PHYS 203 Electrical and Magnetic Properties of Materials

up

 

شباب تكفون معلومات عن المادة ذي

 

أي معلومات ؟؟

 

أخذت المادة في فصل 121 مع الدكتور نوار ثابت

مستوى المادة شبه صعب لكن بالحضور و الكتابة مع الأستاذ تصبح الأمور سهالات.

الكتاب مهم جدا صحيح أنه صعب القراءة لكنه مهم حتى تفهم المحتوى.

بما أنها اختيارية الآن فأنا ما زلت أنصح بها لأنها مفيدة علميا و هي بالفعل لها علاقة بالكهرباء.

 

.. .... more details, examples, textbook image

 

up

 

Up

 

اذا ودك تتخصص الكتورنكس انصحك فيها و بشده

انا اخذتها مع كمال وكانت متوسطه

 

اللي يشوف الالكترونيات غامضه شوي بعد ما خلص مادة ال 203 , او مهتم ب الالكترونيات ف المادة هذي راح تعلمه ايش يصير خلف الكواليس.لكن هذا ما يعني انها راح تفيدك ب ال 203 او ال 303 . لانها ماده علميه بحته و العلم التطبيقي فيها فليل جداً وليست مثل ال 203 و ال 303 .

بمعنى انك راح تتعامل مع نظريات و مفاهيم ومعادلات في معظم الماده,طبعاً هي تتكلم عن اشباه الموصلات و طريقة عملها على مستوى الإلكترونات و الذرات, مثل الـ(PN-Junction Diode )و(Bipolar Junction Transistor)و(Field Effect Transistors).في نهاية المادة راح تتطرقون شوي ل موضوع الخلايا الشمسية.

المادة المحتوى العلمي فيها جميل ومفيد, ويعطيك خلفيه كمهندس كهرباء ايش قاعد يصير فعلا في القطع الالكترونيه,والماده عباره عن قوانين تحفظها و تفهمها وتعرف متى تستخدمها وكيف,وهذا الشئ منعكس في الهوموركات و الكويزز غالبها مجرد تعويض في قانون وحساب الناتج وهذا رتم الماده في كل الفصول,قوانين جديده وتفهم كيف تطبقها,مع ضرورة فهم الكوسنبتس الجديده اللي خلف القوانين هذي .

الماده ماهي صعبه ولا سهله, اشوفها متوسطة المستوى .

السيلبوس بالمرفقات لسهولة الوصول , بالتوفيق ..

 

جودة المقرر بشكل عام

متوسط يميل الى الصعوبة, يتعمق في الPN Junction وكيف تشتغل واشباه الموصلات .....الخ

المواضيع التي يغطيها المقرر

Crystal Structure
أخذناه في الكمستري ما فيه اي شي جديد

Introduction to modern physics and energy level in atoms
اخذناه ايضا في الكمستري

Introduction to the quantum theory of solids
اول شابتر جديد بالكلية واللي بعده كله جديد يتكلم عن اماكن تواجد الالكترونات وكميتها فالمادة
يعتبر هذا الشابتر متوسط الصعوبة ويحتاج الى تركيز في التعامل مع الوحدات

The semiconductor in equilibrium
شابتر متوسط الصعوبة واسهل من اللي قبله لان الكونست بسيط يتكلم عن تركيز الالكترونات والفتحات holes في اشباه الموصلات

Carrier transport phenomena
اسهل شابتر في المادة اخذنا اغلبه في فزكس 102 يتكلم عن كيفية تنقل الالكترونات والفتحات في المادة

The PN Junction
من هذا التشابتر تبدأ المادة تتعقد وتتعمق بقوة والكونست يلخبط وغير واضح, انصح بقراء الكتاب لهذا التشابتر
يتكلم عن بعض خصائص الjunction وال Reverse Bias voltage, AC Voltage, Junction Capacitance

The PN Junction Diode
من أصعب التشباتر في المادة, تكملة للتاشبتر اللي قبله مع التركيز على
Forward bias voltage, Diode current

