نزلت معاه انجلش 102 بسمستر 112 ....

مخلوق ظاااااااااااالم لأبعد درجة في القريدات ندمت على الساعة إلي نزلت معاه فيها ...


كانت السكاشن كلها مقفلة ومافي إلا هالمخلوق سكشنه مفتوح لأن محد يبي ينزل معاه... بس نزلت معه وأمري لله عشان عدد الساعات
كلاس ممل ... قريدات زفتة ... أسلوب مخيس في النقاش في الأوفيس أور


رميت ثلاث صفحات السب ورى ظهري وقلت ببدع في المادة وما علي من كلامهم


أول WT كنت متوقع أجيب قريد بطل ... لكن تفاجأت بـ C+ ماشي مليون على وجهي.. قلت ممكن السبب مني ، وبالثاني أحاول أتحسن لكن ألقاها C


رحت له بالأوفيس أور - ونصيحة لا تروح له - ، جلس يتحلطم كانه وحدة عجوز ويقول ( ما يهمني عدد الأخطاء الموجودة مهما كان قليل ... بس التاسك ما عجبني ) ، خيييير!!! ،،،، ومن هذي اللحظة سحبت على الانجلش وعرفت إني باخذ C+ في أحسن الأحوال فـ ما صرت أتعب نفسي معاه


ودرجات السكشن ( واحد A+ ،،، صفر A ،،، صفر B+ ،،، اثنين B ،،، ثلاثة C+ ،،، ستة C ،، ستة W ) صورة القريدات للي مهتم


والفلة أن W + C هم الأول والأول مكرر في القريدات


الخلاصة : واحد ظالم + سيء لا تنزل معه... ولو كل السكشنز قفلوا ... لا تنزل المادة بالمرة نصييييحة


Note: هو المدرس الوحيد إلي ما كفاني الـ 1000 حرف بالإيفالويشن عشان أوفّيه

 

القريدات في انجلش 102 ترم 113 ومافي أحد أخذ f أو d

السكشن الأول
أربعة w,اثنين d+ ,ستة c ,أربعة c+,اثنين b,واحد b+, ثلاثة a

السكشن الثاني
اثنين w ,واحد d+,أربعة c ,خمسة c+,اثنين b , اثنين b+, واحد a , ثلاثة a+

باختصار أنا أشوف الأستاذ وسط إذا لقيت أحسن منه لا تنزل عنده

وبيني بينكم ترى أنا كنت أسوي التاسكات والريبورت بدون نفس بس بالطريقة اللي يبغاه

في الكوزات شديت حيلي والحمدلله طلعت ب c+ , ميزته إنه مريح وغير متعب ولا يضغط عليك

 

شباب كيف الـ pass عنده ؟

 

eng102

term-121


التحضير:
كل يوم اول الكلاس , يحاسب على التأخير
طريقة الشرح:
على السبورة ابو كلب !! ما تدري ايش يبغى

الكويزات:
متوسطة , بس احيان تجي الريدنق كويزز صعبة و الوقت ما يساعد تخلص الاسئلة في الكلاس

الميدتيرم:
كومن

الفاينلات:
كومن

القريد النهائي:
c- !!
الصوت:
ابو كلبببب , اكسنت بريطاني !! ما تفهم و الله حتى لو تجلس قدام , الا بصعوبة ( ترا انا مستوايا اعلى من المتوسط في الانجلش لكن الاكسنت حقه مدري ايش يبغا !! )

إضافات :
ما انصح فيه , يمكن يكون افضل السيئين !​

 

ENGL 102 - Term 102
التحضير:
كل يوم ويسمح بتأخير في حدود 10 دقايق

الشرح:
يعني مو ذاك الزود خاصة ان الصوت في بعض الأحيان واطي ولكن ميزته انه مايتفلسف عليك يعني يعطيك الزبدة

الكويزات:
سهلة وكانت اغلبها ريدينق ان لم تكن كلها

تصحيحه:
سئ جداجدا جدا بخيل جدا جدا جدا في الدرجات على قولة الشباب كأنه يعطي من جيبه

مميزاته:
1) اخلاقه حلوه ويعاملك بحترام متبادل (صراحه شخص يفرض عليك احترامه)
2) مايكرفك مثل ماينكرف الطلاب في الشعب الأخرى والتاسكات حقته في البيت تعملها

سلبياته:
1) الصوت واطي والشرح مو ذاك الزود
2) بخيييييييييييييييييييييييييييييييل في الدرجات وهذي اكبر سلبية فيه

القريد النهائي:
C

 

