NAWAF AL-MADKHALI

الموضوع في 'أعضاء هيئة التدريس' بواسطة تقييم, بتاريخ ‏4 يناير 2009.

الوسوم:

2.5/5,

التقييم العام

12 تقييمات

مرونة التحضير:
2.5/5,
الشرح:
2.17/5,
التصحيح:
2.83/5,
التعامل:
2.5/5,
  1. AA.

    AA. Guest

    التقييمات:
    +0 / 0 / -0
    من الكتاب ومن بين السطور واحيانا مالها علاقة بمحتوى الموضوع مجرد كلام عابر ، وقليلة جدا الاسئلة اللي تكون واضحة
    مرة قال لنا بالحرف "اللي يذاكر من السلايدات والله ساقط"
    عموما نصيحة اخ لأخيه لا تفكر تنزل المادة عنده ابد
     
  2. Black hero

    Black hero Guest

    التقييمات:
    +0 / 0 / -0

    اكثر اسئلته تكون من الكتاب وبين السطور وتكون عميقة ومتداخلة ، السلايدات الدكتور مايعترف فيها واصلاً هي بس رؤوس أقلام ، وبعضها معتمدة على التواريخ.. بأختصار أكثر اسئلته تلاعب فيهم ولا يرضى يوضح فيهم يقول كل شي واضح

    - يجيب اسئله ساعات يعطيك عده احداث ويقولك رتبهم باساس تاريخ حدوثهم من الاقدم الى الاجدد ( هذي الاسئلة تأخذ وقت وساعات يحط ٣ اسئله من عالنوعية ويضيق عليك بالوقت )

    - يجيب اسئله من بره الكتاب ، ويبرر هالشي يقول انت لاجيت تقرا من موضوع لازم توسع معرفتك وهالشي ذا يكون انك تقرا من عدة مصادر. مو مصدر واحد بس ( يقصد الكتاب وحده بعد مايكفي لازم تقرا من النت او كتب ثانية )

    وتبي نصيحتي؟ بخيل جداً في الدرجات. تحسه يعطي الدرجات من دمه وفلوسه ، مايتفاهم وعنيد
    نصيحتي وخر عنه ابعد عنه والله بيتعبك في المادة مره مره مره مره والقريد مو مضمون والله حتى اذا جبت قريد بيكون بتعب حييييل ،

    روح دور مادة gs او دكتور ثاني في هالمادة وبتاخذ قريد وانت مرتاح بدون تعب على عكس هذا
    المهم لاتفكر تنزل عنده لو ايش يصير والله نصيحه من قلبي
     
    • x 2 إعجاب إعجاب
  3. Yazid741

    Yazid741 عضو

    انضم:
    ‏24 ابريل 2017
    المشاركات:
    117
    التخصص:
    بترول
    الجامعة:
    kfupm
    سنة التخرج:
    2016
    الجنس:
    ذكر
    التقييمات:
    +45 / 7 / -100
    نزل عنده مادة GS 447 .... عطاني قريد A بكل سهولة ... لم أبذل اي جهد يذكر
     
    • x 1 عدم إعجاب عدم إعجاب
  4. سوبرمان

    انضم:
    ‏3 فبراير 2016
    المشاركات:
    126
    التخصص:
    انقاذ العالم
    الجامعة:
    KFUPM
    سنة التخرج:
    30355
    الجنس:
    ذكر
    الوظيفة:
    صحفي
    الإقامة:
    كوكب كريبتون
    التقييمات:
    +91 / 0 / -29
    #124 سوبرمان, ‏6 أغسطس 2020
    آخر تعديل: ‏6 أغسطس 2020
    درست عنده GS 318 - World Civilizations بصيف 183 وكانت اسوء تجربة على الاطلاق.

    الحضور:
    - الدكتور كل يوم يتأخر بداية الكلاس من 5 الى 10 دقائق (اول سكشن باليوم) ويحضر كل يوم
    - الغياب عليه خصم درجة كاملة من الكورس
    - اكثر شيء قهرني بالدكتور هو غيابه من دون اعلام الطلاب، تخليلوا سحب على الكلاس اربع مرات بالترم من دون ما يرسل ايميل ولا شيء
    ما كان عنده ضمير من اللي يجون من برا الجامعة يقطعون مشوار بعز الحر الساعة 11 ولا حتى قدم اعتذار ولا تعويض.
    - الدكتور حذف غياب واحد فقط بنهاية الترم للطلاب ونقص علينا ببقية الغيابات يعني حلال له وحرام علينا الغياب.
    - اللي يتأخر ما يسمح له يدخل، بس باخر الاسابيع صار يسمح.


    الشرح:
    - باختصار ما كان فيه شرح، اصلاً الكورس بصراحة self study بس ما كان يضر انه يشرح ويوضح لنا بعض الاشياء.
    - الشرح كان عبارة عن قراءة للسلايدات ، يفتح فيديو باليوتيوب ويخلينا نشوفه واحياناً يكون الكلاس كامل فيديو (ما ادري وش كان فايدة الحضور).
    - الدكتور تحسه كان مغصوب يدرس يجي الكلاس ولا له خلق.
    - بنهاية الترم تغير وصار يشرح ممكن لانه فاهم بموضوع الحرب العالمية الثانية وفيها تفاصيل.
    - مرات كثيرة الكلاس يطلع من نطاق الدرس ويسولف عن مواضيع جانبية.
    - الدكتور كان يجي الكلاس بدون تحضير ، خلال الكلاس يقعد 10 دقائق او اكثر يبحث عن مقطع باليوتيوب او صورة بقوقل.