The bipolar transistor
الكونسبت نفس تشابتر 7 و8 بس انك تدمج PN Junctions مع بعض, تشابتر صعب جدا ومليان كونسبت

Junction Field Effect Transistor(JFET)
تشابتر متوسط الصعوبة بس اسهل من اللي قبله يتكلم عن استخدام ال PN Junction في فصل او فتح التيار

Optical Devices
تطبيقات اشباه الموصلات في الاجهزة البصرية: solar cells, LED, Lasers, photodiodes, PhotoDetectors
يتكلم بشكل سريع عن طريقة عمل كل هالاجهزة البصرية باستخدام اشباه الموصلات, تشابتر مليان حفظ

الكتاب المستخدم للمقرر
D.A. Neamen, “Semiconductor Physics and Devices”, McGraw-Hill, 2003

الأسئلة والأمثلة المستخدمة في المقرر
كلها نظرية ومتعمقة في اشباه الموصلات وطريقة عملها مافيه امثلة عملية او تطبيقية

مدى فائدته في الناحية التطبيقية
مفيد للي يبي يكمل ماجستير ودكتوراه في مجال اشباه الموصلات

اضافات
المادة ذي اخذتها على انها الكتف وما انصح احد انه ياخذها اطلاقا الا اللي يحب هذا المجال

المادة تحتاج الى بذل جهد وقراءة وحل مسائل كثير

لا تذاكر من السلايدات للشباتر من 7 الى 13 لان الكتاب شامل لكل الاطراف ويعيد ويكرر النقاط المهمة

الكتاب رائع جدا جدا ولغته بسيطة ويكرر النقاط الاساسية عليك كثير عشان ما تتلخبط وانت تقرا

انا نزلت هالمادة مع دكتور متساهل معانا Dr.Saleem وتعبت مع المادة فكيف بغيره

ما انصح غير طلاب الEE انهم ياخذون هالمادة لكن بجد الانسان وحرصه ممكن انه يمشي وضعه لان المدرس حاط في باله ومن اسلوبه في الشرح ان كل الطلاب عندهم خلفية عن بعض المواد الEE

توزيع الدرجات مخيف جدا: 40% على الفاينل و20% ميجرين و 20 % كوزات

احرص ان كل رسمة يرسمها الدكتور على السبورة انك ترسمها لانه غالبا الشيء اللي يرسمه الدكتور على السبورة يقول لك ارسمه في كوز او ميجر

ونصيحة اخيرة: لا تنزل المادة تراها صعبة مثل الفركس واعمق بس مع الدكتور Saleem تكون شوي اسهل

 

^^
طيب كيف كانت القريدات وتوزيعها ؟؟ ستاندر ولا آفرج ؟ وهل الدكتور متساهل بهالموضوع ؟

 

^^
ستاندر ويغيره اذا الافرج نازل

tentative grade boundaries

>40 f
40-46 d
47-54 d+
55-60 c
61-66 c+
67-72 b
73-78 b+
79-84 a
85< a+

 

بسم الله الرحمن الرحيم

أولا الأخ فوق يعطيه العافية فصل لكم المادة بشكل جيد.

ملاحظة: تقيمي بيكون على أساس ان المادة مع الدكتور سليم رو .. وأنا طالب كهرباء.

ليش تأخذ الكورس؟ّ! مطلوب منك ساينس إلكتيف من لستة محددة .. أحد ميزات الكورس انه مافيه لاب فبكذا انت تستثني بايولجي و جيولجي وبعض مواد الفزيكس الثانية .. بيبقى عندك فزيكس 203 و 215 و ics253 (فعليا هي ماث) و ماث232 .. بالنسبة لي كورسين الماث ما رغبتهم (دسكريت ومصفوفات .. مو اهتمامي) يبقى مادتين الفزكس 215 تقفل بسرعة ومالها دخل في تخصصي تبقى عندي ال203 كنت اعتقد ان لها دخل بالتخصص و الدكتور الناس تمدحه.