ENGL 102 - Term 102
التحضير:
كل يوم ويسمح بتأخير في حدود 10 دقايق

الشرح:
يعني مو ذاك الزود خاصة ان الصوت في بعض الأحيان واطي ولكن ميزته انه مايتفلسف عليك يعني يعطيك الزبدة

الكويزات:
سهلة وكانت اغلبها ريدينق ان لم تكن كلها

تصحيحه:
سئ جداجدا جدا بخيل جدا جدا جدا في الدرجات على قولة الشباب كأنه يعطي من جيبه

مميزاته:
1) اخلاقه حلوه ويعاملك بحترام متبادل (صراحه شخص يفرض عليك احترامه)
2) مايكرفك مثل ماينكرف الطلاب في الشعب الأخرى والتاسكات حقته في البيت تعملها

سلبياته:
1) الصوت واطي والشرح مو ذاك الزود
2) بخيييييييييييييييييييييييييييييييل في الدرجات وهذي اكبر سلبية فيه

القريد النهائي:
C

 

سيء جداً جداً جداً !
تدخل الكورس و تطلع و ما تدري إيش سويت فيه !
بخيل لأبعد ما تتصور و فوق كذا صوته واطي جداً

 

شباب بالنسبه لـ 101 هل الرايتنج فالكلاس ولا برا

واذا كان فالكلاس يعطيك الموضوع ولا لا ؟

 

سيء جدا

نزلت معاه 101 وحذفت والله الحمد

اسلوبه سيء وقليل ادب ويحرج الطلاب في وسط قاعة الميدتيرم (سحب ورقة من طالب ونافخ عليه والوقت باقي ما انتهى)

قريدات اححححححححححححححححححححلم والله ما تشم الـc اذا كان مستواك عادي

يخسف خسف مو طبيعي

غثيث وصوته ما ينسمع

الحمد لله ما كملت معاه

وخرو عنه

موفقين

 

انجلش 102 سمستر 122

التحضير : يحضر كل كلاس .. في بداية الكلاس
طريقة الشرح : يشرح على مزاجه .. مابتفهم عليه كل شي يطلبه .. وفي النهاية القريد يعتمد عليك
الكويزات : تقريبا عطانا من 3-4 كويزات .. كل كويز مثل وجهه .. بس مو صعبين لذاك الزود
المياجر: كومن
الفاينلات :كومن
القريد النهائي: C
الصوت: شبه منخفض بس واضح
إضافات : اذا لقيت أفضل منه .. لاتفوت فرصتك

 

أخذت معه 102 ترم 133 وكان عندنا الشهر الأول ماركويس "وهو مدرس ممتاز" والشهر الثاني جانا نيكولاس، في التحضير كان عندنا شعبتين وحدة 7 والثانية 8 وكان يسمح لنا اننا نحضر بأي وحدة نبي بدون ما نستأذن منه وما كان يحاسب على التأخير. هذي حسنته الوحيدة في محيط سيئاته.



إذا تبي نصيحة واحد مجرب مع هذا المدرس، أقول لك وبملئ الفم، فــر منه فرارك من الأسد، لا تقول أبشتغل معه وأبجيب قريدات، الممتاز يبي يخسف به ويعطيه حق المتوسط والمتوسط يبي يخسف به ويعطيه حق الجيد وهكذا، هذا تحس انه إذا جاء يوزع الدرجات كأنه يعطينا إياهم من جيبه الخاص !!!!

الحمد لله في الشهر الأول كان عندنا ماركويس وكان عنده كل الwriting tasks وكان عنده نص درجة الريبورت ودرجات الreading عنده أيضاً، فزبط كل السكشن بالدرجات وكان يحاول قدر الإمكان يساعدنا وكان يقول ودي أعطيكم درجات زيادة لكن انكم تدرون اني ما أقدر "يقصد قيود الآفرج حقت القسم"، ويوم جاء نيكولاس ما كان يطق أي خبر لآفرج القسم، كان عادي جداً عنده يحط الآفرج D ولا D+ لكن مستحيل يرفعه فوق الـ C.


هذي درجات الشعبة حقتنا، ولولا ان ماركوس زبطنا في الدرجات اللي ذكرتها قبل، كان خلا النيكولاس هذا آفرج القريدات D+ رغم انه معروف ان القسم يرفع الآفرج في الصيف ويخليه أعلى من C اللي في الترم العادي.


