابتدائي ... اسلوب غير لائق بجامعه ابدددااا

من اول يوم وهو يتمبزر .. ينادي ع الاسامي يقول انت a+
وانت d ..

كويزاته فاشله يعطيك 7من 5 ولا 1 من 5 ما تقدر تناقش لانه يقول ابغاك تكتب عن كل شخصيه صفحه كامله او نص صفحه

باختصار اذا دخلت مزاجه a+ واذا ما عجبته بتروح فيها..

نصيحتي ..نزل جي اس اصعب مااااده ولا تنزل عنده ويظلمك

 

التحضير : يحضر اول الكلاس وشديد نوعاً مسألة الحضور .. لكن يعطي عشر دقايق اضافية ما يحضر فيها عشان اللي يجون من مباني بعيدة , اذا بدا الشرح معد يدخل احد ويحسبها غياب

طريقة الشرح : سلايدات لكن 95% من الشرح الطلاب يسوون برزنتيشن ( عليه 5% من وزن المادة وكثير طلاب اخذوا فوق 5/5 وبعضهم حتى 5/10)

الكويزات : كويزين يعطيك فيهم اسامي 5 شخصيات او احداث ويقول اكتب عنهم , مع العلم انه يعطيك عدة اسامي تذاكرهم قبل الاختبار يعني ما يجبرك تذاكر كل شي.

المياجر: سهلة اذا ذاكرت الكتاب فقط , اذا ذاكرت السلايدات فاعرف انك ما بتجيب اكثر من 50% بالميجر

الفاينلات : الصدق كان صعب جدا ولكن كان متوقع بما انه نبهنا .

القريد النهائي: A+

الصوت: واضح .

إضافات : الدكتور ما يطيق شي اسمه جوال يعني لو تدخل كلاسه انسى حاجه اسمها جوال , الدكتور طيب ومتسامح زادنا بميجر 2 درجتين لكل واحد + اللي يجيب كويس ميجر 2 والفاينل بيزيده بالاول 5 علامات ..

نصيحه اذا انت راعي تاخير ولعب بالجوال لا تسجل عنده .. اذا منضبط صدقني بتكون افضل مادة عامة اخذتها بالجامعه , الدكتور ما عنده مشكلة يرفعك قريدين اذا انت محترم وسواها رفع ناس جريدات فوق اللي يستحقونها .. ويقدر كثيييير اللي ما يغيبون عنده ويقول لكم هالشي من بداية الترم

 

Overrated

يدرس الطلاب كانهم بمتوسطة

رأيي الشخصي : ماخذ سمعة ع الفاضي ، فيه كثير احسن منه​