أعلاه كيف قررت و أقنعت نفسي أنزل التخصص

بعد ما أخذت الكورس أقولك أنه ما له دخل بمواد تخصصنا .. المادة هي عبارة عن الفزكس حق الاشياء اللي تأخذها في كورس الإلكترونكس .. كثير تهتم في حامل الشحنات اللي هي الالكترونات و "الهولز" طبيعتها و كيف تتحرك ووو الخ.

المهم أنت إذا بتأخذ الكورس بتكون أحد شخصين: الأول مأخذها عشان مهتم بهالتخصص و الثاني عشان تخلص مادة الساينس الكتيف .. أنا كنت الثاني ولكن أعتقد في الحالتين طريقة دراستك تكون كالآتي:
الدكتور بيشرح على سلايداته (موجودة في الملف تحت) وبيستخدم السبورة .. مهم أنك تكتب معه لا تكتب شي موجود في السلايدات .. اكتب شرح الدكتور بس لمجرد الأشياء تعلق برأسك وتقدر بعدين و أنت تدرس تربط الأمور.
بعدها على الكتاب (الكتاب جدا واضح لغته سهلة) إقرأ الشابتر خلصه وحل المسائل اللي في آخر السلايدات من الكتاب (هي مسائل الهومورك في الملف اللي تحت) .. نقطة مهمة هنا حل هالأسئلة الهدف منه تجميع القوانين و العلاقات اللي بيستخدمها في الشابتر.

الآن درست الشابتر و عندك قوانين تبغى تشوف الدكتور كيف بيجيب الأسئلة .. بداية الترم روح الجمعية اشتري الأولد اقزامز حقت الفزكس203 لا تشتري النوتس ما تحتاجها. و في الملف اللي تحت فيه مجموعة أولد اقزامز (حقت الدكتور سليم هي اللي فيها أجزاء: بارت ون بيكون اسئلة قصيرة و بارت تو بيكون مسائل طويلة) و كمان فيه ملف PDF فيه كويزات و مياجر ترم141 مع اولد فاينال.

بعد ما تمر على كل هالريسورسز اعتقد بتكون درست المادة بشكل جيد .. إهتم تمر على هالملفات قبل الكويزات لان الدكتور بيجيب نفس أفكار الأسئلة مع تغير بسيط.

الميجر الأول لا تضيعه تقدر تجيب فيه علامة عالية .. الميجر الثاني مادته أصعب جزء في المادة .. الفاينال المادة أسهل شوي .. انتبه ان آخر جزء في المادة (بعد شابتر 14) ماله سلايدز فأكتب مع الدكتور.

الهومورك مايحتاج تسلمه بس وضحت فوق فايدته.

الخلاصة: المادة القريد فيها مو سهل يحتاج جهد ووقت .. الدكتور جدا حبيب و متعاون.

الملف:
https://www.dropbox.com/s/zgg29a1ddnea504/Phys203.rar?dl=0

بالتوفيق

 

term 161

السلام عليكم ورحمة الله وبركاته
ماراح ازيد على كلام الاخوان الي فوق, بس الي اقدر اقوله ان المادة سهلة نوعا ما إذا كنت مهتم بالفيزيكس وراح يكون القريد فيها سهل مرة
أما اذا كنت من الي بياخذها عشان يخلص مواد الالكتف فاقولك ارجع فكر مرة ثانية لان المادة مو نفس PHYS 101 & 102 حتى اسئلة اختباراتها مو بس مسائل يمكن المسائل ماتجي ولا 30% من الكورس (مع الدكتور خليل حرابي) أما الباقي فهو Derivation & Prove كثير من الطلاب كانوا متحمسين لها الحين الي بنختبر فاينل بس 8 طلاب.

ف أعيد وأكرر إذا ما عندك ميول واهتمام للفيزيكس لا تنزلها

This is the syllabus for term 161
PHYS203 Syllabus-16-1 | تحميل

This is the grading Criteria
Grades | تحميل