B
C
W
C
C
C
C+
C
D+
C+
C
C
C+
B
C+
W
W

 

قفلت السكاشن
وانحديت عليه شسوي ؟؟؟؟؟؟؟؟ محتار حدي

 

ياهو بخيل بالدرجات ، تحسه يطلعها من جيبه وبقهر بعد ، يحب يعطي d مدري ليه ؟ ..
الله لا يعيده علي ثاني مرة ..

 

151 term
Engl101

انحش منه وبالفم المليان اقول لك اذا مافيه الا هو منزل المادة لاتنزلها معاه سيء جدا بخيل بالدرجات D عنده حلاوة

 

طفل كبير
انتظرت إلين ما طلعوا كل الطلاب ورحت أكلمه بخصوص الواجب حقي
اللي كنت أحاول اسأله هو لو اني اضفت الجملة الفلانية للباراجراف هل راح يأثر بالقريد؟ وكذا سؤال مشابه عشان الرايتنق تاسك الأسبوع الجاي وأبي أعرف وش يطلب بالضبط.
جوابه؟ في الحقيقة ما سنحت لي الفرصة أنطق سؤالي أصلاً
كل ما حاولت أتكلم وأبين له سؤالي يقطع كلامي ويقول إني أنظر لوجه الغلط وأقول لأ وجلس يهز راسه يمين يسار وهو مغمض عيونه ويقول نو نو نو نو نو بعدين أخذ شنطته ومشى وأنا لسى واقف....

 

التحضير : بداسة المحاضرة
طريقة الشرح : حديث مباشر ، استقبال أسئلة الطلاب ، شرائح .
الواجبات: بسيطة
المياجر:..
الفاينلات : لم أختبره بعد.
القريد النهائي: A
الصوت: واضح
إضافات : يستقبلك بصدر رحب في Office Hour ، قد يكون مقل في إعطاء درجات مرتفعة لطلابه.

 

A+ 1
a 4
b+ 0
b 6
c+3
c 5
d+1
d 0
f 0

 

Engl 102 - 152

ملاحظة:"هذه أقرب إلى التجربة من أنها تقييم للمحاضر".

التحضير :
يومي ومايسجل ليت أبداً ، لكن أذكر مرة تأخرت ٣٥ دقيقة عطاني أبسنت.

طريقة الشرح :
سوالف أحيانا تكون ممتعة، غالباً يجبرك تطقطق على الجوال، لكن عموما الكورس ما فيه شرح أصلاً. وظيفت المدرس يكون منظم ومصحح فقط.

الكويزات :
تصحيح الرايتنق زي أي مدرس إنجلش خايف على وظيفته للأسف ما عندهم أمانة، من أول رايتنق تاسك يتحدد الفاينل قريد حقك. وللأسف لأني كنت مريض جبت f في الأول، فأخذ الإنطباع وخلص، أحيانا يكون الوضع عشوائي ويتسلطون عليك. في الأورال الي عليه ١٠٪ كان عرضي ممتاز جداً ألقيته إرتجال وبطلاقه وأوفيت في كل بنود التقييم بالاخير عطاني c. وإلي بعدي الله يهديه أرتبك وجاب العيد ولا جملة بداها وخلصها ويتأتئ، وكلامه ملخبط وأخذ أربع دقايق فوق الوقت المسموح، وعطاه نفس القريد!! إلي يغبن إنه قالي إنك ما قدمت بنفسك(هذا أحد البنود). والمشكلة إني عرفت بنفسي بأكثر من اللازم، لدرجة إني قلت وين مولود وين أنا ساكن!!! هذا يثبت أنه كان كاتب القريد قبل ما أبدأ أتكلم وقعد يسلك لي طول الوقت. والريبورت ظلمني فيه وعطاني c+.

الفاينلات و ميد تيرم:
كومن

القريد النهائي:
d
حاول قدر الإمكان إنك تسجل عند غيره. وإذا تبي قريد وما فيه إلا هو أنصحك تسجل في ترم ثاني

الصوت:
واضح

إضافات :
الدكتور صح إنه بعض الأحيان يكون أخلاق، لكنه فجأة يفصل ويصير يستحقر إلي قدامه خصوصاً لما تجي تسأله في شيء. الدكتور جاب العيد في الأوراق ضيع كوزين ريدنق لي. نهاية الترم عطاني f في الريدنق. ولما رحت أستفسر طلع مب موجود وموكل مدرس يناقش الطلاب عنه. وطلع إنه حاطني أبسنت في الكويزين، وأجبرت الديبارتمنت يحسبون درجة الأول فقط لأني مسجل حاضر في الكشف. المشكلة مع المدرس البديل ما قدرت أناقش الريبورت والأورال كويز لأنها تعتمد على المدرس الأساسي.