    الاختبارات:
    - كان فيه كويزين 15% وميجرين 45% وطبعاً فاينل 30%.
    - الكويزات كانت مقالية، كان يعطينا من حوالي 10 مصطلحات ويقول بيجيب 5 منهم بالكويز وكل اللي علينا نكتب عنهم.
    - الكويز الاول الاغلب خذوا 5 من 5 ، الكويز الثاني 10% جلدنا كلنا بحجة ان اعطنا فقط مصطلحين نتكلم عنهم وكل واحد عليه 5
    فكان يبيك تكتب عنه كثير ، تخيلوا انا كتبت 3 صفحات واعطاني 8 تقول يبي صفحة ويكيبيديا.
    - المياجر كانت MCQ و سؤال مقالي عليه 5%، باختصار كانت جلد واسئلة مش سهلة
    - الدكتور اعترف انه يعرف اخطاء الطلاب ويعتمد يجيب اسئلة يغلطون فيها الطلاب ومن بين السطور بالكتاب.
    - تخيلوا معي الميجر الاول والميجر الثاني وايضاً الفاينل ولا طالب من السكشنين حوالي 60 طالب ولا واحد جاب Full Mark بالاختبارات الثلاثة واللي مو مصدق يشوف هالرابط عن درجات الفاينل من 30.
    GS 318 - FINAL 183
    - الدكتور ما عنده أي معاير محددة لتصحيح السؤال المقالي، ينقص ويزود على كيفيه، كان يصحح الاختبارات بالكلاس وقد صحح ورقتي امامي يقرأ المقال على الطاير ويعطي طالب 3 و طالب 4 ويقول لازم تكتب اكثر.
    - شيء ثاني قهرني انه قال ما يجيب اسئلة حفظ ارقام، لكن بالفاينل جاب سؤالين في أي عام وقع الحدث الفلاني 41 ،42 او 43 ؟؟؟

    اضافات:
    - استخدام الجوال بالكلاس ممنوع وممكن ينقص عليك ويسجل عنده، بس هو طبعاً عادي عنده كان يفتح مقطع يوتيوب نتابعه ويلعب بجواله.
    - الشرح عربي/انجليزي واغلبه عربي وفيه موقف مضحك صار ببداية الترم انه سأل السؤال بالعربي ويوم جاء الطالب يجاوب بالعربي قال English Please ههه، لكن خلال الايام صار عادي بالعربي.
    - الصوت ضعيف بعض الشيء، اذا جلست اخر واحد ما كنت اسمعه.
    - الدكتور شكاك دائماً كان يشك بالطلاب انهم يغشون ، مرة بالكويز فجأة سحب ورقتي ويقول لي اني كنت اناظر بورقة اللي جنبي مع العلم ان الاختبار مقالي وكله كتابة فشلووون اغش وبعد ما قارن ورقتي وورقة اللي جنبي وشافهم مختلفين رجعها وقال اخر مرة هههه وطبعاً فيه مواقف مختلفة و غيرها سحب اوراق طلاب ثانين.
    - ممكن الحسنة الوحيدة بالدكتور انه كان يمسك ورقة الاختبار ويعطينا Hints عن الاسئلة بس احس ما كانت لها فايدة اكثر كانت الاسئلة اصلاً Tricky .
    - كان يعطينا يوم off بكل خميس تقرياً اول 4 او 5 اسابيع بالصيف، واضح انه من النوع اللي يحب يسحب يوم الخميس مثلنا.
    - الدكتور باول كلاس قال انا اعطي بونص كثير ، طبعاً انتهى الترم ولا شفنا حتى درجة بونص شكله كان يقصد انا انقص كثير.
    - أنا اخذت الكورس عشان اخذ قريد حلو وارفع معدلي لكن طلعت بـ C+ مع اني بذلت مجهود واغلب دفعتي خذوا من بين الـ C و B
    - نصيحة اذا انت واحد ما يحب يقرأ كثير لا ينزل الكورس وخصوصاً مع هذا الدكتور لكن يظل فيه ناس يحبوا يقرأوا و يعرفوا عن التاريخ وفيه قد ناس طلعوا بقريدات عالية فالخيار لك مع اني انصح بكورس ثاني عشان لا تنكب مثلنا.


    باختصار الدكتور لا تعامل لا اخلاق لا شرح لا درجات ولا قريدات ولا شيء ، كانت اسوء تجربة من دخلت الجامعة
    هذه كانت تجربتي مع الكورس والدكتور ممكن البعض يتفق معي او يتختلف .
     
    • x 2 إعجاب إعجاب
جاري تحميل الصفحة...

مشاركة هذه الصفحة